العضوة: 799516 , منذ 3 سنوات

ام جوري : معلش يا حبيبتي لا تضغطي عليها كثير وتخليها تترك الشغل لانو اذا تركت الشغل رح نتعذب كثير لتجينا خادمة جديدة لانو بصير ابوكي بدو يعرف اصلها وفصلها وامتا خلقت ووين ....الخ جوري : طيب رح حاول ما اضغط عليها { وقطع حديثنا صوت ام محمود عم تصرخ من المطبخ بصوت عالي : ووووووووولي لحقوني }

العضوة: 799516 , منذ 3 سنوات

وقطع حديثنا صوت ام محمود عم تصرخ من المطبخ بصوت عالي : ووووووووولي لحقوني } مسكت امي مزهرية بأيدها وصرنا نركض على مطبخ لنشوف شوفي لقينا ام محمود ماسكة دبدوب وعليه دم حكيت وقلبي عم يرجف : هاد هااد دبدوبي .... كيف اجا هاد لهون وشو هاد يلي عليه عبطتني امي وطالعتني من المطبخ واتصلت على بابا أم جوري : ام محمود جيبي كاسة ميي بسرعة .. [انا كنت مصدومة كيف قدرو يفوتو على غرفتي كييييف ] جوري : ماما انا كثير خايفة ...فاتو على غرفتي .. كيف لو انا فيها كانو قتلوني أم جوري : ام محموود نادي لابو سالم لبواب من برا بسرعه (( ركضت ام محمود لتنادي لابو سالم وانا وامي قعدنا بلصالون لآجى ابو سالم )) ام جوري : شو هاد يا ابو سالم (( مدت امي ايدها وفيها الدبدوب )) ابو سالم : هاد يا ستي دبدوب ام جوري : بعرف انو هاد دبدوب بس هاد الدبدوب حدا اخذو من غرفة جوري ولطخو بلدم وحطو بلمطبخ ... ((سمعنا صوت ام محمود من برا عم تحكي : يا مدام اجى الاستاذ عصام ((ابو جوري)) قمت من مكاني وركضت لعند بابا وعبطتو وانا عم ابكي : بابا في حدا فات على غرفتي .. مسكني بابا وشدني على صدرو وكأنو عم يقلي لا تخافي طول ما انا موجود : ابو سالم شو هاد الحكي يلي عم اسمعو ااااه انا لشو حاطك هون .. حاطك مشان يلي بدو يدخل على فيلاا بكيفو ابو سالم : والله يا سيدي ما شفت حدا فات او طلع من الفيلا وما سمعت ايا صوت ....

العضوة: 799516 , منذ 3 سنوات

( طلع بابا التلفون من جيبتو وطلب الشرطة : آلو ... انا الضابط عصام سلطان.... تعو على بيتي بسرعه ... يلا عم استناكم ... وسكر الخط وقام على مكتبو وهوي عم يقول : حسابك معي بعدين يا ابو سالم قعدت انا جنب امي وعم اتأمل الدبدوب وقلبي عم يرجف واجري عم يضربو ببعض (( اجت ام محمود ببرودة قلب وآلت : بتحبو احضر الفطور مدام (( رديت انا فيها بعصبية : شايفة بهل وضع حدا آلو قلب ياكل ام محمود .. بس امي عيطت عليي وطلبت مني اسكت وانا سكتت ... ام جوري : لا ام محمود نحنا ما بدنا نفطر ..شكرا الك (( ما كنت بعرف ليش تصرفي هيك مع العالم مع انو امي وابي ما بعمري شفتهم عم يعاملو حدا هيك بس انا اوقات غصب من عني كنت شوف كل يلي بيشتغلو عنا عبيد وبحقلي احكيهم كيف ما بدي حتا الحراس الشخصين اكثر من واحد ترك الشغل بسبب تصرفي وابي عطول ينبهني وانا ما اسمع لحدا )) [وصلت الشرطة والكل جتمعو بلصالة يلي بوجه باب البيت وصارو يحكو بلمشكلة يلي نحنا فيها ] ابو جوري : في حدا دخل على بيتي وانا هلق بدي اعرف مين..... بتفتشو البيت منيح منيح العساكر : حاضر سيدي ( فاتو العساكر وفتشو كل البيت وكل الغرف والمطبخ بس ما لقو شي ورجعو لعند بابا )

العضوة: 799516 , منذ 3 سنوات

العساكر : ما لقينا شي سيدي ...وفتشنا غرفة غرفة بلبيت ابو جوري : بدي افهم كيف قدر يفوت السور محمي منيح ومافي ايا اثر لأي شخص بلكمرات والله رح جن ...انا يفوت حدا على بيتي بدون ما يحس عليه حدا __ سمعوني منيح بدي سبع عساكر يحاوطو الفيلا منيح وما بدي الدبان الازرق يهوب صوبها فهمانين Telegram@rwayate [نقسو العساكر لقسمين ..قسم منهم راح وقسم حاوط الفيلا ونحنا رجعنا كل واحد على غرفتو بس بلصدفة سمعت بابا عظ يحكي حدا بلتلفون ... اي سيدي دخلو على بيتي ...والله باين يا سيدي انو الواحد سهل يلعب معهم ..... اي خليت جزء من العساكر يحاوطو الفيلا ..... بدي ضابط يضل ببيتي على اساس واحد من اقربائي كرمال يحمي عيلتي .......الضابط وليد اي منيح الضابط وليد بكرا لكن منحكي يلا احترامي سيدي ... ( سكر بابا الخط وانا رحت لعندو بسرعة ووقفت قدامو وانا حاطت ايدي على خصري وعم اطلع فيه بعصبية وسألتو : مين هدول بابا يلي ما بينلعب معهم .. { زورني بابا وهوي عم يعيط بوجهي : عم تتسمعي عليي بابا مو عيب هل حركات ااااه ... روحي على غرفتك ولا تفرجيني وجهك اليوم اااي نزلت راسي وبصراحة خجلت من حكيو لالي : اسفة بابا ..ومشيت بأتجاه غرفتي Telegram@rwayate زعلني حكي بابا كثير لانو بلعادة ما بيحكيني هيك ولا بعيط عليي حطيت حالي على تخت وصرت ابكي لحتا نعست ونمت ثاني يوم الصبح الساعة 8 فقت على صوت ماما عم تصحيني : جوري حبيبتي قومي فطري رفعت جوري أيديها بنعس وصارت تتثائب : اوووه صباح الخير ماما

العضوة: 799516 , منذ 3 سنوات

ام جوري : صباح النور يا عمري ...ليش عيونك منفخين بكيانة جوري : اااه منفخين ((وركضت على مراية لشوفهم لاني كنت كثير حريصة على وجهي وبحب اعتني فيه لاني بحب جمالي وبحس حالي كثير حلوة ومثيرة للاهتمام )) جوري : اوه يا ربي هلق هدول رح يطولو ليروحو ام جوري : انتي ليش كنتي عم تبكي .. جوري : اي بابا مبارح عيط عليي ... صح وين بابا بدي اعتذر منو ...هوي تحت شي ام جوري : لا راح من الساعة 6 على القسم جوري : يا الله ام جوري : يلا خلينا ننزل وتحت بتحكيلي ليش زعلك ابوكي .. جوري : طيب ... بس لبدل تيابي

العضوة: 799516 , منذ 3 سنوات

ام جوري : طيب يلا انا رح اسبقك Telegram@rwayate جوري : طيب ماما (( فتت على غرفة الملابس وهيي جنب غرفتي وبابها بينفتح من غرفتي ..غرفة الملابس كلها خزن ورايا لون فضي واسود )) ((فتحت خزانة تياب البيت واخذت منها أفرول قطن مورد وكنزت نص كم بيضا لبستهم وربطت شعري الاسود يلي لنص ضهري ببكلة ستراس يلي على شكل غصن ورد ولبست صندل مفتوح ابيض ونزلت على غرفة الطعام قعدة جنب ماما وطلبت من ام محمود كاسة شاي )) وبعد مرور بضع دقائق سمعت ندق الباب وركضت ام محمود لتشوف مين ام محمود : اهلين استاذ عصام عصام : اهلين فيكي جيبي كاستين عصير على مكتب ونادي لجوري ورندة ((ام جوري )) ام محمود : على عيني يا استاذ __________________________________________ جوري : باين بابا معو ضيوف حتى عم يطلب من ام محمود كاستين عصير (( اجت ام محمود وطلبت مني ومن ماما نروح لعند بابا )) Telegram@rwayate ام جوري : يلا جايين ...يلا جوري قومي نشوف شو بدو ابوكي جوري : يلا ماما رحنا انا وماما على مكتب بابا ودقينا الباب ... ابو جوري : أدخل .....

العضوة: 799516 , منذ 3 سنوات

((فتت وشفت معو شب بعمر 30 قاعد قدامو كان اسمر وعيونو عسلي وكتافو عراض ولابس بدلة رسمية بصراحة مانو حلو كثير بس كان جذاب وخصوصي اني بحب الشب الاسمر )) قعدنا انا وماما على الصوفاية وعم نستنا حكي بابا ابو جوري : مؤيد هيي عيلتي ..هيي جوري بنتي ..وهيي مرتي رندة مؤيد : تشرفنا فيكي ست جوري ومدام رندة (( انا هزيتلو براسي وماما ردت عليه بتشرفنا فيك ) ابو جوري: اي جوري هاد الضابط مؤيد ورح بضل معك وين ما رحتي جورري : شووو بابا ... يعني حارس شخصي

العضوة: 799516 , منذ 3 سنوات

جورري : شووو بابا ... يعني حارس شخصي ابو جوري : مؤيد مانو حارس شخصي ..مؤيد ضابط بس هوي هلق بمهمة وهل مهمة حمايتكم وما بدي حدا يخبر بهل شي ورح نحكي انو هوي واحد من أقربائنا يلي بلندن جوري : بس بابا .... ابو جوري : مافي بس .. رح يكون مؤيد موجود مكان ما تكوني انتي موجودة ... مفهووم نزلت راسي بس كان واضح على وجهي عدم الرضا وقمت انا ومعصبة ورحت على غرفتي وصرت بربر مع حالي : لازم يضل معك وين ما رحتي ...والله منيح انا من الحيطين يلي برا مو خالصة يجي واحد يضل معي ..اوووووف أخذت كتاب من مكتبتي اسمو النسيان كتابة احلام مستغانمي لاني بحب هيي الكاتبة وبحب اقرا كتبها وتسطحت على تخت وفتحت اول صفحة وصرت اقرأ فيه لوقت دق الباب Telegram@rwayate جوري : ادخل ... (( كنت شاردت بلقرأة وما نتبهت مين فات من الباب اخذت نظرة سريعة ..لقيت مؤيد قاعد على طاولة يلي مواجيهي حاطط اجر فوق آجر وعم يطلع فيني ... جلست حالي دغري وحمرو خدودي خجل بس تغلبت على خجلي وزورتو وآلتلو ...

العضوة: 799516 , منذ 3 سنوات

جوري : انت شو عم تعمل هون ومين سمحلك تفوت .. رفع حاجب ونزل حاجب مؤيد ونزل اجرو وآل : أنا دقيت الباب وانتي سمحتيلي ادخل جوري : بس انا ما بعرف انو انت ... تجاهل حكيي وقرب مني واخذ الكتاب وقرأ عنوانو : ااممم النسيان باين عليكي بتحبي القرأة وانا على فكرة بحبها وقرأة مرة كتاب اسمو ذاكرة الجسد بتعرفيه نبسطة من سؤالو لان بحب حدا يسألني على الكتب : اي بعرفو وقرأتو هوي كمان ل أحلام مستغانمي مؤيد : اي صح ....انتي باين عليكي كثير بتحبي الكتب Telegram@rwayate جوري : اي لانو بحس أنو هوي الوحيد يلي بينفع يكون صديقي بهل وقت يلي ما بحسن فيه احصل على صديق خوفا انو يغدر فيني مؤيد : مو كل الاصدقاء بيغدرو ..صح انتي اديش عمرك جوري : عم تسأل كثير اسألت ... شو دخلك مؤيد : لازم اعرف كلشي عن بنت عمتي حتى اذا حدا سألني عنك اعرف جابو Telegram@rwayate جوري : بلا عنجد .... شو رأيك اعطيك سيرتي الذاتية كلها مؤيد : اذا بيمشي الحال ...لا تقصري ..انا رايح اسأل امك باين انتي ما بينحكا معك .. جوري : اي مشان تعرف من هلق ...انا ما بحب احكي مع حدا ...

العضوة: 799516 , منذ 3 سنوات

( طلع مؤيد من غرفتي وضرب الباب وكان مبين عليه علامات الغضب وكان عم يوشوش حالو ما سمعت كل الحكي بس سمعت كلمة ((انا رح اكسرلها غرورها )) بس ما همني الامر ورجعت مسكة الكتاب وكملت قرأة لوقت اجت ام محمود تندهلي على الغداء )) ام محمود : ست جوري الغداء صار جاهز جوري : يلا هلق بجي واحكي للشوفير يجهز السيارة بدي اتغدا واطلع ... ام محمود : تكرمي ست جوري (( قمت من التخت وكنت حاسة انو رتخو اعصابي من القرأة وحسيت بلنعس مطيت جسمي وعملت كم حركة رياضية لحتا صحصح وفتت على غرفة الملابس لبدل تيابي ..فتحت الخزانة واخذت منها بنطلون جنز خصر عالي وفوقو كنزة بيضة واسعة وعليها نقشات سود واخذت جاكية سبور اسود وعملت شعري بليس ورفعتو دنب حصان ونزلت غرة على وجههي وعملت ميك آب اوفر ولبست بوط كعب وحملت شنتي السودة والنضارات ونزلت لتحت )) كان الكل مجتمع على الصوفرة سحبت الكرسي يلي جنب ماما وقعدة ابو جوري: شو شايفك مجهزة حالك جوري

العضوة: 417063 , منذ 3 سنوات

متابعة 😌😌😌

العضوة: 799516 , منذ 3 سنوات

بنات تعوو نطربو معي حب عمري كيمو كونو هههههه🎶👉😎

العضوة: 786580 , منذ 3 سنوات

متابعه

العضوة: 417063 , منذ 3 سنوات

رفع

العضوة: 417063 , منذ 3 سنوات

رفعععععععععع