العضوة: 378864 , منذ 4 سنوات

مال_الشام  #انقلب_السحر_على_الساحر  قبل الأخير  -6-  وصلنا و كان ع الباب واقف باسل و جنبو وحده لابسه فستان ابيض و صوت ميس جوا عم تصرخ…  طلعت ميس من جوا و صارت تقلو لك انا انا بتتجوز علي  انا فعلا اخدت درس بحياتي و ما كان بيعنيني شي بس مابعرف ليش اجتني الضحكة يمكن لان حييت اديش هالمشهد مألوف بالنسبه الي  ما عدت مسكت حالي و صرت اضحك اضحك و مرت عمي تقرصني و تقلي اسكتي  جنت ميس و قالتلي شمتااااانه؟؟  قلتلها لك هههههههه لا ههههههه لا والله هههههههه  بس يعني هههههههه  لسه بدي برر موقفي و التفتت العروس الي مع باسل علي و ضحكتي كلها راحت و انسحب لون وشي!!  غفران: هاد انتي؟  عهد: اهلا غفران  غفران: كيف هيك؟!!!  عهد: طيب يعني ما في مبروك؟!  سحبت حالي و نزلت و انا مصدومة مو مستوعبه!!  حماتي نزلت ميس و عم تهدي فيها و انا عم فكر كيف هيك صار!! و ميس اتصلت باهلها و راحت لعندن بعد 3 ايام بتتصل فيني ميس و بتطلب مني ادخل واسطه لتضل عند جوزها!! انا بالبدايه ما فهمت منيح بس تصرفات باسل اكدتلي انو مو طبيعي بنوووووب  و خطرلي انها عهد كزبت علي و بعدا بتتعامل بالدجل و السحر  زاد خوفي على ولادي… و اكدت لعهد انو انا مبسوطتلها و ما عهدي اي نيه ارجع لباسل…  اتصلت باخي و ترجيتو يستعجل باوراقي لان صرت عايشه على اعصابي و بالفعل بوقت قصير دفع مبلغ كبيرو مشالي اموري 

العضوة: 378864 , منذ 4 سنوات

كبيرو مشالي اموري  ضبيت اغراضي و بدون ما اتطلع وراي طلعت من هالبيت و اخدت ولادي الي باسل ناسيهن اصلا!!  وصلنا و استقبلنا اخي و مرتو احلى استقبال و سامحني من كل قلبو و دللو ولادي و اعتنو فيهن لوقت ما اجاني خبر انو باسل زت امو بمأوى العجزة و ميس صارت خدامه الوو لمرتو و حبلت مرتين و طرحت بسبب الضرب و مو راضي يطلقها لتتنازل عن المتأخرر  انحرق قلبي على ام باسل…. و تعاطفت مع ميس مابعرف ليش  و خطرتلي فكرة  كنت كتير خايفه نفذها بس هاد بضلو ابو ولادي و امو كانت حبابه معي اخر فترة  قعدت معي اخي و فهمتو الوضع و شو في ببالي و هو شجعني على فكرتي كتير وقلي توكلي على الله  و على هالاساس مسكت الموبايل و اتصلت

العضوة: 378864 , منذ 4 سنوات

مال_الشام #انقلب_السحر_على_الساحر  -7- و الأخير  غفران: الو السلام عليكم  -----: و عليكم السلام ورحمة الله وبركاته تفضلي؟  غفران: مركز الامن؟  ------ مزبوط بس هاد الرقم خارجي ليس متصله لهون؟  و بلشت احكيلو عن الدجالة و اعطيتو موقعها و مواصفاتها و اديش بتنصب ع العالم و بتخرب بيوووت لوقت ما حسيتو رح يضل وراهت ليحكمها اعدام  بعدين قلتلو انا طلعت من البلد لاخلص من شرها هي و الي بتساعدها و بتتعامل معها و اعطيتو اسم عهد و اكدت عليه ما يعطي اي معلومات عني و يعتبرو بلاغ سري و انا رح انتظر التفاصيل…  طلعو مداهمة ع موقعها للدجالة الي رحت عليها و فاتو فتشو البيت لقو مصاري كتير و لقو مخدرات كانت تعطيهن للنسوتن ع اساس سحر و تسبب ادمان لازواجهن و يصيرو يضلو يترجوهن ليعطوهن منو و النسوان مفكرين هاد مفعول السحر و ما عندهن ادراك شو عملو بازواجهن!!  ولقو اعضاء بشريه كانت تستخدمهن لخلطاتها متل كميات من الدم مفرزة و اعضاء تانيه و بهيك انحبست بتلات تهم  نصب و احتيال مخدرات  اشتباه بتجارة الاعضاء و الخطف

العضوة: 378864 , منذ 4 سنوات

اشتباه بتجارة الاعضاء و الخطف و كانت شبكة واسعه لموهن كلهن و رظوهن بالسجن بنفس التهمة و من ضمن الي انحبسو عهد انا بس سمعت كل هالحكي كان رح يوقف قلبي و رحت ع الحرم و صليت و استغفرت و شكرت ربي الف مره انو نبهني قبل ما فوت بهل طريق الوسخ  بس حالة باسل ضلت سيئة و ضل يركض ورا عهد و يبكي بدو ياها و يبدو كانت معلقتو بالمخدرات… اتصلت بميس و قلتلها رح فهمك شو تعملي بشرط تروحي تجيبي ام باسل معززة مكرمة لبيتها… و هاد الي صار  بهي الفترة اخوها لمرت اخي شافني اكتر من مره هو زوجتو متوفيه و اكبر مني ب 10 سنين و طلبني للزواج كنت كتير متردده بس هو كان كامل مكمل اخلاق و دين و فهم و اكابريه و بس بدو رضاي و وعدني ولادي يتكرمو و يتعززو وافقت و مع الايام صارت بيناتنا علاقه اكبر من الحب بكتيررررر  لقيت فيه كل شي كنت احلم فيه  الاحترام و الرحمة و الموده و كان احن ع ولادي مني  ع خبر حملي قررنا ننزل ع البلد و نشتري بيت النا هنيك و ابننا يجي هنيك… نزلنا. بالفعل و اخدنا بيت اطلالتو بتطير العقل  قررنا يكون بضيعه خضرا و هاديه و اهلها طيبين و جوزي عمل الي بدي ياه  استأذنتو روح زور ام باسل و اتطمن عليها… و سمحلي بس قلي اتركي الاولاد بخاف ياخدهن منك 

العضوة: 378864 , منذ 4 سنوات

س قلي اتركي الاولاد بخاف ياخدهن منك  رحت وففت قدام البيت و صرت اتأملوو اتزكز  مر شريط حياتي قدام عيوني متل لمح البصر  كيف كنت صغيرة و حبيت باسل و اديه تعزبنا لاخدنا بعض و كنا عايشين بجنه لوقت ما فاتت ميس بيناتنا كيف صار يذلني و تغير علي و انا فكر حالي مقصرة لوقت ما واجهني بخبر زواجو  غريبه هالحياة  رنيت الجرس….  فتحتلي وحده تيابها مبهدله و هيئتها مزرية و شعرها منكوس و مبين علىها الشقى و التعتير  انا صفنت فيها و هي صفنت فيني…  لا انا عرفتا و لا هي عرفتني!!  ميس: غفران؟  غفران: لك هاد انتتتتتيييي؟؟؟ كيييفك شو اخبارك  ميس: الحمدلله منشكر الله  غفران: وين ام باسل بدي سلم عليها و مستعجله بدي روح  ميس: جوا فوتي ما بتقدر تطلع  فتت و قعدنا شوي و فهمت انو باسل لسه بيتعالج بالمصحى لان بيهرب و بيرجعوه ف طولت مدت علاجو و عهد انحكمت سبع سنين سجن..  طلعت من البيت و نزلت دمعتي…  ع كل حدا بهل بيت…  و ع كل تفاصيل حكايتي  الشي المميز الي منحني ياه رب العالمين انو كان جزاء كل شخص فوري و دنيوي و الله اعلم بعقابنا بالاخرة…  #تمت

العضوة: 378864 , منذ 4 سنوات

انتهت😊يارب تعجبكم

العضوة: 446278 , منذ 4 سنوات

قصه واقعيه او من الخيال

العضوة: 446278 , منذ 4 سنوات

هذه القصه واقعيه او من وحى الخيال

العضوة: 378864 , منذ 4 سنوات

واقعيه بس كاتبة ضافت شوي تعديلات

العضوة: 446278 , منذ 4 سنوات

اي قصه لازم الواحد يتعلم منها عبر وانا تعلمت منها : 1_ان الي يتزوج على مرته مره ممكن يتزوج كمان أكثر من مره وانسان غير قنوع غير محب لبيته وأسرته. 2_ان الانسان يترك الانتقام لله فهو عادل ومنصف وان لا يجري وراء شهوات نفسه الشيطانيه لمجرد الانتقام او الانتصار وإنما يوكل الله وسينصفه لان الله اخذ عهدا على نفسه ان ينصر المظلوم ولو بعد حين. 3_ان الاهل يكونو على حق وهم ادرى بمصالح أبنائهم ورؤيتهم للامور بمنظور شامل وليس محدود فكان مفروض ان لاتتحدى اهلها لمجرد حب اعمى ومن طرف واحد لانه ولو استمر سينتهي وهذا ماحصل وتزوجت بشخص اخر يبادلها المشاعر. 3_التصرف برويه وعقلانيه وان تستشير احد المقربين المحبين لها كيف تتصرف. 4_ان صديقتها او من كانت تعتقد انها صديقتها دمرت بيتها وخربته وكما يقول المثل احذر من عدوك مره (ميس) ومن صديقك الف مره.. لان العدو ان تعرف انه يريد بك شر لكن الصديق قد يبطن لك الشر ويعرف اسرارك ويستطيع ان يدمرك بها. 4_عدم نكران المعروف والشخص الذى يقف بظروفى الصعبه مفروض ان اجازيه بالإحسان والشكر وهذا مافعلته غفران عندما ذهبت تطمان على حماتها او من كانت حماتها ولم تنكر المعروف بينهم. 5-اخيرا السماح ونسيان الماضي وطيه

العضوة: 445910 , منذ 4 سنوات

لا لسا بس مافي اشعارات ليش؟

العضوة: 282313 , منذ 4 سنوات

تخببل 😭💔💋💋

العضوة: 395319 , منذ 4 سنوات

يارب اعنا كل انسان بي شر واسعدني مع زوجي واطفالي.......

العضوة: 304218 , منذ 4 سنوات

بجنن القصه وبتشوق الواحد يقرأها

العضوة: 126487 , منذ 4 سنوات

🙀🙀 دنيا فتن