العضوة: 428676 , منذ 3 سنوات

أمين الله يسلمك

العضوة: 799516 , منذ 3 سنوات

@user-790128 @user-724645

العضوة: 786580 , منذ 3 سنوات

حسبي الله ونعم الوكيل الله يصبر البك يارب

العضوة: 428676 , منذ 3 سنوات

امين الحين شايله هم الولاده بطلق الصناعي

العضوة: 799516 , منذ 3 سنوات

لاحول ولاقوة الا بالله

العضوة: 786580 , منذ 3 سنوات

بعين الله هاد اول ولد ولا عندك ولاد

العضوة: 428676 , منذ 3 سنوات

لا الحمدالله عندي بنتي عمرها ٣ سنوات ولد عمره ٨ شهور

العضوة: 799516 , منذ 3 سنوات

تخيلو مواصفاتي الحلوة مع فستان احمر ناعم وطقم اكسسوار الماس .. اول مادخلت ع الغرفة وبإيدي القهوة .. كأنن شافو قدامن شي غريب .. نظرن ثبت عليي .. وحجر عينن وقف ماعد اتحرك .. اعدت و انا خجلانة ومبتسمة وكلي نعومة ، طبعاً انا ضامنة 1000% انو رح يطير عقلن فيني ،، للصراحة محمود كان اقل من عادي او بالإحرى مو حلو .. شب طويل زيادة وسمين ، شعرو كثيف اسود و حواجبو كتير بشعين وسماك .. و اهم شي انو اكبر مني بـ 12 سنة .. كل هالصفات كانت بالنسبة الي و لأهلي عادي .. اهلي شافو فيه الشب الواعي يلي مارح يحيجني لشي و رح يعزني ويعيشني ملكة .. و انا مشيت ع رأي اهلي .. واحد متلو صاحب اموال وشركات اكيد رح كون معوو مدام مهمة ومن طبقة راقية وما احتاج شي .. الكل كان موافق ، الا اخي علي .. علي ماكان بدو هالجوازة تتم لان شايف في فرق من الارض للسما بيني وبينو .. علي : يا ويساء انتي فهمانة شو يعني تتزوجي واحد مو حلو ومو مناسبك ، فهمانة شو يعني تتزوجي واحد بيكبرك ب 12 سنة .. Telegram@rwayate ويساء : هههه لك شبك علي ، انا بعرف مصلحتي .. محمود احسن واحد بيجيني مادياتو بتكفي .. علي : مادياتو !! اهااا .. شكلو انعما ع قلبك انتي و اهلك بسبب المصاري .. قام من الغرفة وطلع لبرا ، طبعاً كان رضاه آخر همي ، لاني مقتنعة بخطيبي كتير و التعبير الانسب اني مقتنعة بماديات خطيبي كتير .. بعد شهر صار العرس ، مافي داعي احكي كيف كنت طالعة .. فتت و انا مو شايفة حدا ادامي .. كأن كل الناس " حشرات " و انا ملكة .. اسفة ع المصطلح .. بس مافي ولابنت عليها الضو متلي .. ----------

العضوة: 786580 , منذ 3 سنوات

الله يحميلك ياهن يارب

العضوة: 799516 , منذ 3 سنوات

بعد ماخلص العرس ورحت ع بيتي .. كان بيت بجنن بيشبه القصور ... و انا زادت عندي نسبة شوفة الحال والغرور 180 درجة .. كل همي لبسي وماكياجي وظهوري ادام المجتمع و مجاكرتي للنسوان .. بعد مرور شهر ع زواجي من محمود .. بلشت اكتشف شغلات عجيبة غريبة .. محمود كان ينام برات البيت كتير ويتركني لحالي ومع هاد طنش وقول اكيد عندو شغل .. خليه يجيب مصاري ، معلش .. ومن هالحكي بس بعدين زاد عن حدو صار بدال مايغيب يوم ، يغيب تنين وتلاتة و اوقات اسبوع ومايسأل .. ويساء : فيني افهم ليش عم تنام كتير برات البيت محمود : عندي شغل ويساء : حبيبي عندك شغل مااختلفنا ، بس يعني و انا لمين عم تتركني لحالي بهيك بيت وبتغيب ومابتسأل .. محمود : خلص اليوم باخدك لعند اهلك مشان ماتضلي لحالك ويساء : مممم لعند اهلي / طيب .. لبست وضبيت غراضي ورحت لعند اهلي .. فرحو كتير .. محمود تركني يومين عندن بعدين اجا اخدني .. وكان جايبلي معو خاتم دهب بجنن .. Telegram@rwayate وصار هالفصل يتكرر كل يومين او تلاتة ، يبعتني لعند اهلي ويغيب و انا ما اسأل ، المهم عم يبعتلي مصاري تكفيني وزيادة .. بس بعد فترة اهلي بلشو يتدايقو .. وبابا صار يسمع حكي ، انو ليش جوزك عم يتركك عنا هالفترة وماعم يسأل عنك ، شوالقصة .. حتى اخواتي الشباب بلشو يضوجو منو .. وكل مايتصلو فيه يلاقو موبايلو مغلق .. هييييك ، لحتى اجا لحالو اخدني .. وبرر لبابا بشوية حجج : والله ياعمو شغل وسفر وماعم افضا خليا لربك .. بابا : الله يرزقك يا ابني محمود : بتوصينا بشي بابا : سلامتك .. رحت عبيتي رجعت رتبت غراضي وضبيتن كان محمود عامللي مفاجئة بتجنن وجايبلي طقم الماس .. فرحت كتير ..

العضوة: 799516 , منذ 3 سنوات

بس مالحقت رتب حالي الا وتاني يوم رد خلاني ضب غراضي و عبيت اهلي قال هو مسافر .. غاب اول اسبوع وكان يحاكيني كل يوم ع اساس بنهاية الاسيرجع .. مر الاسبوع الاول ، و التاني ومحمود ماعد بيين لا ع الواقع ولا عالموبايل .. ابي و اخواتي جنو ومخلو عليه ولا كلمة وبلأخص اخي علي : شووو زاتتا عنا ، نحنا جوزناها لتتركن مو لكل يوم والتاني يرجعا لهون ولك ياريتو بيسأب ، لااا مابيتنازل يتصل ، والله لربيه بس يرجع ابي : طول بالك علي ، حسابو عسير عندي ، بنات ابعالم مو لعبة هوون انا فار دمي وجنيت ، خفت يكون متجوز عليي ، اي والله والله بروح كل العز والمال للتانية .. حملت حالي ورحت لعند اهلو ولما حكيت القصة لحماتي وعمي .. وهوون تغيير لونن وكأني كبيت عليهن مي باردة .. Telegram@rwayate اتطلعو ببعض ، وعمي همس بأدن حماتي ، الله يجيرنا رجعنا .. مافهمت شو قصدو ولا دققت بالكلام .. عمي : يلله عمي لاتاكلي هم نشالله هلأ بحاكيه وبصير خير ، تعي لوصلك عبيت اهلك .. تاني يوم اجا محمود ياخدني من عند اهلي .. و وشو كان عم ينقط سم .. وقت وصلنا عالبيت ، عصب عليي لان خبرت اهلو وصار يضربني ،!! .. رحت لعند اهلي و انا مزرقة من كتر الضرب .. اخواتي جن جنونهن ، و اجو عبيتي ركد .. بدن يخلصو عليه بس كان اسرع منهن ومالقوه .. بقيت عن اهلي اسبوع من بعدا وقررت خلص اتطلق .. بس بهالوقت هاد عرفت اني حامل وصرلي شهر و انا ماكنت عرفانة .. هوون اهلي هديت نارن .. صار في طفل بالموضوع .. حكينا مع بيت حمايي وفرحو كتير ، خبرو محمود و اجو هن وياه ..

العضوة: 799516 , منذ 3 سنوات

اعتذر مني ومن اهلي و حلف انو ماعد يعيدا بحياتو .. Telegram@rwayate اخدني ع البيت وبلش يدللني ويدير بالو عليي وماعد طلع برات البيت ابداً ، انا كنت فرحانة كتير .. بيت حمايي كل يوم يجيبولي لنص بيتي اكل مشكل وشو ما اطلب يكون عندي .. ضليت هيك لحد ماصرت بالشهر التامن من حملي .. اخدني لعند اهلي ورجع لعادتو القديمة بس هالمرة غاب شهر ونص بدون مايجي يتطمن ع مرتو يلي قربت ولادتا ، اكتر من اتصال مايتصل كان شعوري قدام اهلي كتير شعور مخجل وصعب .. كل ما اتطلع بعيون اخواتي شوف الخيبة بعيونن .. الممرضة : مبروووك ، بنوتة متل القمر بابا : الحمدلله يارب .. انشالله يربا بعزكن ودلالكن اخي ابو محمود عمي : الله يسلمك .. سمير : دخيل الله وينا اختي والبنوتة .. الممرضة : حضرتك زوجا ؟ سمير : لا انا اخوها .. الممرضة : ايوا ، طيب زوجا وين .. الكل فاتو بالحيط وكزبو وقالولا مسافر .. تخرجت من المشفى ومحمود لسا ماخبر اني ولدت .. بعد شوي مابلاقي الا محمود متل الشبح طب عليي .. الحمدلله ع سلامتك .. ويساء : لا ولوو بكير ، لسا ماولدت بكير Telegram@rwayate محمود : ايه كان عندي شغل ويساء : موت و اعرف شو هالشغل هاد .. - و اخيراً محمود اعلن الافراج عني و اخدني ع بيتي ، اعدت انا والقمر بنتي يلي سميتا

العضوة: 799516 , منذ 3 سنوات

" نجمة " .. فعلاً كانت نجمة نورت حياتي .. اسم ع مسمى .. عشت ببيتي ايام طويلة ومحمود متل ماهو ماتغيير .. بيوم من الايام وكانت لأول مرة بفكر فيها افتش موبايلو لقيت ارقام غريبة كتير وبيناتن كان في اسم - ليلي ديسكو ، فوفي بيت

العضوة: 786580 , منذ 3 سنوات

كملي

العضوة: 799516 , منذ 3 سنوات

ميمي بار .. و اسماء بنات بلاوي .. ماقدرت احبس دمعتي !! بكيت ع الخيانة .. بجمالي مابصحلك ولما صحلك خنت هالجمال .. لييش !! .. ستنيتو لطلع من الحمام وحاكيتو .. عصبت وجنيت ،ماضل فيني وعي ، كسرت كل الئزاز وجنوني يلي صابني كان مستعد يخليني اقتلو .. هالمرة طلعت مني مو منو ( خدني ع بيت اهلي وهنيك بتوصل ورقة طلاقي ) محمود : ع بيت اهلك باخدك بس ورقة طلاقك لاتحلمي فيا يا حلوة .. انجبرت ضل بالبيت بس كرمال حكي العالم و خوفي من نظرات اهلي وحكيهن .. بقيت بالبيت كرمال نجمتي يلي بشوف برائة الدنيا بعيونا السماويات .. بنام وبفيق وبدعي ربي يحميلي هالملاك الصغير .. مستعدة اتخلى عن المال يلي عما على قلبي وضحي بجمالي يلي كره الناس فيني لان كان سبب غروري .. مستعدة ضحي بأي شي ولا اخسر ضفر من اضافر نجمة .. اجا محمود لمسا : ويساء ، نجمة تعووو ويساء : شو .. محمود : خدي الغراض من ايدي هدول شوية اواعي وهدايا جبتن معي من بيروت الك ولنجمة .. ويساء : لنجمة يسلمو ايديك بس انا مابدي منك شي .. محمود : ويساء !! ويساء : كأنك معصب .. محمود : اي كرهان حالي ويساء : لك اييي حتى حالك صعبان عليه يتحملك -------------