خلينا نتفق على شغله!! … انتي بارادتك جيتي لهون…
و انتي كمان بارادتك عم تقرأي قصتي..ياريت تفهمي انو مو كل القصص بتقدري تقرأيها .. في حكايا و خبريات .. الأفضل الك ما تعرفيهن ..
بهي اللحظة و عقلك الباطن عم يجمع الحروف و يترجمها و تبلشي تستوعبي انا شو عم احكي.. خليني قلك (اهربي)
لأنو انا شخصياً لو انعرض علي اقرأ قصتي رح اهرب متلك تماماً
…
شايفتك ما هربتي!! بدك تكملي ك نوع من التحدي و لا فضول؟ …
مبدئياَ خلينا نقول انو انا بعرفك…
بعرف اسمك و عمرك و وين عايشه… قصة حياتك من البداية للنهاية بعرفها ليش بتضحكي وليش بتبكي وايمت بتنامي وايمت بتصحي ..كلو بعرفو… هلأ انتي دورك تعرفي قصتي و بكفي مقدمات…
أسمي أماني…بنت مريم و عبدالغني…
أزا بتسأليني مين مريم بقلك ما بعرف
ازا بتسأليني مين عبد الغني بقلك هو أول واحد من احفاد ابليس رح تتعرفي عليه بقصتي هي ..
من وصلتي على الدنيا… و مع اول نفس اخدتو…
و قبل ما يقصو الحبل السري و ينظفو جسمي من الدم العلقان فيه كانت أمي مسلمة روحها،، ومع اعلان ولادتي تم إعلان وفاتها…
بزمن لسه بتحكمو الأعراف و الاعادات… بعد اقل من شهرين زفو خالتي ( وجدان) عروس لأبي ك تعويض و حل يرضي الطرفين مشان هي تربيني وهو يحصل على زوجة تانيه…
يظهر انو أبي كان متعلق بأمي كتير و بحبها كتير و هي البركة شكلها فتحت نفسو عالنسوان مزبوط… لأن -حسب ما حكولي- بعد خمس شهور ابي الله يقويه جاب ضره لخالتي…
هون خالتي كانت لسه طفلة بعمر 15 سنه… و ضرتها كانت قوية و مكيودة…ربنا ما رزق خالتي ولاد من ابي اعتقد رحمة و لطف فيها..
وعيت عليها بس ما بتزكر ازا نطقت كلمة ( ماما) ببداية مراحل كلامي بس الي بعرفو انو لما بلشت افهم و بعمر خمس سنين خالتي فهمتني انها مو امي و انو انا امي متوفيه
ف اكتفيت بمناداتها بخالتي..
لسوء حظي…خالتي بلشت تكبر و بلشت تثور و تنتفض..
و ابي كان جبار و عصبي بحضورو كانت خالتي و ضرتها يمارسو اساليب ( الحرب الباردة) و لما يطلع من البيت تبلش ( الحرب العالمية)
فتت المدرسة بشخصية مهزوزة و ضعيفه…كان اصغر موقف بخوفني و اي كلمة بتنزل دموعي بهي الفترة صار عندي اخوه تنين من مرت ابي التانيه…
((تحت التخت)) كان المكان الاكثر سلاما و هدوء بالنسبه الي..
تعودت على المعارك الي ما بتخلص..
تعودت على الوحدة…
تعودت اعتمد على حالي..
تعودت اكول لحالي متل ما بدها مرت ابي… و العب لحالي بما انو بتمنعني المس اخواني… و تعودت ( اكره)
الانسان بيولد بفطرتو على الخير و الحب
يمكن امي الله يرحمها اخدت فطرتي معها و راحت!!
ورا هدوئي الدائم…
و ابتسامتي الباردة…
و عيوني الوساع الي فيهن لمعة معينه…
كان في براكين عم تفور…
كانت بتدور براسي اسئلة كتيرة…
العضوة: 1028209 , منذ سنتين
انتي صاحبة القصة ؟ ولا القصة خيالية ؟العضوة: 1079126 , منذ سنتين
ليش ماعاد نزلتي قصص 🤔🤔🤔العضوة: 786543 , منذ سنتين
واقعية بس مو انا صاحبتاالعضوة: 786543 , منذ سنتين
والله مشغولي عم انتقل ع بيت تانيالعضوة: 1079126 , منذ سنتين
يعطيكي العافيه وان شاء الله تشوفي ع وجهه الخير والبركهالعضوة: 809837 , منذ سنتين
😭😭😭😭😭😭😭😭😭😭😭😭😭😭😭😭😭😭 الله يكون بعونكالعضوة: 786543 , منذ سنتين
يعافي قلبك حبيبتي❤️🌸العضوة: 786543 , منذ سنتين
حبيبتي جبت شركة نقل تساعدنيالعضوة: 882739 , منذ سنتين
☹اشتقنا لقصصكالعضوة: 786543 , منذ سنتين
حبيبة قلبي وانا اشتقتلكن انشالله بكرا بنزل قصةالعضوة: 715098 , منذ سنتين
كتير حبيت القصه فادتني وبكتني بنفس اللحضه للأسف عملت عندي شوية خوف واكتئاب😢