#قصص_من_الواقع #الحب_المستحيل #بقلمي_احلام مؤلم جدا.. ان تحب شخص ليس من حقك ان تحبه… صعب جدا شعور الحب الغير متبادل.. صعب جدا الحب المستحيل خلصت شغلي واطلعت من المدرسه ورحت على عياده الاسنان لانو طول الليل ما نيمني وجع اسناني… وحتى بالمدرسه اليوم ما عرفت شو اعطيت حصص للطالبات… وفتت على العياده سجلت اسمي وقعدت استنى دوري.. كان في ست كبيره بالعمر كلها هيبه ووقار.. ما شفتها غير قامت من مكانها واجت قعدت جنبي.. وبلش الحوار الاتي :: الست: مرحبا بنتي.. معلش أسألك سؤال اذا ما فيها احراج؟ انا: اتفضلي خالتو.. لا ليش ليكون في احراج الست: بنتي شو اسمك؟ وانتي متجوزه؟ انا: اسمي حنان.. ولا خالتو انا مش متزوجه الست: طيب بنتي انتي بتدرسي ولا بتشتغلي؟ انا: خالتو انتي حكيتي سؤال وعم تسالي كتير اساله لشو؟ وشو بدك مني؟ الست: بصراحه يا بنتي انتي عجبتيني وانا حابه اخطبك لابني الاخير واذا ما عندك مانع تعطيني عنوان بيتكم او رقم البيت… انا: انا اسفه خالتو بس ما بقدر اعطيكي العنوان او الرقم هيك بخجل.. وهون نادت السكرتيره على اسمي لحتى فوت على العياده لانو اجى دوري استاذنت من الست وفتت على العياده.. ولما خلصت واطلعت ما لقيتها… حكيت لحالي واضح انها كانت بتتسلى وزهقانه وكانت حابه بس تدردش.. روحت على البيت ويا دوب دخلت الا جرس الباب برن.. حكيت لاخي الصغير يفتح الباب وانا دخلت لابدل ملابسي….