السلام عليكم خواتي 💗
الحمدلله الذي بنعمته تتم الصالحات رزقني الله بمولودة اسأل الله ان يحفظها من كل شر و يبارك فيها وأن يرزقني برها ويجعلها من عباده الصالحين 🤲🏼💗
حبيت اكتب لكم قصة ولادتي 😁
قبل يوم ولادتي بيومين كنت وايد تعبانه و فيني الآم الطلق بس كان ينتظم فتره و عقب يروح الألم و سرت اسوي تخطيط في المستشفى و قالولي لازم تنامين عشان نراقب حالتج و نعطيج طلق صناعي طبعا رفضت و طلعت على مسؤوليتي بس قالولي لازم ارجع بعد يومين .. رجعت البيت و تميت امشي وايد و اشرب ماي زمزم و حطيت فيه زعفران و ادعي انه اييني الم الطلق الطبيعي و انه ربي يسهل علي و على كل الحوامل و كليت اناناس و كان صدق يزيد علي الالم بس ما اشوف اي دم او ماي ينزل مني و تميت صابره و ادعي وايد و طبعا كانت حركة البيبي شبه منعدمه و هالشي وايد كان مخوفني.. و بعد هاليومين سرت المستشفى و الدكتوره سألتني عن حركة البيبي قلتلها وايد قليله فخافت الدكتوره و سوتلي سونار و قالت وزن البيبي نقص عن آخر مره و شي تكلسات في المشيمه و شفت اشيا بيضا حولين المشيمه.. قالت الدكتوره لا تخاطرين و تردين البيت و يروح تعب هالشهور كلها و انتي اصلا مخلصه التاسع هني انا وايد خفت سرت اصلي استخاره و طلعت من المستشفى عشان اخذ اغراضي و ارجع .. قبل ما نرجع زوجي قالي ليش ما نسير عند دكتوره ثانيه عشان نشوف اذا صدق خطر علي اني اطول اكثر ..
العضوة: 360223 , منذ 5 سنوات
@user-216434 آمين يارب وإياااااااك 💜العضوة: 216434 , منذ 5 سنوات
@user-284296 الله يسلمج من الشر و ربي يبارك فيج حبيبتي 💗💗 الله يسهل عليج و على جميع الحوامل يارب 🤲🏼🧡العضوة: 216434 , منذ 5 سنوات
@user-349816 الله يبارك فيج و ربي يسلمج من الشر حبيبتيالعضوة: 216434 , منذ 5 سنوات
@user-360223 💗💗العضوة: 307974 , منذ 5 سنوات
الحمدلله ع سلامتك حبيبتي تتربى ف عزك يارب..كذا البنت تخليك تنامي خمس دقايق وبعدين مره يجيك الالم😂 الحمدلله اهم ربك سهل وولدتي طبيعيالعضوة: 254141 , منذ 5 سنوات
الحمدلله ع سلامتك انت والبيبيالعضوة: 284296 , منذ 5 سنوات
أمين 💕😘العضوة: 96391 , منذ 5 سنوات
@user-216434 الحمدلله ع سلامتك وسلامة البنوته والله يجعلها من الصالحين البارين فيكم ❤️❤️ انا خذت نفس الغاز الا يخفف الألم فعلاً يسبب دوخه و قالت لي الدكتوره ممكن يسبب زغلله في العيون بس ما احس هون الألم عليه بس يدوخني يوم بولد حطو لي الأوكسجينالعضوة: 278916 , منذ 5 سنوات
الحمدلله ع السلامه وممكن اسألك انا باقي اسبوع واخلص التاسع والرحم مسكر يصير اشرب قرفه وحلبه وعويديالعضوة: 216434 , منذ 5 سنوات
@user-307974 الله يسلمج حبيبتي و امين يارب 🤲🏼 الحمدلله انها عدت 😅 اقول للناس انا شفت و عشت في فلم رعب خلال هالساعات 😶 كل هذا بسبب الالم و الفحوصات اللي كانو يسوونها ليالعضوة: 216434 , منذ 5 سنوات
@user-254141 الله يسلمج حبيبتيالعضوة: 216434 , منذ 5 سنوات
@user-96391 الله يسلمج من الشر حبيبتي و اميين يارب 🤲🏼💗 هو يخفف احس انه يخفف الألم لانه يدوخني و طبعا يوم ادوخ ما احس بشي لين ما اصحى مره ثانيه على الم جديدالعضوة: 216434 , منذ 5 سنوات
@user-278916 الله يسلمج حبيبتي اذا الرحم مب فاتح و ما فيج الم ما انصحج تشربين اي شي اما اذا كان فيج الم نفس الم الدوره يمكن تقدرين تاخذين شي من الأعشاب بس مب القرفه لانه سمعت انها تخلي الرحم متسكر فتره اطول و ما يفتح بعدين بسهولهالعضوة: 349816 , منذ 5 سنوات
@user-315947 انا اخلص شهري تقولي الدكتوره نسوي سونار لجنين لو تمام اجلسي الين يجيكي طلق طبيعي 🤔😑في الحملينالعضوة: 244530 , منذ 5 سنوات
بنات لحقو علي اليوم سويت لطفلي رضاعه وكان عندي زمزميه (ترمس)ماي حار وسويت له رضاعه واحس فيه صوت في الترمس وطنشت والمره الثانيه سويت له رضاعه وفيه بعد صوت وكان طفلي جوعان مره وبعد مارضاعته فتحت الترمس لقيت فيها حجر حق حوض السمك 🤦🏻♀️🤦🏻♀️🤦🏻♀️🤦🏻♀️💔💔💔😭😭 كان عندنا حوض سمك وانكسر والحجر كان مكبوب في الارض اكيد احد من الصغار حطه بس وش اسوي خايفه على ولدي يصير له شي تكفون ساعدوني توه مولد