#ورق_الخريف_بقلم_نسمات_الليل ظنت نفسها أنها أحبته… فخانها… كان أصغر من أن تفكر به كأحمق أيضا… فوقفت من جديد… وأحبت بصدق… لكن هذه المرة لم يخنها… بل خانها الزمن… وفي كلتى الحالتين تُسمّى خيانة.. الجزء(1) -إم مهند:شو بها بنتيييي… ليه ما عم تحس بإجريها…. احكي دكتور لييييه سااااكت… -دكتور: روقي يا خانوم… بعدا دوبا فايقة من الغيبوبة…… بنتي جوري هيك عم تحسي باجريكي هلأ؟ -جوري (تبكي): لا لاااااا لااااا يا ربيييييي…… كان الدكتور عم يضغط ع اجريي وما عم حس… كنت رح جن عالآخر… معقول انا انشليت… صابتني هستيريا مش طبيعية…. وعطوني ابرة مهدأ لإهدا… بعدا غفيت وما عدت حسيت على شي… وما وعيت الا بعد كم ساعة ع همس عندي بالغرفة… فتحت عيوني شوي شوي… ولقيت بابا وماما وخيي مهند واختي ياسمين قاعدين ع جنب وعم يحكو ع صوت واطي كتير… -جوري: ماما….. بابا…. قاموا ركض لعندي… قربو وكل تنين من جهة… -بابا: بنتي كيف صرتي… -جوري: انا منيحة… ما تخافو عليي… خلوني اطلع من هون اختنقت… -ماما: بس يسمحلك الدكتور منطلعك… هلأ ريحي حالك حبيبتي… ما صرلك كم ساعة وعيانة من الغيبوبة… -جوري: ادي صرلي بغيبوبة؟ -ياسمين: تلات ايام…… -مهند: شو صار معك اختي… اللي دعسك بالسيارة قال انك طلعتي فجأة بوجو…  فات بهالاثناء الدكتور… -الدكتور: شو كيف صرتي جوري… مبين عليكي احسن… يلا طلعو من الغرفة لافحص المريضة………. يلا… عم تحسي باجريكي هلأ…… (هزيت براسي لا)… وهلأ؟… (هزيت كمان لا)….… طيب ما تخافي… رح نعملك شوية صور وتحاليل….. وانشالله خير…… طيب جوري الشرطة ناطرين برا لياخدو اقوالك… فتحو محضر باللي صار… اذا مش قادرة تحكي… بقلن يأجلوها… -جوري:اي ما بأثر… يفوتو… -الشرطي:الحمدلله عالسلامة انسة… شو صار معك… الشب اللي دعسك عنا بالفرع… وما في شهود على الحادثة لنخلي سبيلو… -جوري:ما صار شي…الحق عليي…طلعوه ما دخلو هوي…وما حابي احكي باللي صار… -الشرطي:بس.. -جوري:لا بس ولا شي…ما بدي اشتكي ع حدا…انا تعبانة وبدي نام… -الشرطي:طيب وقعيلي هون لو سمحتي…شكرا سلامتك بالاذن… (انا جوري عمري 23 سنة… خريجة ادب عربي… اختي ياسمين اكبر مني بسنتين وحاليا مخطوبة… وخيي مهند عمرو 28 سنة… نحن عائلة مثالية… اهلي كل شي بحياتي… وضعنا المادي شبه ممتاز… وبابا وماما اجمل اهل بالدنيا كلها… ولا مرة شفت شر او حقد… ولا مرة بكيت او زعلت… بس فجأة بين ليلة وضحاها انقلبت حياتي… وفقت بعد تلات ايام لقيت حالي هون بالمستشفى هلأ ايقنت انو الحياة مش مثالية وانو انا كنت عايشة بخيال بين عيلتي ولما ضهرت وشفت الدنيا انصدمت بالواقع..) #يتبع⬅