السلام عليكم اليوم حبيت اشارككم قصتي مع الحمل. تزوجت شخص احبه بشكل جنوني وهو يبادلني نفس الشعور❤️وبعد 11 شهر من زواجنا قرر زوجي انه صار لازم احمل و نصير ثلاثه🤣❤️الحمدلله حملت بنص شهر وكان برمضان حملي و رابع يوم من العيد رحت عمره و احنا راجعين كنت امازح زوجي و للاسف نسيت نفسي و رجعت بسرعه لكرسي السيارة و كانت الضربه على ظهري، حسيت بمغص و لما رجعنا على البيت نمت و صحيت لقيت دم نازل مني! قلت لزوجي و على طول اخذني للمستشفى و قالوا لنا حمل كاذب! و كان عمر الجنين 5 اسابيع و كنا مكسورين انا و زوجي💔 و دخلت بحالة اكتآب بس الحمدلله زوجي قدر يطلعني منها❤️ و حاولنا مره ثانيه💪🏻 و حملت بعد شهر الحمدلله، و كنت هالمره ما اهتم و اقول على الله كل شي و كنت اقرأ على بطني اخر ايتين من سورة النحل، والحمدلله استمر حملي و بدء الوحام او الوحم🤣 و صرت اخذ حبوب غثيان رغم الكلام الي سمعت عنهم و انهم يضرون و وصلت للشهر السادس و تركت الحبوب حقت الغثيان😃 و نسيت اقول لكم عن اول مره سمعت نبض طفلي🥺❤️ كان شعور غريب و كنت احس اني ببكي و جاتني نوبة ضحك مو طبيعيه 😂 و الدكتوره و زوجي مصدومين😂🤣. والحمدلله سابع شهر و ثامن شهر نزل علي دم!!!! على طول رحت للمستشفى و كنت اقرأ عن الولادة المبكره😫😭، وصلت و فحصوني و قالت لي الدم خارجي في قرحه بعنق الرحم! الحمدلله البيبي بخير و كملت و جات كورونا😭 و صرت اشتهي اشياء بس مابي اطلبها من زوجي عشان ما يطلع😭 والحمدلله دخلت التاسع وهنا بدأ العذاب😭 حموضه و الم بس الحمدلله قدرت اصبر💪🏻 و صرت امشي و اشرب مويا و اكل تمر و دخلت بنص التاسع و بدأت تمارين💪🏻❤️ وجا موعد الولادة٨/٣/١٤٤١ ولا ولدت💔 اليوم الثاني والثالث والرابع مافيه ولادة💔 الى ان صار لي ٦ ايام ٨/٨/١٤٤١! و قمت وكنت بموت من التعب والثقل و اضطريت ارتاح و زوجي طبخ الغدا وكان سبايسي(حار) و لما جا الليل سويت انا و اخت الحُب🤣😂كنافه و العشا و بعد ما خلصنا قمت نظفت و مشيت نص ساعه متواصله و نمت و يالطيف يا ذيك النومه😭 صحيت على مغص قوي و حسبته زي الي يجيني دائمًا و طبعًا كان يجيني مغص يوميًا و رحت للمستشفى اكثر من مره، المهم مابي اطول عليكم رحت امشي و للاسف مافاد😭 و صرت ادعي و استغفر و رحت و فتحت الدش على ظهري مويا دافيه قريبه من الحاره و ما فاد😭 طبعًا ماكنت ادري انها ولادة 🤰🏻 و رحت احاول انام ماقدرت جيت بصحي زوجي و على طول رجعت(تقيئت)و بالغرفه😭 و هنا عرفت انها ولادة و صحيت زوجي و قلت احس بمغص و لبست و رحنا للمستشفى وقتها كانت الساعه ٥ الفجر وكان حظر تجول و قطعنا الاشارة🤣🚦 وزوجي كان مسرع و اقول له وانا بموت من الالم لا تسرع المغص خفيف😂 وصلت و حطوا لي التخطيط و رجعت استفرغت بالمستشفى😭و الممرضات عندي وحده تبي تساعدني والثانيه تقول لاااا😂 و جا الدكتوره و سوا لي سونار و قال كل شي تمام ولادتك حتكون ان شاءالله طبيعيه🤰🏻❤️ و فحص عنق الرحم و قال 6سانتي😱 انا هنا خفت شوي و قال يلا على غرفة الولادة😭🥳🤪 و الحمدلله الله سخر لي دكتورات و ممرضات طيبات❤️ دخلت الساعه 6 وجلست بألم مستمر و قلت للدكتوره ابي ابرة ظهر قالت ننتظر التحاليل😭 و قلت اعطيني اي شي يخفف هذا الالم قالت في البرة مسكن بس ماتفيد قلت ليه اخذها دامها ماتفيد قالت لي الا تفيد بس شويه قلت عطييينييي🤣 و فعلًا اعطتني الابرة و الساعه 9 حسيت بدف و قلت للدكتوره و فجأة دخلوا دكتورتين و ممرضه 😭 و جابت لي الممرضه غاز و كنت اشمه وانام لاني مانمت زين اساسًا و جوالي طبعًا كان طول الوقت يرن والمتصل زوجي و اختي🤣 و جات دكتوره و كشفت علي و راحت و سألت الممرضه كم فاتح قالت عشره خلاص ولادة وكانت متحمسه😂❤️ وانا قلت يييه و رفعت يدي وانا اضحك بمعنى الانتصار😂 بدأت مرحلة الولادة و خروج البيبي و جلسوا عند رجولي و غطوني عشان البرد و ما اتوسخ و قالت لي تعرفي تدفي وانا اقول اي وانا مثل الغبيه مدري ايش تقول😂 قالت تنفسي و دفي زي ما تخرجي البراز(وانتم بكرامه) انا انصدمت بس نفذت و كل شويه اقول لها طلع منه شي🤣🤣😂 و فجأة شفت شعره و راسه بأنعكاس النظارة حقت الكمام الي كانت لابسه الدكتوره!!!!! و هنا شفت المنظر المؤلم😭 و بديت ادف و دخت و الدكتوره رشتني بمويا عشان اصحصح والحمدلله صحصحت و كملت و فجأة الممرضه تقول براز براز😭 الله يسامحها عبالي سويتها على نفسي طلعت تقول دفي زي ماتخرجي😭 و دفيت وانا اردد ذكر الله كالعاده ❤️ و طلع راس البيبي😭👼🏻و دفيت اخر دفع و طلع طفلي و اميري الصغير عِماد قلت لهم بنبرة شوق ابيه قالت اول شي نخيط الجرح و ننظف البيبي و نجيبه وكنت اسمع صوت بكاءة 😭 و الحمدلله خلصت خياطه و اخذت طفلي و جوالي و صورت معاه صوره كذكرى❤️ و هنا بدأت قصه جديدة بعنوان "حياة الامومه 👨‍👩‍👦"