العضوة: 378864 , 6 years ago

سلوى:عفوا مراد:قصدي عن سحر و عبودة،اكيد انتبهتي على عبودة اديش طاير عقلو بسحر تنهدت سلوى:مراد ،خلينا هيك ،ازبط الكن و النا مراد:ليش في شي تاني لازم اعرفو بخصوص سحر و عبودة؟ سلوى:….لا …بس هيك احسن ،و اكيد امك ما رضيانة بكل هالوضع؟ مراد:امي كان صعب عليا تتقبل الشي يلي عرفتو عن ابي عن جديد ،بس مع الوقت بتتقبل و سندس ما ذنبا حتى تكرها ،و عبودة صار عمرو 27 سنة و هو بيقرر مع مين بدو يكفي حياتو حتى لو امي ما كانت موافقة على سحر،اكيد رح يلاقي طريقة و يقنعا فيا بلعت ريقي و فتحت باب ااسيارة سلوى:انشالله خير؛تصبح علىى خير فتت على البيت انا و عم فكر بالكلام يلي قالو مراد، اولادي عمي ما كانو يتركو اي فرصة ليعبرو فيا عن اهتمامن فينا ،حتى عبودة عرف من سحر ايمت عيد ميلادا و اجا فجأة هو و جايبلا كاتو و هدايا و هالشي طيرلا عقلاتا لسحر يلي بلشت حس بمشاعر منا اتجاه عبودة و هالشي كان على حساب مشاعر سندس يلي كانت عم تتحسر على راجي يلي ما اجا لعنا ولا مرة مع اخواتو ،قررت خبرا لسحر شو قلي مراد ،بس نامت سندس فتت لعندا و اشرتلا بايدي لتلحقني و حكتلا كانت اول الشي فرحانة بس نسيانة سلوى:اذا عرف بوضعك ببالك رح ييضل بدو اياكي؟ نزلت راسا سحر:بعمل عملية سلوى:لا طبعا،بدك تبلشي بالغش و الكذب،هاي غلطتك و لازم تتحمليا سحر:بس عبودة انسان منيح كتير ،نعمة من الله و بخاف اخسرو بحال صارحتو او حتى قبلت فيه و بعدين عرف سلوى:انت بكل الاحوال رح تخسريه لهيك خلي الصد من عندك و بدون ما يعرف السبب لانو بجوز تنزلي من نظرو ما منعرف شو بتكون ردة فعلو سحر(تبكي):ليش هيك حظي ليش سلوى:هيدا ما حظك هيدي اعمالك يا سحر

العضوة: 378864 , 6 years ago

سلوى:هيدا ما حظك هيدي اعمالك يا سحر سحر:بس عبودة قلبو طيب و يمكن اذا رحت حكتلو و ترجيتو … سلوى:بدك تروحي تترجيه و تبوسي ايديه و رجليه ليستر عليكي؛الله خلقك بقيمة و كرامة ،خلقك راسك مرفوع ليش لتزلي حالك ،خسرتي عفتك مع اول واحد و هلأ بدك تخسري كرامتك مع التاني، ما حدا بالدنيا مستاهل نخسر حالنا و كرامتنا كرمالو ،نحن الفقرا ما عنا غير الكرامة و ما بتنباع بمال الدنيا ،طب بدي اسألك تبتي لربك و استغفرتيه شي؟؟شو؟ها؟…اكيد لا ،ترجي ربك يغفرلك بدل ما راكضة ورا عبدو طلعت من غرفتي هي و مستحية من حالا وبعد ما اتفقنا انو تبلش تغير معاملتا مع عبودة ، صارت سحر احيانا ما تطلع وقت يجو لعنا و اذا طلعت ما تحكي معو ،عبودة انتبه على هالتغيير و تغيرت ملامح وجهو ،كان يضل قاعد عم يهز برجلو و ساكت حتى مراد هو و طالع من عنا ،وقف شوي على الباب بعد ما سبقوه اخواتو مراد:من اخر مرة حكتلك عن نية عبودة و سحر متغيرة معو ،شو قايلتيلا لاختك ؟ سلوى:قلتلا يلي قلتلي اياه يس هي قلتلي انو بتحسو لعبودة متل اخوا لهيك قلتلا معناها خففي صحبتك معو و اهتمامك اذا ما بتحبيه حتى ما يتأمل الشاب على الفاضي مراد:ايوا،طلعت بتعزو متل اخوا لكن، ولله رح تجننوني انتو ،يعني كنا براجي و هلأ صرنا بالتاني ،طيب بالاخير ما في على القلب سلطان و هي حرة ما فينا نجبرا تحبو و عبودة شاب مرتب الف بنت بتتمناه ،يلا تصبحي على خير

العضوة: 378864 , 6 years ago

بتتمناه ،يلا تصبحي على خير غابو فترة اسبوع عننا و بعدين اجت روئ و مراد لحالن بدون عبودة ،و نحن قاعدين بالسهرة،غلطت روئ بالحكي روئ: رحنا شفتا عروس لعبودة مبارح اطلعت على سحر و شفتا ركزت مع روئ سحر:عبودة بدو يخطب؟ روئ:ايه ،و احذري مين سندس؟ سندس:مين؟ روئ:اختا لهبة يلي معك بالصف ،عم تدرس كيميا سنة تانية و عجبتا لامي كتير سلوى:و انت مراد ايمت الدور عليك ؟مو انت الكبير؟ مراد:ايه انا على مهل شوي،ما مستعجل قامت سحر على غرفتا و انا بقيت قاعدة سلوى:ما صار عمرك فوق ال 30 سنة مراد:ايه بس لسا ما اجت بنت الحلال سلوى:ايه الله يوفقك لحقتا لسحر،فتت و شفتا عم تبكي سلوى:سحر مسحي دموعك و اطلعي ،هلأ بينتبهو سحر:و يعرفو ،ما بقا فارقة معي ،لو كان بحبني عن جد ما راح يخطب بهالسرعة ،كلن كذابين ،قلتلك بالاخير ما بتزوجو الا على ذوق امن ،سلوى انا بدي خبرو لعبودة و وقتا هو يقرر يا بيقبل فيني متل ما انا يا اما يتركني بس عالاقلية بكون حاولت و ما ندمت ليش تركتو يروح لغيري سلوى:و بلكي طنطن الدنيا بقصتك سحر:لا رح حلفو باغلى ما عندو ما يخبر حدا و عبودة ما بيعملا انا واثقة فيه سلوى:دخيل الله انت و ثقتك العمياء سحر:رح جرب ما خسرانة شي ______سحر______ ما نمت بالليلة يلي سمعت فيا انو عبودة عم يخطب ،و حسيت حالي مخنوقة و بدي احكي و هو يصطفل شو بقرر،تاني يوم ما رحت على الجامعة،رحت على محلن ،التقيت بمراد واقف على الباب مراد:اهلين سحر سحر:وينو عبودة مراد:بالمستودع ،هلأ بيجي،تفضلي فتت قعدت مع مراد مراد:كيفكن انتو؟

العضوة: 378864 , 6 years ago

فتت قعدت مع مراد مراد:كيفكن انتو؟ سحر:لحمدلله مراد:ليش ما اجت سلوى معك؟ سحر:ما خبرتا اني جاية اجا عبودة و اول ما شافني قلب وجهووو و تجاهلني و انا قمت وقفت سحر:عبودة بدي احكي معك ـــــــــــــــــــــــــــــــــــــــــــــــــــــــــــــــ الجزء التامن : عبودة:بشو بدك تحكي معي؟سحر:ما هون اكيد مراد:خلص خدا و روحو على شي محل طلعت انا و اياه بالسيارة و رحنا قعدنا بكافتريا و انا طول الطريق عم فكر كيف بدي صيغ كلامي حتى حرجني و قلي شو بدك تحكي سحر:انا بحبك عبودة:متل اخوكي سحر:لا لا ما هيك ،انا فعلا بحبك بس …بس ما بقدر كون الك عبودة:ليش انشالله ؟كمان انت اختي و انا ما عرفان سحر:لا ما هيك ،انا ..ما بدي غشك فيني و يمكن لو سالت عني بالجامعة اكيد رح تعرف ،انا كنت على علاقة مع شاب من قبل ،يعني ما علاقة عابرة عبودة:ما فهمت؟كنت بتحبيه يعني سحر:ايه و اكتر من هيك كمان ،كنا متل المتزوجين رجع لورا و سند ضهرو على الكرسي،حسيتو انصدم كتير و ما علق حرف واحد،حكتلو كل القصة بدون ما كذب عليه ابدا و كان ساكت طول الحكي سحر:هاي انا،انا غلطت كتير و بعرف صعب انت او اي حدا بمحلك يتقبل هالشي بس انا حبيت تتعرف السبب الحقيقي ليش انا تغيرت معك بعد ما عرفت نيتك الصادقة اتجاهي بقي ساكت و ما حكى ولا كلمة بس كانت ملامح وجهو عم تحكي كل شي،حسيت حالي نزلت من نظرو كتير سحر:بس نحن يعني رح نضل اولاد عم يعني و رفقة متل اول مو هيك ؟ عبودة:ايه شربت شوية مي و جلست قعدتي انا و عم ابتسم ،كان بدي غير الحديث فورا سحر: اييه سمعت انك عم تخطب ،الله يتمملك على خير بس كأنك سبقت مراد بهالخطوة؟ عبودة:مراد ما بدو يخطب هلأ سحر:ليش مع انو وضعو جاهز و عمرو منيح عبودة:مراد بحب وحدة و ناطر عليا ليشوف ريق حلو مناحتى يخطي خطوة سحر:ولله!و مين هاي؟ عبودة:رح قلك بس ما بدي حدا يعرف بهالحكي وعد؟ سحر:اكيد وعد

العضوة: 378864 , 6 years ago

سحر:اكيد وعد عبودة:مع انو انتو البنات ما ببتأمنو على سر بس رح احكي ،مراد بحبا لسلوى سحر:اختي؟ عبودة:ايه و بحبا كتير كتير ،فوق عقلك انو يتخيل ،كان يترك الشغل فوق راسنا و يروح يلحقا على شغلا هي و رايحة و هي راجعة بس مراد شاطر كتير بيعرف كيف يتحكم بمشاعرو و يكبتا و ما يفرجيا لحدا و بيعرف كيف يوصل لهدفو منيح و حتى لو اخدت القصة معو سنين ،صبرو صبر جمل سحر:ههههههه عنجد ما عم صدق ،ما مبين عليه ابدا عبودة:و بحبا من زمان كتير ،بس انا كشفتو وقت لحقتو لاعرف وين عم يغط و اضطر يصارحني وقتا و قولي هلأ الكل صار معو خبر انو هو بدو سلوى بس انت ما تجيبي سيرة حتى ما تنزعي كل شي،هو بيعرف منيح ايمت يختار الوقت المناسب ليحكي معا سحر:نيالك يا سلوى ،طلع في حدا بحبك هالقد و هي ما عرفانة عبودة:ايه ،الله يوفقن ،كل واحد ما بياخد الا نصيبو و يلي بيلبقلو سكتت انا و عم اطلع فيه ،بعدين حملت جزداني سحر:طيب،انا بدي روح على الجامعة لانو عندي محاضرة هلأ عبودة:بعدك عم تشوفيه لهيدا الشاب بالجامعة؟ سحر:لا سافر عبودة:اكيد عمل عملتو و سافر سحر:…طيب انا بدي امشي ،يلا سلام طلعت من الكافتريا انا و غاصة و مقهورة من كلمتو الاخيرة لعبودة ،اخدت تكسي و رجعت على البيت ،توقعت انو ياخد وقتو ليفكر و يتقبلني متل ما انا بس تفاجأت وقت سمعت من اختو انو طلبو البنت و عم يفصلو النقد ،بكيت على الساكت ،و ندمت كتير انو حكتلو لانو ما تغير شي ،ما بقا رجعت شفتو ابدا من اخر لقاء النا بس اسمع اخبارو من روئ اانو عم يروح عند خطيبتو يومين بالاسبوع و انو العرس ما مطول و انا كنت عم انحرق من جوا ،بعد 3 شهور اجا مراد يعزمنا على عرس اخوه و معو كرت دعوة ،اعطاها الكرت لسلوى من عن الباب و فاتت لجوا هي و عم تخبيه بين تيابا هي و متلبكة حتى ما شوفو و اعرف،بس سحبتو من ايدا و قرأتو و مزعتو

العضوة: 378864 , 6 years ago

حتى ما شوفو و اعرف،بس سحبتو من ايدا و قرأتو و مزعتو سلوى:سحر خلص كل واحد ما بياخد الا نصيبو ما تزعلي ،بتعاودي تنسيه سحر:يالله ليش هيك حظنا ،نحن التلاتة حظنا قليل ،ما حبينا حدا و طلع بيستاهل الحب سندس:ما رح يفرق عن اخوه ،بعلقو البنت فين و بعدين بيتركو ،سلوى انا ما رح روح عم قلكن من هلأ ما بدي التقي براجي سلوى:ما في حدا مننا رح يروح ______سلوى________ كانت ليلة عرسو لعبودة ليلة مقتة علينا كلنا،سحر منزوية بغرفتا عم تبكي و انا بغرفتي جوا عم ابكي و عم اتذكر اياد يلي نطرني و راح تزوج ،و سندس عم تبكي على راجي،اتصل فيني مراد ليقلي انو رح يمر ياخدنا من البيت على الصالة بس انا اعتذرت منو و تحججت بسندس حتى ما تلتقي براجي و هو تفهم هالشي وبعد يومين رجع اجا هو و روئ يلي قعدت و بلشت تحكي عن العرس و العروس و الاجواء؛سحر فورا قامت و فاتت على غرفتا لانو ما كانت قادرة تسمع اي شي،بس كان الوقت بحل كل شي و اذا ما خلانا ننسى ؛بخلينا نتأقلم مع الواقع و نتقبلو ،قربت امتحانات سندس و انا وقفت دور على شغل و قعدت بالبيت لابقى فوق راس سندس و سمعلا دروسا و سحر كانت عم تجهز لامتحاناتا ،قدمت سندس امتحان البكالوريا و نجحت و سجلت ادب انكليزيي هي و بنت عما و سحر ترفعت على السنة الاخيرة ،رجعت دور على شغل الي حتى لقيت شغل بالبسة نسائية و بلشت داوم فيه بس تاني يوم اجا مراد لحالو المسا لعنا من غير اختو ،حسيتو انو متدايق من ملامح وجهو ،؛بعد ماضيفتو القهوة ،بلش بالحكي مراد:سمعت من روئ انك لقيتي شغل؟ سلوى:ايه و اليوم كان اول يوم بالشغل مراد:المبلغ يلي عم اعطيكي اياه ما عم يكفيكي يعني؟ سلوى:المبلغ يلي عم تعطيني اياه اتفقنا يكون لسندس بما انو اختك ،ما الي و لسحر و حتى سحر بدا تبلش دور على شغل بس تخلص الدورات يلي عم تعملا

العضوة: 378864 , 6 years ago

الدورات يلي عم تعملا مراد:سحر درست جامعة و بدا تتوظف وظيفة محترمة و رغم هيك انا يلي بدي لاقيلا شغل و حطا بمحل منيح بس انت ما بدي اياكي تشتغلي عند العالم ببيع التياب ،حلوة بحقي انا بنت عمي تشتغل عند العالم هيك شغلة سلوى: يعني بتخجل فيني مراد:هلأ هيك فهمتي الحكي؛ما بخجل فيكي انا ما بنهنلي فيكي حدا يتأمر عليكي او مثلا صاحب الشغل يحط عينو عليكي و انا متل اخوكي …يعني قصدي بقدر امنعك من شي حتى حافظ عليكي و على سمعتك سلوى:شو دخل الشغل بالسمعة ،انا عم اشتغل شغل شريف وانا اشتغلت من قبل و ما حدا جاب سيرتي بالعاطل مراد:بعلامة اياد صاحب الشغل يلي طلغتي معو و تغديتي و صار يفوت و يطلع عليكن ايمت ما بدو و بسبب و بدون سبب ،و هو ما بيقربلكن بشي ؛هيدا ما دخلوو بالسمعة انصدمت من كلامو و هو بعدين انتبه شو حكى من عصبيتو،شرب قهوتو دفعة وحدة سلوى:ولله شو عرفك انت ،شو كنت عم تراقبني مراد:هيك شي مثلا سلوى:مراد انت ابن عمي صح بس ما بحقلك تتحكم فيني ،انا غلطت صح غلطت و بعترف بهاللشي بس ما بيعطيك الحق انك تحاسبني و تنظر علي و تقلي شو لازم اعمل مراد:لا بحقلي ،و انا قلت ما في شغل و خلص ؛رجاءا احترمي رغبتي ؛و انت طلباتك اوامر ،قولي شو ناقصك بيحضرلك فورا ،و كرمال الخياطة ،انا موصيلك على ماكيمة خياطة و قمايش مستوردة ،خيطين الك و لاخواتك حتى تتسلي سلوى: انا ما بس كرمال الخياطة انا ما برضى كون عالة على حدا مراد: انت النقاش معك عقيم،على كل حال انا عندي شغل هلأ و مضطر امشي ،و متل ما قلتلك ما في شغل ماشي سلوى:…..

العضوة: 378864 , 6 years ago

سلوى:….. مراد:شو؟ريحيلي بالي بقا،من وقت سمعت انك رجعتي تشتغلي و ما وقف راسي عن التفكير اطلعت فيه و رفعت حواجبي بعدين هزيت راسي سلوى:طيب طيب مراد:يلا سلام ،صحي انت لحالك بالبيت؟ سلوى:لا ،سحر نايمة جوا و سندس بالجامعة لسا مراد:طيب بس تكوني لحالك خلي الباب مقفل و ما تفتحي لحدا قبل ما تطلعي من العين الساحرة و تسالي مين لانو هلأ وقت دقتلك شفتك فتحتيلي فورا حتى بدون ما تقولي مين سلوى:اي بس شفتك من العين مراد:ايوا،شطورة وقف على الباب و انا حاطة ايدي على الباب و بدي سكر مراد:ما بدي تزعلي مني بس انا من غيرتي عليكي يعني عليكن كلكن هيك عم اعمل سلوى:ماشي فهمت عليك مراد:يلا سلام سلوى:الله معك سكرت الباب و انفجرت ضحك عليه،ما بعرف ليش كنت عم اضحك بس كان مراد هالمرة غير كل مرة ،حبيت فيه غيرتو كتير و رحت فيقت سحر و حكتلا كل شي سحر:بربك فيقتيني من النوم كرمال تقليلي هالحكي ،يعني مبينة مراد بحبك يا غبية ،و لسا بتقولي عني انا الغبية رجعت حطت راسا تحت الحرام و كملت نومتا و انا بقيت بمحلي عم فكر بكلام سحر ،معقول مراد بحبني و انا ما منتبهة عليه ،بس ما بحياتي حسيت باي اهتمام منو الي بشكل خاص غير اليوم ،بعد يومين كنت نازلة على السوق انا و سحر و نحن ماشين بالشارع ،لمحت عبودة واقف على باب محل سلوى:سحر ما هداك عبودة سحر:ايه انتبهتلو

العضوة: 378864 , 6 years ago

سحر:ايه انتبهتلو سلوى:شافنا؟ سحر:ايه سلوى:خلينا نمر نسلم ما حلوة سحر:ايه منمر ليش لا قطعنا الشارع على محل عبودة ،اطلع علي نظرة سريعة و رجع ركز بسحر سلوى:كيفك عبودة؟ عبودة:لحمدلله ،كيفكن انتو؟ اطلع بسحر و سحر صارت تطلع فيه ،نكشتا من ايدا سلوى:لحمدلله،هون محلكن ؟ مراد:اهلين ببنات العم فتلت ضهري لورا و شفت مراد واقف ورانا مراد:شفتكن من بعيد ،فوتو لنشربكن قهوة سلوى:انشالله لغير مرة اطلعت بسحر و بعدا مركزة بعبودة مراد:لا ولله ما حلوة هاي اول مرة بتجو و مستحيل تروحو بدون ما نضيفكن شي ،عبودة جبلن لاولاد عمك قهوة …عبودة …هايي ولاك قرب عليه و خبطو على ضهرو مراد: جيب لبنات عمك عبودة:يلا يلا راح عبودة و فتنا انا و سحر ورا مراد،قربت على سحر و همست بادنا سلوى:شبك خليكي هون سحر:شو بعرفني قعدنا على كراسي و رجع عبودة و حامل صنية و ضيفنا قهوة و رجع وقف جنب اخوه سحر:مبروك عبودة عبودة:الله يبارك فيكي مراد:عقبالك يا سحر نفرح فيكي سحر:انشالله و نفرح فيكن انت و سلوى اطلعت بسحر انا و مفتحة عيوني ،شو عم تخبص بالحكي،صار يضحك مراد و فتح ايديه و رفعن لفوق مراد:الله يسمع منك يا رب ههههههه شربنا القهوة بسرعة و طلعنا من المحل مراد:كل ما تمرو من السوق ،مرو علينا نشربكن قهوة سلوى:ايه انشالله شنكلتا لسحر و تابعنا طريقنا سلوى:خلص متزوج ،انسيه بقا سحر:انا ناسيتو ولله و للحظة حسيت انو خلص ما بقا بيعنيلي بشي،بس هلأ رجعت شفتو حسيت حالي رجعت لنقطة الصفر،حرقلي قلبي ،اصلا انا بكرهو كتير سلوى:واضح المسا نحن و قاعدين عم نتفرج عالتلفزيون،اتصل فيني مراد مراد:مسالخير سلوى:مسالنور مراد:شو عم تعملو؟ سلوى:ولاشي قاعدين مراد:طب قومو وقفو سلوى:ما اغلظني مراد:ههههههه ،انا انبسطت كتير اني شفتك اليوم عنا بالمحل؛اشتريتو شي من السوق سلوى:لا كنا عم نتمشى بس مراد:امممم …لحظة شوي سلوى:يلا بعد الموبايل عن دانو و سمعت صوت فتحة الباب و بعدين صوت صراخ و بكا مراد:برجع بحكيكي بعد شوي سلوى:شو في شو صاير عنكن ،مين هيدا يلي عم يصرخ مراد:هاي مرة اخي،بحكيكي بعد شوي سكرت الخط مع مراد و الفتت على سحر سلوى:مدري شوفيه عند بيت عمك ،شكلا مرة عبودة علقانة مع امو لمراد على الساعة 12 بالليل رجع اتصل فيني مراد سلوى:شو يلي صاير عنكن؟

العضوة: 378864 , 6 years ago

سلوى:شو يلي صاير عنكن؟ مراد:عبودة و مرتو علقانين و اجت مرتو هون عم تشتكي منو سلوى:ليش طيب؟ مراد:سحر جنبك؟ سلوى:لا ؛انا بغرفتي و لحالي مراد:سبب المشكلة سحر ،ما اجت اليوم على المحل و شكلو هداك تعكر مزاجو و رايح مخبص مع مرتو بالحكي ،ولله صوتي راح قد ما خانقت و صرخت بس مشي الحال و اجا اخد مرتو و راح سلوى:عني خلص تزوج شو بقا بدو بسحر ،هو يلي ما كان بدو اياها بقا ليش هيك عم يعمل هلأ مراد:نعم!ما فهمت؟مين يلي ما بدو التاني ما اختك يلي قالت ما بتحبو سلوى:ايه ايه ولله انا شكلي نعست و بلشت خربط بالحكي ،يلا بكرا بصطلحو انشالله و انت حكيه لعبودة و قلو يعني ما تخرب حياتك و سحر ما بتحبو الا متل اخوا مراد:شو بدنا فين ؟خلينا بحالنا نحن ،انا و اياكي سلوى:انا و اياك؟ مراد:سلوى ما تغشمي حالك،انت بتعرفي منيح انو انا ..حابك و بدي اياكي سلوى:…. مراد:سكتي ما عندك حكي تردي فيه على كلامي بس اوعى تقليلي بحبك متل اخي سلوى:لا لا ما رح قلك هيك ؛بس انا ما بعرف عنجد شو قلك لانو انا بدي وقت بس مراد:كل الوقت معك ،انا نطرت كتير و مستعد انطر لسا و لو نطرت طول العمر بس اعرف انك رح تكوني الي بالاخير سلوى:بس انا مافيني اعطيك وعد مراد:بس انا فيني اعطيكي وعد انو رح ابقى معك و ناطرك و ما رح مل حتى تحبيني متل ما انا بحبك ما رح قول اكترمن ما انا بحبك لانو قسما بالله ما في حب اكتر من هيك لسا و لو فيه كنت حبيتك لسا ،بحبك من وقت كنت تعملي شعرك جدايل و تركضي بااشارع و ينطو الجدايل معك ،بتتذكري؟ سلوى:ايه مراد: سلوى بكفي انك تقبلي انك تحبيني و انا رح كون رضيان بهالشي و رح اخد خطوة لقدام فورا سلوى:…. مراد:نمتي؟ههههه سلوى:لا هههههه مراد:طيب نامي وفكري منيح بهالحكي ،و انا قلتلك و رح ضل قول اني ناطرك حطيت راسي على المخدة و انا عم فكر بكلام مراد،كان قلبي مرتحلو كتير و كان واضح كتير انو بحبني من كلامو و افعالو ،بس انا كنت خايفة كتير ارجع افتح قلبي مرة تانية و انجرح ……………………..…………….. تتمة الجزء الثامن

العضوة: 378864 , 6 years ago

في كماله بس هيه طويله طولي بالك شوي وانشرها

العضوة: 362570 , 6 years ago

لا تطولي علينا بعدين بموت من الفضول

العضوة: 378864 , 6 years ago

تتمة الجزء الثامن ……………………..…..______سحر_____ سحر:الو …الو …ما تردو سكرت الخط انا و عم نفخ ،كان حاسسني قلبي من جوا انو عبودة هو يلي عم يدقلي من رقم غريب و يسمع صوتي و يسكر ،رجع رن نفس الرقم بعد ربع ساعة ، سحر:الو …الو …بعرف انو انت …ليش عم دقلي بنص الليل و تسمع صوتي و ما تحكي ولا كلمة ؛او يمكن ما عندك كلام لتحكيه مع وحدة متلي،ما خفت على شرفك او كرامتك تنقص انت و عم تتصل فيني ،ما تزوجت البنت للشريفة يلي ما حدا لمسا من قبل،شو بقا بدك فيني او يمكن حابب تتسلى معي شوي ،ما ترد خليك ساكت سكرت الخط بوجهو سحر:كلكن اندال ،الغبية يلي بتحب بقلبا _______بعد سنتين________ سحر:سلوى ..سلوى سلوى:ايه ليكني بالمطبخ سحر:حلوين؟ سلوى:افتلي شوي ،اي حلوين و ما احلاهن ما يكونو حلوين و انا يلي عاملتن سحر:طبعا طبعا بس قصدي مناسبين للمقابلة سلوى:ايه كتير كل الناس بتلبس هيك سحر:طب يلا انا رايحة ،ادعيلي سلوى:يا رب،الله ينولك يلي ببالك و يقدملك الخير سحر:امين،يلا باي طلعت من البيت ،هاي اول مقابلة عمل االي،كنت نتوترة و خايفة انسال اسئلة تلبكني و اتلعثم بالحكي و ما اعرف جاوب ،اخدت تكسي و رحت على الشركة الحوالات و الصرافة المفتتحين جديد و بدن موظفين ،اتصل فيني مراد و انا اول ما واصلة على ااشركة مراد:كيف الهمة؟ سحر:منيحة منيحة مراد:ولله ما شكلا منيحة من صوتك يلي عم يرجف سحر:ههههههه مراد:انت قدا و قدود ،خليكي واثقة بحالك انا مدحت فيكي كتير ما تخجليني قدام الجماعة سحر:هيدا يلي هامك ما خجلك؟ مراد:يلي هاممني انو اخلص منك انت و اختك و خليني انا و هالمعترة نتزوج بقا سحر:ايه لكن قاعدين على قلبك انا و سندس و مثبتين موقعنا ،يلا روح بدي فوت على الشركة مراد:موفقه

العضوة: 378864 , 6 years ago

حطيت موبايلي بجزداني و اخدت نفس عميق و فتت ،سألت عن مكتب الادارة و رحت شفت كذا بنت هنيك ،ناطرين على الدور ليفوتو ،فاتو قبلي و وقت اجا دوري ،طلعت السي في من جزداني و دقيت الباب دقتين و فتت ،شفت الغرفة فاضية ،قعدت على الكرسي انا و عم اطلغ بالغرفة و سامعة صوت حركة من جوا غرفة الداخلية كانو حمام ،طلع بعد شوي شاب هو و حامل بايدو فنجان قهوة ،للوهلة الاولى ما عرفتو او يمكن حسيت انو في شبه بسيط ،بس وقت تغيرت ملامح وجهو و وقف بمحلو و هو عم يطلع فيني ،تأكدت انو هو ،شوفتو مرة تاتية ،فيقت فيني شغلات كتير نيمتا من سنين و كنت عم حاول انساها و تابع حياتي ،حطيب السي في بالجزدان و قمت لاطلع من الغرفة وائل:سحر ..لحظة شوي سحر:لو بعرف انو الشغل الك ما كنت جيت من الاساس فتحت الباب و بدي اطلع،حط ايدو على الباب و سكرو وائل:فوتي شوي ،اذا بتريدي ….عم قلك اذا بتريدي رجعت قعدت على الكرسي و حطيت رجل على رجل انا و عم هز رجلي بعصبية ،قعد على الكرسي قبالي وائل:كيفك؟ سحر:منيحة،لحمدلله وائل:شو اخبارك؟ سحر:تمام تخرجت من سنة و سمعت انو فيى وظيفة شاغرة و جيت شوفا و يا ريت ما جيت وائل:…انا وقت قلي مراد عنك و اعطاني اسمك و كنيتك ،شكيت انو تكوني انت بس استبعدت الموضوع لانو بعرف ما الكن حدا و قلت اكيد تشابه اسماء ……سامحتيني؟ سحر:اكيد لا لا سامحتك و لا سامحت حالي،انت تابعت حياتك و ما همك شي و انا يلي تعذبت كتير و دفعت التمن لحالي وائل:…. سحر:على اساس انك سافرت وائل:اي سافرت و من فترة رجعت و فتحت فرع جديد للشركة سحر:ايه،هالدنيا اديش صغيرة ،من وين بتعرفو لمراد؟ وائل:هي البلد صغيرة و الكل بيعرف بعضو هون ،هو جار خالي بالشغل و وقت رحت كذا مرة لهنيك ،كنت شوفو قاعد عندو و تعرفت عليه هنيك بس ما خطرلي يكون في جنس القرابة بيناتكن ا سحر:ايه كنا ما صحبة معا و من كام سنة رجعت العلاقات وائل:ولله هالشاب ادمي و ما في منو سحر:ايه لحمدلله ،قليل شو شفنا اندال بحياتنا وائل:ما رح علق على كلمتك بس فعلا نحن كنا بفترة مراهقة و طيش سحر:و بهل كام سنة كبرت وائل:ايه كبرت و انت اكيد كبرتي ،المهم هيدا كلو ماضي ،من بكرا فيكي تبلشي الشغل و هلأ بخبرا لايمان تعلمك كيف الشغل … قام و فتل قعد على كرسي المكتب

العضوة: 378864 , 6 years ago

قام و فتل قعد على كرسي المكتب سحر:انا ما بدي اشتغل عندك و شوفك كل يوم،انا ماصدقت ايمت قدرت اتناسى كل الايام يلي قضيتا معك وائل:ما رح تشوفيني كل يوم ،انا ما بجي لهون كل يوم لانو عندي شغل تاني ،لهيك كوني مطمنة و مرتاحة و انا اعطيتو كلمة لمراد ما فيني اتراجع فيا سحر:طيب قمت وقفت وائل:هلأ انت و نازلة من هون بتلاقي ايمان ناطرتك تحت سحر:ماشي مشيت للباب و فتحت الباب و بدي اطلع وائل: فيكي تشكريني على الاقل؟ سحر:شكرا فتحت الباب و طلعت و انا عم سبو بقلبي ،نزلت التقيت بايمان ،قعدت انا و اياها و علمتني الشغل بشكل سريع و قلتلي تاني يوم بلش الدوام من ال ال 9 ونص الصبح،رجعت على البيت و انا ما عارفة حالي مبسوطة انو بلشت شغل او زعلانة لانو شفتو لوائل سلوى:شو قمح الا شعيرة؟ سحر:قمحة مشعرة هههههه سلوى:كيف هاي؟ سحر:طلع الشغل لوائل سلوى:مين وائل سحر:معك حق تنسيه لانو انا نسيتو كمان قعدت حكتلا كل شي لسلوى سلوى:ما تقليلي قبلتي تشتغلي عندو؟ سخر:ايه قبلت ،انا ما بقا سحر تبعيت ايام زمان ،مستحيل ارجع عيد الماضي و انا تربيت منو و هو قلي ما رح تشوفيني ابدا،المهم حكاني مراد قبل ما فوت على الشركة ،ولله زعلت عليه لهل الشاب ،حرام عليكي ولو سلوى:اخ منو ،قلتلو مية مرة ما قبل ما امن عليكي و على اختك سحر:ايه و بلكي نحن ما تزوجنا ب 4ىسنين بتخليه ناطر و العمر عم يمشي فيكي و فيه و مرة عمك بلشت اضوج من هالوضع سلوى:لكن بتزوج و بتركن لحالكن ،كيف بدكن ادبرو حالكن؛بضيعو بلاي و البيت بيمشي سحر:بالعكس منعتمد شوي على حالنا و بعدين شو انت مسافرة ؛و يا ستي كل يوم منداوم عندك و منتغدى ،شو قلتي؟ سلوى:قلت قومي غيري تيابك و تعي دقي التومات ،طابختلك ملوخية سحر:يا سلام