4 years ago
  • المرحلة الأولى ( اول 3 اشهر)
سلام عليكم بنات شاركوني برأيكم واسفة على الاطالة بس حبيت اقلكم قصتي مع الحمل انا متزوجة منذ 9 سنوات متزوجة من أبن عمي وهو بيكون اكبر اخوانه تزوجنا عادي يعني مو عن طريق الحب والده أراد اكون زوجة ابنه بس لما كنت صغيرة ماكان يعجبني تصرفات امه يعني ماكنت احبها وهي بصراحة ماكانت تحبنا يعني ماكانت تقول انها ما تحبنا انا وعائلتي بس من تصرفاتها كنا نعرفها شلون هي بس لما خطبني جوزي حبيتو وحبيت عيلتو وصرت متعلقة فيهم وتجوزنا بعد خطوبة سنة وسكنت بيتهم لمدة 6 اشهر وكان هوا معيل العائلة لانو كان اكبرهم ووضعهم المادي كان ضعيف يعني بس هوا وابوه كانو يشتغلون المهم حملت من ثاني شهر واجهضت ماعرفت السبب لاني كنت بشتغل كثير في البيت بس كانت معي اخت زوجي كانت تشتغل بس ماكانت تحبني والله شاهد علي كنت اعطيها من ملابسي وكنت احترمها واحبها واغطي على افعالها وخاصة انها كانت تفتح علاقات مع شباب وماكنت اخبر جوزي لاني كنت اخاف عليها ما تتأذى وحماتي وأخوان جوزي ماكان يحترموني ويقللو من قدري وقيمتي وكنت اشتغل وما كنت الحق اشوف جوزي كتير لاني ماكنت الحق من شغل بلبيت وهوا كان يشتغل بساعات طويلة كنت انام بغرفة من دون تدفئة وكانت باردة جدآ والله تعذبت بينهم ومرة عرفت اني حامل للمرة الثانية وصارت مشاكل بينا فرحت على بيت ابوي لاني ما تحملت العيشة معهم وضليت عندهم 3 أيام ولا حدى اجى رجعني لحتى مرة اجى جوزي واخذني بلغصب وماقال شي اجيت على بيت وقعدت مع ابوه قلت انت عمي بمثابة أبي يهون عليك هيك يعاملوني وحماتي اجت على الغرفة وقعدت وماخلت ستر وغطا علي وقالت انتي اكبر كزابة وهانتني كتير وقالت شوفي انتي شكلك بدك تنفصلي عنا وتعيشي لحالك انتي وجوزك ماحزرتي انتي روحي عيشي ببيت ابوكي وخلي ابني يعيش معي ورح جوزو ست ستك وانا كنت اسمعها وينعصر قلبي من جوى ودموعي ينزلو شلالات وعمي وجوزي مانطقو ولا كلمة ضلو ساكتين وفجأة حسيت بمغص قوي ونزل دم وتوجعت رحت على غرفتي شفت دم غزير مع مغص قوي وهي سمعت صوت صريخي قالت ابصر شو كنت تلعبي بيبت ابوكي لحتا صار اجهاض معك ومااخدتني عند الدكتور وجوزي ماكان يحكي ولا كلمة كان حاطط الحق علي وضليت 5 ايام هيك دم يجي مع مغص قوي وكنت ابوس ايدها تاخذني عند الدكتور كانت تقول رح ينزل لحالو ومرة حكيت مع امي قلتلها دخيلك يا امي خديني رح موت من الوجع وسمعتني وقالت شو رح تفضحينا يلي بيسمعك بيقول ما معها مصاري تاخذ مرت ابنها عند الدكتور قلتلها عم اترجاكي وماعم تاخديني قالت رح اخدك وبعرف رح يكون روحتي على الفاضي ورحنا عند الدكتورة وفحصتني وقالت الجنين ميت ببطنها وصار كلو قطع الله يسامحكم ليش ما جبتوه بكير وهي ماحكت شي للدكتورة وعطتني الدكتورة دواء مشان ينزل الجنين وضلين 6 ايام لحتا نزل اخخ تعزبت كتير وكنت هيك اشتغل بلبيت لانو ماكانو يقبلو اتسطح بغرفتي ومرق كم شهر تاني وكان يسمعوني حكي ويعزبوني بكلامهم ويقولو لجوزي مرتك ماتشتغل شي ونحني صايرين خدامين ألها وكل يوم على هل حالة لحتى مرة ماتحملت وطلبت الطلاق من زوجي قلتلو ماعاد اتحمل لك ياخي روح تزوج وتركني عيش حياتي بس والله مارح تلاقي وحدة متلي تحبك والله هوي كان يحبني بس امو كانت ربطتلو لسانو قلتلو انا رايحة لبيت ابوي واذا حبيت تطلقني تعا عم استناك ومرق كم يوم واجا وقال شفتلك بيت مشان نعيش لحالنا ابوي وافق بس امي قالت روح وخليها ماتجي لبيتي بحياتها والله ماصدقت وفرحت كتير وانفصلنا ومرق 3 اشهر وحملت بأبني والحمدلله جبتو بخير وسلامة بس ماكنت روح لبيت عمي لانو هي منعتني اروح لعندها لبيتها ولما صار عمر ابني 4 اشهر جوزي حاول ياخذني لعندون لانو صار عندون حفيد وعيب نضل هيك والله هي بلاول سمعتني حكي قدام الباب وبعدين فوتتني وصرنا هيك دائمأ نروح لعندون بس هي تغير أسلوبها معي مابعرف ليش وبعد ماكبر ابني صار عمرو 3 سنوات حبيت اجبلو اخ تاني او اخت وحاولنا وماكان يصير حمل رحت عند الدكتورة قالت ضعف مبايض وتكيسات تعالجت لعدة سنوات وماصار حمل الدكتورة قالت لازم نعمل عملية تكيس مبايض تنظير بلبطن ووفقت وعملتها وبعد العملية حملت مرتين واجهضت من دون سبب وبعدها كمان مابقى حملت والتكيسات ماراحت بلعملية وكمان ضعف تبويض مازال معي وطلعلي التهاب بلانابيب كمان والله رحت عند دكاترة كتير والكل قالو مافي أمل للحمل غير عملية زرع اطفال انابيب بس ماكانت امكانياتي كويسة لانها كانت تكلف كتير ورحت عند شيوخ كثيرر ومالقيت حل لمشكلتي ألى ان رحت لعند شيخ وعمل لي رقية شرعية وطلع أني معي مس جان معطلين الحمل بجسمي ومأذوني كتير ونطقو بجسمي وقالو انو مرت عمي واختها وبنتها عملو لي سحر الارحام حسبي الله عليهم والحمدلله الشيخ فكلي وجوزي انصدم بس انا مارضيت حدى يعرف بهل شي لاني خفت يعرفو ويرجعو يعملولي سحر مرة تانية وبعدها صرت اشوف منامات مبشرة وكلها بتدل انو راح الاذى مني وبعد ما تحسنت فجأة اجينا لبلد تاني مشان نعيش وجوزي يشتغل فيها لانو وضعنا المادي كان مو كويس وسبحان الله بخلال زيارتي ب 3 أشهر بهل بلد الجديد حملت من اول زيارة عند دكتورة بلبلد الجديد ولهلا انا حامل الحمدلله بلشهر الثالث وماخبرت حدى من اهل جوزي وناوية ما اخبرهم هل هلشي غلط اني بعملو الله شاهد اني تعزبت كتير بحياتي😞 وتوجعت منهم

176 تعليقات

العضوة: 1096470 , 4 years ago

اكيد ميه بالميه هذن مايخافن الله ...سونهااا٠٠٠٠بعيدات كل البعد عن رب العالمين المايخاف من الله ينخاف منووو بس قوليلي جوزك كشف امو واختو مو

العضوة: 1179028 , 4 years ago

اي قلبي والله رح ينصعقو والله انا بعد ما راح السحر مني الحمدلله صرت اشوف الحياة شو حلوة وصرت اشوف منامات حلوة مرة حلمت بأنو الله بعت ملاك من السما بعت رزق لبيتي كأنو نور ونزل من السما شفت اكل ومصاري وكل شي موجودة على سفرة كبيرة وبعد هلمنام ب 4 اشهر سافرت وتركت بيتي وبعت غراض بيتي والحمدلله جوزي فرج عليه ووضعنا تغيررر كتيرر

العضوة: 1179028 , 4 years ago

اي صح يلي ما تخاف ربها بتعمل كل شي

العضوة: 1179028 , 4 years ago

اي حبيبتي انشالله الله كبير

العضوة: 1096470 , 4 years ago

الف الحمد لله اكيد السحر خطر بس وكان كيد الشيطان ضعيف والمحافضه عل اذكار مهم جدا ويوميا استودعي الله جنينك ونفسك ودينك وولادك وزجك وبيتك ورزقك والله يسعدك يارب ولاتخافي ضلمنك وعذبنك٠٠٠يجي يوم ويدور الدولاب وعجوزك تطلب السماح منك راح تترجاكي حتا تسامحينها٠٠٠والله

العضوة: 1179028 , 4 years ago

صح كلامك والله الدنيا دوارة والله مابينسى حدى ودائمآ كنت اردد حسبي الله ونعم الوكيل فيهم انا ما عملت لهم شي بس هما أذوني كتيرر وموتو جنين ببطني لانو الجان لما نطق قال نحني موتنا الجنين ومانريد يصير حمل ويكمل

العضوة: 1210790 , 4 years ago

انا برأيي خبريهم وضلك حصني نفسك حسبنا الله ونعم الوكيل ع كل ظالم واحكيلم انك عرفتي خبر الحمل متأخر

العضوة: 1096470 , 4 years ago

ملاحضه حبيت انبهك عليها وهي انو صورك ماتبعثيلهن٠٠٠بنوب عل صوره ينسحر٠٠٠اصوات لاتبعثي عل وتس للهن يقدرن حتا عل صوت الاحتياط واجب اكتبي كتابه او اتصال

العضوة: 1096470 , 4 years ago

اكيد الجن هاذ خادم الارحام هاذ مهمتو خنق الطفل الله اكبر .....انظلمتي ودعائك مستجاب

العضوة: 1210790 , 4 years ago

بس يمكن عندهن صور قديمة اللها

العضوة: 1096470 , 4 years ago

لا حاليا ماتخبرهن٠٠٠الا تدخل التاسع لانو يسونها٠٠والله لايسحرنها٠٠من جديد مايخافن الله

العضوة: 1096470 , 4 years ago

حدا هالنهارات٠٠٠خلي اختك امك تفوت لغير طريقه وتمسح كلشي صور الك بجوالاتهن

العضوة: 1179028 , 4 years ago

عنجد الاصوات كمان ياربي سترك انا ماببعت صوتي لحدا بس عندي رقم اخت زوجي لانو هي الوحيدي على 7 ولاد وجوزي ماعندو غيرها بس انا مابحكي معها عطول بقولها انا مو فاضية بس لما بعت غراض بيتي ماعطيتهم شي خفت يعملولي سحر على غراضي لانو كلها من ريحتي انا كنت دائمآ اقول ليش ما احمل واجيب ولاد مع انو الله عطاني ولد ابني كبر وصار عمرو 7 سنوات وهلا مبسوط كتيرر انو رح يصير عندو صديق لانو هوي لحالو بهل غربة وخاصة اني ما بعتو على مدرسة هل سنة لانو صارت معنا ظروف

العضوة: 413636 , 4 years ago

كيف جني نطق مافاتت راسي يعني طلع ادامكن جني وصار يحكي

العضوة: 1096470 , 4 years ago

اي ابوي راقي شرعي وانا مرت عليا حالات عل عدد شعر راسي لذلك نبهتك٠٠٠انتبهي وابالك ابنك يبوقون٠٠٠غروووو هااا انتبهي كثير