4 years ago
  • المرحلة الأولى ( اول 3 اشهر)
سلام عليكم بنات شاركوني برأيكم واسفة على الاطالة بس حبيت اقلكم قصتي مع الحمل انا متزوجة منذ 9 سنوات متزوجة من أبن عمي وهو بيكون اكبر اخوانه تزوجنا عادي يعني مو عن طريق الحب والده أراد اكون زوجة ابنه بس لما كنت صغيرة ماكان يعجبني تصرفات امه يعني ماكنت احبها وهي بصراحة ماكانت تحبنا يعني ماكانت تقول انها ما تحبنا انا وعائلتي بس من تصرفاتها كنا نعرفها شلون هي بس لما خطبني جوزي حبيتو وحبيت عيلتو وصرت متعلقة فيهم وتجوزنا بعد خطوبة سنة وسكنت بيتهم لمدة 6 اشهر وكان هوا معيل العائلة لانو كان اكبرهم ووضعهم المادي كان ضعيف يعني بس هوا وابوه كانو يشتغلون المهم حملت من ثاني شهر واجهضت ماعرفت السبب لاني كنت بشتغل كثير في البيت بس كانت معي اخت زوجي كانت تشتغل بس ماكانت تحبني والله شاهد علي كنت اعطيها من ملابسي وكنت احترمها واحبها واغطي على افعالها وخاصة انها كانت تفتح علاقات مع شباب وماكنت اخبر جوزي لاني كنت اخاف عليها ما تتأذى وحماتي وأخوان جوزي ماكان يحترموني ويقللو من قدري وقيمتي وكنت اشتغل وما كنت الحق اشوف جوزي كتير لاني ماكنت الحق من شغل بلبيت وهوا كان يشتغل بساعات طويلة كنت انام بغرفة من دون تدفئة وكانت باردة جدآ والله تعذبت بينهم ومرة عرفت اني حامل للمرة الثانية وصارت مشاكل بينا فرحت على بيت ابوي لاني ما تحملت العيشة معهم وضليت عندهم 3 أيام ولا حدى اجى رجعني لحتى مرة اجى جوزي واخذني بلغصب وماقال شي اجيت على بيت وقعدت مع ابوه قلت انت عمي بمثابة أبي يهون عليك هيك يعاملوني وحماتي اجت على الغرفة وقعدت وماخلت ستر وغطا علي وقالت انتي اكبر كزابة وهانتني كتير وقالت شوفي انتي شكلك بدك تنفصلي عنا وتعيشي لحالك انتي وجوزك ماحزرتي انتي روحي عيشي ببيت ابوكي وخلي ابني يعيش معي ورح جوزو ست ستك وانا كنت اسمعها وينعصر قلبي من جوى ودموعي ينزلو شلالات وعمي وجوزي مانطقو ولا كلمة ضلو ساكتين وفجأة حسيت بمغص قوي ونزل دم وتوجعت رحت على غرفتي شفت دم غزير مع مغص قوي وهي سمعت صوت صريخي قالت ابصر شو كنت تلعبي بيبت ابوكي لحتا صار اجهاض معك ومااخدتني عند الدكتور وجوزي ماكان يحكي ولا كلمة كان حاطط الحق علي وضليت 5 ايام هيك دم يجي مع مغص قوي وكنت ابوس ايدها تاخذني عند الدكتور كانت تقول رح ينزل لحالو ومرة حكيت مع امي قلتلها دخيلك يا امي خديني رح موت من الوجع وسمعتني وقالت شو رح تفضحينا يلي بيسمعك بيقول ما معها مصاري تاخذ مرت ابنها عند الدكتور قلتلها عم اترجاكي وماعم تاخديني قالت رح اخدك وبعرف رح يكون روحتي على الفاضي ورحنا عند الدكتورة وفحصتني وقالت الجنين ميت ببطنها وصار كلو قطع الله يسامحكم ليش ما جبتوه بكير وهي ماحكت شي للدكتورة وعطتني الدكتورة دواء مشان ينزل الجنين وضلين 6 ايام لحتا نزل اخخ تعزبت كتير وكنت هيك اشتغل بلبيت لانو ماكانو يقبلو اتسطح بغرفتي ومرق كم شهر تاني وكان يسمعوني حكي ويعزبوني بكلامهم ويقولو لجوزي مرتك ماتشتغل شي ونحني صايرين خدامين ألها وكل يوم على هل حالة لحتى مرة ماتحملت وطلبت الطلاق من زوجي قلتلو ماعاد اتحمل لك ياخي روح تزوج وتركني عيش حياتي بس والله مارح تلاقي وحدة متلي تحبك والله هوي كان يحبني بس امو كانت ربطتلو لسانو قلتلو انا رايحة لبيت ابوي واذا حبيت تطلقني تعا عم استناك ومرق كم يوم واجا وقال شفتلك بيت مشان نعيش لحالنا ابوي وافق بس امي قالت روح وخليها ماتجي لبيتي بحياتها والله ماصدقت وفرحت كتير وانفصلنا ومرق 3 اشهر وحملت بأبني والحمدلله جبتو بخير وسلامة بس ماكنت روح لبيت عمي لانو هي منعتني اروح لعندها لبيتها ولما صار عمر ابني 4 اشهر جوزي حاول ياخذني لعندون لانو صار عندون حفيد وعيب نضل هيك والله هي بلاول سمعتني حكي قدام الباب وبعدين فوتتني وصرنا هيك دائمأ نروح لعندون بس هي تغير أسلوبها معي مابعرف ليش وبعد ماكبر ابني صار عمرو 3 سنوات حبيت اجبلو اخ تاني او اخت وحاولنا وماكان يصير حمل رحت عند الدكتورة قالت ضعف مبايض وتكيسات تعالجت لعدة سنوات وماصار حمل الدكتورة قالت لازم نعمل عملية تكيس مبايض تنظير بلبطن ووفقت وعملتها وبعد العملية حملت مرتين واجهضت من دون سبب وبعدها كمان مابقى حملت والتكيسات ماراحت بلعملية وكمان ضعف تبويض مازال معي وطلعلي التهاب بلانابيب كمان والله رحت عند دكاترة كتير والكل قالو مافي أمل للحمل غير عملية زرع اطفال انابيب بس ماكانت امكانياتي كويسة لانها كانت تكلف كتير ورحت عند شيوخ كثيرر ومالقيت حل لمشكلتي ألى ان رحت لعند شيخ وعمل لي رقية شرعية وطلع أني معي مس جان معطلين الحمل بجسمي ومأذوني كتير ونطقو بجسمي وقالو انو مرت عمي واختها وبنتها عملو لي سحر الارحام حسبي الله عليهم والحمدلله الشيخ فكلي وجوزي انصدم بس انا مارضيت حدى يعرف بهل شي لاني خفت يعرفو ويرجعو يعملولي سحر مرة تانية وبعدها صرت اشوف منامات مبشرة وكلها بتدل انو راح الاذى مني وبعد ما تحسنت فجأة اجينا لبلد تاني مشان نعيش وجوزي يشتغل فيها لانو وضعنا المادي كان مو كويس وسبحان الله بخلال زيارتي ب 3 أشهر بهل بلد الجديد حملت من اول زيارة عند دكتورة بلبلد الجديد ولهلا انا حامل الحمدلله بلشهر الثالث وماخبرت حدى من اهل جوزي وناوية ما اخبرهم هل هلشي غلط اني بعملو الله شاهد اني تعزبت كتير بحياتي😞 وتوجعت منهم

176 تعليقات

العضوة: 1096470 , 4 years ago

انتي مفكرا لعبه الله لايشوفج٠٠٠السحر خطر يتلبسج٠٠٠ويصير يحجي عل لسانج٠٠٠والنطوق اثناء الرقيه حبيبتي

العضوة: 1210790 , 4 years ago

بس عشان جوزها ومايوخذ فكرة انو هيا انانية ومابتحب اهلو

العضوة: 413636 , 4 years ago

@user-1096470 الله يبعد عني وعن احبابي وعن ذريتي وعنكم يارب بس انا لا اؤمن بسحر

العضوة: 1096470 , 4 years ago

انانيه والله والله لولي بمكانها والله والله اقطع علاقتي معاهن والله والأسمو٠٠٠الله

العضوة: 1096470 , 4 years ago

عادي الرسول انسحر٠٠ونزل جبريل ورقاه ابحثي وشوفي

العضوة: 1179028 , 4 years ago

اي والله حبيبتي صح كلامك .. وشفت منام بعد ما فكيت السحر اني كنت قريبي من بيت مهجور قريب على المقابر انو حرمة كانت تخبرني انو في علبة موجودة بهل مكان وجابتلي فكرتو علبة توابل لانو كان يشبه علبة التوابل بس كان مثل الرماد جوى العلبة فمسكت العلبة وفرغت الرماد على حجر كان بزاوية البيت وطلع منها غراب أسود صغير وعلى ظهرو جرادة وطارو والبيت فعلآ عرفت وين كان بلظبط وحتى المقابر هي كمان بنفس المنطقة لانو مدفونيين فيها اهل قريتنا

العضوة: 1210790 , 4 years ago

والله صادقة بس مو كل الازواج واحد والله جوزي بموت ع امو اذا بشوف بعيونو عم تظلمني مابحكي شي

العضوة: 1096470 , 4 years ago

بالضبط هاذ منام اشاره من الله .....يلله الف الحمد لله تشافيتي٠٠٠يارب

العضوة: 413636 , 4 years ago

يارب سترك معقول كل هل شي الله سترك

العضوة: 1179028 , 4 years ago

والله مااعرف ياقلبي انا بقول انو كانو يعملولي من الاكل كمان لانو كنت اكل من اكلهم واكيد كانو عاملين جوى بيتي كمان بس كنت عايشي ببيت أجار وبعد ما سافرت وتركت بيتي شفت بيتي كان متل الوحش ومرة شفت اني بقتل حية كانت موجودة بيبتي واشقها نصفين

العضوة: 1096470 , 4 years ago

اي الله لايمتحنا ....والله السحر والسحارين٠٠٠انذكرو بالقرآن ونبينا محمد نسحر ونزل جبريل عليه السلام ورقاه

العضوة: 1096470 , 4 years ago

الحيه عدووو لدود ٠٠٠٠اكيد مطعوم والمرشوش والمدفون٠٠٠ الله يكفينا شرهن

العضوة: 1179028 , 4 years ago

ياريت بس كيف مايعطو لحدا وخاصة هلا صارت مشكلة بين ابوي وابو زوجي وماحدى يروح لبيت التاني

العضوة: 1096470 , 4 years ago

ايوا يلله ربي يعميهن عنج يارب

العضوة: 1052234 , 4 years ago

نوووووو ابدا ما تخبريهم لحتا تولدي بالسلامة و شو عرفك اذا بعملولك تاني سحر لا اقنعي زوجك باحاديث الرسول عن الستر وقوليلو خلينا نستر حملنا لين اولد الله معك يا رب صراحة هدول مو لازم يعرفو عنكون اي معلومة او اي شي مادام وصلة فيهم الحقارة انهم يتحدو الله و يعملولك سحر