‬‏الجزء الأول: بأحد المستشفيات: :شيلي جهاز التنفس عن امي و بعطيكي قد ما بدك مصاري الممرضة:بس يا مدام هيك .... :عم قلك قد ما بدك مصاري بيقطع كلامهن دخول الدكتور ليكشف خطتها و شو كانت ناويي تعمل بأمها..يا ترى شو يلي خلاها تعمل هيك و تقتل امها بأيدها ......................................................................... فاقت و هي كالعادة عم تنط من غرفة لغرفة لتصحي اهلها خديجة:لك تركيهون شو بدك فيهن خليهن نايمين دهب:بالله لا والله لازم يفيقوا معي خصوصاً بابا سلطان:يا لطيف ما بتسكتي طول الوقت بضلك تحكي دهب:و انت شو مدايقك سلطان باشا و اتكتفت قدامه و هزت برجلها سلطان:بس لو ما كنتي صغيرة دهب:شو كنت عملت يعني لحقها سلطان ليمسكها بس هربت لورا ابوها سالم:اركوز ولا شو دخلك بأختك سلطان:الله يسامحك يا ابو سلطان بتبديها عني و انا بكرك سالم:اي انزيل فطير احسن ما ربيك هلق دهب كانت واقفة و فارطة ضحك ع اخوها نزلت مع ابوها ع السفرة سالم:خديجة فيقي سيف و محمد و احمد خديجة:بتؤمر سالم بيك و المدام سالم:سعاد هلق بتلحقني ____________________ بعد ما صحيوا كلهن التفوا ع السفرة و اعدوا مع بعض ليبلش يومهن سالم:يلا سموا بالله الجميع:بسم الله سعاد:شو دهب طالعة ع الجامعة؟ دهب:اي والله يا ماما سعاد:اووووووف انتي و هالجامعة ايمت بدنا نخلص من همك دهب:ماما ليش شبها الجامعة سعاد:مالها طعمة عدي بالبيت لحسن دهب:انتي بتعرفي اني بحب الدراسة ماما سعاد:خلص..خلص اسكتي لعما كلمة و حكيناها نزلت دهب راسها و دمعت عيونها و حست ع حدا عم يمسحلها ع ضهرها كان اخوها سلطان سلطان:كلي لوصلك ع الجامعة دهب:بتؤمر سعاد:شو حبيبي محمد كيف الجامعة محمد:ماشي الحال سعاد:تؤبر قلبي يا روح امك ارفعلي راسي ها محمد:انشالله سعاد:و انتي احمد احمد:بطلوني مشان الله سعاد:لا امي دروس الدراسة منيحة احمد:انشالله اطلعت ع سيف يلي كان عم ياكل و هوي ساكت و ما بيحكي شي سعاد:كيفك شغلك سيف:قصدك اشغالي سعاد:تؤبر قلبي اشغالك يا روح امك سيف:بخير سعاد:اي الحمدالله #يتبع