مرحبا بنات انا طبعا ربنا حرمني من الخلفة لمدة سنة ونص كان مشاكل مني ومن زوجي واكتر مشكلة واجهتني هيه تكيس المبايض وعانيت كتتير مع هاي القصة ونفسيتي تعبت كتير لدرجة كنت ادعي على حالي بلموت وطبعا الناس ما بترحم بلعكس بتزيد على قلب الواحد (مافي بيبي) المهم بيوم تعالجت عند دكتور كان اخر فرصة اني احمل طبيعي لانو دكتوري كان مقرر انو ازا ما حملت رح يعملي اطفال انابيب حجم المبيض كان ١٦ الدكتور اعطاني كلوميد بس المبيض ما ستجاب عليه يعني ما كان يكبر بعدين قرر انو يعطيني ابر منشطة اخدت الابر المنشطة طبعا وجع الابر ما بنساه ورحت عند وحدة وقفلت ضهري وبعدين صار حجم الميض ١٨ او ١٩ مو متزكرة الدكتور حكالي رح اعطيكي ابرة تفجير مبايض وحدد موعد للجماع هلأ الوضعية يلي انا كنت فيها في العلاقة هية كنت على بطني وبس خلصنا كنت ثابتة كنت رافعة قفاي اجلكم الله وثابتة لمدة ساعة وبعدين لفيت على ضهري ونمت وانا ببكي وخايفة انو يكون ما صار حمل لاني كتير تعبت من الابر المهم اجا موعد دورتي ٤/٧ طبعا قبل هاد الموعد بيوم بلشت احس حالي تعبانة وضهري بوجعني طلبت من زوجي يجبلي تست حمل فحصت قبل موعد الدورة بيوم كنت خايفة اطلع مو حامل زي كل مرا وازعل بس هاي المرا غير طلعلي خطين بتست نصدمت انا حامل لا مستحيل وسرت ارج بلحمام اجلكم الله وماقدت امشي وانا ببكي رحت عند زوجي كان بتعشا اجيت حكالي شو مالك واجا ركض علي لاني كنت ببكي فتحت ايدي وخليته يمسك التست وقلتله انا حامل تفاجأ وحضني وسار يبكي قلتله لازم اعمل فحص بدم عشان اتأكد حكالي البسي ويلا نروح رحنا على المستشفى الساعة ٢ بليل وعملت الفحص إلا هوه الدكتور طلع بخبرنا الف مبروك حامل وحضنت زوجي وبكيت من الفرح بعد اسبوعين رحت لعند الدكتور إلا هوه بخبرني انا وزوجي انهم مشالله توأم !! فرحتنا اشي ما بنوصف الحمدالله الله بعد انتظار رزقني توأم في بداية الرابع اعرفنا انهم التنين ولاد ما شاء الله كتير متعلقة فيهم وبضل احكي معهم وانا هلأ ب الشهر الخامس جديد بلشت احس بركلاتهم كتير بنبسط اول مرا حست فيهم بكيت من الفرح و اول ماعرفت اني حامل دعيت لكل المحروم ولهلأ بدعي لاني حاسة شو شعور حبيت احكي قصتي يارب اكون اعطيت امل إلكم اهم اشي ادعولي الله يتمم حملي ويقر عيني بشوفتهم 😘