العضوة: 786580 , منذ 3 سنوات

@مي ام حيدر♡ شو صار معك مطوله

العضوة: 801024 , منذ 3 سنوات

مي طولتي

العضوة: 417063 , منذ 3 سنوات

وينك ألوووووو 🤪🤪🤪🤪القصة بين عليها كثير حلوى

العضوة: 782632 , منذ 3 سنوات

@user-799516 وينك

العضوة: 786580 , منذ 3 سنوات

اجا جوزا وراحت تشوفو مشان هيك اتاخرت

العضوة: 799516 , منذ 3 سنوات

(( سكتت لانو بهل وقت بس كان بدي يروح الوجع وحاولت اعمل يلي عم تقلي عليه )) بعد ما خف الوجع شوي ربطتلي ياها وقعدت جنبي الطبيبة : هاا خلصنا مسكت ايدها وصرت اترجاها : امانه شو عم اعمل انا هون تجاهلة سؤالي وحكت : هلق بعد الاكل رح خليهم يعطوكي حبة من هاد الدوا الالتهاب جوري : امانه ردي عليي انتي بتعرفيهم ....هدول خاطفيني ..هدول مجرمين تطلعت بوجهي وكان واضح عليها انها نزعجة : لا ما بعرفهم وبعدها قامت من جنبي وراحت بأتجاه الباب الحديد الكبير بسرعة ودقت عليه دقتين وأجا واحد من الرجال وفتحلها وسمعتها انو عم تحكيلهم عن الحبة ....انا حسيت انو سودة الدنيا بوجهي بس كان عندي امل انو بابا يطلعني من هون Telegram@rwayate ______________________________________ ((فات ابو جوري على غرفة مؤيد كان مدد على التخت الابيض ولافيلو راسو بشاش ابيض وطلب من الدكتورة تحكيلو وضعو )) الدكتورة : وضعو منيح بس عم نستنا ليستعيد وعيو ويفيق ابو جوري:شو الاضرار يلي صايبتو الدكتورة : رض بصيط بلايد وضربة بلرأس بس الحمد لله طلعة سليمة ابو جوري: اي الحمد لله وفينا نطلعو وقت يصحى الدكتورة: اكيد فيكم .. بس الافضل يضل يومين او ثلاثة هون ابو جوري : طيب انا كل 7 ساعات بشوفو ((ركب ابو جوري سيارتو وراح لعند العميد ليعطيه الرسالة يلي وصلتو ))

العضوة: 799516 , منذ 3 سنوات

فات واحد من الرجال لعند جوري وبأيدو صينية فيها سندويشة وجنبها كاسة شاي وكاسة ميي وصفحة الحب . مجهول : تفضلي ...كلي احسن ما تموتي جوع ... جوري : خليني اموت جوع احسن ألي مجهول : اذا ما اكلتي مارح تحسني تاخذي الحبة واذا ما اخذتي الحبة رح تصير أجرك تجعك وماعد تقدري تسكي من وجعك ...واذا ماعد سكتي مارح تخليني اعرف نام واذا ما نمت رح اجي وبأيدي اقطعلك ياها فهمانه ... Telegram@rwayate تطلعت فيه وعيوني عم يطلع منهم نار : تعاااال ...تعاااال قطعها مسكني الرجال من وجههي وشدني لعندو : هه كلي احسن ما انا اكلك حاولة أبعدو عني وصرت أعيط وادفشو بأيدي : اتركني يا حيوووان .... تركني بس هوي مسكني من شعري وضربني كف على وجهي وقال : اذا رجعت وما كنتي اكلة وحياتك لتضلي بلا اكل ليومين .... فاهمة جوري : الله لا يوفقكم والله بس يجي بابا ليمسح فيكم الاراضي يا كلاب ... فتل ورجع لعندي وحط المسدس براسي وهوي عم يعيط فيني : مين لكلاب وليه ...رجعي احكي مين انا قلبي صار يرجف وماعد طلع مني كلمة وحدة ... خرطش الفرد وزاد نبرة صوتو : اااااااحكي مين Telegram@rwayate ( بس كان الحظ معي أجا الرجال الثاني وهوي عم يركض ومسك منو المسدس وطلعو لبرا ...وانا حاطة ايدي على تمي وابكي واشهق من الخوف )) _____________________________________ (( وصل ابو جوري على قسم وفات على مكتب اللواء وضرب تحية )) ابو جوري: أحترامي سيدي اللواء : اهلين عصام شو صار معك كرمال شغلة بنتك ابو جوري: لقينا هيي الرسالة جنب وقوع الحادث سيدي اللواء : وشو فيها هيي الورقة ابو جوري : مكتوب عليها انو الفلاشات والمستندات مقابل بنتي اللواء : ايواه وهدول كيف قدرو يعرفو مكان بنتك ابو جوري : والله ما بعرف يا سيدي هاد يلي رح يجنني .. كل تحركاتنا معروفة اللواء : الجاسوس من بيتك لكن

العضوة: 799516 , منذ 3 سنوات

اللواء : الجاسوس من بيتك لكن ابو جوري : سيدي ببيتي مافي غير عيلتي والشغالة والبواب وهدول الاشخاص عرفة كلشي عنهم قبل ما دخلهم بيتي اللواء : لك يا عصام انا عندي فكرة نحسن نعرف الجاسوس ومنقدر عن طريق الجاسوس نلاقي بنتك ابو جوري : احكيلي يا سيدي مشان الله اللواء : خلي كل يلي بلبيت يطلع وركب كمرات بلبيت وشدد على مطبخ وعند غرفة البواب اكيد واحد منهم لانو ... أبو جوري : حاضر سيدي هلق رح جيب الكمرات بس كيف بدي خليهم يفضو البيت اللواء : هاد الشي انت وشطارتك لازم تفضي البيت لحتا ما حدا يعرف انو بلبيت فيي كمرات وخود معك اربع عناصر يساعدوك وحاول تفتش غرفة ام محمود والبواب ابو جوري : حاضر سيدي رح قوم هلق لشوف كيف بدي افضي البيت ليكون الوقت من صالحنا اللواء : وخبرني شو بصير معك أول بأول Telegram@rwayate (( طلع ابو جوري وهوي مستعجل وركب السيارة وراح بوجهو على فيلا وهونيك استقبلو البواب بلهفة وهوي عم يسألو على جوري بس هوي طنشو وكمل لجوا فتح الباب وما كان فيي ولا صوت وراح دغري على غرفة نومو وكانت مرتو نايمة صار يدور على ام محمود بس ما كانت بلبيت ..رجع على غرفة نومو وصار يصحي مرتو )) ابو جوري: يا رغدة قومي ...حبيبتي (( صار يصحيها كثير بس ما كانت تصحا قرب أذنو وحطها عند قلبها بس النبض كان موجود وكان باين عليها انها نايمة ...بس النوم يلي نايمتو مو طبيعي ..تركها وراح على مطبخ صار يفتح الدروج وواحد من الدروج لقا فيه منوم وهون عرف أنو مرتو محطوط الها منوم ))

العضوة: 799516 , منذ 3 سنوات

ركض لبرا البيت ونادى للناطور وسألو عن ام محمود ابو جوري : ابو سالم يا ابو سالم ... وين ام محمود ابو سالم : ليش مو بل فيلا Telegram@rwayate ابو جوري : لا ... ابو سالم : بس انا ما شفتها طلعت ابدا ((وهوي عم يحكي رن موبايلو ..طلعو من جيبتو وضغط على الاشارة الخضر)) الو مين معي ألو سيد عصام حبينا نخبرك انو مؤيد فاق وحاب يشوفك ** يلا شي ساعه وبكون بلمشفى (( رجع اندار على ابو سالم وكمل حكيو )) ابو جوري: اسمع من هاد الباب ما حدا بيطلع او بفوت غير باذني واذا اجت ام محمود لا تخبرها انو انا سألت عنها ... قرب منو وحط ايدو على رقبتو وقال بنبرة حادة : واذا سمعت انك مخبرتها رح تموت بأرضك مفهوم ... Telegram@rwayate خاف ابو سالم من حكي ابو جوري وحس انو ام محمود وراها قصة وهزز براسو وهوي عم يقول : حاضر حاضر عصام بيك رجع على مطبخ وحط علبة الحب مكانها ومسك تلفونو ودق لعسكري وطلب منو يجيب ١٠ كاميرات ويجي ويفوت من الباب الخلفي

العضوة: 799516 , منذ 3 سنوات

طلع ابو جوري ووقف عند الباب الخلفي لأجى العسكري وركبو الكمرات وطلع من البيت قبل ما تجي ام محمود او تحس عليهم وراح على المشفى ليشوف مؤيد دخل على غرفة مؤيد ووقت شافو مؤيد دغري جلس حالو وستند على تاج التخت ابو جوري: خليك يا ابني مرتاح ....كيفك مؤيد : اسف كثير يا سيدي لانو امنتلي وما كنت قد الامانة ابو جوري : هاد مو ذنبك يا ابني ... Telegram@rwayate مؤيد : مبلا ذنبي وانا مارح اهدى لرجع جودي على بيت ابو جوري : جوري رح ترجع وانا عرفة مين كان ورى كل هل مصايب نفعل مؤيد وحكا بكل عزم : مين لاطلع بروحو ابو جوري : طول بالك رح اطلع بروح كل واحد حاول يأذينا مؤيد : انا لازم اطلع وكون معك ابو جوري : لا يا ابني انت خليك هون حالتك ما بتسمح نطلع هلق مؤيد : انا منيح سدقني Telegram@rwayate (( رن تلفون ابو جوري وكان مكتوب على شاشة 📞 ابو سالم .. ضغط على الاشارة الخضرا بسرعة ورد عليه )) ابو جوري : اي ابو سالم ... اجت ام محمود ابو سالم : اي سيدي هلق شفتها من ورا القزاز ابو جوري : طيب اليوم بدك تعرفلي منين عم تطلع وتفوت بدون ما تلفت انتباه ابو سالم : تكرم سيدي (( سكر ابو جوري الخط ورجع التلفون ليكمل حكيو مع مؤيد ))

العضوة: 799516 , منذ 3 سنوات

مؤيد : سيدي ام محمود ألها ايد بلموضوع شي ؟؟؟ ابو جوري : والله هيك شايف بس لسا ما ثبت شي .. يلا انا رح قوم عندي كثير شغل ... Telegram@rwayate مؤيد : وانا قايم معك ورح كون سندك باذن الله . أبو جوري: الله يخليك يلا جهاز لنروح بسرعة (( جهز حالو بسرعة مؤيد وطلع هوي وابو جوري وكان توجههم على غرفة الكميرات والتنسط يلي عملوه على فيلا )) ____________________________________ (( قاعدة جوري وعم تتأمل صينية الاكل الفارغة وعم تحكي بينها وبين حالها : انا بعمري ما كنت اتخيل أكل هيك اكل ااااه سبحان مغير الاحوال .... انا اذا ما كانت الطاولة معباية افخم الاكل وأشهاه ما كنت اقعد اكل ...لا وكنت اتكبر كمان )) Telegram@rwayate قطع سلسلة خيالها واحد من الرجال بدو ياخذ صينية الاكل مجهول : ما انتلك رح تاكلي هه ... نشالله ابوكي يكون عاقل ويجي ياخذك بسرعة قبل ما تفتح نفسي عليكي ... قرب الرجال من جوري وصار يشنها بطريقة مقرفة وهيي تبعد وتهمس بهدوء ..بعيد .. بعيد عني

العضوة: 799516 , منذ 3 سنوات

حابين اكمل

العضوة: 774204 , منذ 3 سنوات

كملي

العضوة: 782632 , منذ 3 سنوات

@user-799516 طبعا لكن نوصل لنص قصه

العضوة: 801024 , منذ 3 سنوات

من غير ماتسألينا كملي عيني القصه بدت تحلو