العضوة: 378864 , 6 years ago

سحر:ما بدا اتصل فيا مراد بس ما ردت عليه ،خبط الموبايل بازاز السيارة و شغلا و مشي ،كان طول الطريق ساكت بس وجهو ما بيتفسر من العصبية ،هاي كانت اول مرة بفوت بيتن لبيت عمي ،كان مرتب كتير و حسيت بالارتياح كتير انا و عندن و انو ما بخجل من حالي و بقدر شوف حالي فين ،استقبلتني سندس و اخدتني فرجتني غرفتا المشتركة مع روئ و فرجتني شو شارية تياب و اغراض الا ،كنت عم حكي سلوى رسائل و اطلعا على كل شي جديد اول باول ،كانت مرة عمي مبسوطة و مرتاحة ملامح وجهها على غير العادة بجوز لانو بدا تستقبل هيك عالم ببيتا ، على الساعة 6 و نص،كان مراد و راجي عم يجهزو حالن و يلبسة تيابن بس عبودة بقي بالمحل و ما قرب ابدا و انا كنت متوترة كتير انا و عم حط اللمسات الاخيرة على طلتي،الساعة 7 تمام رن الجرس و فتح مراد الباب و سمعت صوت اهلو لوائل و وائل من برا ،بعد ربع ساعة فات مراد لعندي على غرفة سندس و روئ مراد:يلا اطلعي شو صار معك سحر:يلا يلا وقفت على المراية ،اطلعت على حاالي و زبطت تيابي و بعتلا مسج لسلوى و طلعت سلمت علين ،كان جاي ابوه و امو لوائل معو بس ،كنت طول القعدة عم اتجنب اني اطلع على وائل و كانو ما بعرفو و هاي اول عم شوفو ، قعدت نص ساعة و بعدين اشرلي مراد بعيونو لفوت جوا ،قعدو ساعة و راحو و بعدين فات لعنا مراد مراد:شو ست سحر موافقة ولا بدك وقت بعد لتفكري؟ سحر:ههههههه

العضوة: 378864 , 6 years ago

سحر:ههههههه سندس:ما بدا سؤال ولو ؛شوف وجها اديش منور ،موافقة موافقة مراد: خليكي نامي هون الليلة ،ولله ما الي مروة وصلك سحر:ما بدي اترك سلوى تنام لحالا مراد:عادي ما تاكلي هما ،ما هي عاملة حالا بمية رجال و عم دور على شغل هلأ ،و بدا تشتغل و ما بدا من نيتي ،انت بالاخير بدك تتزوجي و تتركيا،يعني رح تبقى لحالا بالاخير ،خليا تجرب هالشعور الليلة سحر:رح تزعل كتير مراد:معلش تزعل كلو لصالحا بعتلا مسج لسلوى انو انا رح نام الليلة عند بيت عمك ،ما ردت علي ابدا ،بقينا سهرانين انا و سندس و روئ ل 3 بالليل و انضمو على السهرة مراد و راجي و لعبنا شدة ،انا و عم العبىشدة وصلتني مسج من وائل وائل،كنت طالعة حلوة كتير اليوم تلبكت انا و عم اقراها و حسيت انو وجهي سخن و صار احمر ،ما عرف شو رد عليه ،سكرت الموبايل و رجعت تابعت لعب ،تاني يوم ما رحت على شغلي لانو راحت علي نومة و حتى روئ و سندس بقيو نايمين ،فقنا عال 2 ضهر انا تغديت و لبست تيابي و نزلت مع مراد يوصلني على البيت ،نزل معي انا و عم اطلع فيه و اكلة هم ردة فعل سلوى ، اول ما فتت على البيت ،تابعت بوجهي على غرفتي و تركتن لحالن و حطيت ادني على الباب اتنصت ،كانو ساكتين حتى بلش مراد بالحكي مراد:ليش ما جيتي مع سحر ،حلوة كتير بهيك مناسبة ما تكوني انت اختا موجودة سلوى:كتير بهمك على اساس ،ما انت يلي خليتا تنام عنكن مبارح و تتركني نام لحالي ،عم تبعدني عن اخواتي ليش عم تعمل كل هاالشي ،على شو بدك تعاقبني

العضوة: 378864 , 6 years ago

هاالشي ،على شو بدك تعاقبني مراد:ولا على شي ،بس انا عم اتصرف الصح و انت عم يتهيألك انو انا عم عاقبك سلوى:طيب ماشي انا عم يتهيألي ،شو بدك مني هلا؟ مراد:جيت لقلك كذا شغلة ،اولا كرمال ما تعملي فنة المرة الجاية و تحردي و ما تجي لانو لسا في مناسبات كتير لقدام رح تصير و تانيا و ثالثا و رابعا و اخيرا شغل ما في الك سلوى:انا يلي بقرر مراد:لا اسمحيلي فيا هاي ،انا يلي بقرر سلوى:ما على كيفك مراد:على كيفي و نص و اصحي اسمعك يا سلوى عم ترجعي دوري على شغل طلعت من الغرفة وقت عليت اصواتن الاتنين سحر:طولو بالكن وقفت بيناتن انا و عم هدين مراد:حكي اختك فهميا و الا ولله بجن عليا عالاخر سلوى:ها يلا جن لشوف حملا لسلوى من بطنا و دخلا على الغرفة و سكر الباب وراه و انا خفت عليا ،صرت صرخ و خبط على الباب ليفتحو ،ما كان في ولا صوت منن ،خفت يكون ضربا بس بعد. 5 دقايق فتحو و هو عم يلقط نفسو و وجهو احمر و عرقان ،طلع من البيت بسرعة و انا ركضت على سلوى،شفتا نايمة على التخت سحر:سلوى شو عملك ؟ضربك شي ؟سلوى ردي بقيت سلوى متسطحة و ساكتة و صافنة بالحيط سحر:سلوى شبك ،شو صرلك ،ياااا سلوى شفتك عم تنزف دم ،ضربك مراد سلوى:ولاشي ما فيني شي جلست قعدتا على التخت و هي عم تفرك وجها و رقبتا و تمسح تما بكم بلوزتا سحر:ضربك شي؟ سلوى: لا لا قلتلك لا سحر: لكن ليش فوتك لهون ؟ سلوى:…سحر خلص ولو ____سلوى____ فتت على غرفتي و سكرت الباب و سحر رح تموت لتعرف شو يلي صار جوا ،كنت بخجل احكي ،بعد يومين راحو اهلو لوائل ليفصلو النقد و يتفقو على باقي التفاصيل ،اجا راجي اخدنا بدل مراد ،التقيت بسندس هنيك ،اجت سلمت علي هي و خجلانة مني ،اما مراد ما التقيت فيه الا وقت اجو اهلو لوائل و قعد معن و اتفقو على المقدم و المأخر و قرو الفاتحة و اتفقو على موعد العرس فورا بدون حفلة الخطبة،كنت حساةلسحر انو مبسوطة كتير و انو هم كبير انزاح من طريقا و بقيو هي و وائل لحالن بالصالون بعد ما انسحبو اهلو و انا و فتت على غرفة سندس و روئ بس كنت من جوا محرقصة لشوف مراد و بنفس الوقت خجلانة منو و اني حط عيني بعينو بعد يلي صار بينا اخر مرة ،بقينا نمنا هديك الليلة عند بيت عمي و بقيت سحر طول الليل عم تحكيلي عن وائل سحر:و قلي كمان انو ما كان مصدق انو رح ترجع تجمعنا الايام و طول فترة سفرو و انا ما غبت عن بالو ابدا سلوى:يعني كان بحبك ؟

العضوة: 378864 , 6 years ago

سلوى:يعني كان بحبك ؟ سحر:ايه سلوى:بحبك و عمل كل هالشي ،هادا لو ما كان بحبك شو كان عمل سحر:سلوى خلص صفحة و طويناها و ما بحب نتذكرا ،انا غلطت و هو غلط سلوى:ايه لحمدلله على الساعة 1 بالليل انفتح الباب و طل مراد ،انا تلبكت فورا مراد:سهرانين ؟ سندس_روئ_سحر:ايه سحر:فوت لنخسرك كام دق مراد:ما الي مزاج باللعب اليوم اطلع فيني مراد:سلوى تعي شوي ،عايزك سلوى:انا..يلا قمت انا و عم زبط شعري و مريت من جنبو و هو عم يطلع فيني ،سكر الباب و لحقني ،طلعنا قعدنا بالبرندا ،اما قعدت على المرجوحة و هو قعد على الكرسي قبالي سلوى:امك نامت ؟ مراد:ايه من زمان سلوى:اممم مراد: سلوى انا بعتذر كتير ،ما بعرف شو صرلي ،فقدت السيطرة على اعصابي و ما عديت للعشرة قبل ما اعمل هيك بس انت كمان استفزيتيني سلوى:هلأ اي حدا بيستفزك هيك بتكون ردة فعلك؟ مراد:لاااا …ههههههه…اكيد لا سلوى:هههههههه مراد: ردة فعلي عنيفة كتير ،انا عصبي كتير بس انت حالة خاصة سلوى:امممم ،انا نسيت الموضوع بكل الاحوال مراد:بس انا ما نسيت ، خلينا نفرطا بقا ،هاي سندس حلتلك امرا و جبتا تعيش هون و سحر رح زوجلك اياها ،ما بظن ضل شي تاكلي همو سلوى:يعني انت الك ايد بهالشي؟ مراد:طبعا حتى تعرفي انا اديش بحبك و بدي اياكي سلوى:شو عملت؟ مراد:قلتلا لروئ تخبرا لسندس ،يعني هي بالاخير رح تعرف و انا اقترحت على وائل يتزوجا لسحر سلوى:اه؟يعني ما هو يلي حكى لحالو مراد:لا ،انا حسيت انو مهتم فيا و عاجبتو ،نحن شباب و منفهم على بعض بس كأنو في شي مانعو يمكن خجلان مني اني افهمو غلط ،لهيك سهلتلو الطريق و قلتلو شو رايك بسحر … سلوى:ايه و شو قلك؟ مراد: قلي رأيي فيا من اي ناحية ،قلتلو عروس الك صار يضحك و بعدين قلي ابشر و هيك صارت القصة سلوى:امممم طيب انا ا فارطتا من زمان و قلتلك انا جاهزة بس انت يلي زعلت و كبرت الموقف و فهمتو غلط قام وقف اجا قعد جنبي مراد:معناها خلينا نتزوج ،ليش ناطرين لهلأ ابتسمت و نزلت راسي خجلانة ،رفع راسي باصابع ايديه مراد:شو؟ سحر:ايه نمت عند بيت عمي التفتت لورا انا و مراد و شفنا سحر عم تحكي على الموبايل و ما منتبهة علينا بالعتمة ،لفني مراد و زحطنا حالنا انا و اياه نحن و حابسين ضحكتنا و عم نتسمع على سحر

العضوة: 378864 , 6 years ago

اقترحت على وائل يتزوجا لسحر سلوى:اه؟يعني ما هو يلي حكى لحالو مراد:لا ،انا حسيت انو مهتم فيا و عاجبتو ،نحن شباب و منفهم على بعض بس كأنو في شي مانعو يمكن خجلان مني اني افهمو غلط ،لهيك سهلتلو الطريق و قلتلو شو رايك بسحر … سلوى:ايه و شو قلك؟ مراد: قلي رأيي فيا من اي ناحية ،قلتلو عروس الك صار يضحك و بعدين قلي ابشر و هيك صارت القصة سلوى:امممم طيب انا ا فارطتا من زمان و قلتلك انا جاهزة بس انت يلي زعلت و كبرت الموقف و فهمتو غلط قام وقف اجا قعد جنبي مراد:معناها خلينا نتزوج ،ليش ناطرين لهلأ ابتسمت و نزلت راسي خجلانة ،رفع راسي باصابع ايديه مراد:شو؟ سحر:ايه نمت عند بيت عمي التفتت لورا انا و مراد و شفنا سحر عم تحكي على الموبايل و ما منتبهة علينا بالعتمة ،لفني مراد و زحطنا حالنا انا و اياه نحن و حابسين ضحكتنا و عم نتسمع على سحر سحر:ههههههه من وين بتجيب هالحكي ،و انا كمان …و انا بحبك و بعشقك ، …ايه …يوم عرس اختك بيان يالله شو كنت طالع حلو بتيابك ،الاسود بيلبقلك كتير …..يييه انتو هون اطلعت فينا انا و مراد و نحن انفجرنا ضحك سحر:ليك على الخباثة قاعدين و ساكتين و عم يتسمعو على حكيي معك مراد:ما كنا عم نتسمع و بعدين قاعدة عم تحكيه بعد نص الليل ،و اذا رفيقي يعني بياخد وجه و يكتر ،يلا سكري و روحي نامي سحر:سمعت رفيقك شو عم يحكي …..بقلك وائل ما لك دخل و التهي بحالك

العضوة: 378864 , 6 years ago

التهي بحالك مراد:طب روحي احكي معو و اتغزلي فيه بمطرح تاني سحر:اي قول هيك من الاول طلعت سحر من البرندا و رجعنا قعدنا مراد:شو كنا عم نحكي سلوى :كنت عم تقلي ايمت بدنا نتزوج؟ مراد:ايه و انت شو قلتيلي ؟ سلوى:قلتلك ايمت ما بدك بس انا برايي ننطر لتتزوج سحر مراد: اوووف كمان بدنا ننطر ،ولله مليت من النطرة تزوجت سحر وائل و لحسن الحظ ما شفنا اياد بالعرس بس كانت مرتو و امو موجودين و انا تزوجت مراد بعد عرس سحر بشهر و حملنا انا و اياها مع بعض ،اما سندس بقيت عايشة عندي بيت عما و كملت دراستا و انخطبت لصديق وائل ،ما كنت بقدر انكر اني انا حبيت اياد و ما توقعت حب حدا بعدو او حب حدا متل ما حبيتو الو بس مراد هو يلي علمني كيف بكون الحب الحقيقي يلي بخليك توقف بوجه كل العالم و تغير الظروف و تبقى عم تحب و تنطر بدون ما تمل و ندمت كتير على السنتين يلي كنت فين عم اطحن الطحين و احرق الرماد و عم احرم حاالي من نعمة وجود هيك انسان بحياتي . أنتهت #

العضوة: 378864 , 6 years ago

اتمنى تعجبكم اكتبولي في كومنت أحبكم 💜 بسمة أمل 💜

العضوة: 303364 , 6 years ago

بجنن تسلمين اختي

العضوة: 243838 , 6 years ago

بتجنبن القصة

العضوة: 378864 , 6 years ago

@user-385078 هي قريتها

العضوة: 378864 , 6 years ago

@user-401140 هي جديده

العضوة: 166788 , 6 years ago

@user-378864 حلوة قصة كتير طويله يعطيك عافيه يارب طمنينا عنك إن شاء لله صرتي احسن

العضوة: 378864 , 6 years ago

الحمدلله منيحه أختي بس لسه ما قمت ع شغل البيت😅

العضوة: 378864 , 6 years ago

@user-166788 تعي نشرت 2 بدي حماس اليوم بنات نايمين😅

العضوة: 166788 , 6 years ago

الله يقويكي