السلام عليكم كيفكم يا امهات يا غاليات حبيت انبهكم ع موضوع مهم من اسبابه الحمل والولادة مثل ما عرفت وايضا حبوب منع الحمل واي شي هرموني او يرفع الاستروجين ولاحظته في كثير من معارفي صار لهم اثناء الحمل او بعد الولادة مباشرة والان انا بعد خامس ولادة صار معي هالشي الي هو ( حصوات المرارة ) طبعا لي والدة ٥٠ يوم وبدت معي الالام من قبل اخلص الاربعين ، الالام عبارة عن الم في الجانبين اليمين واليسار والام في البطن حوالين السرة والمعده واحساس بالاعياء والتقيؤ وانسداد شهية ولو اهملتي الالم راح يتطور ويصير اقوى واشد ويأثر ع البنكرياس ويسبب له التهاب وايضا لو سد القناة الصفراويه راح يسبب لك اصفرار بالعينين ولون البراز وتغير لون البول للون البني تقريبا فالي تصير معها هالأعراض او بعض منها تتجه فورا للمستشفى راح يسوون لها اشعة سونار واشعة مغناطيسيه وتحاليل وغيرها واذا تأكدو من الامر راح يسوون العملية بالمنظار بسيطة وسريعه خلال عشر الى عشرين دقيقة وتطلعين بالسلامه وبنفس اليوم تخرجين للبيت والحمدلله على كل حال حبيت انبه الجميع لأني اهملت نفسي وتعبت كثير اضطريت اترك بنتي الصغيرة عند امي كم يوم وانا بالمستشفى تحت المغذي والمضادات تركت الرضاعه الطبيعية صرت اشفط الحليب واكبه بسبب انه مضر لبنتي والحمدلله انا بخير الان والله يتمم لي على خير ... الرجاء الرفع لتنبيه اكبر شريحة من الامهات .