العضوة: 825077 , منذ سنتين

❤❤

العضوة: 825077 , منذ سنتين

#الوتين🖤🥀 الجزء الثاني . المحامي صفن ب وتين و بطريقة كلامها العفوية جنين كانت عم تشوف الأمل بعيون بنتها في شي طمنها ب إنو جوزها رح يطلع او شي رح يصير ل يكشف الحقيقة بس ما عارفي شو هوي جنين : أي استاذ هاي سمعت قصتنا من بنتي وتين هلأ قلنا شو ممكن نعمل ل نطالع جوزي المحامي : بصراحة قضية جوزك صعبة شوي بما إنو عم تقولي كل الأتهامات ضدو ويمكن بكون هوي القاتل ويمكن لاء جنين[بإندفاع]:عم نقلك مو هوي مو هوي وتين: ماما أهدي شوي ، إي طيب هلأ نحنا شو ممكن نعمل ل نطالع بابا ونثبت برائتو المحامي: أنا رح تابع القضية من أولها ورح أحاول أثبت برائة أبوكي أذا صحيح متل م عم تقولو إنو مالو دخل بالقصة بس بصراحه وتين: شوفي حضرة المحامي المحامي[طلع ع وتين وبعدين ع جنين ]:هاي الشغلة بتكلفكن كتيرر وتين: اديش يعني المحامي: مبدئياً 6مليون ل حتى أثبت برائة أبوكي وبعد م يطلع منحكي عن باقي المبلغ إن شاء الله . وتين وجنين صفنو ب بعض ما عرفو شو يعملو او شو يحكو وتين:6مليون مو كإنو كتير المحامي: لا ابداً لأنو قضية أبوكي مانها سهلة [وقفت وتين وجنين وإستأذنو ومشيو] _ب القصر_ كان تيم بغرفتو مو قدران ينسى الكف إلي ضربتو ياه وتين تيم بعصبية وقف قببال المراي كان ماسك تلفونو ب إيدو حكا من بين سنانو تيم: ولله ل اخليكي تندمي ع اللحظة إلي فكرتي ترفعي فيها إيدك علي وحدة وقحة [وهوي لسا عم يطلع ب المراي بقوة رما تلفونو ع المراي ل تنكسر وفي من الاقزاز دخل ع إيدو بس مع هيك ما اهتم للوجع لانا كانت طالعة من غرفتها وسمعت صوت شي نكسر جاي من غرفة تيم ركضت وفتت الباب ل تشوف المراي مكسورة وتيم واقف وعم يحاكي حالو والدم نازل من إيدو ركضت ل عندو ] لانا[بخوف]: شو هاد ليش هيك الدم هات شوف إيدك تيم : ما في شي أمي لانا: كيف ما في شي شوف إيدك تيم [بصراخ]: لك ما في شي ما في شي اتركوني لحالي عم قلكن ما في شي .

العضوة: 825077 , منذ سنتين

تيم [بصراخ]: لك ما في شي ما في شي اتركوني لحالي عم قلكن ما في شي قربت منو لانا بحنية وصارت تمسح ع كتفو لانا: إبني أنا إمك وبحس بوجعك احكيلي فضفضلي شوفي ليش هيك معصب خليني آخدك ع الدكتور يفحص إيدك تيم[هدي شوي وحكا امو بهدوء]: لا إمي انا منيح بس كنت مدايق شوي لانا: أكيد تيم[هز براسو وبدون م يحكي طلع من الغرفة وهوي نازل شاف غدير طلع فيها وبعدين كمل طريقو ركب السيارة وصار يسوق فيها راح عقم جرحو ] كان قاعد بسيارتو وعم يفكر ب طريقة يرد فيها اعتبارو ع شي الي عملتو وتين طلعت فكرة براسو دور سيارتو ومشي . وتين كانت قاعدة هي وإمها ومو عرفانين كيف يجيبو او يأمنو المصاري إلي طلبهن المحامي ل يمشي قضية أبوها جنين : أمي والحل ولله راسي م عاد يجمع تعبت من التفكير وما عم نوصل ل حل وتين : معنا وقت ي أمي خلينا نفكر شوي شوي أمي طيب شو رأيك اشوف شغل أنا بصير بشتغل وبعمل معك بالخياطة جنين: شو بدك تشتغلي يا أمي لو منقعد سنين نشتغل ما رح نقدر نجيب نص المبلغ وتين : ما بعرف يا أمي طيب شو رأيك نطلب من الجيران ويعطونا ياهن لو دين وبس يطلع أبي ويرجع يشتغل منردهن جنين: من مين بدك ندين من انو وحده فيهن وكل وحده بدها مين يساعدها وتين : لك أمي ليش عم تسكري بواب الدنيا بوجهي الا م نلاقي حل خلي أملنا بربنا يكون كبير . بقاطع حديثهن دقة الباب وتين [بتطلع ب إمها ]:مين معقول يكون جنين : ولله م بعرف قومي شوفي قامت وتين ل تفتح الباب بتفتحو وبتنصدم من الي بكون واقف ع الباب وتين [والصدمة باينة ع وجهها ]:هاد إنت . يا ترى مين معقول يكون!! . . تيم وهوي عيونو ع وتين وتين نفس شي مصدومه لحظات صمت العيون لحالها عم تشرح كمية الغضب والحقد ألي بين هدول الشخصين جنين[من وراهن وبتقطعع الصمت الي كان ]: وتين مين[وبتسكت بس تشوف تيم]

العضوة: 825077 , منذ سنتين

جنين: تفضل تيم بيك بيطلع عليها بطرف عيونو وهي بتكون لسا مصدومة ما عم تستوعب الشي الي عم يصير بيدخل تيم وبتدخل ورا جنين وتين بتسكر الباب وبتلحقهن بفوت تيم ع البيت بصير يطلع علي بقرف جنين: تفضل اقعد تيم بيك تيم[بعدم اهتمام]: لا لا شكرا هيك مرتاح ... بس ممكن تتركيني أنا وتين لحالنا هون صدمة وتين الأكبر طلعت ع أمها ورجعت طلعت ع تيم علمات الصدمة كانت واضحة ع وجهها جنين[بتلبك]: مم هوي بقاطعها تيم : بس بدي حاكيها كلمتين وأمشي جنين بتهز راسها وبتطلع من الغرفة وتين بتكون لساها عند باب الغرفة بقرب تيم منها هي خافت من نظراتو الي عم تقدح شرار صارت ترجع ل ورا ل اصدمت ب الحيط هوي صار يقرب منها أكتر وأكتر قفل الباب وصارت وجوهن مقابل بعض وتين بين إيدين تيم محصورة وتين[بخوف]: بعد عني لو سمحت تيم[حك دقنو وحكا]: طمني مو قاتل حالي عليكي لهيك لا تخافي بس بدي حاكيكي كلمتين وتين:طيب بعد عني بدك تخنقني بعد تيم عنها تيم : تفضلي هاي بعدت وتين[وهي عم تاخد نفس]: أحكي شو بدك تيم : رح أعرض عليكي شي ومقابل هيدا الشي بتحكمي مصير أبوكي يا إما ببقا بالسجن أو بيطلع وتين[ركزت وقفتها وحكت بلهفة مجرد م سمعت سيرة أبوها ]: اي أحكي شو هوي الشي أما تيم حكا ب تكبر وحط أيدي ب جيابو تيم: انو تتزوجيني وتين [توسعت عيونها ] : شو اتزوجك ما تحلم ببقى طول عمري ب بيت أهلي ولا برضى بواحد متلك

العضوة: 825077 , منذ سنتين

شد ع قبضت أيدو خوفاً من إنو يفقد سيطرتو ع اعصابو وما بيعرف شو يعمل تيم : حكيت الي عندي بعدين ولا انا قاتل حالي عليكي في ألف بنت أحسن منك بتترجاني ل أطلع فيها بعدين الي رح يستفيد هوي إنتي وابوكي لهيك فكري منيح [ضم عيونو ع بعض وحط ايدو ع راسي ب معنى يتذكر ]اي وتين خانوم معك يومين ل تفكري غير هيك ما خصني أنا . . طلع تيم وتين كانت لساتها واقفة مجمدة ب أرضها مو عارفة شو تحكي دخلت أمها عليها جنين: شوفي بنتي شو قلك وتين:...... جنين [قربت من وتين وحطت إيدها ع كتفها]: وتين أمي قليلي شو قلك إبنو ل الي بيشتغل عندهم ابوكي وتين قعدت ع الأرض وتين: ماما جنين: اي ي روح أمك وتين: ماما قال أذا بتزوجو بطالع أبي وأذا لاء ما رح يطالعو جنين[بعدم استوعاب]: مين قلك وتين: شو مالك لك أمي مين بدو يقلي هاد الي مدري شو إسمو جنين [بسرعه قامت من جنب بنتها ]: لا مستحيل أنا اعطيكي إلهن وتين : ولا أنا مستحيل أقبل جنين[غمضت عيونها وحكت بقلبها ]: يا رب ألي فيو خير تقدمو🥺 عند تيم دخل غرفتو وصار يفكر كيف رح يذلها ل وتين وهوي اساساً متأكد رح تقبل بعرضو لأنو م في قدامها غير هاد الحل ل طالع أبوها تيم: لكن عم ترفضي ي حقيرة لك وين م رحتي وشو م عملتي مرجوعك ل عند رجلي ل اخليكي تندمي ع اللحظة الي طلعتي فيها علي

العضوة: 825077 , منذ سنتين

أما وتين كانت قاعدة هي وأمها وكل وحده فيهن شاردة وعم تفكر وتين[بقلبها ]: انا ما ممكن أقبل ب إنو واحد متلو يصير زوجي بعدين هوي حكا علينا وعيبنا ب فقرنا بكرا أذا تزوجنا رح يبقى يعيبني ب انو كنت فقيرة ومتل م ماما بتقول خد الي من مستواك ما تاخد الي أعلى منك بس كمان بابا لازم يطلع ... ممكن يقبل يدينا المبلغ ل بين م يطلع بابا وبعدين نردلو ياه ... اي ليش لاء بابا كان يشتغل عندهم ويتعب وأنا بقلو انو م فيني اتزوجك وبطلب من ابوه انو يدينا المصاري وهوي اكيد رح يفهم علي جنين[بقلبها ]: ي ربي لا تختبرني بهاد النوع من الصبر أنا م فيني شوف حياة بنتي عم تنهار قدام عيوني وم أعمل شي بنتي م رح تكون مبسوطه لو قبلت بعرض الزواج يا رب توقف معنا ... رح أعمل استخارة وان شاء الله خير ي رب . . وتين بتوقف بتاخد جاكيتها بتستغرب منها جنين جنين: ل وين! وتين: رايحه عندو وأقلو إنو مستحيل أقبل اتزوجو وبعدين بابا مو كان يشتغل عندهم ل سنين ف لازم يساعدونا ورح قلو ل أبو إنو اذا ممكن يساعدنا بالمصاري وبس يطلع بابا منردلو ياهن جنين: لا تروحي يا أمي والله هدول جماعه م بنعلق معهن وتين: لا تخافي يا أمي م رح طول جنين اكتفت ب سكوتها أما وتين طلعت وراحت ع القصر عند تيم وقبل م تدخل وقفها صوت سعد[كان يحكي تلفون ] سعد: إي هس انتبه ل حدا يسمعك وتين [هون بشدها الفضول ل تعرف مع مين عم يحكي وليش بيحكي بهمس ] سعد : اي اي ... المهم متل م قلتلك السيرة قفل عليها ولا كأنو صار شي هيك هيك نحنا ما خصنا ..... لا هوي الي جنى ع حالو بس قادو الفضول يشوف شو عم يصير وبعدين اثبتت التهمة علي ... لك إي هاد أمين بيشتغل حارس هون عندي وما في اي دليل بيثبت أنو مو هوي لهيك حط إيديك واجريك بمي باردة نحنا طلعنا من القصة متل الشعرة بالعجينة هون وتين بتشهق وبسرعه بتحط إيدها ع تمها عشان م يسمعها وبتنزل دمعة من عيونها وبتصير تركض وهي عم تبكي بتوقف قدام البحر ودموعها متل الشلال بكونو ع خدودها وتين[بغصة]:ولله كنت عارفي مو أبي ليش ي ربي ل تعمل فينا هيك أبي بحياتو ما عمل اي شي غلط بترجاك ي رب ساعدو ولله ما إلنا غيرك خد حقنا من الي ظلم أبي طيب ي رب ضمت إيديها ع بعض وصارت تتصفن ب السما

العضوة: 825077 , منذ سنتين

وتين: بس لأنو نحنا فقرا هيك بصير فينا طلع عنجد إلي قال المصاري بتعمل كل شي لو كان معنا مصاري ما كان بابا أشتغل عندهن وصل ل هاي المرحلة سكتت شوي بعدين مسحت دموعها . . وتين: بس بوعدك ي أبي إنو رح أثبت برائتك قدام الكل متل م الكل شهدو ع الشي إلي صار ، بوعدك إنو ما ضوعلك حقكك وأثبت للكل إنو الرجال الي الكل شهدو ضدو أشرف واحد فيهن ... وأنت سيد تيم عامل فيها الشب المحترم إلي ما بيغلطو ورحت غلطت فينا قدام الكل بس ما أنا الي رح أسكت ورح أفرجيكن مين هي وتين أمين*** تاني يوم الصبح بتفيق وتين حوالي الساعة ٦ بتقوم بتوضى بتصلي الصبح وبتعمل فنجان نسكافية وبتروح بتقعد جنب الشباك بكون راسها كتير واجعها من التفكير وتين: اخ ليش كل هلقد راسي عم يوجعني يمكن من قلة نوم او كثرة التفكير ي ربي دخيلك تساعدني أنا اليوم لازم روح وحاكي وقلو إني موافقة بس ما يحلم إنو كون متل م بدو او اسمحلو يجرحني ويهيني رح أقبل ع ه الزواج كرمال شغلة وحدة وهي إنو أنتقم ل أبي واخذلو حقو وبعد هيك مستحيل أبقى معو ولا ثانية وحده بتفيق جنين بتشوف بنتها عم تحاكي حالها جنين: خير بنتي شبك عم تحاكي حالك من الصبح وتين بتحط فنجان النسكافية من أيدها وبتقوم عند إمها بتوبسها من راسها وتين : صباح الخير أمي جنين : صباح النور ي ضو عيوني وتين : ماما بدي أحكي معك بموضوع جنين : إي امي قليلي وتين: روحي صلي وبعدين بقلك جنين : ماشي ان شاء الله خير بتخلص جنين صلاة بتكون لساتها ع المصلاي بتيجي وتين ل عندي بترتكي عند رجليها وتين: ماما امسحييلي بإيديكي ع شعراتي بركي بتخففي شوي من الي بقلبي جنين بتطلع ع بنتها ، بنتها الي عمرها ٢١ سنه ألي كانت تشوفها طفلة متل الفراشة عم تدور بالبيت هلأ هي تعبانه وباين عليها حاملة هموم الدنيا كلها

العضوة: 825077 , منذ سنتين

بتحط جنين إيدها ع شعرات وتين وبتصير تمسحلها عليهن وكل شوي دمعة من عيونها ينزلو ع شعرات وتين و وتين حاسي بهاد الشي بس مكتفية بالسكوت شوي وبتحكي وتين وتين: ماما جنين بكف إيدها بتمسح دموعها جنين: ي روح إمك وتين: ماما أنا رح أقبل بعرض الزواج الي عرضو تيم . . جنين بعدت وتين من حضنها وطلعت فيها جنين : شو وتين : اي امي ... ماما تيم شب محترم ومنيح وبابا الي أديش بيشتغل عندهم ولا بعمرو حكالنا انو عمل شي غلط بعدين ماما فكري فيها بابا رح يطلع رح يرجع ينور البيت صدقيني نحنا قد م شتغلنا م رح نقدر نجمع تكاليف المحامي وبعدين شو بدك أحسن من هيك عريس ل بنتك رح تأمني عليها وع مستقبلها مو دايما بتقليلي وبتدعيلي ربي يبعتلك واحد يعيشك عيشة أحسن من إلي عايشينها وهاي ليكي ربنا استجاب ل دعائك [حكت وتين بقلبها : ي رب سامحني لأنو عم كذب ع ماما بس هي م فيها تتحمل كل شي وهي أذا شافتني مبسوطه رح تكون مبسوطة ما بدي حملها همي فوق الهموم الي فيها ] وتين : اي ماما شو قلتي جنين: أمي بس وتين مسكت إيدن امها وبوستهن وتين: بوس أيدك لا تعارضي ماما انظري ل شغلات الايجابية أنا رح كون مبسوطه وبابا رح يطلع وفي كتير شغلات رح تتغير علينا وتصير حياتنا للأحسن جنين ضمت بنتها وبكيت جنين : لك أمي أنا شو بدي غير إنو تكوني انتي مبسوطه و مرتاحه ي قلبي وتين: يخليلي ياكي ي أمي [بقلبها : آخ يا أمي انتي م بتعرفي إنو بنتك عم تروح ع نار برجليها بس بدها تتحمل {رفعت عيونها للسما} ي رب إنت الوحيد الي بتقدر تخلصنا من كل شي نحنا فيو ي رب تكون معي بتبعد وتين عن أمها وبتشوفها عم تبكي بتمسحلها دموعها وتين: شبك أمي ليش عم تبكي ولله صدقيني كل شي رح يكون تمام أنا رح كون بخير صدقيني جنين: خايفة يا أمي خايفة وتين: من شو خايفة يا أمي جنين : م بعرف .. م بعرف وتين : اوبس هلا ماما رح تشتغل دور الأم الي عم تودع بنتها قايمة حضرلك فطور أنا قبل م اتأثر بالمشهد جنين بتضحك ع بنتها بتمسح دموعها جنين: يبعتلك الهنا ي رب قومي قومي وتين : اي هيك ها تسلميلي ه الضحكه تؤبري قلبي ريتك جنين: بعيد الشر عنك ي قلبي . ا . بعد حوالي ٥ ساعات بتقوم وتين بتلبس وبتروح عند تيم بكون تيم لساتو نايم

العضوة: 825077 , منذ سنتين

بتدخل القصر بتصفن في رغم انها دخلتو قبل بمرة بس ما نتبهت إنو هلقد حلو وفخم كلو كرستال وحيطان محجرة وصور بالحيطان كانت صافنة بالشي الي عم تشوفو عنجد شي فخم كان الخادمة: بتأمري شي بتحبي ناديلك المدام لانا وتين[بتلبك]: مم لا أنا بصراحه بدي [وهون نسيت أسمو ] الخادمة عم تطلع فيها وناطرا تقول الاسم الي بدها هوي وتين : لك نسيت أسمو شو العلقة يا وتين هوي هيك عيونو باللون الاخضر ودقنو شقرا طويل وضخم تيم وهوي نازل ع الدرجات تيم : إي شكرا سعاد[الخادمة] اصدها عني فيكي ترجعي تكملي شغلك وتين بتخبط ع راسها لأنو سمعها وهي تقلها تيم: اي شو جابك وتين[بحدة وجدية ]: عفكرة مو كتير قاتلة حالي ل حتى آجي ع القصر الي حضرتك موجود فيو او قاتلة حالي ل أشوفك بس جاي اعطيك رأي بشي الي خبرتني عنو تيم [عمل حالو ناسي] : ليش أنا شو قلتلك وتين : شو قلتلي ناسي ! تيم : اي ناسي ذكريني وتين : لا خليك ناسي ما في داعي اذكرك بعد هيك بدي أروح تيم [حكا حالو بس بصوت مسموع ]: قال يعني عملت حالها فيها مشاعر وإحساس ونزعجت [بعدين وجه كلامو ألها ] ليكي رح قلك كلمتين حطيهن حلقة بأدنك او إذا بدك البسيهن طوق برقبتك المهم بس أكون عم أحكي معك ما بتتحركي من مكانك وصوتك ما بيعلا علي عم تفهمي وتين: بلله ليش شو ممكن تعمل مفكرني خايفة منك يعني تيم: خايفة او مو خايفة بدك تسمعي كلمتي مجبورة رح صير زوجك وتين : بلله مين خبرك ليش إنو وافقت تيم:ليش لانو بيطلعلك ترفضي . رأيكن ل هون وتوقعاتكن🙊

العضوة: 825077 , منذ سنتين

وتين[رفعت حواجبها وحكت] : أنا وانت منعرف ليش رح أقبل عرض ه الزواج مو لأني قاتلة حالي عليك ولولا هيك لو بعيش مليون سنه وما في رجال بالعالم غيرك ما برضى فيك تيم[مسكها من كتافها بقوة]: ولا أنا برضى اتزوج وحده متلك وتين: اوك تمام تركني هلأ بدي اروح تيم: اي الله معك طلعت علي وتين بطرف عيونها ومشيت تيم[بقلبو]: لك أنا بقرف اطلع فيكي جاي بدي ياكي تكوني مرتي أنا وياكي والزمن طويل لانا : كإنو إبني اليوم صاحي بكير ع غير عادتو تيم: اي لاء امي ولا شي بس شبعت نوم لانا : ماما تيم ممكن اسالك شي وتجاوبني بصراحه تيم : اي اكيد امي لانا : وانا مارقة ب الصدفة سمعتك تحكي مع بنتو ل أمين الحارس الي بشتغل عند ابوك إنو بقاطعها تيم تيم : اي إنو عرضت عليها الزواج لانا : يعني عنجد الي سمعتو تيم: اي أمي، ليش لأ وتين بنت حلوة ومحترمة بعدين شوفيها يعني اذا تزوجتها [بقلبو : يا ربي تسامحني ع الكذب 😂] لانا: يا امي نحنا عيلة معروفة وانت وحيدي كيف بدك ياني زوجك بنت فقيرة وابوها محبوس بتهمة القتل وابصر شو كمان تيم[بعصبية]: خلصنا انا قلت بدي اتزوجها يعني رح اتزوجها وبتخبري أبي عشان تعملو هدول تعون الخطبة ومدري شو طلع تيم من البيت وهوي معصب ركب سيارتو وراح أما لانا كانت لسا مدايقة مو راضية عن ه الزواجة بس مجبورة تمشي مع ابنها بنهاية هوي الي بدة يتزوجها مو هي وتين رجعت ع البيت جنين[اول م دخلت وتين ]: اي امي طمنيني شو صار معك وتين [وهي معصبة صارت تتمسخر ع تيم]: ما بيطلعلك تقولي لاء بتوطي صوتك بس تحكي معي اي ع شو شايف حالك ولله م بصرخ فيك صوت الا انت مجمد ب أرضك استغفر الله ع شو ل انو معو شوية مصاري بدو يشوف حالو علينا اي استنا شوي ورح فرجيك مين هي وتين . تفاعل حلو ل حتى اكفي🤭 .

العضوة: 825077 , منذ سنتين

جنين: مع مين عم تحكي لك أمي وتين]بنرفزة] : ولا مع حدا عم حاكي حالي جنين : ليش لك أمي وتين: من السعادة الي أنا فيها جنين: وتين شو مالم امي شو صار معك وتين :ولا شي قلتلو ان موافقة جنين: اي شو قلك وتين : ولا شي [صفنت شوي] اه اي مبلا قلي إنو عن قريب رح يبعت إمو واهلو عشان مراسم الخطبة وهاي الأمور جنين: وتين وتين : نعم ماما جنين: أمي إنتي متاكده من الخطوة الي عم تخطيها هاي زواجة يا أمي يعني رح تعيشي العمر كلو معو مو شغلة يومين وتلاتة وتين[بقلبها]: اخ لك أمي زواجة شو ولله لو بصحلي ارفضها من أساسها م رح قصر بس لاء مو حق أبي الي رح يضيع ل انتقم ل أبي واخليهن يعرفو مين بكون أمين الي ما عاجبهن جنين: وتين ... لك وتين .. وتين بنتي وتين : اي أمي جنين : شو اي امي سامعتيني شو كنت عم حاكيكي وتين : اي سمعت أمي ... [حطت إيدها فوق اي إمها ] صدقيني يا أمي رح كون مبسوطة لا تقلقي علي من إيمتا وتين بتاخد قرارات غلط بحياتها جنين: أمي انا خايفة عليكي من العيشة هنيك يعني ممكن وتين بضمها بسرعة وتين : لك أمي ولله رح كون مبسوطة بعدين إنتي ليش م بتفكري إنو رح بابا يطلع ونكون مبسوطين كلنا بليل عند تيم بكون قاعد بغرفتو وماسك جوالو وعم يفوت ع برنامج ويطلع من برنامج بقاطعو صوت الباب وهوي ينفتح تيم : غدير انتي كيف بتسمحي ل حالك ب إنو تدخلي علي هيك غدير : ولله متل م سمحت ل حالك ب انو تقول ل مرت عمي تروح تخطبلك تيم : ولله جاي تحاسبيني ع قراراتي غدير : لا مو جاي حاسبك ع قراراتك بس جاي حاسبك ع السنين الي قضيتها سوا ع الحب الي بحبك ياه لك أنت ولا مرة جربت تسألني كيفك وبكل سهولة بتقول ل مرت عمي تروح تخطبلك بنت الخادم الي كان يشتغل عندكن تيم[بعصبية]: احترمي حالك غدير م بسمحلك تقولي عنها بنت الخادم رح تصير زوجتي غدير : اي تتهنى منك إلها بس انا متأكدة في شي ورا ع الجوازة تيم [طلع بعيونها ]: شي متل شو غدير : انت م بتحبها اصلا بس بدك تتزوجها ع شان شي ببالك نحنا ما منعرفلو تيم : ما خصك ليش بدي اتزوجها . رأيكن🤭 .يتبع.. 🌼

العضوة: 902921 , منذ سنتين

كملي

العضوة: 782632 , منذ سنتين

@user-825077 رفع

العضوة: 825077 , منذ سنتين

#الوتين🖤🥀 الجزء الثالث . تيم:ليكي غدير قلتلك ورح أرجع قلك أنا م بحبك م بحبك عم تفهمي هلأ بفضل ترجعي ع بيتكن وتروقي بكون أحسن غدير[بدون ولا كلمة بعدت وطلعت من غرفة تيم] تيم: كان ناقصني أنا هاي التانية بعد مرور أسبوع وخلال ه الاسبوع راحو وحددو الخطبة بين وتين وتيم من بعد اعتراضات ابو ل تيم بس مع هيك مشيو ع قرار إبنهم وقررو يعملو كل شي كامل خطبة وعرس بحساب إبنهم الوحيد وبإعتبار مكانتهم كانت وتين وتيم ولانا وجنين سوا بالسوق عم يشوفو المحابس والبدلات تيم : انا عجبني هاد شوفي وتين[بدون م تطلع علي وعم عم تدور]: لا م عجبني أنا تيم : بس أنا عجبني جنين : خلص أمي شوفي هوي حلو وناعم وتين طلعت ب إمها وزورتها تدخلت لانا لانا[بهمس ]:لا تغصبها ع شي خليها تشوف الي بدها هوي تيم : أنا قلت هاد يعني هاد تيم[بوجه كلامو للصايغ]:حطلي هدول المحابس والطقم هاد طلعو من المحل وركبو السيارة وتين كانت لساتها ساكتة ومو عاجبها شي وتين[بقلبها]: بكرهك الله ياخدك ويخلصني منك _عند محل البدلات ____ لانا : حبيبتي شوفي الي بعجبك [رغم إنها لانا ما كانت رضيانه عن وتين من البداية بس شافتها حبتها ورضيت ب قرار أبنها وهي حنونه وما حملت بقلبها اي نوع من الكره لانها فقيرة او شي ] وتين: صارت تتنقل ب المحل وتشوف وما في شي عم يعجبها بوقفهن صوت تيم تيم : شوفو هاي عجبتني وتين: لا ما حلوة جنين: مبلا أمي حلوة شوفيها وتين نكشت إمها ب معنا تسكت ما بدها هي . . اشترو البدلة ل وتين وتيم وكل شي طبعاً كان كل شي ع زوق تيم وتين ما كانت رضيانه بس م كان فيها تحكي شي وصل تيم إمو ع البيت وراح ل يوصل وتين وجنين نزلت جنين بس وتين وقفها صوت تيم

العضوة: 825077 , منذ سنتين

تيم : خليكي وتين بدي أحكي معك وتين: خير تيم :الشي الي صار اليوم ممنوع يتكرر وتين: ولله وكإنك عم تأمرني بعدين شو صار اليوم تيم: اي عم أمرك .. م بعرف شو صار راجعي حالك يلا هلأ أنزلي وخدي الغراض معك وتين: م بقدر احملهن لحالي تفضل ساعدني تيم: ولله غراضي او غراضك قومي خلصيني احسن م اكبك واكبهن من السيارة وتين : اي روق ل يطق فيك شي عرق حكت هيك ونزلت من سيارة بدون م تنزل الغراض وهوي حسبها عم تجاكرو بسرعة نزل ومسكها من زند إيدها وتين: اترك ايدي نحنا ب شارع تيم صار يمشي فيها ل وصل هوي وياها عند السيارة فتح باب السيارة وعطاها الغراض كانو تقال عليها بس مع هيك م بينت ظعفها قدامو تيم [طلع فيها بزورة وتركها ومشي ] وتين : حقير كلب الله يخلصني منك شو بكرهك ما بطيقك بعدين انا شو بدي بهدول إن شاء الله موت قبل م البسهن قال بدي صير عروستو اي م تحلم يا ربي أنا شو هاي الحفرة الي وقعت حالي فيها [بعدين تذكرت أبوها وسكتت] _يوم الخطبة_ كانت وتين لابسة بدلة ب اللون البوردو ناعمة نفش وعاملة مكياج خفيف وخصوصي هي م بتستخدم المكياج ف برز جمالها ونوعمتها شعرها عملتو ب تسريحة ناعمة [لفو الصورة] طلعت بتجنن من المختصر ، كانت قاعدة وفي كم مرا من حارتهن قاعدين عندها وإمها جنبها بلشو يسمعو صوت السيارات وتاكدوا انهم وصلو وتين دقات قلبها تسارعت ما كانت حابة من إنو تيم يشوفها هيك اما تيم دخل هوي وأمو وأول م دخل وشاف وتين انسحر من جمالها تيم [بدون وعي بقلبو ] : وين كاينه مخبي ه الجمال كلو بعدين صحي ع حالو وقرب منها وبدون م يتبسملها ولا شي