العضوة: 799516 , منذ 3 سنوات

#جوري:-برافو عليكي رح صقف لالك كمان👏👏 بارعة بالتمثيل وخوفك عليه كتير.. شلون طالعة طفرة بين عيلتك لتهتمي بأمري وخايفة على مشاعري وسمعتي..زعلاني على امك وبيك اللي مقضيين حياتهن شغل . ليل نهار..شي يوم اسمعتي امك قاعدة جنبك عم ادرسك كتاب ..ولا شفتي بيك شي يوم حضر اجتماع الاباء او وصلك لشي مدرسة..شي يوم اجتمعنا على اكل كلنا هيك..لعلمك يلي عم يصير فينا سببوا ابوكي وامك يلي عم ادافعي عنهن..لعلمك للمرة الثانية انتي كمان مثلي انتي لو لقيتي حب واهتمام ما التجأتي ليوسف ليعوضك عن هيك شي..بس يوسف انسان زبالة مثلو مثل جبر همهن بس يحصلو على المال مثل بيك من شغل امك معو مافرقوا عنهن شي ..هني بقضو وقتهن سوا بالمشفى وانا وانتي ننطر الشغالة لتجي على الاقل تحط لالنا لقمة اكل..اخوكي يلي اساسا مابنشعر بوجودو بالبيت اخد طريقوا وبعد عنا..وانا يلي ما بقي ابن حرام الا استغل ضعفي والنقص يلي عندي شو بدك مبرر اكثر.. #يـتـبـع ↯↯

العضوة: 799516 , منذ 3 سنوات

الجزء السابع .. ((تعي جاوبيني كم مرة وقفتي انتي قدام امك تشكيلها من افعال رفقاتك لالك..كم مرة سمعتلك وانتي عم تبكي لان الانسة في المدرسة ما اعطتك حقك..بيك كم مرة قلتي لالو تعا خدتي شي مرة من المدرسة او خدني شي رحلة دائما كنتي تبكي قدامي لاقدر خفف عنك وانا ابكي تحت حرامي وماحد يحس فينا..اول مرة جيت صارح امك وقلها عن رفيقي واني بحبو كنت صغيرة عمري 13 سنة ضربتني وصارت تقلي عيب ومابصير ..ياما كان قلبي عم يوجعني وماحد كان حاسس فيني ..ودائما عذرهن مشغولين عنا اشغال ورانا مناوبة بدنا نجيب مصاري نعيشكن . اي في مصاري بس للاسف مافي سعادة لالنا بس علمتنا الانحراف . اقل شي كنت اجي اسال امك عن وجود الله تقلي مابعرف بالغيب..هاد افضل جواب لالها..طيب انا عندي افكار بدي اعرف شو يعني الله شو موجود ورا هالعالم المختفي..ليش الاجابات كانت محدودة سواء منها او من المدرسة ... وكتير وكتير..شو ماحبيتي الحكي..ليش عم تبكي وجعتك ما...لاتزعلي هني بياخدو منا المصاري وبيعطونا حنان ..وبيك وامك بعطونا مصاري وبيحرمونا الحنان وهيك اتعادلت القوانين والموازين.. #ورد :- واذا انا وانتي مرينا بهيك حياة ليش انتي ما اتحملتي مثلي.. #جوري:-لك بدي جن من كلامك لك صرت ابكي واضحك على تفكيرك..لك انا مابتحمل ..انا بدي ابني حياتي بالطريقة اللي تناسبني بدي بيت كلو حنان ..هالشي مالقيتو بجبر ولا بميسر كلهن كذابين ولا حتى بيوسف.. #ورد :- يوسف #جوري:- اي يوسف شوبك اتفاجأتي .. #ورد :-شو دخل يوسف بالقصة .. #جوري:- يوسف هو الحبيب السري لاختك جوري ..

العضوة: 799516 , منذ 3 سنوات

جوري .. #ورد :-شو عم تحكي انتي..جنيتي فوتي الف موضوع في بعض ماعدت افهم عليكي .. #جوري:- انا يلي دليت يوسف عليكي وانا يلي خليتو يحبك وانا يلي عيشتك بوهم لتطلعي من القرف يلي اهلك معيشينك فيه..انا يلي كنت عم حطوا بطريقك بس انتي غبية ماعرفتي تتملكيه وهو مل وزهق منك لهيك رجع لعندي.. #ورد :-لا لا انتي مريضة انتي فيكي شي ..انتي اساسا مو اختي اللي بعرفها..انتي وحدة ساقطة ومنحرفة بمعنى الكلمة ..لاعاد تجي تسألي عني لا انتي اختي ولا بعرفك..لك مو مشان واحد خسيس مثل يوسف لا هو ولا غيروا بيسوا قشرة بصل ..لاني فكرتك اخت بتخاف عليه..لانك فكرتك قلبي يلي بيرجف بدون ما احس..لك كان نفسي تجي تقليلي مالازم تصاحبي وهالشي مابصير عم ادلي شباب على اختك اتفي عليكي لك شو يلي صرلك اختي يلي اجي اشكيلها من حد اذاني هيك تعمل معي انا بكرهك بكرهك..اسمعي اذا بقيتي على هاد الحال كل صورك وافعالك رح اخلي ابي يشوفها رح ورجيه كمية القرف يلي نايم عنها لازم يوقفك عن حدك ..اذا هو ما اتحرك انتي خلاص ماعاد لالك مكان بينا ..مكانك في حاويات الوسخ والعالم المنحرفة ((نزلت وانا عم ارجف من حكي اختي معقول عم املك هيك اخت انا.. ماعاد في بلساني كلمة توصف يلي عم يصير تحت اسم متزوجة عم تمارس كل المحرمات ..ابي وامي وزوجها معمي على بصرهن وما عاد يحسو عليها )) #السائق :-بنتي فيكي شي بتحبي ساعدك شي اتفضلي امسحي دموعك..

العضوة: 787685 , منذ 3 سنوات

كملي

العضوة: 799516 , منذ 3 سنوات

#ورد :-شكرا لالك.. Telegram@rwayate #السائق :-سبحان الله كنتي اخر راكب معي ..مستعجل اروح شووف بنتي اشتقتلها بعد يوم عناء ..هلاء بتكون عم تنطرني هي تقريبا بعمرك لاتبكي يابي الدنيا بتهون عند حضنة اب وام ..شو ماكان عم يصير معك فضفضي لاهلك هني رح يساعدوكي .. #ورد :-اهلي 😢 نزلني هون .. #مؤمن :-ليكها شرفت اتفضلي وين باقية.. #امي :-كانت عند اختك اتركها .. ((وقفت لقيت امي كامشة موبايلها وعم تحاكي رفيقتها وتعطيها نصائح عن حياتها..وابي يلي مشغول بالتلفزيون بعد يوم طويل..وانا يلي عيوني وارمين من البكي ..يلي كل الشارع انتبهت اني عم ابكي واعطتني نظرات الشفقة ..فتت غرفتي وطبقت الباب وعلى صوت ضرب الباب القوي لحقتني امي.. #امي :-صرعتيني ..شوي شوي سكري الباب.. #ورد :-حقك علي امي حقك علي..انتبهتي اني طبقت الباب بس ما انتبهتي اني عم ابكي وقلبي محروق

العضوة: 799516 , منذ 3 سنوات

#امي :-خير ياطير شو قليلي.. Telegram@rwayate #ورد :-لا مافي شي كملي نصايح لرفيقتك..اساسا انتي مانك حاسة على شي ..تعرفي امي.. بكرة لما بدي جيب بنت .. لما تكبر رح اتفقد عيونا اذا ورمانين 😔بدي اتطلع جوات عيونا وشوف اذا عم يلمعوا واذا عروق عيونا صاروا حمر .. بدي انتبه ع بحة صوتا اذا فيا نبرة بكى😢 بدي اتفقدا بالليل اذا عم تبكي و حاطة ايدا ع تما 😭 بدي اذا قالت انا بخير تكون صادقة وطالعة من قلبا .. بدي اذا رجعت عالبيت افهم من عيونا اذا مدايقة من شي .. بدي اتفقد اديها اذا جرحتن 💔 بدي اتأكد اذا نبضات قلبا مو واجعينا .. بدي خفف عنا .. بدي كون رفيقتا و بيت سرا 😔بدي فهما انو #انا_معا_بكلشي .. بدي #حس بـ يلي #جواتا بدون ما تحكيلي 😣 بدي لما #احضنا تحس بالامان ,ما بدي تكره الحياة ما بدي تفكر تنتحر 😢ما رح #اخنقا بـ #اهتمامي بس بدي علما انو كتمان_الوجع_اكبر_من_الوجع 💔 بدي خليا تسألني كيف عم افهما بهالسهولة؟ وقتا رح خبرا انو ! بـ عمرك مرقت بفترة خلتني ادعي ربي وانا عم ابكي انو بنتي ما تشوف يلي #شفتو 💔 بدي كون لالها السند والروح والقلب #يـتـبـع ↯↯

العضوة: 799516 , منذ 3 سنوات

الجزء الثامن .. Telegram@rwayate ((بدي كون لالها السند بدي خبيها تحت رموش عيوني..بدي من اول ماتوعى على الدنيا اسألها عن حال مدرستها وشو عملت وشو اخدت مع انستها..بدي اسمع قصصها مع رفيقاتها..بدي انطرها على باب مدرستها بالثانية لوقت خروجها لاكمش ايديها ونرجع سوا على البيت .ومن تصير على وجه جواز بس اسمع لقلبها عن رايها عن حبها..عن جوا قلبها ومن يلي صار ومين عم يملكو..بدي غار لانو في حد غيري بدو ياخد مكاني ..مارح جوزها لأي حد ..رح اتركتها تختار يلي مناسب لالها ولقلبها ولعمرها ولحتى لالي..شخص يحبها..بدي كل ليلة اجي اتفقدها اذا حرارتها مرتفعة او لاء..ومستحيل غيب نام ليلة وحدة بعيدة عنها..بنتي هاي قطعة مني . شلون ما احافظ عليها...شو امي وجعتك اكيد ..لانك مابتعرفي هاد الحكي لانك عم تعتقدي انو الحياة الحلوة انك تشتري لالي افضل شي وتتباهي بأفضل ديكور واحسن ضيافة . وافضل سهرات..بدك تكوني مبسوطة بفرح رفيقتك لان بناتك عندهن سيقان بجننو والقصير عليهن طالع يعقد...كم مرة حكتيلي عن ديني كم مرة قلتي لاختي عن وجود الله...انتي شايفة حركاتها وتصرفاتها وقصة الشعر والاوشام يلي بلشت تعملها بحالها شايفة انتي ومغمضة ... #ابي:-شو في ليش صوتكن طالع شو يقولوا الجيران ورفقات اخوكي ... #ورد :-بدي ارتاح امي خوف من الجيران شو يقولوا...عن اذنك... ((يمكن حكيت بقساوة تجاة امي ..يمكن حسيت اني زعلتها واثرت عليها ...كلامي كان يوجع ويجرح ..بس مو بإيدي الضغط يلي صار معي خلاني هيك احكي...نمت وانا عم ابكي ..مر قبالي شريط حياتي كلو ..كنت اتحسر على حياة رفيقتي صفاء البسيطة ..وشلون حياتها كلها اهتمام وخوف من اهلها ...اتذكرت كم مرة عايرتها لاني بملك اشياء هي مابتحسن تملكها ..وشلون كانت عم تقهرني من اشوف امها عم تبتسم على باب المدرسة وناطرتها ...يمكن هالشي كان تافه وسخيف بس اثر فيني بشكل كبير ..اثر على اختي بطريقة غلط ..ووصلتها لهيك حال...يمكن انا كنت لاقي اختي عم تسمعني بس هي مالقت حد يسمعها ماكان فيها القدرة تجي تشكي لحد اصغر منها ومارح يفهمها.

العضوة: 799516 , منذ 3 سنوات

يفهمها.. #الساعة 3 بالليل ..فقت على مسجات عم تصلني من جوري ..ماكان لالي نفس افتح المسجات ..بس من شفتها باعتتلي.. #مسج جوري ..بترجاكي ردي.... الحقيني ورد انا بمصيبة الحقيني ردي عليه _ __ اذا دقيتي لقيتي موبايلي خارج التغطية لاتخبري اهلي بترجاكي .. Telegram@rwayate (( من الرعبة ماعرفت شو اعمل حسيتها عنجد واقعة بمشكلة لان اختي مو من طبعها ترسل لالي شي مثل هيك رفعت موبايلي بدي اتصل عليها اول رنة والثانية فصل الموبايل وووصلتني رسالة تحديد موقع...لوهلة حسيت اختي هي اللي فصلت يمكن تكون مخطوفة وخافية الموبايل ومن دقيت فصلت وبعتتلي الموقع هاد كل يلي فكرت فيه لحظتها..ولحسن الحظ ابي وامي كان عندهن مناوبة دقيت على تاكسي ليلي ... #ورد :-رح اعطيك ضعف التوصيلة بس بترجاك وصلني على هاد المكان.. ((اطلعت وانا عيوني على المراي تبعت السواق كان على طول عم يطلع فيني صرت بدل الخوف اتنين ...بدي بس يوصلني ..بلش يفوتني من طرق مخيفة ومهجورة.. #ورد :-نزلني بسرعة لاتصل على الشرطة.. #السائق:- استغفر الله العظيم اختي انا مابدي شي منك..بس بدي قلك انو هالطريق مابتناسبك وانا عم وصلك للمكان يلي اعطتيني عنوانو..واعوذ بالله بيني وبين الحرام.. #ورد :- اوك شكرا .. نزلني هون ..

العضوة: 799516 , منذ 3 سنوات

هون .. #السائق :-البناية العالية هو هاد العنوان .. Telegram@rwayate (كل يلي مشعل نور بالحارة هو ضو بعيد على راس الشارع وكم شقة معهن اما بالبناية كانت شقة وحدة بس شاعل ضوها ....اما الباقي كانت ظلمة على الاخر ..وصلت لعند البناية يلي كان مدخلها مكب نفايات المنطقة وبالقوة لفتت..ووصلت الدرج ..كنت عم دور على الشقة يلي شاعل ضوها..وصلت لعندها دقيت الباب وانا مرعوبة ..اول دقة وبلشت احس بخطوات اتجاهي.. #ورد :-جوري انتي هون ردي عليه...جوري سامعتيني اختي.. ((كنت عم احكي بهمس كنت خايفة عليها .لحد يسمعني .شعلت الاضاءة من موبايلي ووجهتها اتجاه الدرج.... لاني كنت عم اسمع الحركة من هونيك..بس شعلت الاضاءة ماعدت اسمعت صوت الخطوات.... #ورد :-مين هون ...جوري ردي عليه سامعتيني اختي.. ((صفنت دقيقة وقربت اذني اتجاة الباب لاسمع شي من جوا الشقة ..حتى لو انفاس ماكنت عم اسمع شي الاصوات مرعبة بس...لوقت دق موبايلي من رقم جوري رفعت الموبايل .. #ورد :-الووو جوري دخيلك ردي انتي وين قليلي.. #جوري :-هههههههههه سوبرايز ... #ورد :-جوري سوبرايز شو يابنت حاجتك ضحك انتي شو عم تخبصي سكراني شي ...جوري ردي عليه.. ((بلشت صارخ عليها لتوقف مزحها الثقيل لاني بمكان لا احسد عليه ...دقات قلبي بلشت تتسارع ونفسي داق ..لوقت اسمعت صوتي من اتصال جوري ركزت بالصوت ..ماكان صوت اتصال دايركت كان صوت تسجيل فيديو بحفلة احضرتا انا وهي ..وقع من ايدي الموبايل بعد ما انفتح باب الشقة ..وانحطت ايد على تمي ..كانت ظلمة فوق العادة ماني شايفة شي.

العضوة: 799516 , منذ 3 سنوات

الجزء التاسع... Telegram@rwayate ((حاولت وهو عم يجرني لجوا الشقة اني اعمل اي حركة او اي صوت برجليه او خرمش الحيط كرمال يتوقف او حد يساعدني بس كل يلي صار لحظتها دفشني للارض وضربت راسي بقوة ...واغمى عليه ..بعد مرور وقت فقت على ضو قوي بوجهي ..حاولت استعيد نظري منيح ..بس عيوني كانو رؤيتهن صعبة ..وراسي عم تألمني...بعد 5 دقايق لاقدرت استوعب يلي انا فيه وبلشت توضح الرؤية المكان فارغ على الاخر ومغلق وكلو ستائر سودا ..كان البيت بس عبارة على صالة كبيرة مع حمام..وباين انها مكان دائما يعتنى فيه..نضيف. مانو مهجور .حاولت دور على مخرج ماقدرت ...حتى الشباك الصغير يلي عم يدخل لالي هوا وضو كان عالي كتير ..وبعيد عن قدرة ايدي لتصلو...قربت اتجاه الباب وصرت ادق بضربات قوية وانادي لعل وعسى حد يسمعني.. #ورد :- ياجماعة انا مسجونة هون..حد يسمعني بترجاااكن ياااامو يانااااس حد سامعني انا هون مسجونة .. ((ماكنت لاقي ردة فعل فقدت الامل لحظتها ومرق المسا ورجعت الدنيا ظلمت ..من كتر التفكير يلي كنت فيه والخوف والظلام و قواطع الكهربا كانت نازلة ومع ضو القمر الخافت بلشت شووف شغلات وخيالات حوليه ..ماكنت قدراني استوعب شي ..بلشت قدرتي تضعف.. #ورد :-بسم الله الرحمن الرحيم قل هو الله احد...

العضوة: 786580 , منذ 3 سنوات

كملي

العضوة: 724645 , منذ 3 سنوات

كمليها😪

العضوة: 786580 , منذ 3 سنوات

وين رحتي@مي ام حيدر ♡

العضوة: 787685 , منذ 3 سنوات

@user-799516

العضوة: 763746 , منذ 3 سنوات

@user-799516 كمليي