العضوة: 825077 , منذ سنتين

____باااااااااك____ وتين : اي تذكرت مواليد تيم كيف نسيت حطت الرقم وفتح التلفون وتين: الحمدلله واخيراً بتفوت بتدخل ع رقم أنور بتسجلو وبتسكر التلفون وبترجعو ع الغرفة وهي داخلة ع الغرفة بكون سعد سعد: وتين وتين: عمي سعد: وتين من شوي نسيت تلفوني هون ومبعرف وين راح وتين: اه اي . . وتين[تلبكت]: اه اي هوي أنا سمعت صوت جاي من غرفتكن وأنا كنت عارفي إنو م في حدا موجود بالبيت لهيك إجيت أشوف مين ف لقيت تلفونك واجيت بدي اعطيك ياه سعد: اوك شكرا [وطلع] وتين استندت ع الباب وتين: بالرغم إنو ما كنت حابة اعاملك هيك بس مو أبي إلي بنهان وبسكت وطلعت من الغرفة راحت لبست تيابها وطلعت توجهت ع محل التلفونات وأشترت خط تلفون جديد ورجعت ع البيت دخلت ع غرفتها وسكرت الباب وشغلت الخط الجديد وبعتت رسالة ل أنور ورسالة ل سعد بتوصل الرسالة ل سعد بيكون عم يرتب الوراق ويمضي ع أوراق فتح تلفونو وقرأ الراسلة وعلامات الصدمة بوجهو وتين ل سعد : مرحبا سعد بيك ما رح أسألك كيفك عارفك إنك تمام التمام وخصوصي بعد م تهتمة السيد أمين وطلعت برائة المهم إسه أكيد عم تسأل مين أنا وليش عم ابعتلك وكيف عرفت بدك تعرف كل هاد الشي أنا رح كون موجود ب **** يوم الخميس يعني بعد بكرا الساعة ٤ العصر بتمنى م تتأخر لإنو ساعتها كل شي معي رح يصير مع الشرطة وما بقا دخلني ساعتها يلا سلام ودير بالك ع حالك . أما أنور كان طالع من الشغل ورايح ع البيت بتوصلو الرسالة بشوف رقم غريب أنور: يه مين هاد أكيد رقم من الشغل وتين ل أنور : مرحبا أنور بيك ما رح اسأل كيفك لأنو هاد الشي م بهمني ... أي أنور بيك شو كيفها معك كذبت سعد بيك أكيد تمام التمام يعني بنهاية مو إنتو ألي مسجونين بس عن قريب إن شاء الله المهم ما رح طول عليك بالحكي رح تسأل هاد كيف عرف بقصة أمين مو مهم بس بدك تعرف بكل القصة كون موجود ب * * يوم الخميس الساعة ٤ العصر ما تتأخر لو سمحت رح كون بإنتظارك .... لا تخبر حدا لأنو صدقا إذا حدا رح يعرف او بدك تضحك علي صدقني مشنقتكن رح تكون قبلكن . . سعد[بتوتر قاعد بمكتبو]: لك هاد مع مين عم يحكي رد خلصني بيقطع حديثو إتصال أنور سعد: لك وينك الي ساعه ناطرك وعم اتصل فيك

العضوة: 825077 , منذ سنتين

أنور[هوي بيلهث]: لك سعد لو تعرف شو صار سعد: هلق أتركني من امورك في حدا عرف بقصة أمين أنور: لا تقولها ، وأنا اتصل علي عشان القصة سعد[بدون وعي قاعد ع الكرسي]: خلص يا أنو انتهينا أنور: سعد طلب يشوفني يوم الخميس ب الساعة 4 العصر سعد بوقف بسرعة سعد: في شي مو مزبوط أنور: شو هوي بس مشان الله فكر منيح لا تروح ترتكبلنا جريمة تانية سعد: لك هاد نفسو اتصل فيني وعنفس المكان ونفس الساعة ونفس اليوم بدو يشوفني أنور[بخوف]: وشو نعمل سعد أنا ما خصني أنت الي قتلتو سعد: أيوا لا حبيبي أجري واجرك بالفلقة سوا بعدين شايف بسرعة تنازلت أنور: شو بدك أعمل يعني سعد: لا تعمل شي بس أسمعني أنور: احكي بس فكر بشي يخلصنا بترجاك سعد: إنت عم تقول تفقت معك ع نفس المكان والزمان واليوم الي رح يلتقي معي فيو صح أنور: إي سعد: تمام لكن نحنا رح نكون أذكى منو وبدل م هوي يوقعنا نحنا رح نقضي علي أنور[شهق]: قصدك نموتو سعد : أحسن م نموت نحنا أنور: سعد إنت صاحي ع حالك شو عم تحكي سعد: أنور ركز معي عم قلك عرف بقصة أمين يعني مو لحالي قتلتو وإنت كمان بتعتبر شريك معي لهيك هاد الشي ل مصلحتي ومصلحتك صفن أنور شوي ورجع حكا أنور: تمام موافق بس كيف سعد: احكي معو . . أنور: مع مين سعد: مع الي حكا معنا وخبرو نحنا جاهزين نقابلو بس بكرا لأنو ما فينا يوم الخميس أنور: شكلك مستعجل ع آخرتك سعد: لا تجنن سماي هلأ عم قلك ابعتلو وقلو موافقين وبدنا بكرا الموعد أنور: تمام بتوصل رسالة ل وتين بتفتحها وكلها لهفة لأنو بين عندها مين المرسل أنور ل وتين: أنا موافق اقابلك بس الموعد يكون بكرا بنفس المكان ونفس الوقت صفنت وتين شوي وتين: أوك ماشي لا تتأخر أنا بإنتظارك

العضوة: 825077 , منذ سنتين

أنور: شوف هيك هيك حكا سعد: أوك استنى هلا رح توصلني رسالة ألي وبالفعل وصلتو رسالة وتين عم تخبرو إنو بكرا الموعد أنور: اي تفضل سعد بيك خبرني عن مخططاتك وشو مقرر تعمل . بيوصل تيم ع البيت وتين بتستقبلو وتين: يعطيك العافية ي رب تيم: الله يعافيكي ي روحي شو باينتو العسل اليوم الي استقبلني وتين: يعني مو عاجبك 😥 تيم: اي مبلا كيف لكن يسعد الله أنا ع ه الكشرة بتعرفي أديش مشتقلك وتين: مممم أد البحر تيم: تؤ وتين: اقل تيم: مممم م بعرف وتين: تيم إنت بطلت تحبني تيم: لك انا بموت ع الأرض الي بتمشي عليها مو بس بحبك وتين: قول ولله تيم: ولله تيم: وتين بفضل هلق خليني أغير تيابي وأتعشى أحسن م اتعشا عليكي هلأ وهون وتين ضربو ع صدرو ضربة خفيفة وتين: ي عيب الشوم عليك بالفعل صاير قليل أدب تيم: أي لاء تعالي ل هون شكلك م بتعرفي عواقب تيم وتين: لا لا تيم بترجاك خلص اسفة تيم: فات الأوان ي حلوة . وبيدخلو ع غرفتهن🤫🙊🙈 . . بتكون وتين نايمة وحاطة راسها ع صدر تيم وهوي عم يلعبلها بشعراتها وتين: تيم تيم: عيونو وتين: تيم ممكن بيوم تتخلا عني تيم: مستحيل وتين: وعدني تيم: وحياة عيونك مستحيل اتركك حتى لو تخلت الدنيا كلها عنك مستحيل اتركك أنا مو بس بحبك بعشقكك بجنون وتين: قول ولله تيم: ولله

العضوة: 825077 , منذ سنتين

وتين: ممم طيب تيم تيم: روحو وقلبو ل تيم وتين: تيم بتحبني تيم: سؤال بايخ ع فكرة وتين: يعني م بتحبني 🥺 تيم: شايفة الدم الي بعروقي إنتي فيو إنتي النبض ل قلبي خجلت وتين وسكتت أما سعد كان طول الوقت بغرفتو مو راضي يحاكي حدا او يطلع ل عند حدا وعم يفكر وكل شوي يتصل ب أنور يشوفو . تاني يوم الصبح بتفيق وتين مصحصحه وكإنها كانت ناطرة ه اليوم من زمان او كإنو يوم عرسها وهي بالفعل ناطرا ه اليوم وناطرة اللحظة إلي رح تكشف فيها حقيقة سعد وبرائة أبوها . بتفوت وبتاخد دوش وبتطلع بتلبس تيابها وبتنزل بتفوت بتحضر القهوة بإيدها وبتطلع بتقعد بالصالة وبتصير تشرب القهوة وهي عم تفكر بصمت ومتلذذة بطعم القهوة او يمكن طعمة الإنتصار وكشف برائة ابوها هي إلي خلتها تحس إنو القهوة طيب كل ه القد بس كانت خايفة من شغلة وحده وهي ردة فعل تيم خايفة من كل شي مجهول خايفة من القدر والنصيب خايفة تكون حكايتهن سوا رح تخلص وتنتهي كانت عاملة حساب للمجهول وكإنو شي كبير وقوي . . بفيق سعد بكير بحضر حالو عشان بدو يروح عند أنور وتين: صباح الخير عمي ... ما بدك تفطر معنا سعد طلع عليها بطرف عيونو وكمل مشيو وتين: ل وين طلع عمي من الصبح موعدنا الساعة ٤ ليش مبكر .

العضوة: 825077 , منذ سنتين

بتصير ساعة ١٢ الظهر بتقوم وتين بتحضر الفطور ل أول مرة بعد م تجوزت وبتطلع تفيق تيم وتين: تيم .. تيم تيم: اممم وتين: يلا قوم حضرتلك فطور من تحت إيدي ما بدك تدوق طبخ مرتك بفتح عيونو بنعس تيم:وتين م تتركيني [ورجع غمض عيونو ] نزلو كلمات تيم ع وتين متل السكين قطعو قلبها حست وكإنها رح تروح وما ترجع أو تغيب عنو بسرعة طالعت الأفكار من راسها ومسحت الدمعة الي غرغرت بعيونها ورسمت البسمة بسرعة وتين: لك تيم بلا غلاظة إذا ما بدك تقوم أنا رح آكل الأكل كلو ترا جوعانه كتير بقوم تيم بيرمي المخدة الي كانت بين إيدي ع وتين تيم: ما بتعرفي تخلي حدا ينام مزعجة جداً وتين: لكن أنا مزعجة تيم بيك ومسكت المخدة ألي رماها عليها وصارت تضربو فيها تيم: طيب خليني أقوم بس وتين م ترد علي وتضربو ب المخدة ل حتى طلع الريش الي بقلبها وعبا الغرفة كلها وتين: ههههه يلا متل الشطور قوم هلأ بعدين مو عندك دوام بالشركة تيم: اي تعالي ل هون لكن انا بتعملي فيني هيك ركضت وتين وطلعت برا الغرفة وهي تضحك . بخلص تيم وبتحمم وبيلبس وبنزل بتكون وتين قاعدة هي ولانا وناطرينو تيم: صباحو وتين: صباح النور لانا: صباح النور ي روحي تيم: شايفة وتين امي بتقلي ي روحي وانتي م بتقليلي شايفة لك أمي مو ظلم وتين نكشتو بإيدها . خلصو فطور وتين قامت حضنت تيم ما كان إلها بالعادة تحضنو بس يروح ع الشغل تيم: حبيبتي انتي مرتفعة حرارتك وتين[وهي لساتها حاضنتو]:ليش🥺🥺 . # . تيم شدها ل عندو وحضنها تيم: وتين بحبك وتين ضمتو أكتر ونزلت دمعتها بعدين بعدت عنو وبرمت ضهرها وصارت تمسح بدموعها لانا انتبهت عليها بس م حبت تحكي تيم: أوك روحي أنا هلا رح روح وبشوفك بليل وتين: أن شاءلله

العضوة: 825077 , منذ سنتين

الساعة ٣ وتين بلشت تحضر حالها طلعت من البيت وبقلبها غصة بس ما عارفي شو سببها وصلت ع الكافية إلي تفقت علي مع سعد وأنور شافتهن هنيك قاعدين راحت برمت من وراهن كانو قاعدين وفي بعيدة شوي عنهم عشب راحت تخبت وراهن وفتحت كاميرا سعد: أنور هلأ بس يجي بتقضي علي بسرعة أنور:بس أول شي خلي يسلمنا كل شي معو من أدلة عن قتل أحمد سعد: أنور أنور: اي سعد: بتعرف أنو أنا بس أطلع ب وتين بحس بالذنب أنو أبوها محبوس بتهمة ما هوي عملها 💔 أنور: لكن روح وسلم حالك وبلاها قتل هيدا الرجال بترجاك ما تخلينا نصير بقضيتين ولله لو ننكمش ل نروح مأبد سعد: شو سلم حالي ما سلم حالي ولله بروح أعدام فيها خلص أسه منستلم كل شي أدلة متل م قلت عن قتل أحمد وبعدين منقتلو ولا مين شاف ولا مين دري ولا كأنو منعرف بشي أنور: بس سعد مو بعدين تقلي أنت الي قتلتو ل حالك وتطالع حالك متل الشعرة من العجينة ما تنسا كل هاد الي عم نعملو بسبب تهورك وقتل أحمد الله يسامحك سعد: طيب خلص أسكت أسكت بعدين مو كإنوا تأخر أنور إجا بدو يحكي بس كانت الشرطة محاوطة المكان الشرطي: سعد بيك إنت وأنور بيك مقبوض عليكن تفضل معنا لو سمحت سعد [بصدمة]: بتهمة شو بتطلع وتين وبتقرب منهم وعيونها مدمعين وتين: بتهمة أبي ألي تهمتو ظلم يا عمي بتهمة القتل الي قتلو واحد وحطيتو التهمة ب أبي ب تهمة محاولة القتل مو كنت عم تخطط إنت وأنور بيك بدكن تقتلوني وتتخلصو مني سعد[بغضب]:وتييين شو عملتي . . وتين[كتفت إيديها]: أنا م عملت شي بس أفعالك إلي وصلتك ل هون تهمتك ل انسان بريء قتلك ل شخص ما ألو ذنب كذبك طول الوقت هدول الي وصلوك ل هون عرفت شو عملت ... خليت الناس كلها تحكي ع أبي أنو كان قتل لانو شافو وهوي يسرق خليت الناس كلها تنظر ألو نظرة إستحقار مع أنو انا وأنت والناس كلها منعرف شو هوي أبي منعرف إنو نيتو صافية وما بيعمل شي بيغضب ربنا بس هاي هي حال الدنيا للقوي هلأ بستأذن منك ...[توجهت ل عند الظابط] تفضل هاد الشريط إلي صورتو الظابط: شكراً إلك ... وإن شاءلله عن قريب السيد أمين رح يطلع وفية يطلب تعويض مادي ع الشي إلي عملو سعد بيك فيو طلعت وتين ع سعد وحكت وتين: فهمتنا غلط حضرة الظابط نحنا مو بعينا المصاري وأنا ما عملت كل هاد الشي عشان التعويض أنا عملت هيك عشان أثبت برائة أبي قدام الكل

العضوة: 825077 , منذ سنتين

الظابط[طلع ب وتين بنظرة إعجاب]: الله يسعد البطن ألي حملك عنجد إنك بنت بينرفع فيكي الراس وتين: تسلم كلك زوق . بتوصل وتين ع القصر بيكون معها الظابط وكم شرطي بيدخلو من الباب بكون تيم ولانا بالصالة بوقف تيم بإستغراب تيم: وتين شوفي شو صاير معك الظابط: فهمانين الموضوع غلط الأنسة وتين مو صاير معها شي بس بصراحه سعد بيك نسجن لانا: شوووو تيم: شو عم تحكي ليش وكيف وشو السبب وتين هزت براسها للظابط ب معنى إنو هي رح تحكي وهوي استأذن ومشي وتين بتقرب من تيم ومرت عمها بتقعدهن ع الكنباي وبتمسك إيديهن وتين: تيم .. مرت عمي بدي أحكي شي وبتمنا لو تفهموني عمي من كم شهر تهم أبي بقضية قتل وبابا نسجن عشان هاي القضية ونحنا منعرف إنو أبي مظلوم وما دخلو ... واليوم عمي نكشف[قبل ل تكمل وتين] تيم[ببرودة]:وتين إنتي سبب الشي الي صار مع أبي وتين: تيم صدقني انا ما كنت قاصدة إنو آذي عمي بس أنا من زماان قطعت وعد ع نفسي ب إنو ما أسكت للي عمل بأبي هيك وأثبت برائة أبي قدام الكل متل م أبوك تهم ابي قدام الكل لانا:بصراحه ما توقعت منك هيك توقعتك إنسانه هادية وعاقلة بتعرفي شو عملتي هلأ حرمتيني من جوزي وتين: مرت عمي بترجاكي تفهميني أنا ما كان فيني أجي واقلكن عمي إلي قتل مع إنو كنت عارفة هاد الشي من الأول ما حدا رح يصدقني . . تيم[بصراخ]:وتين انا قلتلك وكان فيني طالع أبوكي بدون م تعملي ألي عملتي ب أبي بس شو كانت ردة فعلك

العضوة: 825077 , منذ سنتين

وتين: بعرف شو قلتلك بس كمان عمي غلطان ولازم يتحمل نتيجة غلطو لانا ما عادة تتحمل واغمي عليها تيم مسكها تيم: ماما ... ماما شو صرلك أمي وتين ركضت عليها وأجت بدها تحط إيدها ع وجهها تيم: وتين لا تقربي ع أمي ... إنتي السبب بكل شي عم يصير فينا صدقيني إذا صار ل ماما او بابا شي ما رح سامحك طول عمري وتين[قعدت عند ركب تيم]:تيم بترجاك ليش ما عم تفهمني تيم بترك إمو وبقوم عند وتين ] تيم: وتين أنا حبيتك من قلبي وتين إنتي الإنسان إلي كنت مستعد أعمل كل شي عشانها لك كنت مستعد اعطيكي روحي بس تكوني إنتي مبسوطة بس اعطيني سبب ليش هيك عملتي وتين : ببساطة بدك تعرف الجواب تيم: اي أكيد وتين: لأنو ما بحبك ولا حبيتك أنا قبلت ع الجوازة عشان هيدا الشي عندي أبي فوق كل شي عم تسمع تيم الله فوق وأبي تحت ولا مين م كان لا أنت ولا ابوك ولا الدنيا كلها بسمحلها تأذي أبي ولا حتى تهينو عم تفهم علي كان كلام وتين متل الصاعقة نزل ع تيم تيم[بصدمة وكإنو نسي كل الحكي الي حكتو وركز ع هاي الكلمة]:وتين ما بتحبيني وتين غمضت عيونها وبلعت ريقها وتين هزت براسها بمعنى لا تيم[بهدوء]: وتين عم أسألك بتمنى تجاوبيني

العضوة: 825077 , منذ سنتين

وتين:لاء تيم ما حبيتك ولا رح حبك تيم: متأكدة وتين: اي تيم: لكن وتين من اليوم إنتي حرة وتين بقيت مصدومه ما حكت ولا كلمة أما تيم سحب حالو وطلع . . لا تكسر أبداً كلّ الجسور مع من تحب، فربّما شاءت الأقدار لكما يوماً لقاء آخر يعيد ما مضى، ويصل ما انقطع، فإذا كان العمر الجميل قد رحل فمن يدري ربّما ينتظرك عمر أجمل. . تفارقنا وصرنا يا حبيبي بالزّمان أغراب، وتاهت في دروب الشّوق يا عمري خطاوينا تفارقنا ولا ندري عن الفرقا وش الأسباب ظروف الوقت ولا خانت أحكام القدر فينا حبيبي يا بعد كلّ الحضور ويا بعد من غاب ترى لو عاندت دنياي ما والله تنسّينا أكيد إنّا تفارقنا .. ولكن ما نزال أحباب سكن فينا غلاك الّلي على بعدك يواسينا. . إن هــــان عٍلُِيـــــڪ الُِحٍـــالُِ مــــن غيــــرٍ سمـــاعٍ صـــــوُتي يهــــــــوُن عٍلُِيـــڪ ألُِحٍـــــالُِ لُِيـــن تســـــمعٍ خـبَـــرٍ مـــــوُتي . بعد غيابك أفتقد لون الحياة أفتقد ضحكاتي أفتقد لذة الحياة، بعد غيابك أصبحتُ هزيلة جداً أشتاقك وبين الإشتياق والحنين إليك.. أحبك كثيراً. .يتبع.. 🌼

العضوة: 825077 , منذ سنتين

#الوتين🖤🥀 الجزء السابع . وتين لساتا مصدومه وكإنو كبيتي عليها سطل مي باردة تجمدت ما عاد لا تتحرك ولا تحكي صارت تمشي ناح الباب وهي مصدومه وصلت ل عند الباب إلتفتت طلعت ع البيت كلو ورجعت طلعت ع لانا الي كانت الخادمة قاعدة عم تصحيها غمضت عيونها سمحت للوجع إلي بقلبها يبين عليها نزلو الدموع متل الشلال طلعت من البيت وتين: تيم م فيك تتخلى عني ب ه السهولة راحت عند إمها جنين: وتين بنتي ليش هيك حالتك وتين: ولا شي أمي بس إنتهى كل شي حكت هدول الكلمتين ودخلت ع الصالون جنين ركضت وراها ومسكتها من كتافها ولفتها جنين: شو ألي انتهى وتين: أمي مشان الله مو قادرة حاكي حالي جنين: فهميني شو إلي انتهى وتين[انفجرت بالحكي]: خلص أمي ما عاد في تيم ... تيم بح راح انتهت علاقتنا بنتك من اليوم رجعت عندك هيك بدك ياني أحكي عم قلكن اتركوني بحالي جنين: ي روحي إنتي اهدي شوي وفهميني ليش وشو السبب وتين مسحت مسحت دموعها ورجعت طلعت ب إمها وتين: ماما جهزي حالك بكرا عنا محكمة جنين: محكمة شو ما يكون عشانك إنتي وتيم ،ما تتهورو بسرعة يا بنتي ما بصير هيك وتين: امي روقي شوي ما حدا حكا عشان موضوعي انا وتيم بس عشان قضية بابا بكرا رح يصدرو قرار العفو عنو جنين[بفرحة]:بصلاة ع النبي وتين: اي أمي بس بتعرفي شو جنين: شو ي روح أمك وتين: ماما م بعرف إذا الي عملتو صح أو غلط بس انا مقتنعة إنو صح

العضوة: 825077 , منذ سنتين

جنين قعدت وحطت راس وتين ع حضنها وصارت تمسحلها ع شعراتها وتين تبكي جنين: شو هوي ي روحي وتين: ماما أنا كنت بسبب دخول عمي للسجن بس كمان عمي اتهم أبي ب شي ما هوي عاملو انا من حقي دافع عن أبي جنين: لحظه ي روحي عمك ابو ل تيم هزت وتين راسها ب إيجاب جنين: طيب هوي م كان عرفان انو أبوكي بريء وتين: ماما عمي هوي إلي قتل . . جنين :شووو وتين زاد بكاها وصارت تمسح دموعها وتين: أمي مو هاد إلي مدايقة عشانو بنهاية عمي غلطان وبدو يتحمل نتيجة غلطو بس الي مدايقني نظرة تيم وخالتو ل ألي شو رح يفكروني جنين: طيب اشرحيلهن شو قصدك فهميهن إنو بالمقابل ابوكي وابوكي نسجن بريء وتين: ماما بتعرفي أنا قلت ل تيم إني م بحبو أنا جرحتو يا أمي جرحتو وغميت بكي جنين: يا روح إمك وليش قلتيلو هيك🥺 وتين: ماما خالتو عصبت مني وما رضيت تسمعني وكمان تيم عصب علي وقلي ما لازم أعمل إلي عملتو ماما إنتي برائيك خالتو وتيم لو بقيت معهم رح يرجعو يعاملوني متل الأول أكيد لاء💔 جنين: ي قلبي إنتي بترجاكي وقفي بكي عم تقطعيلي قلبي بصوت بكاكي ولله م بقدر أتحمل شوفك هيك وتين رفعت راسها من ع حضن إمها وصارت تحكي وتأشر ع صدرها وتمسح بدموعها وتين : أمي كيف عم تطلبي مني أهدا وقلبي وروحي اليوم تركني أمي كيف عم تطلبي مني أهدا وأنا اليوم بعيدة عن تيم أمي انا مبارح بمتل هاي اللحظة كنت أنا وتيم مع بعض هلأ انا وين وهوي وين .... أمي كيف عم تطلبي مني اهدى وأنا جرحتو ل تيم أمي إنتي ما شفتي نظرات تيم لما سألني عنجد انتي م بتحبيني هون وكأنو عم يفسرلي الوجع الي بقلبو بنظرات عيونو لما تركني وطلع كانت دموعو بعيونو بس ما رضي ينزلهن جنين : ي روحي إنتي طيب بكرا حاولي تحكي معو فهمي كل شي مزبوط

العضوة: 825077 , منذ سنتين

وتين: اخخخخخ يا أمي الوجع الي بقلبي ما رح أقدر اشرحو بس بتعرفي وجع قلبي ولا شي قدام وجع قلب تيم اخخ يا أمي لو فيني شيل الوجع من قلبو وحطو كلو بقلبي كلو بسبب أبو هوي إلي وصلنا ل هون هوي وصل حالة أبنو اصلاً هوي أب هاد ولا بحياتو بيعرف معنا كلمة أب بس بدعي ل ربي يهدي جنين أكتفت ب إنها ضم بنتها ل تخفف عنها بس ما كانت عارفة ب ه الضمة وجع القلب زادت الدموع نزلت متل الشلال صرخات القلب صارت تضرب بعضها . جنين: ي قلبي إنتي روقي ي روحي ولله مو منيح هيك ل صحتك صدقيني تيم رح يرجعلك رح تكونو مبسوطين بس اصبرو شوي ي قلبي كانت وتين غايبة عن الوعي وإيديها أرتخو حست وتين ب إنها ارتخت بين إيدها بعدت وشافتها مغمى عليها صارت تضربها ضربات خفيفة ع وجهها ل تصحى جنين: وتين بنتي ... وتين أصحي بترجاكي شو صرلك لك أمي ... وتين ردي علي وتين ما كانت صاحية ع كل العالم بالواقع جنين بعدتها عنها ومدتها ع الكنبا وصارت ترش عليها مي عشان تصحى عليها بس ما في فايدة جنين : لك شو صرلا اسم الله والنبي شو صرلك لك أمي بترجاكي ردي علي لا تخوفيني عليكي قررت جنين تروح وتجيب دكتورة عشان تشوف ليش وتين ما عم تصحا وحالتها هيك طلعت وراحت جابت دكتورة ورجعت بعد م فصحتها الدكتورة طلعت ع وتين رجعت طلعت ع جنين وابتسمت جنين: مشان الله طمنيني شو مالنا بنتي شو صرلها الدكتورة: ما في داعي ل كل ه الخوف بنتك عين الله عليها صحتها منيحه بس محتاجه ل شوية رعاية وفيتمينات عشان تتغذي إنتي والي ببطنك

العضوة: 825077 , منذ سنتين

وتين ركزت قعدتها وصارت تطلع بصدمة جنين[بفرح]: دكتورة عنجد بنتي حامل هزت الدكتورة راسها وتين كانت لساتها عم تطلع عليهن بصدمة قربت جنين من وتين وضمتها جنين :مبروك ي قلبي وتين: أمي عنجد انا حامل جنين: اي ي روح قلبها ل أمك وتين بكيت وضمت أمها . . بليل بيرجع تيم بكون حالتو حالة وجهو أصفر تيابو مانها مرتبة عيونو مطفيين بتجاوز صوت أمو وبيطلع ع غرفتو بفوت وبسكر الباب وبقعد ع تخت تيم: ليش هيك عملتي فيني ... ليشش بيلتفت حولي بشوف الريش الي طار من المخدة لما كانو يلعبو الصبح بقوم بمسكهن وبصير يكبهن تيم[بصراخخ]: وتيييين ... ليش عملتي فيني هيك أنا بحبك بحبك ليش ما حبتيني ليش كسرتيني بعملتك هاي .... بكرهكككك ما عاد بدي ياكي خلص اطلعي من راسي وحده خاينه حقيرة . عند وتين ما بكون حالها احسن من حال تيم وبتكون قاعدة عند الشباك الي كانت متعودة تقعد علي من وهي وصغيرة بس تكون مضايقة كانت قاعدة وحاطة إيدها ع بطنها وتين: أكيد أنت عم تسمعني ورح تفهم ليش ماما عملت هيك مو أنا بحبو ل الباب وما كان بدي يصير هيك بس ما بدي ابقى واتعذب أنا وهوي يمكن بوجودك تتصلح الأمور بكرا رح خبر البابا إنك صرت هون ورح تيجي عن قريب ويا ريت يسامحني رفعت راسها وصارت تتنهد وكل تنهيدة كانت بتهد جبال . تاني يوم الصبح بعد قرار المحكمة وإلي هوي حكمو ع سعد ب السجن المُأبد وأنور ب 10 سنين بتهم التستر عن الجريمة وكمان تخطيط ل جريمة وألي ساعدو إنو كان واضح بتسجيل انو هوي ما كان بدو يصير هيك أما أمين افرجو عنو طلع تيم من المحكمة وما حكا مع وتين ولا كلمة أما وتين لحقتو وتين: تيم ... تيم بترجاك اسمعني عندي شي ضروري بدي خبرك هوي تيم بيلتفت عليها تيم: وتين شو بدك تقليلي بشو كذبتي علي بمشاعرك ولا بكل كلمة حكيتلي ياها كمان كانو كذبة ولا بشو

العضوة: 825077 , منذ سنتين

وتين: تيم بعترف إني غلطت بس كمان أبي ما فيني انسا تيم: برافو وتين الله يسعدك [وبرم بدو يروح] وتين: طيب بس أسمعني بدي أحكيلك شي مهم صدقني تيم[صار يصرخ بوجه وتين] : خلص روحي ما عاد بدي شوف وجهك وتين انا ما عاد بدي ياكي اتركيني وروحي بكفي الي عملتي فيني لا عاد تفرجيني وجهك ولا تسمعيني صوتك عم تفهمي وتين: تيم إنت متأكد تيم: متل م سمعتي روحي ولا تفرجيني وجهك مرة تانية وبرم ضهرو ومشي أما وتين بقيت واقفة الدنيا عم دور فيها صارت تصرخ وتين: تييمممممممم وقعت ع الأرض . # . بليل بيرجع تيم بكون حالتو حالة وجهو أصفر تيابو مانها مرتبة عيونو مطفيين بتجاوز صوت أمو وبيطلع ع غرفتو بفوت وبسكر الباب وبقعد ع تخت تيم: ليش هيك عملتي فيني ... ليشش بيلتفت حولي بشوف الريش الي طار من المخدة لما كانو يلعبو الصبح بقوم بمسكهن وبصير يكبهن تيم[بصراخخ]: وتيييين ... ليش عملتي فيني هيك أنا بحبك بحبك ليش ما حبتيني ليش كسرتيني بعملتك هاي .... بكرهكككك ما عاد بدي ياكي خلص اطلعي من راسي وحده خاينه حقيرة . عند وتين ما بكون حالها احسن من حال تيم وبتكون قاعدة عند الشباك الي كانت متعودة تقعد علي من وهي وصغيرة بس تكون مضايقة كانت قاعدة وحاطة إيدها ع بطنها وتين: أكيد أنت عم تسمعني ورح تفهم ليش ماما عملت هيك مو أنا بحبو ل الباب وما كان بدي يصير هيك بس ما بدي ابقى واتعذب أنا وهوي يمكن بوجودك تتصلح الأمور بكرا رح خبر البابا إنك صرت هون ورح تيجي عن قريب ويا ريت يسامحني رفعت راسها وصارت تتنهد وكل تنهيدة كانت بتهد جبال . تاني يوم الصبح بعد قرار المحكمة وإلي هوي حكمو ع سعد ب السجن المُأبد وأنور ب 10 سنين بتهم التستر عن الجريمة وكمان تخطيط ل جريمة وألي ساعدو إنو كان واضح بتسجيل انو هوي ما كان بدو يصير هيك أما أمين افرجو عنو

العضوة: 825077 , منذ سنتين

طلع تيم من المحكمة وما حكا مع وتين ولا كلمة أما وتين لحقتو وتين: تيم ... تيم بترجاك اسمعني عندي شي ضروري بدي خبرك هوي تيم بيلتفت عليها تيم: وتين شو بدك تقليلي بشو كذبتي علي بمشاعرك ولا بكل كلمة حكيتلي ياها كمان كانو كذبة ولا بشو وتين: تيم بعترف إني غلطت بس كمان أبي ما فيني انسا تيم: برافو وتين الله يسعدك [وبرم بدو يروح] وتين: طيب بس أسمعني بدي أحكيلك شي مهم صدقني تيم[صار يصرخ بوجه وتين] : خلص روحي ما عاد بدي شوف وجهك وتين انا ما عاد بدي ياكي اتركيني وروحي بكفي الي عملتي فيني لا عاد تفرجيني وجهك ولا تسمعيني صوتك عم تفهمي وتين: تيم إنت متأكد تيم: متل م سمعتي روحي ولا تفرجيني وجهك مرة تانية وبرم ضهرو ومشي أما وتين بقيت واقفة الدنيا عم دور فيها صارت تصرخ وتين: تييمممممممم وقعت ع الأرض . بعد سنتين ____ بتكون ورا مكتبها قاعدة وعم تدقق بالوراق ومندمجة بدق باب المكتب وتين: تفضل السكرتيرة: مدام وتين في هول الوراق بتحبي تشوفيهن هلأ او اخليهن ل بكرا وتين: لا ل بكرا لأنو هلا بدي روح جيب ليث من الحضانة السكرتيرة: تمام . بتطلع وتين بتروح ع حضانة ليث وبتجيبو بكون عمرو سنه و ٣ شهور هوي بصير يلعب ل وتين بشعراتها وتين: بس ماما عم توجعني ليث: ننانانان وتين: اي ترجم ل أقلك هوي بحط راسو ع صدرها وهي بتبوسو وبتطلع وهي طالعة بتشوف رفيقتها وتين: يا هلا ب شيمو شيماء: هلا فيكي وتينو شو كنتي تيجبي ليث وتين: اي ولله متل مانك شايفة وإنتي شيماء: ولله ولا شي كنت زهقانه قلت ل أطلع اتمشى شوي وتين: ايوا اي تعالي عندي بتسلى أنا وياكي شيماء: لا بخاف يكون عندك شي بدون شي إنتي مشغولة بترباية ليث وتين: بلا غلاظة يلا تعي شيماء: باجي بشرط وتين: شو هوي شيماء: بتحكيلي قصتك بتغص بقلبها ل وتين وتين: أوك تعالي بتروخ وتين وشيماء ع البيت ألي اشبه بالقصر واول م يدخلو الخادمة بتاخد ليث من إيد وتين