شفت كثير بالحاسبه يقولون قصص ولادتهم تحمست اقول قصة ولادتي بالبكر قبل سنتين طبعا انا جلست 4 سنين م حملت بعدين حملت بدون اي تدخل يارب لك الحمد فرحت بحملي مممرا لين الحين اتذكر الشعور الحمدلله مرت اشهر الحمل خفيفه لطيفه صح الوحم كان صعب وغثيان دايم وحرقان لكن هذي ضريبة الامومه🥺 الحمدلله حملي كان كويس وثابت وكل شهر اروح موعد واتطمن وكل شهر اقول م ابغى اسأل اخاف يقولون مو واضح او يعطوني جنس وبعدين يطلع غلط لين الشهر السادس اول اسبوع سويت اشاعه تفصيليه وحسيت الدكتوره شاطره وقلت لها واضح البيبي بنت او ولد قالت ايوا قلت لها اكتبي لي ف ورقه ايش جنسه لاتقولين😂 كتبت لي واخذت الورقه واول م ركبنا السياره عطيت زوجي قلت له مكتوب فيها وش جنسه🥹 ويفتحها بحماس ويطلع مكتوب ولد🥹 المهم مرت الشهور ووصلت التاسع وبديت اتعب وثقلت ي الله كنت امشي وخلصت التاسع كامل ولسا مو ناويه تجيني الولاده😂😂 واروح المستشفى قالت لي عندك اسبوع اذا م ولدتي بعطيك طلق وشافت البيبي وضعه طيب وراسه اسفل كنت امشي يوميا واطلع درج واشرب حليب وزنجبيل وقشر واتروش بمويه حاره احطها ع ظهري واحط ع بطني وظهري زيت زيتون واقرفص هذا كله ورا بعض اسويه ولا في اي الم او علامة ولاده جاني احباط خلصت الاسبوع41 ودخلت42 وانا نفس م انا😩 لين قررت اشرب زيت خروع وزوجي حمسني وراح يشتري لي الساعه 1 الليل خلاص ابي اولد اشوف حبيب ماما وفعلا جاب لي من الصيدليه علبه صغيره مع نكهه واشربها كامله لوحدها كذا بدون عصير ولا حليب وننتظر انا وياه لين3 الفجر 😂😂 ولا في اي شي جديد قال انتي تبين تكملين العاشر وينام ويخليني😤 وغفت عيني وصحيت ع الاذان الساعه5 ولا انا احس اني ابي الحمام اعزكم الله واجري للحمام كل الي ببطني طلع واستفرغ وحسيت انها حانة اللحظه واطلع من الحمام ويبدا الطلق معي اذا جا ألم انسدحت واذا راح قمت للحمام اشيك فيه شي ولالا وعلى هالحال طبعا قبلها حلفت م اقول ل احد اني بولد بس عشان م اشغل امي لانها بعيده عني وبنفس الوقت عمتي ام زوجي قالت احسن مابي ادري الا انك قد ولدتي قلت ابشري والله الطلق كل شوي يقوى لين 8 واصحي زوجي قام مصدوم ويطالعني وانا غصب امشي واقوله بولد بسرعه قام يجري يلبس واخذ شنطة المستشفى وننزل تخيلوا انا بالدرج وقاعده ادف البيبي بينزل 😩 وانا اقول شكلي ابي الحمام😂 المهم المستشفى مو بعيد وصلت الطواري وشافتني الدكتوره ولا الرحم 9 سانتي ويجرون فيني لفوق غرفة الولاده كانت لحظات سريعه الحمدلله ولدت بسرعه تقريبا 9:5 ولدت الي ساعدني التنفس ي بنات والله التنفس يخفف الألم تنفسي بشويش لاتتوترين يزيد الألم ويمكن يقفل الرحم من الخوف لا سمح الله حطت لي ولدي ع صدري وانا كنت بصدمه يوم شفته جلست ابكي واضمه واضحك مشاعر ملخبطه😂 بعدين بدو يخيطو لي واعطوني جوالي دقيت ع زوجي قلت له ودق على اهله بلغهم 🥹 ودقيت انا ع امي وابوي بعدين طلعت الملاحظه وولدي معي وكانت لحظات حلوه كل شوي يرسل لي احد صوريه بنشوف مين يشبهه😂 اللهم لك الحمد الحين ولدي عمره سنتين الله يحفظه وحامل ادعو لي اولد بالسلامه وتكون ولادتي حلوه وميسره نفس ولادتي الاولى🥹🤍 قصة ولادتي الثاني: رجعت بعد مضي أشهر الحمل وولدت بالسلامه بطفلي الثاني🥺 وجيت احكيكم القصه بسم الله نبدأ بتاريخ 6 أكتوبر يوم الجمعه كان اليوم الي قبل آخر يوم بالتاسع على حساب السونار ب ذاك اليوم الليله الي قبلها كنت عند اهل زوجي لان ويكند وكنت احس ب ارهاق ورجولي تعورني وظهري والكل لاحظ علي ورجعت البيت بدري حسيت ولادتي قربت نظفت البيت ورتبته جهزت عبايتي وقربت شنطة الولاده ونمت بعد صلاة الفجر صحيت ع صلاة الجمعه صليت وكنت جدا مرهقه بس م احس ب آلام رجعت انسدحت وكنت نايمه صاحيه بنفس الوقت لين الساعه 3 وحسيت ب مغص الولاده كنت مصدومه وبنفس الوقت قلت يمكن يتهيألي وبيروح لكنه رجع وصار اشد وكل ماله يقرب الوقت كانت لحظات سريعه عرفت ان ولادتي قريبه بسبب ان الطلق مرا قريب من بعض صحيت زوجي وارسلت ولدي عمره سنتين ونص عند جارتي وطيران ع المستشفى وصلت 4:48 تقريبا دخلت الطوارئ وانا احس ظهري مكسور ومع كل طلقه اخذ نفس عميق واكتمه دخلت وشافوا الرحم طلع 7 سانتي وكنت مرا أتألم والطلق ورا بعض لبسوني لبس الولاده وطلعت ع الكشك ولحظات كان الرحم9 سانتي كنت اتنفس واحاول اهدا مع كل طلقه اذكر ربي جات الدكتوره فكت المويه ومدري وش سوت فجاه تغيرت ملامحها وتتكلم مع الممرضه واتصلت ع دكتور يجي وانا فهمت ان فيه شي بس كله بالانقلش اقولها ايش فييي قالت استني يجي الدكتور جا الدكتور جلس يشوف الوضع وقال الجنين جاي بوجهه حاولت اعدله ماتعدل بننزلك عمليه انا هنا صرخت لا مابغى ابي طبيعي 😢 قال لي مانقدر الجنين بيموت او الرحم ينفجر كانت لحظات سريعه قاموا نقلوني ع سرير ثاني وانا ابكي واوقع ع اوراق العمليه واقولهم طيب قاعده ادف غصبا عني اقصد بولد طبيعي لاني ادف البيبي بينزل قام قال لي احنا بننزلك ونحاول طبيعي نعدله اذا ماتعدل نسوي لك عمليه يمكن الله يكتب لك طبيعي هنا ارتحت شوي نزلوني غرفة العمليات وحطوني ع السرير وبدأو يعدلوا رأسه عشان ينزل ب راسه مو وجهه ويحاولوا وانا اصبر نفسي وابكي بس واذكر اني اهاوش بس مدري وش قلت 😂 وبعدين خلوني ادف بقوه بدون توقف تقريبا ثلاث مرات اخذ نفس عميق وادف حطيت جهدي كله بالدف والحمدلله ولدت طبيعي تقريبا ف دقيقتين او ثلاث من دخولي لغرفة العمليات واخذو ولدي بدون م اشوفه يفحصونه ويشوفوه كان مرا لونه احمر كانه مخنوق ي قلبي شافه دكتور الاطفال وطمني عليه الحمدلله ولدت الساعه 6 إلا عشر دقايق وتوته توته خلصت الحتوته ولادتي كانت سريعه وكل شي تمام لكن راسه نزل غلط جا ب وجهه لكن الحمدلله اهم شي ولدت طبيعي وطلعنا بالسلامه 🥺🤍