الاسم :منى .. العمر 16 سنة التحصل الدراسي سادس ابتدائي .. الطول 163 والوزن 60 .. الحالة الاجتماعية :موؤدة (المكان الوحيد اللي وصلت لالو هو هون بين قلم واوراق الكاتبة جمايكا ..يمكن هي الشخص الوحيد اللي ممكن يسرد معاناتي بين سطور ,, قبل لابلش قصتي طلبت من الكاتبة تسأل عن اعمار متابعينها وطلبت انو تقول مابدها صبايا تحت 15 يتابعوها .. بس انا كنت بعرف انو طلبي هاد هو لفت انظار للصبايا بهاد العمر لانهن يتابعو قصتي.. لانهن الفئة الاكبر الي ممكن يتعرضوا للي تعرضت لالو ويمروا فيه .. انا بحاجة كل ام وكل اخت كبيرة تعطي اختها هاي القصة لتقراها مو غلط ولا اللي رح قولو عيب ارجوكن لكل فتاة مراهقة اقرأي قصتي ...بلشت قصتي يوم اللي بلشت علامات المراهقة تظهر عندي .. ,,كنت مبسوطة اني كبرت وبلش صدري يظهر وصوتي ينعم ..بس اللي ماكان مخليني مبسوطة التغير المفاجاة الي صار او الشي المخيف اللي صار معي كطفلة ..