العضوة: 694206 , منذ 3 سنوات

رولا بصوت واطي :شردتي شوي... لك مفكرة ما بعرف انك عم تفكري بخطة لتطالعيني من هالبيت والله لخليكي خدامة عندي وبدك تاخدي رضايي لك انا رولا بنت جيرانهن ما كان شايفني وجاب وحدة متل هي عبيتو ...لا والأخت مصدقة حالها قال مفكرتني عم جيبيلها كلام صحيح لولا اختي حبيبتي راما ما كنت هلق هون ولولاها كمان ما كنا نحنا التنتين هون.. معاوية :لك العما لك شو هاد سمر صايرة بتسمع كلمة رولا وكلو لانو رولا عم تجيب لها أخبار انو مرام عم توز براسي لاتزوج التالتة اي مرام ما صدقت شافتهن حابين بعضهن لكن انا تلعبوا علي انا بفرجيكن معاوية :احم احم وينكن يا سمر يا رولا رولا:باين جاي بكير اليوم شو ما رحت عالشغل معاوية:مبلا رحت واجيت ليش ما عجبك رد ارجع يعني سمر:اه..لك لا حبيبي رولا مو هيك قصدها هي بتقصد انو يعني راجع بكير اليوم معاوية:اممممم فهمت فهمت شو بدكن تساوو أكل اليوم بدي اعزم ا مي وأختي لعنا سمر:(شووووو ولي على قامتك يا سمر هلق انتي بدك تطبخي وانتي بدك تشتغلي وانتي بدك تعملي والست السرنوة بدها تضل قاعدة ولافة رجل على رجل واذا ماعملتي هدول بدو يطلقك وترجع مرام توزلو يتزوج وحدة تانية ) ...... معاوية : وين صفنتي ! سمر : لا عم قول اهلا وسهلا .. شو بدك نطبخ تؤبرني ؟ معاوية : شو بدكن انتو طبخو واذا بدكن غراض بجيب بس المهم ترفعوا راسي قدام اهلي .. . سمر : اي امرك سيدي وتاج راسي ، شو بتحب كمان ؟ نفرشلن الارض ورد احمر .. نشغلن شموع وموسيقى رومانسية ، نختفل فيهن ونعملن كعكة ونحكي مع الجيران شو رأيك .. معاوية : ايي خلصنا بقا عملو متل ماعم قلكن انت وياها رولا : انا ما بمد ايدي عالطبخ ها.. سمر : انت ع شو بتمدي ايدك ست الحسن اه ؟ ع شو قليلي.. اذا انت بتوسخي وانا بنضف .. انت بترمي وانا بلم من وراك .. انت بتأنشحي وانا بمسح .. انت بتوسخي جلي وانا بجلي .. انت....

العضوة: 694206 , منذ 3 سنوات

رولا : بالله حبيبتي .. شو قصدك انو انا وسخة ! سمر : يا ستي وسخة وشرنة وشاضومة وحية وسرنوة رولا : اي لاا هيك زودتيها يا نكدية يا لتاتة يا عجانة يا ام لسان يا ام كرش سمر : انا ام كرش وام لسان يا يلي ما بتعرف تعمل شغلة ولا بتعرف تطبخ اكلة ولا بتعرف تمسح ولا تشطف ولا تجلي ؟ رولا : انا ما بعرف اشطف ولا اجلي يا شاضومة يا ام لسان ، انا بورجيك هجمت رولا على سمر ومسكو شعر بعض وبلشو يتقاتلو معاوية : لك بسسسسس انت وياها بسسس بسس قرفتوني عيشتي انتو التنتين لك صدق يلي قال معتر يا جوز التنتين ، لك بجي عالبيت لريح راسي بتفجروه ، لك كنتو متصالحين ومريحين راسي شو صرلكن اهه شو صرلكن! بس لانو قلتلكن جايين اهلي ياكلو عندي ؟ بتروحوا من وجهي انتو التنتين عالسريع وحدة عالمطبخ بتشوف شو بدكن تطبخوا والتانية عالبيت بتنضفو وبترتبو واياكم ثم اياكم اسمع حسكن ولا بتشوفو شي ما بيعجبكن .. اتطلع عليهن لقاهن عم يطلعو عليه وماسكين شعر بعض وتيابهن مبهدلة .. صرخ فيهن : مع ميين عم احكي! سمر بهمس : تركي شعري رولا : انت اول سمر : تركي شعري لاترك شعرك رولا : حكيت انتت اول سمر : انا قلتلك اول بتتركي انت اول رولا : منترك سوا سمر : واحد رولا : تنين سمر : تلاتة تركو شعر بعض واطلعوا ب معاوية .. كان واقف ومكتف ايديه وعم يتطلع عليهن ... معاوية بهدوء : رح عد للتلاتة ما بدي شوفكن قدامي .. ١.....٢.......٣ بسرعة انت وياها .. راحو ركض وبلشو بالشغل ، سمر راحت تطبخ ورولا راحت ترتب وهي عم تبربر رولا : انا ... انا يا معاوية يلي ما سدقت ولاقيتني .. انا هيك تعمل فيني ... ماشي يا معاوية .. مو الحق عليك الحق عليي يلي قبلت فيك .. الله ياخدك يا راما وقت اقنعتيني اتزوج من واحد مزوج .. * عند سمر * سمر : لك ما بكون اسمي سمر يا ضرة اذا ما بقلعك .. لك انا الأولى أنا .. انا يلي بحبني معاوية ولو ما بيفتري علي اني بحكي ما كان تزوج .. بس ماشي يا معاوية ماشي وماشي يا مرام .. اذا ما بخليكي تندمي انك دليتي اخوك ع ضرتي ..

العضوة: 694206 , منذ 3 سنوات

الجزء الثالث ~•~•~•~•~•~ المسا فات معاوية عالبيت بعد ما راح يجيب اهله .. فتح الباب وفات والبيت هدووء وصلو عالصالون وفاتو ولاقو احلى سفرة ممدودة عالطاولة .. هالأكل الطيب كله متجمع عالطاولة .. والبيت مرتب ومافي ذرة غبرة حتى .. صفر معاوية باستغراب ورفع راسه قدام امه ويا حرام ما كان بيعرف شو منتظره .. فاتت مرام وبلشت تتأنزع على نسوان اخوها وتلت وتحكي سمر : اي والله اهلا وسهلا بحماتي .. يلي جابت حياتي .. رولا : اي مية السلامة ببنت حمايي يلي دلت زوجي عليي سمر :(يبعتلك داء السل شو حوبة ولسانك عم ينقط عسل عأساس ) مرام : اهلين فيكن اهلين فيكن يا موجبين اي ها شوف اخي ماحلاهن عم تقلي مو مناح سمر : شو عم يقلك؟ مرام : لك لا انا هيك قلت بسياق الكلام .. رولا : قلتيلي .. اطلعت مرام عالاكل وحكت : بس على هالحالة بدي اعزم حالي كل يوم لعندك اخي معاوية : اي اهلا وسهلا بتنوريني كل يوم سمر: اي مية اهلا وسهلا ( لنشوف هلأ كيف رح يتغير رأيك ) رولا : يلا تفضلو عالغدا ضليتو واقفين سمر : تفضلي حماتي الا بالصدر لازم تقعدي الصدورة للبدورة ولو رولا : وانت بنت حمايي تفضلي والله ما بتقعدي الا جنبي مرام : لك يسلملي المزوق .. سمر : شو مو جاي عمار؟ مرام : مبلا بدو يجي .. رن الجرس ** مرام : هه يؤبرنيي ابن الحلال عند ذكرو ببان .. سمر : (قصدك اذكر الجحش بيطحش طحش) رولا : اي يالله فتحي وتعالي .. فات عمار وسلم وقعد وبعدين اجت مرام وقعدت عالكرسي وياريتا ما قعدت .. نطت من مكانا وهي عم تصرخ والكل عم يسألا شو فيه .. اطلعت ب رولا ورولا ابتسمت ابتسامة نصر .. مرام استحت تقلن غزها الدبوس قالتلن كاني شفت خيال صرصور .. عمار : يا لطيف هاد كله خيال كيف لو كان حقيقة مرام : عمّمار .. معاوية : يلا سمو بالله يا جماعة سمر : شو اسكبلكن تؤبروني كلو شغلي ..

العضوة: 694206 , منذ 3 سنوات

الحماية : بس ما تكوني كترتيلن بهارات بتعرفيني ما بلايمني الحد والبهارات .. سمر : لا مرت عمي شوي بس الحماية : اي يسلملي المعدل سكبت سمر صح كبسة لحماتا ومن تحت الطاولة حطت عليه فلفل ابيض مشان ما يبين .. ونفس الشي لمرام ولمعاوية .. سمر : بسم الله الحماية : اح اح اح اح لك شو حاطة للكبسةةةةة قلتلك ما بحبا حدةة سمر : يوه مرت عمي مو حاطة شيي احكيلك كلمة ابن عمي .. معاوية عم يختنق ووجهه احمر : اه ؟؟ مبلا فيها شوية حد عالريحة .. بس انت بتعرفي امي ما بتحب الحد ليش لتحطي يا سمر .. سمر : يووووه .. لك احلف اني مو حاطة حد ... رولا فيها حد ؟ رولا : لا سمر : ها .. عمار فيها حد ،؟ عمار : ابداً .. سمر : شايفة مرت عمي انو ما فيها حد .. بس اتت ما بتحبيني مشان هيك عم تحكي ع طبخي مع انه الكل بيشهد فيه اهئ اهئ .. الحماية : ( يخربيتك شو انك حرباية من تحت لتحت ) لك يوه ليش عم تبكي كنتي .. ما قلتلك شي ، يسلم دياتك .. كله طيب .. وها رح دقلك الكبة كمان .. سمر مسحت دموعا الكذبية : اي صحة مرت عمي هه حطت قرص الكبة بتما وأكلت اول لقمة ومدحت ب سمر حطت التاتية بتما وصرخت معاوية : امي شوفي .. الحماية : سني .. سني يا امي نكسر رولا : يوه مرت عمي من شو ؟ معقول من الجوزات يلي محطوطين ب قشرن ! سمر : شوفي ما بيطلعك تحكي ع شغلي سمعانة وليه .. رولا : ما حكينا شي .. قومي حماتي غسلي لروح معك انا .. الحماية وقفت وراحت عالمغسلة مع رولا .. الحماية : اخ يا سني اخ .. رولا : رح جبلك محارم واجي .. راحت عالغرفة جابت اكم من محرمة وحطت عليهن ملون احمر وجابت كم محرمة نضيفة .. راحت لعند حماتا وبايدا المحارم النضيفة وبالايد التانية ورا ضهرا المحارم الحمر .. رولا : غسلتي مرت عمي؟ رفعي راسك لشوف السن .. رفعت راسا وغمضت عيونا يلي اجو عالضو .. بسرعة حطت المحارم الحمرا بقلب البيضاء ورفعتن لتما رولا : ولي عليي مرت عمي تمك عم ينزف الحماية : شوو ورجيني .. رولا طلعت محرمة وورجتا ياها ..

العضوة: 694206 , منذ 3 سنوات

الحماية : وليي رح موتت وليي الحقني يا ابنيي .. كانت باطلة ومحولة الجية .. فاتت رولا لجوا ركض وقالتلن انو تمها عم ينزف وقالت لمعاوية ياخدا عند الدكتور .. وطلع معاوية هو وأمه وخلي الجو لسمر ورولا يستفردو ب مرام .. بس بقي زوجا .. سمر : عمار بعد اذنك بالله بس كنت موصية معاوية ع كم غرض مشان السهرة ونسيهن . غلبك تجيبن انت !! عمار : اي تكرمو سمر : استني اكتبلك ياهن ع ورقة .. راحت كتبت شغلات بدها ياهن وشغلات مالا بحاجتن واعطته الورقة وراح يجيب الغراض ... سكرت سمر الباب وراه واخدت نفس وفاتت ( اجيت لعنا برجليك يا مرام ) رولا : دايمة ضرتي سمر : صحتين ضرتي .. يلا تفضلو بنت حمايي وضرتي ساعدوني بالجلي مشان نخلص ونقعد مرام : انا ضيفة ولو سمر : بيت اخوك هاد ولو 😉 مرام ( منيح صار بيت اخي هلأ ) اي كنت عم امزح معك. سمر : ههههه كنت بعرف بنت حمايي يلي تفضلي وانت ست رولا يلا .. رولا : جااية فاتو جلو الجلي وخلصوه ولا عمار اجا ولا معاوية ... مرام : وينن تأخرو سمر : ما بعرف هلأ بيجو .. بعدين قاعدين ومبسوطين بنات لبعض ولا شو رأيك ضرتي. رولا : لكن لكن سمر : انا داق خلقي قومو نعمل شي شغلة رولا : متل شوو؟ سمر : هاا لقيتا .. قوموا معي قوموا مرام : لوين سمر : لك قوموا بدون ما تسألو يووه.. فاتت سمر ع غرفتا وفوتتن وراها .. مرام : نضيفة غرفتك مرت اخي سمر : ليش شو مفكرتيتي يعني .. بعلمك النضافة اذا بدك مرام : لا يسلمو . متعملة النضافة ع أصولا .. رولا غيرت الحديث مشان ما يوصل الحديث لغرفتا : اييي ضرتي شو بدنا نعمل .. سمر ابتسمت : اييه هلأ بدنا انا وانت نمكيج مرام ونعملا شي بشعرا ومنه منتسلى ومنو منجددلا شبابا شوي

العضوة: 694206 , منذ 3 سنوات

مرام : بالله شو حبيبتي شو قصدك انا ختيارة ؟ بعدين ليش انا! ليش مو انت او رولا سمر : يا مرام يا حبيبتي .. اليوم دور رولا بالنومة ف إذا حطيتولي المكياج الي بلكي ابن عمي غير رأيو واجا لعندي .. بعدين انا ما باكل حق ضرتي يوه.. مرام : بما انو دور رولا منحط لرولا رولا فهمت شو عم تعمل سمر ف حكت : م هون اصل المشكلة انو وجهي متحسس كتير وصاير حساس كتير لهيك ما عم حط عليه شي سمر : اي يي شو بالغتي ها قعدي خلصيني ومنو هلأ اذا شافك عمار بطير عقلو .. مرام : هيك قولتك سمر : اي لكنن مرام : بس بتاطلعوني حلوة ها سمر : لك انت بدون شي حلوة اذا بدنا نحطلك مكياج هلا بترجعي بنت ١٥ ( نطلعك حلوة مو ، لك الحلو من يوم يومو حلو والبشع بشع من يوم يومو ما بيتغير .. ) جابت سمر عدة المكياج ورولا عدة الشعر وبلشو شغل فهمت سمر رولا شغلا من خلال الغمزات الشيطانية وبلشو يمكيجوها ويلفولها شعرا وهي مغمضة ووجها ضهر المراية مشان ما تشوف .. راحت سمر جابت مطربان الفلفل واجت سقطت فرشاة البودرة فيه ورجعته سمر : هه وهي آخر خطوة .. البودرة .. قربت من وجهها ونفخت الفلفل عليه .. خلصناااا فتحت مرام عيونا وهنن ملزقين من الرموش يلي حطتلا ياهن سمر مرام : ايي عطوني المراية لشوف سمر.: لااا مو مسموح تشوفي حالك قبل عمار رولا : بس شو طلعتي .. حطت ايدا ع تما وزتت بوسة : عروس ضبو الغراض وطلعو لبرا .. راحت رولا عملت شاي ولا معاوية رجع ولا عمار .. بعد شوي بلش وجه مرام يحكها اجت لتحك بس صرخت فيها سمر سمر : لا.. شو عم تعملي مرام : بدي حك وجهي عم يحكني سمر : اوعك .. بتخربي كل تعبنا .. مرام : طيب نفخيلي شوي رح موت من الحكة شو حاطين

العضوة: 694206 , منذ 3 سنوات

سمر : يوه مكياج شو حاطين مرام : طيب عالقليلة خلوني شوف شكلي سمر +رولا : لااا مرام : هفف ... طيب كأنن تأخرو سمر: اي عنجد تأخرو لأتصل انا ب معاوية اسئلو وينو .. مرام : وانا لأتصل ب عمار رولا : لكن لاتصل بحماتي اسئلا وينا سمر : م حماتي مع معاوية رولا : معلش معلش التلاتة عم يتصلو وبعد عناء ردو عليهن ~~~~•~~~~ سمر : شو وينك حبيبي معاوية : بالقهوة سمر : بالقهوةة ! بالقهوة اه بالقهوة لك من شو مصنوع انت اه امك واختك معزومين لعنا وانت قاعد بالقهوة .. لك ما بتستحي انت اه .. ونحنا فكرنا صار معكن شي عند الدكتور وانت قاعدلي بالقهوة لك.... تووت توووت ... سمر : اللوو الووو .. انا بورجيك .. ~~~~°~~~~ مرام : شو وين الغراض يلي وصتك عليهن سمر عمار : اي غراض مرام : عمار وينك انت ! عالسريع قلي وينك انت عمار : بالقهوة مع رفقاتي ... انا وطالع شغت رفيقي و.... توووت تووت مرام : رجال آخر زمن .. ما بيستحو .. ~~~~▪~~~~ رولا : كيفك مرت عمي الحماية : من الله منيحة رولا : شو صار معك مرت عمي وقف النزيف ..

العضوة: 694206 , منذ 3 سنوات

الحماية : مافي نزيف تكفنيني نزّل شوية دم بس ... ما بعرف ليش بالبيت هيك نزل كتير رولا : ايه خير ان شاء الله ، تأخرتو مرت عمي قلقنا عليكن وينكن .. الحماية : انا عند جارتي ام حسون ليش ما قلكن معاوية رولا : لا حماتي . ما قلنا من ساعات عم نستناكن .. الحماية : اي مالي جاية انا كنتي رجعت للبيت .. سلمي .. رولا : مع السلامة حماتي ______________________________ ____________________________ ■▪■▪■▪■▪■▪■▪■▪■ بعد شوي رجعو معاوية وعمار عالبيت سمر فوتت معاوية عالمطبخ ومرام قعدت وهي خجلانة وعم تستنا عمار مع انها معصبة منو فات عمار لجوا بعد ما فوتته رولا وطلعت وقفت عند الباب .. عمار : مرام .. مرام دبلت عيونا وخجلت وهي دايرة ضهرا ل عمار .. عمار : شبك ديري علي .. وقفت مرام وهي منزلة راسا من الخجل وشوي شوي رفعتو .. عمار : قل اعوذ برب الفلق ، قل اعوذ برب الناس ، سلامٌ قولاً من رب رحيم ، لا بتآذونا ولا منآذيكن .. قل اعوذ برب الفلق .. مرام : شبك كأنك شفت شبح .. عمار : بسم الله الرحمن الرحيممم .

العضوة: 694206 , منذ 3 سنوات

مرام : لك اناا مرام شبك .. اتطلع عمار ودقق فيها منيح .. : مرام!!! شو عاملة بحالك هيك .. مرام خجلت : ليش مو حلو .. عمار : لك يحلا وبرك شو هاد .. متل الشيطانة .. مرام : شيطانة .. انا شيطانة .. عمار : تعي .. اخدها عالمراية وورجاها وجهها .. تطلعت مرام بعصبية وصرخت صوت دوا بكل الحارة : سمرررر ، رولااااا سمعو التلاتة الصرخة ووقف معاوية على أمل يخلص من بهدلة سمر يلي ما كانت تخلص .. فاتت مرام عالمطبخ وهي حاطة الشر بعيونا .. مرام : لنشوف مين بدو يفلتكن من ايدي هلأ .. سمر : يوهه ش ش شبك مروم شو ما عجبو لعمار .. رولا : اا اكيد عجبو اكيد وانت ما عم تقوليلنا .. معاوية : مراام!!! شو عاملة بحالك هيك .. مرام : عااااا .. طلعت معاوية لبرا المطبخ وسكرت الباب .. قربت من سمر ورولا وشمرت عن ايديها ..: وقعتو حالكن لحالكن .. ركضت لعندن وهنن راحو كل وحدة بجهة وهي خبطت بالبراد ..

العضوة: 694206 , منذ 3 سنوات

سمر : بسس! معاوية : قداميي ، ولا حرف .. رولا : حاضر .. راحو عالصالون وقعدو .. معاوية : انا مليت .. اقسم بالله مليت انا .. لك انا شو البلوة يلي بليت حالي فيها اه ؟ مرة بتفوز بجائزة الاوسكار بالنكد ومرة بتفوز بجائزة الاوسكار بالوساخة .. رولا نزلت راسا ومرام رفعت راسا وصارت تبتسم من تحت لتحت لانو اخوها فضح نسوانه قدامها .. كمل معاوية كلامه .. : واخت ، اختارتلي التنتين .. عقلا اصغر من عقل التنتين سواا .. اطلعت مرام ب سمر ورولا وكانو عم يضحكو من تحت لتحت : مفكريني ما سمعتكن انتو التنتين هداك اليوم .. خلص مليت اقسم بالله مليت تركتكن ع راحتكن بس لايمتا اه لايمتا ؟ عمار : انا بدي كمل معك ابن حمايي ، لا تواخذني بس انت فضحت نسوانك قدامي ومشان مرام نا تتعالى عليهن لازم احكي .. بلشت مرام تأشرله يسكت وتخاول تغير الحديث عمار : بجي كل يوم تعبان ، بتفتح راسي اسئلة ، كل شي بدا تعرفوا .. بتضل توز براسي ع نسوانك وهي عم تحكي على هي وعلى هي وانو بدا تزوجك وحدة تالتة... سمر ورولا : شووووو عمار : اذا طلعت لمكان بدا تسحبني معا ، اذا رحت مشوار بتتصل الف مرة لتعرف الصغيرة والكبيرة .. مليت لك ابن حمايي مليت انا كمان .. لسا اخرتا تعرف انه انا يلي رح اتزوج وحدة تاتية مو اخوها .. مرام : هيك لكن يا عمار بتشوفف معاوية : شوفو انتو التنتين بتضبو غراضكن ومن الصبح كل وحدة ع بيت اهلا .. سمر ... سمر : ن ن نعم .. معاوية ؛ انت طالق سمر شهقت واطلعت بمرام معاوية : رولا اشرتلو رولا براسها انو لا بس ما رد عليها معاوية : انت طالق .. عمار : مرام .. انت طالق مرام : اااااااااااااخ هجمو عليهن وطلعوهن برا البيت وقفلو الباب وبلشو يبكو .. سمر : اهئ هئ هئ والله نا بعمل شي ولا بحكي كتير ... رولا : ولا بوسخ شي ودايما كلشي نضيف مرام : ولا بنق عليه ولا بتصل .. التلاتة : اهئ اهئ اهئ .. راحو التلاتة نامو .. ومعاوية وعمار راحو لعند رفيقن وناموا عنده .. ~~الصباح~~~~~~ فاقت سمر وهي عيونا منفخة اطلعت مالاقت حدا بالبيت .. لمت تيابا وطلعت هي التالتة من البيت وراحت ..

العضوة: 694206 , منذ 3 سنوات

قصص الكاتبة شامة الجزء الرابع ~•~•~•~•~•~•~ رجع معاوية عالبيت لاقا البيت هادييي معاوية: اي هيك ها هيك ولا حسس ولا نفس يا عيني عليك .. فات نام ولما فاق رتب البيت شوي وعمل قهوة وقعد يشربا برا لما لمح بنت عالبرندة التانية عم تشطف .. وهو ما منع حاله يتطلع عليها .. خلصت البنت وفاتت لجوا وهو ضل عم يطلع عالبلكون .. وقفو صوت الجرس عن تأملاته وقام ليفتح الباب .. معاوية : امي!!! امي ؛ شو صاير مبارح هون معاوية معاوية : مشاكل امي .. مشاكل امي : مشاكل !! شو هالمشاكل يلي بسببا بتطلق نسوانك التنتين وبتطلق اختا من وراها اه ؟ معاوية : امي قعدي لصبلك قهوة ونحكي . امي : شرف احكي . معاوية : امي نسواني كتير مناح .. بس مو معي امي : ليش شو عاملينلك! معاوية : سمر ، يا لطيف ، نكدية لابعد درجة ، الحكي عندا ما بيوقف ابدا 🥀 حكي حكي حكي ، بتضل طلبات وتأمرات رولا ، وسخة ، قليلة مروة ومانا نضايفية. غرفتا بتضل منكوتة ، ايدا عالبيت ما بتمدا ، ما بتهتم بحالا .. بتاكل وبتزت بالارض .. امي : يوهه الله يعينك يا ابني ، منيح ما صار عندك ولاد والله .. طلقن واتا بجوزك ست ستن .. معاوية : بس ه..

العضوة: 694206 , منذ 3 سنوات

امي : لا بس ولا مبسبس ، بكفي راحو اكتر من ٣ سنين من حياتك .. تزوج مرة جديدة وخلص معاوية : بلكي ما طلعت منيحة ؟ امي : لكن مارح اختارا انا تقول زوقي ، اختارا انت معاوية : طيب متل ما بدك .. امي : مو متل مابدي انا ، متل ما بدك انت ، وبتروح معي لنرجع مرام لعمار .. معاوية : ليش ؟ امي : ما بقبل بنتي تضل مطلقة معاوية : اها امي يعني معلش انا طلقت تنتين بدل الوحدة ، وانت ما بتقبلي بنتك تتطلق .. معلش امي بس مرام عملت فصول اكتر من سمر ورولا حتى ومعو حق زوجا .. امي : اي اي صف ضد اختك بدل ما تكون بصفا .. ماشي ، انا رايحة معاوية : مع السلامة امي ..

العضوة: 694206 , منذ 3 سنوات

*بعد مرور شهر* كان طالع معاوية من البيت رايح يفطر عند امه ، لما طلعت جارته من البيت ، وكانو اول مرة بيلتقو بالحقيقة .. معاوية.: صباح الخير البنت : ..... معاوية بقلبه : يمكن ما سمعت .. علا صوته وقال .. صبااح الخيير .. وما بلاقي غير طيارة ع رقبته .. فتل لورا ، ولاقا شب طول بعرض واقف والشر بعيونه .. معاوية مافهم شي لهلأ : ص ص صبباح الخخخير .. الشب : اذا بسمعك مرة تانية عم تغازل اختي رح طلعو للسانك اشويه وطعميك ياه معاوية : لااا لا اانا مو ههيك اانا ببسس قلت صصصبباح الخخير.. الشب : لسا بعيدا ، احط من هون عالسريعع .. مشي معاوية وهو عم يسب عليه .. هاد الناقص ، كنا مفكرين فيها هلأ طارت كل الفكرة من اصلا ... راح معاوية فطر عند امه ومرام وطلع شغله ... والمسا لما رجع للبيت وفات عالبناية وارتعب لما لاقا اابنت بالبناية .. قلب وجهو فيها وحكا.: شو جاية تعمليلي اختبار .. وينو وينوو؟ صار يتلفت حواليه ويقول وينو ؟ البنت : هسسس وطي صوتك .. اخي مو هون .. انا اجيت لقلك تساعدني .. معاوية : ساعدك ، ليش شو عندك لساعدك ؟ البنت : انا محبوسة بالبيت ، اخي حابسني ، ما بخليني لا اطلع ولا فوت .. معاوية : بسبب شو ؟ البنت. : قال الحارة فيها شباب وبخاف عليي.. معاوية. : بي كنت برا اليوم ؟ واكتر من مرة شفتك عالبلكون !

العضوة: 694206 , منذ 3 سنوات

....يتبع.... احبنكممممممم😘

العضوة: 694206 , منذ 3 سنوات

@user-627942 وينك متابعة👈