العضوة: 825077 , منذ سنتين

وتين: لو سمحتي كاستين عصير عندي ع الغرفة الخادمة: تكرمي وتين خانم . بغرفتها شيماء : اي وتين أحكيلي وتين بتقعد جنب شيماء وتين: اي نحنا من الأول كنا فقرا كتير وأبي كان يشتغل حارس بالقصر عند زوجي شيماء: قلتلك احكيلي قصة حياتك مو تتمسخري علي وتين: ولله م عم اتمسخر انتي سمعيني بعدين أحكي شيماء : اوك تفضلي كملي وتين: بعدين صارت في حادثة بالقصر واتهمو أبي فيها ويومها حكمو ع أبي ب ٢٠ سنه بالسجن وبيوم المحكمة تيم . شيماء: تيم زوجك مو هيك وتين [بأبتسامة مزيفة]: اي شيماء: اي كملي وتين: يومها صار يحكي عن أبي إنو هوي همو المصاري لهيك قتل أنا م سكتلو ويمها ضربتو كف بالمحكمة هوي حطها بقلبو وصار بدو ينتقم هيك ع قولتو أنا تاني يوم رحت ل اشوف محامي وطلب المحامي مبلغ كبير من المصاري ونحنا متل م قلتلك ما كان معنا ف رحت ع القصر ل أطلب من ابو ل تيم يساعدنا بس هنيك بسمع عمي عم يحكي مع رفيقو انو هوي الي قتل الرجال وتهمو ابي فيها هون أنا صرت بدي أنتقم ل أبي وابين برائتو ف وافقت ع جوازة تيم شيماء :وافقتي بس عشان تنتقمي وتين: إي كانت كرامة إبي فوق الدنيا كلها وكنت بدي أثبت برائتو ... المهم وافقت وتجوزت أنا وتيم وهيك صار في شوية خلافات بالبداية انا وتيم بعدين مشي الحال وبعد فترة عرفت مين رفيق عمي الي مخطط معو ف أنا لعبت عليهن ل تنين عشان أكشف حقيقة أبي وبالفعل وقعو التنين بالخطة وهيك نكمشو بس رجعت ع البيت تيم ما قبل يسمع مني وعصب علي هوي ومرت عمي وهون حسيت حالي مكروهة من جهتهن ف أنا كمان دايقت ع تيم ومن تيم ل التنين سوا المهم تركنا أنا وتيم اكتشفت حالي حامل بنفس اليوم الي تركنا انا وتيم تاني يوم رحت ل اخبرو بس هوي م رضي يسمعني انا هون قررت خلص أطلع من حياتو لأنو ما عاد بدي اجرحو بس كنت كل يوم اعرف اخبارو .... بعد فترة بيجي واحد عند أبي وبقلو _فلاااااش_____ عامر[عمها ل وتين]:مرحبا جنين[بس شافتو جمدت بأرضها وحكت بخوف]: اهلأ عامر: أخي أمين موجود جنين: اااييي .. لحظه ناديلك ياه امين من وراها أمين: عامررر بيركض عامر وبضمو عامر: سامحني يا أخي سامحني يا نور عيوني بترجاك تسامحني

العضوة: 825077 , منذ سنتين

امين: الله يسامحك ويسامحنا جميعاً ... تفضل فوت _باااااك_____ شيماء: ع شو بدو يسامحو وتين: ماما وبابا كانو يحبو بعض زمااان بس ولا حدا من اهل بابا او أهل ماما رضيو يجوزهن ل بعض بسبب اختلاف العشيرة وبابا وماما بقيو مصممين ع رأيهن وبيوم من الأيام وبليلة ما فيها ضو قمر أبي بيهرب هوي وأمي ع لبنان وبتجوزو شيماء: اها وتين: بابا كان من عيلة معروفة وغنية كتير وهوي وعمي عامر وحيدين عند جدي ف لهيك كل الورثة إلهن ل تنين ف بابا لما هرب حركو من الورثة شمياء : اي وبعدين . _فلااااااش_____ عامر: أمين بترجاك تروح معي امين: ل وين عامر: إبي ع فراش الموت وطلب يشوفك إنتي وجنين امين: عامر أبي باعتك ل حتى تقتلنا !! عامر : لا وحياة الله بقلك ابي ع فراش الموت وطالب يشوفك قبل م يموت ويسامحك وما يحرمك من الورثة بنهاية إنت بتبقى إبنو امين: الورثة مو مهمة هلأ المهم حياة أبي _باااااك_____ شيماء: وجدك توفى! وتين: اي للأسف شيماء: اي معناها كل الي صار معكن من ورثة ابوكي طلع عندو ورثة وتين: اي صح بس الورثة كان ب أراضي ب سوريا وممتلكات شيماء : اي لكن شو وصلكن ل هون وتين: بصراحه أنا ما عاد قدرت أبقى بلبنان وطلبت من أبي انو نسافر ع أستراليا وهون طورنا من حالنا وصرنا شيماء: وتيم ما عم تفكري ترجعيلو وتين: لأ شيماء: ليش حرام وهوي من حقو يشوف إبنو وتين: صدقيني أنا ما معنتو ع شوفة إبنو بالعكس انا من ٣ شهور بس طبق ليث السنه بعتلو صورو ونحنا عم نحتفل فيو وكتبتلو رسالة اعتذار لو بدو يعرف عننا شي كان دور علينا بس تيم نجرح بما فيه الكفاية وما عاد بدو يرجع للماضي وأنا بهني ع هاي الخطوة شيماء: ولله قصتك بتحزن وتين: هاي وحكيتلك ياها كيف لو عشتيها بعيد الشر ... ييي ليث عم يبكي خليني روح شوفو

العضوة: 825077 , منذ سنتين

أما عند تيم بكون راجع من شغلو متل العادة واول م يدخل بطلع ع غرفتو وما بحاكي حدا بتلحقو غدير بتكون راجعة من إيطاليا وخصوصي بعد م عرفت ب الي صار مع تيم تيم بطلع عليها بطرف عيونو بيرجع بحول نظرو ع الشباك تيم: غدير شو بدك أنا مو قايل ألف مرة ما حدا يفوت عندي ع الغرفة بتيجي غدير بتلف إيديها حويلة رقبتو غدير[بمكر]:تيم أنا م فيني شوفك مدايق ما بقدر بحس بوجع بقلبي بس م تكون البسمة ع شفافك تيم:ليش شو السبب غدير: تيم أنا بحبك مو بس بحبك أنا بموت فيك . تيم بلتفت ل عندها بطلع ب عيونها تيم: غدير أنتي بعدك بتحبيني غدير: انا مو بس بحبك انا بعشقكك تيم للحظة بتخيل إنو وتين إلي قدامو بلفها ل عندو وبياخد شفافها ببوسة وهي بتتجاوب معو بعدين بينتبه ع حالو وبشوف إنها غدير ببعد عنها تيم: بعتذر غدير بضمو بتبوسو بوسة خفيقة من خدودو غدير: ولا يهمك عادي تيم: غدير رغم إنتي تزوجت وبعدك بدك ياني غدير : انا مستعدة اتزوجك لو تزوجت ٣ قبلي تيم: شو سبب حبك الي كل ه الدرجة غدير: ما في سبب بس لما الإنسان يعشق شخص بيعمل كل شي ل حتى يبقى معو تيم تذكر وتين وكيف تخلت عنو بسهولة ورددت كلمتها بعقلو [لأنو ما بحبك ولا حبيتك ] بيرجع بيحقد عليها أكتر وبلحظة غضب ويمكن كان بس بدو يرمم جرح قلبو وشايف أنها الي قدامو بتحبو يعني ما رح يصير فيو متل م صار بوتين تيم: غدير غدير : ي عيونها ل غدير تيم: بتقبلي نتزوج

العضوة: 825077 , منذ سنتين

وبهاي اللحظة كإنها السعادة كلها كانت موجودة بس عند غدير كانت طايرة من الفرح ضمتو ل تيم وحكت بصوت عالي غدير: اي اي بقبل . تاني يوم عند وتين بتنزل ع الشركة بيدق الباب وتين: تفضل السكرتيرة: مدام وتين من شوي وصلتنا هاي الرسالة من شركة*** وطالبين يعملو معك إجتماع بلبنان وتين صفنت بالسكرتيرة شوي تذكرت أنها طلعت من لبنان لأنو ما عاد بدها تعيش فيو او تتذكر شي بس طالعت كل الافكار من راسها وتين: إيمتا الإجتماع . .

العضوة: 825077 , منذ سنتين

السكرتيرة: الاسبوت يوم الخميس وتين: بعد ٣ ايام السكرتيرة : اي صح وتين: ممممم أوك السكرتيرة: شو اقلهن موافقة ع الاجتماع وتين: اي . بيخلص دوام وتين بالشركة وبتروح بتجيب ليث من الحضانه وبترجع ع البيت المسا بتكون وتين وأمين وجنين قاعدين سوا وتين: بابا أمين: اي ي روحي وتين : في عندي اجتماع بعد ٣ ايام أمين: الله يوفقك ي رب وين الاجتماع ومع مين وتين: بلبنان مع شركة*** أمين: وأنتي رح تنزلي ع لبنان وتين : اي أمين: يعني نسيتي وتين : بابا بترجاك إذا ممكن تنسا الماضي أمين : براحتك ي روحي والله يوفقك وأعملي الي بتشوفي مناسب تاني يوم وتين يتحجز الطيارة وبتسافر ع لبنان وأول م تنزل بمطار لبنان بكون في شي جواتها كانت حاسة بالاختناق وبنفس الوقت بالفرحة . تاني يوم وتين بتقرر تنزل ع السوق ل تروح ع مطعم تتغدا وهي بسياراتها بتلمح تيم وفي معو صبية فاتو ع محل الذهب بتوقف السيارة وبتصير تنظرهن ل يطلعو وأول م يخلصو ويطلعو بتنصدم من إنها اابنت الي كانت معو هي غدير وما إجو بعقلها غير هدول الكلمات [غدير: قدرتي تفوزي وتاخدي تيم وبهنيكي فيو بس ما اعتقد تكفو سوا بنهاية إنتي وين وتيم وين أنا رح روح بس وعد رح أرجع ] وتين بتخبط ب إيدها ع دركسيون السيارة وتين : وحده حقيرة ما صار إلا واخذتو لك تيم متجوز طلعت ع المحبس ألي بأيدها رغم كل شي صار بس ما شلحتو ضمت إيدها ورجعت حكت وتين: وأنت يا تيم بهل سهولة هيك هنت عليك [مًهّـمًأّ حًأّوٌلَنِأّ أّلَنِسِـيِّأّنِ♪فُـهّـنِأّکْ لَحًظُأّتٌـ لَأّتٌـنِسِـئ❣❣] وتين: حاولت أنساك حاولت كب كل شي بالماضي بس ما قدرت كل لحظة عشتها معك لسا عم أتذكرها ليث وتفاصيلو وكل سي الي ماخدو منك عم يذكرني فيك عيونو عصبيتو شعراتو كل شي ألك بعدين مسكت تلفونها وإتصلت ع إمها وطلبت من إنها تفتح كاميرا وتفرجيها ليث وقعدت تلعبو جنين : وتين ليش عم تبكي ي روحي وتين : ما عم ابكي أمي بس يمكن من الغبرة الي دخلت ل عيوني جنين : اي ي روحي انتبهي منيح وتين : أوك ماما وانتي انتبهي ع حالك وع بابا وليث ... طيب هلا لازم سكر برجع بحكيكو

العضوة: 825077 , منذ سنتين

بترجع ع الاوتيل وهنيك بتصير بتفوت ع السوشل ميديا عشان تعرف أخبار عن تيم وعن خطبتو ب غدير وبتعرف انو خطبتهن بعد يومين بتسكر تلفونها وبتقوم بتحط راسها وبتنام . يوم الخطبة بالصالة بيكون تيم عم يرقص مع غدير كانت وتين عم تراقبهن من بعيد تذكرت يومة خطبتهن دمعو عيونها وما غدرت تكمل وطلعت وهي عم تركد من الصالة وهي طالعة بتضرب ب شب وتين: عفوا وائل: العفو ... وتين بس هون بتكون وتين صارت رايحه بترجع ع الأوتيل وبتحجز طيارتها تاني يوم الصبح وبضب غراضها وبترجع ع أستراليا أما عند تيم بكون قاعد هوي ورفيقو وائل وتيم بكون شارد وائل: أنا بعرف إلي بخطب بكون مبسوط الا انت الحمدلله دايما غير الكل تيم: مو ناقصك إنت كمان الي فيني بكفيني وائل : صحيح إنت غبي ل هدرجة أنا ما كنت متوقع إنو عنجد ما عندك مشاعر ولا إحساس الا ل مبارح إنت واحد اناني كتير تيم: شو مالك نبحتت علي هيك شو عملتلك وائل: إنت كيف بتعزم وتين ع خطبتك مو حرام عليك شو م كان صاير بيناتكن ما شفتها مبارح إشقد كانت مجروحه بس ما عندك إحساس ولا مشاعر تيم بوقف تيم: وتين!! وائل: اي اعمل حالك ما معك خبر تيم: وحياة الله ما عندي خبر وما أنا الي عزمتها ومن يوم محكمة أبي ما بعرف عنها خبر وائل : لكن مين الي خبرها عن خطبتك من غدير تيم: عم قلك وحياة الله مو أنا بعدين شو أعمل أنا إن حظرت وان ما حظرت وائل: تيم رح قلك شي إنت بتقدر تكذب ع الكل الا علي إنت لسا بتعشقها ل وتين بس كبريائك عن يمنعك من إنو دور عليها تيم[حاول يبين إنو مو مهتم]: مو صحيح وائل: طيب أحلف تيم: مو مطر أحلف ع شي فاضي بعدين أنا اسه خاطب ما لازم تذكرني بشي من الماضي رح ابدأ حياة جديد وائل: ههههههههههه تيم: شو مالك عم تضحك وائل: لانو شي بضحك صراحه حياة جديدة قلتلي إنتي بس خطبت عشان تعبي الفراغ الي جواتك بس ما كنت عارف إنو هيك عم تأذي حالك اكتر من م تنسى . . بترجع وتين ع أستراليا وبتقرر ما عاد تنزل ع لبنان ابداً بتدخل ع غرفتها بتستند ع الباب وبتصير تبكي وتين: معقول يا ربي هيك بالسهولة هاي ينساني يعني لو قلتلو انا م بحبك معقول قلبو م قلو إنو عم كذب علي تيم ما عاد بدو ياني وأنا ما عاد بدي أطلع بحياتو مرة تانية رح اتركو يعيش حياتو وأنا رح عيش حياتي مع أبني

العضوة: 825077 , منذ سنتين

بتطلع ع إيديها بتشوف المحبس بتشلحو بتغمض عيونها وبتحطو بكف إيدها وبتظغط علي وتين:بعتذر عن كل لحظة فكرت فيها إنو ممكن نرجع بعتذر عن كل لحظة كنت أتخيلك واتخيل ليث وأنا ونحنا متجمعين يا ربي بكفي ولله قلبس ما عاد فيو شو بدي أتحمل او شو بعدين بتروح عند إبنها الي بكون نايم ع التخت وبتنام جنبو وتين: بوعدك ي روحي ما أتخلا عنك بوعدك من إنو اعوضك عن كل شي نحرمت منو رح كون إلك الأم والأب وهيك بتنام وهي عم تحاكي إبنها أما عند تيم بيرجع من شغلو بتكون الخادمو عم تنظف الصالة وبالصدفة وقعت منها المزهرية ونكسرت الخادمة: ييي شو عملت بحالي أكيد هلأ المدام لانا ما رح تسامحني يا ربي بيجي تيم وبشوفها عم تحاكي حالها تيم: شوفي الخادمة[وهي خايفة]: ولله يا بيك مو بأصدي وقعت وانكسرت تيم: اوك خلص ولا يهمك بيجي بدو يمشي تيم بس بيلفتلو نظرة كرت مجعلك ومحطوط بقلب المزهرية تيم: شو هيدا الكرت الخادمة : ولله ما بعرف يا بيك بياخد تيم الكرت وبطلع ع غرفتو بحط غراضو وبيقعد وبقرر يفتح الكرت ويشوفو . رأيكن ل هون .يتبع. 🌼

العضوة: 825077 , منذ سنتين

#الوتين🖤🥀 الجزء الثامن والاخير . بيفتح الظرف وبطالعو بكون فيو صورة ولد صغير تيم بيلهف قلبو بس شوف هيدا الولد ومع كل صورة عم يضحك ع حركات الطفل بقرب الصورة وببوسها بدون م يعرف مين الطفل بس شعور غريب تملكو بس شاف الطفل وخصوصاً بيشبهو كتير بيحط الصور ع جنب وبفتح الرسالة وتين: أولاً رح قلك أنا بس تشوف هاي الرسالة صدقني أنا مو موجودة بلبنان حتى لو تدور لبنان كلو ما رح تلاقيني لأنو صدقاً انا ما بلبنان ... أنا ما حبيت كون أنانية وفكر بحالي متل م إنت عملت تركتني وما سألت عني ولا فكرت تدور علي او تشوف وين أنا إنت دايما بتهتم ل شغلات وبتترك شغلات أوك انا بعترف انو جرحتك وانا في علي غلط متل م انت عليك غلط بس صدقني الغلط الأكبر منك إنت أنا بعتذر لانو كسرتلك قلبك بيومها وقلتلك ما بحبك بس صدقني كنت مجبورة الي شفتو بعيونك إنت وخالتو كان كفيل ل يوضحلي المستقبل الي اذا كنت رح كفي معكن شو هوي يمكن م انتبهت ع حالكن كيف كنتو تحكوني بس أنا ما كان بدي ابقى وانجرح واجرحكن بسببي كنت متأكده كل م تشوفوني رح تتذكرو عمي وما رح تسامحوني لهيك انجبرت اقول هيك مع إنو انت لو مكاني كنت عملت نفس الي عملتو ودافعت عن أبوك بس هاد الشي فات الأوان ل إلو يمكن أنت هلا نسيتني او ما عم تفكر في بس صدقني أنا كل يوم عم اتذكرك عم عيش كل لحظة بحياتي بذكرياتنا سوا يمكن تكون إنت عم تفكر تتجوز من بعدي وأنا ما رح قول لاء رح قلك ربي يهنيك ويسعدك بس تأكد من شغلة ي تيم لو رح تتجوز من بعدي وتعيش معها ألف سنه ما رح تحبك ربع الي حبيتك والي بحبك هوي بتعرف عم اتعلق فيك أكتر بس عم شوف إبننا ليث متأكده شفت صورتو وشفت الشبه الي بينك وبينو اي اي هاد إبننا الي يوم أجيت اخبرك ب أنو أنا حامل ما رضيت تسمعني وتركتني ومشيت حبيت خبرك حتى ما كون أنانية حتى بالمستقبل بس يسألني عن ابو ما اقلو ولله م بعرف عن أبنو .... أنا ما عم قلك ولا حتى كتبتلك هاد الشي ل حتى تشفق علي ودور علي وترجعني او حتى تدور ع إبنك لأنو اصلاً ما رح تلاقينا اليوم بكون صار ل ليث عمرو سنه حبيت بهاد اليوم تكون هديتو إنو ابو يعرف انو عندو ولد

العضوة: 825077 , منذ سنتين

بعرف طولت عليك بالحكي وهلأ رح قلك ربي يسعدك ويوفقك وبتمنى ما تنسى إنو أنا لسا بحبك رغم انو يمكن انت م بتحبني . . بيضم الرسالة وبيصير يبكي بصير يفتح الرسالة يشوف كلام وتين يرجع يضمها ويبكي بترك الرسالة بمسك صور إبنو وهون بيغص بقلبو تيم: ليث ي روح البابا ... عنجد طلعت واحد أناني انا ما سمعتها يوم م إجت بدها تخبرني كنت م خليتها تبعد عني ولا لحظه كلو الحق علي أنا بيمسح دموعو وبيحمل الرسالة وبيطلع فيها عند إمو وهوي عم يصرخ تيم: إمي ... إمي لانا: شوفي ي روحي ليش هيك عم تصرخ تيم: هاي من إيمتا موجودة بالبيت لانا : شو هاي تيم: أمي عم أسألك هاي من إيمتا موجودة بالبيت لانا: ولله ي روحي م بعرف شو هاي ولا حتى عن شو عم تحكي تيم: أمي هاي رسالة من وتين وكانت محطوطه بقلب المزهرية لانا رجعت بذاكرتها ____فلااااش____ بتكون غدير واقفة جنب المزهرية وماسكة ب إيدها شي وعم تشوفو بتقري لانا لانا: غدير بنتي أنتي هون بتتلبك غدير وبسرعة بتصير تمسك الورود الي المزهرية لانا :شو الي عم تشوفي غدير: اه لا ولا شي عم شم الوردات اما شو ي مرت عمي ريحتهن بتجننن ____بااااااك____ لانا: اه اي تذكرت تيم: شو تذكرتي لانا:اه اي بتوعدني ما تعصب تيم: امي احكي لانا: بصراحه هاي من حوالي كم شهر شفتها بإيد غدير وهي

العضوة: 825077 , منذ سنتين

تيم[بكز ع سنانو]: غدييير لانا : روق ي روحي تيم: إمي بتعرفي شو في بالرسالة هاي .... أمي أنا عندي ولد وتين كانت عم تخبرني بهاي الرسالة لانا : شوووو ولدد تيم: اي . . بيطلع تيم والشرار بعيونو بروح عند غدير وغدير اول م تشوفو غدير: اهلا ي روحي ولله اشتقتلك وبتيجي بدها تبوسو بس هوي بمسكها وبروح وهوي ماسكها من إيدها ع الغرفة تيم: إنتي وحده حقيرة ... انتي أنانية وبعمرك ما رح تصيري انسانه غدير كيف بتقرأي هيك رسالة وما بتخبريني[وبيأشر بإيدو ع الرسالة ] انو قلب عندك هاد كيف بتخبي عني هيك شي مهم غدير: تيم بترجاك تهدى انا ولله بحبك وما كنت متخيلة اذا عرفت بهيك شي رح تتركني وترجع ل عند وتين بلحظة الي كنت فيها عم حاول ل أكسب قلبك تيم : لك عن أنو حب عم تحكي عن أنو قلب ليش أنتي بتعرفي الحب مستعدة تبني سعادتك ع حساب شخص تاني غدير[بعصبية]:تيم بكفي كل شي وتين وتين وتين شو وتين مقدسة اي وشو يعني عندك ولد اصلاً لو كنت رح تعرف رح تعرف مكان الولد رح تقدر ترجع وتين او إبنك بعدين وتين شو بتختلف عني ل هيك بتحبها لك الي سنين بحاول بينلك حبي بس ما هتميت لسا عقلك ب وتين خطبنا وهياك بدل م تيجي تقعد معي عم تبهدلني ومن شان مبن من شان وتين تيم: بدك تعرفي وتين شو بتختلف عنك !! غدير كتفت إيديها وطلعت ب تيم تيم: أوك رح قلك وتين عندها قلب وتين بتعرف شو يعني إنسان وشعور رغم اني قسيت عليها وما رضيت اسمها إلا انها بعتتلي وخبرتني بلحظة الي انا طنشتها ومشيت ... غدير رح قلك كلمتين انا مش مستعد أكفي حياتي مع وحده ما بتعرف كيف تقدر مشاعري

العضوة: 825077 , منذ سنتين

وشلح المحبس ورما بوجه غدير وطلع . . عند وتين بتكون قاعدة هي جنب أبنها وعم تفرجي ع التلفون فيديوهات أطفال وكذا عشان يسكت بتكون الساعة ٢ الصبح والكل نايم هي بتقرر تنزل تعمل نسكافية وتيجي تقعد . وهي قاعدة مع إبنها بتصير تطلع علي كيف مركز بالتلفون وعم يضحك بتصير تضحك ع ضحكاتو بتفتح كتاب من الكتب الي عندها وبتقرأ هيدا الاقتباس [إن هــــان عٍلُِيـــــڪ الُِحٍـــالُِ مــــن غيــــرٍ سمـــاعٍ صـــــوُتي يهــــــــوُن عٍلُِيـــڪ ألُِحٍـــــالُِ لُِيـــن تســـــمعٍ خـبَـــرٍ مـــــوُتي] بتتنهد وبتسكر الكتاب وتين: حتى بالكتب لاحقني يا رب دخلك إنت بتعرف شوفي بقلبي كيف يا ربي هيك بسهولة نسيني ما عم أتخيل كيف هيك بسهولة لك الكلمات الي كان يقلي هني كنت قول تيم بحياتو ما ممكن يزعل مني يا رب إنت الوحيد الي حاسس فيني الوحيد الي ممكن تصبرني ولله بحبو ما عم أقدر انسا ما عم اقدر ما بقدر طالعو من حياتي لأنو هوي كل حياتي بتطلع ع إيدها بتتذكر المحبس بتقوم بتجيبو من الجرور وبتلبسو وبضم إيدها ل صدرها . بعد حوالي أسبوعين بتكون شيماء هي وليث بالسوق وتين: اي شيماء شيماء: اي ألو وتين وتين: اي حبيبتي شيماء: وتين أنا أخذت ليث ونحنا هلأ بالسوق كان عم يبكي كتير لهيك طالعتو وتين: ي عمري إنتي دخيل قلبك عم عذبك معي شيماء: نخرسي يلا بس ترجعي بشوفك وتين: اوك باي ي قلبي بتكون شيماء عم تسكر الخط بتخبط ب شب شيماء: سوري عنجد وائل: بتحكي عربيي! شيماء: اي اصلي انا عربي ع كل حال بعتذر

العضوة: 825077 , منذ سنتين

بصفن وائل بعيونها الزرق الي بلون السما بس بصحى لما يشوف الولد بإيدها بفكرو إبنها وائل: ولا يهمك بيمشو كل واحد من طريق أما وائل بكون لسا صافن ب شيماء وبسحر عيونها وائل: لك اصحى عيب عليك ما شفت الولد بإيدها بعدين بتذكر وائل: أنا وين شايف الولد ... لا لا متأكد شايفو . . بيعتبر وائل إنها صدفة وما بيهتم للأمر . شيماء بتكون عم تتذكر نظرات وائل عليها وفرحانه شيماء: لك لي هيك فرحانه ولي هبلة وكأنو قلك بحبك كلو الي خبطو ببعض وقلك وسألك انو بتحكي عربي ليث: ننناناانا شيماء: وانت هيك رأيك مو اي بعرف مجنونه أنا يلا نرجع ع البيت هلأ بتكون ماما ناطرتنا . بيروح أسبوع وأبطال قصتنا ع حالهن كل واحد عم يركز بشغلو وتيم لساتوو عم يفكر ب إبنو و وتين بيجي وائل ل عند تيم وائل :سربرايس تيم: وائل لك انت مو ع أساس مسافر ع أستراليا وائل: اي رحت ورجعت ما عجبني الجو بعدين م بقدر بعد عنك تيم: هههه نصاب وائل: اي هيك ها اضحك دوم الضحكه تيم: ما عم أقدر يا وائل كل م بشوف صورة أبني وبتذكر انو بعيد عني قلبي بيشعل نار وبطالع صورة إبنو وبصير يتفرج عليها وائل: لك روق يا زلمة بكرا الا م يفرجها ربك تيم: لك شوف شوف اديش ماخد شبه مني وتقول ك إنو أنا وائل بصفن بصورة وبصدمة وائل: لا مستحيل تيم: شوفي وائل: لا لا مستحيل .. تيم هات الصورة بيمسك الصورة وبركز فينا منيح وائل:لك ولله هوي تيم : لك شو مالك شغلتلي بالي وائل: تيم بدي أحكي شي بس امسك أعصابك تيم: أكتر من هيك بفرط وائل: تيم بصراحه أنا من فترة شفت نفس الولد الي بالصورة وقلت لحالي وين شايفو وين شايفو بعدين فكرت حالي مخربط تيم بوقف بصدمة تيم: وائل انت متأكد وائل: متل م متأكد انك قدامي

العضوة: 825077 , منذ سنتين

تيم [بلهفة ]: طيب طيب وين شفتو كيف كان شو كان عم عمل وائل: تيم هدي شفتو وأنا بأستراليا تيم: أستراليا شو إلها وتين بأستراليا وائل: ولله ما بعرف بس ما كان مع وتين كان مع وحده غير تيم: ايوا ومين هاي . # . وائل: ولله م بعرف تيم: قوم قوم وائل: بسم الله عليك ل وين تيم: قوم بدي روح رجع إبني ومرتي وائل: من وين تيم: بدي روح ع أستراليا دور علينن بدي لف الدنيا كلها بدي رجعهن وائل : أوك بقوم معك بس بشرط تيم: تفضل وائل: اذا رفيقتها الي كانت مع ليث بالسوق مو مرتبطة بتخطبلي ياها تيم:من عيوني بروحو تيم وائل بحجزو تكتين طيارة عشان يسافرو ع أستراليا ........................ هنيك بيوصلو واول م يوصلو تيم بيحمل صورة وتين وبصير يسأل عنها وكل م يسأل حدا يقلو لا م بعرفها بعد نهار طويل بيرجع ع الأوتيل وهوي عندو امل يلاقيها وائل: خلي عندك امل انا متأكد انها هون ورح نلاقيها تيم :صدقني لو ما عندي أمل ما كنت شفتني هلأ معك . عند وتين بتكون نايمه وجنبها إبنها كانت ليلة مفعمة بالاسرارا ممكن تيم يلاقي وتين طيب اذا لقاها رح تسامحو شو ردة فعلهن بس شوفو بعض

العضوة: 825077 , منذ سنتين

بتفيق وتين تاني يوم صبح متنشطة كانت عندها طاقة إيجابية كتير عالية بتلبس وبتطعمي إبنها وبلبسو وبتاخدو ع الحضانة وبتروح ع الشركة قبل م تطلع ع الشركة بكون في رجل ختيار قاعد عند باب الشركة وباين إنو وضعو كتير فقير من خلال تيابو وشكلو بتقرب منو وتين وتين: بدك مساعدة عمو الحج: لا ي بنتي سلامتك بس إذا تساعديني أقعد هنيك وتين: اي تكرم من عيوني بتساعدو وتين وبتطلع ع الشركة بنفس اللحظة الي بتطلع فيها وتين بكون تيم و وائل عند الشارع التاني للشركة وعم يدورو ع وتين وائل : شوف هداك الرجال خلينا نروح ونسألو تيم: مو شايفو كبير بالعمر اكيد م رح يتذكر حتى لو شايفها وائل منجرب م منخسر . . تيم: لو سمحت بدي اسألك الحج: تفضل يا أبني تيم: بدي اسألك عن هاي البنت الي بالصورة شفتها شي! او ممكن تتذكر إذا شايفها بيصفن الحج بالصورة الحج: اي اي هاي هلأ دخلت هون بيطلع تيم نظرة ع الشركة ومبينه إنها فخمة كتير تيم: وائل شو معقول تكون وتين عم تعمل هون وائل: بركي موظفة تيم: أي م بعرف مشي ل نفوت ونسأل بيدخلو ع الشركة وبشوفو موظف قدامهن تيم: لو سمحت ... لو سمحت الموظف: تفضل تيم: بدي اسألك عن هاي الي بالصورة شفتها شي او بتعرفها قالولي بتشتغل عندكن هون بالشركة الموظف بطلع ع صورة وتين بصدمة تيم: عم أسألك بتمنى تجاوب الموظف: هاي المدام وتين مديرة الشركة

العضوة: 825077 , منذ سنتين

وائل وتيم: مديرة الشركة الموظف: اي ،اذا بدكن تشوفها هي غرفتها بالطابق الثاني الغرفة الي ع إيدك الشمال بيطلع تيم وهوي عم يركض بيفتح الباب بتكون وتين عم تشوف شوية وراق تيم بفتح الباب وبوقف مصدومه ما متخيل بعد كل ه المدة رجع شافها وتين بتطلع عند الباب ومين فتحو بتوقف مصدومه وتين: تيم تيم بيركض عند وتين وبضمها للحظة كانت وتين رح تظعف وتبادلو بس بسرعة بتبعد عنو وتين: تيم شو عم تعمل وكيف هيك بتفوت بدون إذن تيم: وتين اشتقتلك وتين: لو سمحت ل براا نحنا بمكان عمل تيم: بس انا عند مرتي وتين: تيم ل برا لو سمحت أحسن م تجبرني أعمل شي م بدي أعملو تيم: وتين من أيمتا قلبك كان قاسي وتين: من اللحظة الي ما رضيت تسمعني فيها تيم: وتين انا ندمان ع كل شي عملتو معك وتين خلينا نرجع وننسا كل الي صار وتين: بسهولة هيك عم تقولها وين كنت لما تركتني بنص الطريق وين كنت لما كنت جاي خبرك عن ابننا وما رضيت تسمعني اه وشو بسبب موضوع وأنا متأكده لو كنت مكاني ل عملت اكتر من هيك ل هيك بعتذر تيم وتفضل ل برا . تيم: تمام أنا هلأ رح أطلع ل برا بس صدقيني ل أرجع وتين بتلف ظهرها ناح الشباك عشان ما تبقى تطلع ب عيونو وتظعف قدامو طلع تيم وتين صارت تتصفن بحالها وتين : سامحني تيم بس مو ب ه السهولة فيني أنسى كل شي وسامحك ما ب ه السهولة فيني أنسى الايام إلي عشتها ع أمل إنك تبادر وتدور علي مسحت دموعها وطالعت كل شي من راسها قفلت الوراق رجعت ع البيت ونسيت تجيب ليث من الحضانه جنين: وتين أمي وين ليث وتين: يييي شكلي نسيتو بالحضانه جنين: هههه ي فرحة عمرك يا جنين بنتك وتين نسيت إبنها وتين: أمي ولله راسي يجعني هلأ بتصل بشيماء بخليها هي تجيبو بتتصل وتين بشيماء وبتخبرها تجيب ليث من الحضانه