العضوة: 825077 , منذ سنتين

وتين[وهي مو عاجبها]: ليش شو حكيت تيم : ولا شي بس عنجد حاسك عم بتغاري منها وتين: لا ليش بدي غار منها [وغمضت عيونها ورفعت حواجبها😌] تيم[بقلبو]: اي بقص إيدي اذا مو غيرانه وتين: حكيت شي تيم: لا عم قول يلا وتين: فيني قلك شي بس بليز ما ترفض تيم : اي قولي وتين: فيني روح عند أمي اليوم بس لو شوي تيم : اي روحي وتين : ميرسي ومشيت وهني ب المحل عم يشوفو تواب الصلاة وتين: رح اخذ هاد تيم : لا خدي هداك أحلا وتين: أنا عجبني هاد تيم : اي وأنا عجبني هداك وتين:ياخي مين بدو يلبسو إنت او انا تيم: إنتي بس بدك تاخدي ع زوقي وتين: ما بدي . . وتين : م بدي ولله هلأ بصير صرخ تيم : قولي ولله وتين : ولله تيم : هههههههه وتين: ليش عم تضحك😒 تيم : لا ولا شي بس حلوة منك كلمة ولله وتين : طيب بدي هاد تيم رفع حواجبو وتين : اي ما عاد بدي لكن [وصارت تمشي ناح الباب] تيم: وتين ... وتين وتين : ....... راح تيم اخذ التوب الصلاة الي عجبها ل وتين ودفع حقو وطلع عندها كانت ناطرتو ب السيارة تيم[بعصبية] : خدي وما عاد تعيدي التصرف الي عملتي تاني مرة وتين: م بدي رجعو باخد التوب الصلاة الي عندي تيم : م سمعت وتين: وانا م برجع عيد كلامي

العضوة: 825077 , منذ سنتين

وقف تيم السيارة وصار يصرخ تيم: ليكي وتين حاج تحطي راسك براسي م بحكي كلمة الا إنتي بتحكي عشرة خلص أسكتي ما عم تفهمي ليش وين عقلك تفهمي وتفكري فيو وتين: اها ما عندي عقل يعني تيم: استغفر الله العظيم وتين: بدي روح عند أمي دور تيم السيارة وهوي معصب وتين دارت وجهها ع الشبااك وصارت تبكي الي م بيعرفو تيم إنو وتين من النوع الحساس كتير م بتقدر إذا حدا صرخ عليها او جرحها بكلمة بسرعة بينزلو دموعها تيم: عم تبكي وتين[وهي راسها ع الشباكك]: لاء تيم: اي طلعي فيني لكن وتين: ما بدي ما جاي عبالي تيم: ولله طلعت وتين فيو وتين: شو كمان ع هاي رح تعملي فيها مخانقة ومدري شو خلص تيم إنت ع كل شي بعملو ما بيعجبك من الخطبة وأنا كل شي بحكي وإنت بتعارض علي ليش شو عملتلك ليش هيك عم بتعاملني طيب فهمنا بدك تنتقم بس مو هيك مو هيك ما تجرحني . . تيم: ليش شو عم أعملك أنا وتين : عنجد شو عم تعمل تيم إنت مو ملاحظ ع حركاتك بتسمعني حكي وما بعرف شو مبارح مع غدير علمك م كنت بعرف انو عم تجاكرني ب غدير يوم بتكون منيح ويوم لاء ما عدت افهمك أنا تيم: وصلنا عند إمك وتين: اي شكرا تيم : تكرمي ولو وتين: استغفر الله العظيم نزلت وتين وأول م دخلت وشافت إمها ضمتها وصارت تبكي كانت بحاجة ل حضن حنون جنين: شو مالك ي قلبي ليش عم تبكي وتين: اشتقتلك كتير جنين : ي روحي وأنا اشتقتلك كمان اي كيفك طمنيني عنك كيف تيم معك وتين : امي روقي شوي شو رأيك تخليني أدخل ل جوا اعمل فنجان قهوة نشربو سوا وبعدين بحكيلك شو رأيك جنين : ههه اي أكيد ي عمري يلا فوتي اقعدي ل اعملك فنجان قهوة مسكت وتين إيدها ودخلتها ع الغرفة وتين: شو هاي اعملك ما اعملك ولله بزعل من إيمتا بتعملي شو وأنا موجودة جنين: الله يرضى عليكي دخلت وتين عملت قهوة وطلعت وصارت تحكي هي وإمها سكتو شوي جنين: امي بدي اسألك وتين وهي عم تشف من القهوة جنين: شو صار بموضوع أبوكي وتين تشردقت جنين : بسم الله عليكي ي بنتي شو مالك وتين :ولا شي بس تشردقت وراحت بذاكرتها ل يوم عرسها تيم: وأنا شو بعرفني بتعرفي أبوكي قتل وبدو يتحمل نتيجة غلطتو وتين[بعدم فهم]: عفواً أرجع عيد كلامك وليش نحنا هون مو ع أساس بدك تطالع أبي

العضوة: 825077 , منذ سنتين

تيم: أنا ليش شو شايفيتني محامي ل أطالعو ... آه اي صح أصدك ع العرض الي قلتلك ياه وتين: اي تيم : هههه اي ي شاطرة هلأ رح تنكشف اللعبة كل شي انا خططتلو بس عشان أنتقم منك يتبع....🌼

العضوة: 1066203 , منذ سنتين

🌺

العضوة: 825077 , منذ سنتين

بدكم كمل؟؟ ما عم حس في تفاعل تعبي عمبيروح عالفاضي

العضوة: 1066203 , منذ سنتين

ممكن عم يقروا بس مابيعلقو ههههههه معلش كملي كملي ولا يهمك

العضوة: 1003994 , منذ سنتين

رفع

العضوة: 1003994 , منذ سنتين

طيب نزلي لقصه كامله

العضوة: 976349 , منذ سنتين

كمليييييييييييييييييييييييييييي😢

العضوة: 782632 , منذ سنتين

@user-825077 رفع

العضوة: 1003994 , منذ سنتين

عم تحرق عصابنا بهل قصه كملي يئييييووو

العضوة: 947880 , منذ سنتين

شو وين التكملة شكلها قصة مالها نهاية

العضوة: 976349 , منذ سنتين

شكلها نستنا🙄

العضوة: 1003994 , منذ سنتين

راح الحماس لمفروض منزلتها كامل

العضوة: 1066203 , منذ سنتين

اي نحنا ماعبينا عينها لس بدها تفاعل اكثر، ههههههه انا كمان نسيت القصة حتى وراح التشويق،