قصة ولادتي الثالثة قعدت للأسبوع الواحد وأربعين دخلت فيه يومين كملت أربعين أسبوع ودخلت في الأسبوع الواحد وأربعين يومين كان يوم الخميس بالليل بلشت أحس بتحجر خفيف ما أعطيت للموضوع ونمت تاني يوم الجمعة صحيت الصبح على تحجر مستمر نظفت البيت اشتغلت كل إشي بالبيت وظل التحجر مستمر فقررت إني أروح على الدكتورة وأشوف شو وضعي رحت على الدكتورة لقيت الرحم فاتح 2 سانتي شكلو كان من التحجر فتح لأن قبل ما كان في أي توسع وعملت تحريض يدوي وكانت ايدها خفيفه لدرجه ما حسيت الا الم بسيط بالفحص وتناقشت معاها كثير فحكت لي اذا بدك تدخلي ولادة بدخلك طلق صناعي ما عندك مشكلة فأنا صراحة رفضت وطلبت منها إني أعمل تخطيط طلعت عملت تخطيط وأنا تحت التخطيط صار يجيني طلق يطلع طلق وقريب من بعض جهاز التخطيط وصار يجي ألم يعني فنزلت عند الدكتورة وأخدتلها التخطيط وحكتلي أنت يا اليوم بالليل أو بكرا تكوني مولدة تعالي بكرا الصبح لو ما صار معك طلق بالليل روحت وضل مستمر المغص يجي يروح كل ربع ساعة كل نص ساعة ليوم كامل يعني من الساعة 12 الظهر ضليتني هيك لصبح السبت بلش ينتظم الطلق بلش يقرب من بعضه أكثر كل ربع ساعة بلشت أنا أجهز نفسي للولادة كنت أدخل الحمام أخذ دش سخن كل ما حسيت اني تعبت أدهن زيت زيتون بحط البركة أكل أناناس أشرب حليب وبذرة تمر مع حلبة وحليب أغليه وأشربه أعمل تمارين على الكرة يعني كنت أجهز نفسي وأنا أطلق وكنت هادية كثير أتنفس بهدوء ما أعيد أبداً نظمت طلق كله بالبيت تقريباً كانت رفيقتي ايماراتية جدا داعمه الله يجزاها الجنة (رواس الحب) وكان زوجي معاي وجدا كان داعم هو يحسب الانقباض وانا مركزه مع جسمي بعالم اخر ضليت ولما انتظام الطلق يعني من عند الساعة خمسة الفجر لحد الساعة 9-9:30 خلاص الطلق صار كتير قريب من بعضه شسورت شعري البست وطلعت للمشفى مع اني كان بدي اضل بالبيت ساعه كمان بس زوجي رفض لان كان متثقف عن مده الانقباض وعارف انه صار وقت توجه وصلت للمشفى كانت توسع 4 وعلى مستمرة أتنفس ومستمرة بالمشي عملت أوراق الدخول ودخلت دخلت فوراً على كشك الولادة قعدت وبلش الطلق كتير قريب من بعضه ضلتني أطلق للـ 11 و20 دقيقة يعني خلاص كان وقت الولادة وقت الدفع ما تعذبت بالدفع يعني كنت مجهزة نفسي فاهمة شو يعني الدفع؟ شو يعني التنفس أثناء الولادة؟ شو التنفس أثناء الدفع؟ فكنت مجهزة نفسي وبهدوء بدون صراخ دفعت ومن اول دفعه بسيطه والباقي كان طفي شمعه والدكتورة كانت متعاونة كثير معي وأنا كنت مكلتمتها ومتناقشه معها ما بدي قص عجان ما بدي والحمد لله ولدت بدون قص او تمزقات وصراحة كانت ولادة إيجابية كثير بنسبة لولاداتي السابقة واجت بنتي بخير وكنت جدا فرحانه والطاقم الطبي كله فرحان معي لاني ما غلبتهم وكانو مبسوطين الله يجزاهم خير وتخرجت بعد ٦ ساعات انا وبنوتي العسل الله يحميها نصيحتي لكم (كونو سامعين لجسمكم ومركزين بتطورات الي عم تمرو فيها عيشو يوم الولاده وخلوه ذكرى حلوة والاهم تثقفو تثقفو عن الولاده التنفس الدفع طرق التنفس بكل مرحلة واهم شي بعد الولاده كل ما حزنتو تذكرو انكم بنعمة وانه اولادكم اجو بصحه وعافيه وانكم متعافين تقدرو تسمعوهم وتحملوهم وتقومو فيهم) طبعا ما نسيت ادعي لزوجي ولنفسي ولبناتي وكمان ما نسيت اني ادعي علا كل من اذاني واخصهم وحده هنا بالحاسبة احب اقلك ما نسيتك وكلتلك لقاطع المال والذرية والله لا يحللك لا دين ولا دنيا ولا يوم العرض واضن عرفتي نفسك الغريب انه من ٣ سنوات ربي سخرني ادعي عليك بولادتي