#خسوف _ القمر 💔💔
#الجزء_الاول
#بقلمي _ Bayan _Sh
تحركت من تختها ومطت حالها
كان النعس مسيطر عليها
--- يا ربي دخيلك شو هالنعس هدا .. أصلا انا الحق عليي شو كان بدي بهالسهرة وانا عارفة انو عندي شغل بكير ... افف يا اففف
فاتت عالحمام غسلت وجهها ...اطلعت عالساعة كانت ٦:٣٠
نزلت عالدرج مثل الحرامية على روس اصابعها وفاتت عالمطبخ .. فتحت خزانة طلعت منها طنجرة ومعلقة حديد
طلعت على الطابق الي فيو الغرف
--- يلاااااااااا قوموا (وخبطت على الطنجرة بالمعلقة)
قومواااااااا(خبطت كمان مرة)
قربت على غرفة من الغرف وضربت بالمعلقة عالباب ضرب متواصل
(صوت صرخة من جوا الغرفة)...: قممممممممممر
قمر : يلا قومو بكفي نوم
لفت وكملت عالغرفة التانية .. فاتت متل القضى المستعجل
خبطت المعلقة بالطنجرة
قمر: قومن بسرعة
فزن على اربعتهن ووقعن عن التخت مع الحرام
زحفت على ايديها واجريها .. وتخبت تحت المكتبة ...: وين الانفجار... وين .. وين !!!!
قمر: هههههههه ... يما بطني .. امل منظرك بضحك .. اخ لو معي التلفون كان صورتك فيديو .. يلا قومن رايحة اصحي الباقي..
امل : الله لا يحرمك من قتلة يا قمر .. زحفت لعند التخت التاني ... قومي بلا ما تجيب تلفونها هاي المجنونة وتصورك وتنفضحي .. هزتها لقتها رجعت نامت عالارض ... ست راما نومة اهل الكهف يا رب .. معقول مو حاسة بشي (مسكت كاسة المي الي جنب التخت وكبتها عليها )
راما ؛ اح .. شو صار !!!!
امل ؛ اح... لك قومي خلصيني
راما : لي قدي الساعة
امل ؛ ستة ونص يمكن ،قومي بدك قرن لحتى تخلصي حالك
بتتمطمت ...: قمت
وقفت قدام غرفة تانية
وضربت بالمعلقة عالباب عدة ضربات
قمر ؛ انا كل يوم بدي ساعة لحتى اصحيكوا وبعدين مع هالعيشة عاملين حالكو تعون سهر قال !!!!
لفت ظهرها وكملت حكي مع حالها ...: وبعدين يا ربي .. انا شكلي بدي اقلعهن كلهن من البيت واجيب شلة جديدة .. شو انا امهن .. خلفتهن ونسيتهن !!!!!!😡
ما حست غير ايد سحبتها لجوا الغرفة
ظهرها عالحيط وصدرها بطلع وبنزل من التوتر
قمر؛ ابعد احسنلك
...:واذا ما بعدت !؟
قمر : بتعرف شو بعمل !
...: لا والله ما بعرف ... مفكرة كل يوم تعمليلنا هاي الحفلة وتمرق على خير .. لا وبدك تقلعينا من البيت !! لا شاطرة .. يلا فرجيني شطارتك وفلتي حالك مني اشوف (مد ايدو عالباب وسكر بالمفتاح .)
قمر ؛ يحيى !
يحيى ؛ يا عيون يحيى .. والله انا ما بدي اعمل شي بس الشباب والصبايا اترجوني اربيكي 😉
(قرب منها عالاخير ) شايفك خفتي !!
صارت تسعل ووجها صار احمر
يحيى ؛ قمر مالك .. شو صابك بمزح معك (مسكها من ايدها وقعدها عالتخت ) ما تتحركي رايح اجيب كاسة مي
فتح الباب ونزل عالمطبخ بسرعة
سكتت شوي واطلعت عالباب وبسرعة طلعت من الغرفة وراحت على غرفتها .. فاتت وسكرت الباب وراها
....:اووف نفدنا
طلع عالغرفة مستعجل وبايدو كاسة المي
حرك حجر عينه بكل الغرفة ما لقاها ... مسك كاسة المي وكبها على راسو وقال بقلبو ( انا بستاهل )
🖤🖤
كل واحد اتجهز وحضر حالو لحتى يروح عشغلو
اجتمعوا على طاولة السفرة
امل: قمر وين يحيى !؟
زورتها ... : ما بعرف .. شو شايفتيني امه
...: مين بجيب سيرة امي !؟؟؟؟!!
قمر ارتعبت ؛ هاي امل بتسال عنك
يحيى: اجيت
نشأت(قرب على امجد ) : اجى الي يرعب قمر ... شوف كيف اختفى صوتها ههههه
امجد : قمر مالك سكتي الك ساعة صارعة راسنا بصوتك
قمر: احم احم انا شبعت حمدلله .. يلا بستناكو عند الباب (راحت)
امل (رمت زتونة على امجد) : يعني ما بتعرفو غير تزعلوها ..
راما : خلص جد حلّوا عنها شوي
نشأت : نحل عنها .. لي انا الي كل يوم بمسك طنجرة ومعلقة وببلش اخبط من الصبح
امل: والله معها حق .. احنا بدنا مدافع تصحينا ، فوق ما بتعمل معنا خير .. بدنا نزعلها
امجد : اه والله انا لولا الخبط الي بصير الصبح ما بصحى
نشأت : يلا يلا قومو البنت خللت برا لحالها
🥀🥀
طلعت من البيت وقفت قدام الباب وصارت تخبط اجرها بالأرض
قمر ؛ اغبيا
...: مين اغبيا ولي !؟
قمر(توترت ) :اه.. وين الشباب اتأخرنا !!
حط ايدو على كتفها ومشاها جنبه ...: يلا يا حلوة نروح ....
وقفت..: وين نروح !! والشباب !؟
يحيى : ورانا
وصلو للسيارة ركبو فيها وطلعو
نشأت : شوفو الاندال راحو لحالهن
راما (بدلع) نشأت حياتي امانة وصلني معك
نشأت: ينعن عمري انا احلى تاكسي لعيونك
امجد: يلا واحنا جايين معكوا ، يلا امل ..
🥀🥀
بالسيارة
يحيى : مالك ساكتة !؟
قمر: والله نعسانة .. اخر مرة بسهر
يحيى: هههه خلص ماشي (وقف السيارة عجنب الشارع.. حمل تلفونو واتصل ) .. الو كيفك حبيب .. اسمع انا ماني جاي اليوم .. انا وقمر .. تسلم حبيب سلام
العضوة: 825077 , منذ سنتين
كان قاعد وبفرك بإيديه والرعب مالي قلبو خايف تكون امل حكت ليحيى كل شي .. فات عليه متل القضى المستعجل ...: انا ما بحب اعيد كلامي مرتين ، بتعرف هدا الشي صح وقف امجد مرعوب من شكله..: يحيى انا والله ما كان بدي هيك يصير ضربو كف ..: وصار ، اخدت حبوب السم من عندك قالنا بالغلط ، لي تفوتها معك بالقرف اكثر ... لييييي !؟ حط ايده محل الكف..: انا ما كنت بوعيي .. والله انا بحبها وبدي ياها ضربو كمان كف..: والي بحب بعمل هيك ، بدمر الي بحبها امجد : انا مستعد اصلح غلطي ضربو كمان كف ..: أي غلط فيهن !؟ امجد : مستعد اتزوجها ونسكر عالقصة ضربو بوكس من حمه وقع امجد هالارض ..: هاي ما فيها نقاش ، هدا الي بدو يصير مسكو من قبة قميصه وكمل ..: والادمان كيف بدك تصلحه !!!!!! بالزواج كمان .. عشان تصيروا تضربوا مع بعض ، انا قلتلك تترك الشغل ولا ما قلت ،(رفع راسو لفوق ) على ما أتذكر قلتلك ، وقلتلك قرفك وشغلك ما بفوت هدا البيت ولا ما قلتلك .. كمان قلتلك ، وانت بدل ما ترد وتمشي متل ما وصيتك رحت خبصت بزيادة ، المفروض انا شو اعمل فيك ، اقتلك واقبرك بأرضك ، لا بحسبوك زلمة عليي ، اسمع ولا معك عشر دقايق بتكون ضاب غراضك امجد: انا ما فيي ابعد عن امل يحيى : لا عيوني بدي ابعتك انت وهيي عالمصحة لحتى تتعالجوا من القرف الي فوتوا حالكوا فيه ...(صرخ ) يلاااااااا برا كانت قمر وراما واقفات وماسكات ببعض راما: قمر فهميني شو الي عم بصير قمر: بس افهم انا ، ولا مرة شفت يحيى يهاي الحالة طلع يحيى من غرفة امجد وزورهن ..؛ شو بتعملوا هون كل وحدة على غرفتها .. بسرعة هربوا متل الفيران طلعوا امجد وامل من غرفهن وكل واحد حامل شنطة بإيده يحيى : نحل المشكلة هاي وبعدين راح اعملكو عرس ما صار ، يلا امشواالعضوة: 825077 , منذ سنتين
اخدهن وراح عالمصحة يحيى : ما بدي تزعلوا مني هي فترة قصيرة وبتمرق .. قرب على امجد وهمسله..: ما تزعل مني اخي انا بدي مصلحتك بالاخر ، وكل الحق عليي انا ورطت بهدا الشغل من غير ما اعرف قرب من امل ..: امول يعمري بدي ياكي تكوني قوية ، بدي تتعالجي بسرعة لحتى اسلمك بإيدي للحيوان هدا ... يلا شباب ديروا بالكوا، انا راح اضل اطمن عليكوا طلع من المصحة ركب سيارتو وتوجه للبيت فات عالبيت كان عتمة وما في حدا طلع على غرفتو .. وصل على غرفة قمر شاف الضو شاعل ، قوى حالو فات الو فترة منيحة بتهرب من المواجهة طرق الباب ...: فوتي راما يحيى: كل هالطول والعرض وراما قمر : شو بدك ، كنك مخربط بالغرف يحيى ببلاهة :: مو هاي غرفة قمري !؟ رجف قلبها بعد ما سمعت اسمها من تمه ..: قلتلك شو بدكالعضوة: 825077 , منذ سنتين
يحيى : شامم ريحة شويط قمر بغباء صارت تحاول تشم ..: شويط شو ما في ريحة شي .. ركضت على الشاحن وحاولت تفحص اذا بحترق ، وقفت وكتفت ايديها ..: ما في حريقة جاي لحتى بتتمسخر عليي سكر الباب بإجره وقرب عليها ، وقرب على راسها وصار يشم فيه داب من ريحتها ...: من هون طالعة الريحة ركزت مزبوط بالي قاله وحطت ايديها على صدره ودفشته ...: فايق ورايق ، كتير بالك هادي ونفسك فاتحة عالمسخرة بحيى : حدا بشوف القمر وما بكون رايق .. قرب عليها ومسكها من ايدها وقعدها عالتخت .. : بدي افهم لي قمري زعلان ، انا عملت شي يزعله كتفت ايديها ..: اسأل حالك يحيى : لي يا يحيى مزعل القمر ، يا ربي انا شو عملت ، شو عامل يا يحيى ، ما تذكرت ، ممكن تنشطيلي ذاكرتي لحتى اعرف انا بشو غلطت واصلح غلطي ... ومد خده لعندها لحتى تبوسه ضربته على خده بخف ... : اه اعمل حالك عبيط يحيى يحيى : انا عبيط قمر حست انو عصب قامت بسرعة من جنبه وحاولت تغير الموضوع ..: شو الي صار من ساعتين بالبيت مع امجد وامل !؟؟ يحيى: مشكلة وحليتها قمر : لي ضبوا اغراضهن وطلعوا من البيت ، وين راحوا؟ يحيى: كل واحد رجع لعند اهله فترة ، واح يرجعوا للبيت قريباً قمر: يحيى لا تحاول تستغباني ، امل ما الها اهل يحيى: في حدا ما الو اهل ، انا الي فترة بحاول ادور على اهل امل ولقيتهن راحت تقضي عندهن فترة وترجع ما راح تتأخر ، لحد ما تبلش الامتحانات بتكون رجعت ، وامجد أبو تعبان راح يقعد معه لحد ما يتحسن قمربفرح: يحيى انت بتحكي جد لقيت أهلها لامل !! وليش كنت تصرخ عليهن يحيى: ماكانت بدها تروح ، وانا اقنعتها .. وامجد كان متخانق مع ابوه وابوه مريض بالمشفى وكان رافض يروح يزوره قمر: يعني الي بفكر فيه غلطالعضوة: 825077 , منذ سنتين
يحيى (بخبث) ؛ لي شو كنتي مفكرة !؟ ، لك قمر ليكون الي بالي صح !؟ قمر(بتوتر) شو في ببالك يحيى: انو في شي بيني وبين امل (وضحك ضحكة عالية ) يا الله قمر انت كل ما بتكبري عقلك بصغر ، انا وامل لك يا هبلة لو انا تجوزت عالعشرين كان عندي بنت قدها (ورجع يضحك)العضوة: 1003994 , منذ سنتين
كمليالعضوة: 825077 , منذ سنتين
مسكت ايديها وصارت تفرك فيهن بتوتر ..: خلص مسخرة يحيى : امانة لاكم حدا قلتي هالمعلومات المهمة هاي قمربعصبية : راما شافتك بتبوسها يحيى : راما بدها قص لسان ، القص والمقص عليي لا تخافي قمرا : لا يحيى ما تحكي معها ما بدي تزعل مني يحيى : يعني الي بفهمه انو تصالحنا لفت ظهرها عنو ..: لا ما تصالحنا قرب حضنها من ورا وركى دقنه على كتفها ..: بس انا متدايق لانو قمري زعلان بعدت عنو ..: لا تقرب عليي ، راح تزعل حبيبتك مسكها من ايدها وشدها لعندو واخدها بحضنو ودفن راسه بشعراتها وصار يشم عطرها ...: لا تخافي حبيبتي عقلها كبير ، ما راح تغار من اختي كان قلبها يرجف من قربها منو وبلشت ترفع ايديها مشان تحضنو، بس سمعت كلمة اختي دبلو ايديها وتعبو عيونها دموع وبعدت عن حضنو ...: اختك !؟ فهم يحيى انو خرب كل شي وكسر قلبها مرة تانية وصار يطلع بعيونها الي مليانة دموع وقال بقلبه (انا كل ما اجي اصلح بخرب بزيادة، ولك افهمي عليي انا ما بقدر ابعد عنك لي مو قادرة تستوعبي ) اه ااختي وبس ، قمر ما ترجعي تفتحي الموضوع ، يلا تعالي نتعشى قمر: مو جعانة انزل لحااك طلع من عندها تاركها مقهورة كتير 🖤🖤🖤تاني يوم الصبح صحيت من النوم اطلعت عالساعة كانت ستة .. التسمت بخباثة ...: زمان ما عملت حفلة للشباب غسلت وجهها ونزلت ركض عالمطبخ جابت العدة تبعتها وطلعت عطابق الغرف بس هالمرة كان معها تلفونها مشان تصور ، راحت على غرفة الشباب وبلشت تطبل على الطنجرة ...: يلاااا قوموا طلع الصباح وزقزق العصفور فتحت الباب وفاتت على الغرفة حطت الطنجرة جنب راس نشأت وضربت بكل قوتها نشأت : بسم الله لا اله الا الله يا رب يا رب كانت واقفة جنبو مشغلة الكاميرا وبتضحك نشأت : الله لا يحرمك من قتلة يا قممممممممممممممممر ... كان بدو يقوم عن التخت بس تشربكت اجره بالحرام ووقع ملتزصوت ضحكتها الغرفة ... و حملت حالها وهربت من الغرفة قبل ما يقوم ويهجم عليها ، فاتت على غرفة البنات وبلشت خبط بخبط نطت راما عن التحت واجا راسها بالطاولة الي جنب التخت ..: يا ربي انا شو عاملة بحياتي لحتى الله بحاسبني هيكالعضوة: 825077 , منذ سنتين
كانت تصور فيها كيف وقعت عن التخت وتضحك بعلو صوتها ... : هههه يلا صبايا بالاذن رايحة اكمل المهمة ، وقفت قدام غرفة يحيى وضربت المعلقة بالطنجرة كانت بدها تهرب ، بس حست انو في حدا ماسكها من بلوزتها من ورا ...: وين هربانة يا حلوة ، تعالي تعالي اتفاهم معك على انفراد .. اطلع على راما ونشأت كانو واقفين وبزقفوا ويصفروا .. : شكراً شكراً دايماً بتوخدلنا حقنا من المجرمة شدها من بلوزتها وفوتها على غرفنو ...: انا اكم مرة قلت بلاها الولدنة هاي ، ولا هادا ما بستوعب (واشر على راسها ) قمر: انا قلت بمزح معكو زمان ما مزحت ، قلت اكيد اشتقتوا لمزحي الي عودتكوا عليه يحيى: انت بدك تجننيني ، لك اكبري شوي بعدين معك صارت تبوس اصبعا وترفعو على جبينها ...: التوبة التوبة يحيى: وهدا اللبس مو قلت ما بتطلعي فيه برا الغرفة ولا كمان هاي مزحة اطلعت عحالها لتحت وفلتت الطنجرة من ايدها كانت بدها تحكي بس صوت يحيى الي طلع نساها شو كانت بدها تقولالعضوة: 825077 , منذ سنتين
استقرت الطنجرة على اصبعه ...: قمممممممر فلت البلوزة وهي بسرعة هربت من بين ايدي وراحت ركض على غرفتها طلع من الغرفة متل الثور الهايج بس بعرج وحامل الطنجرة ...: وين راحت 😡😡 بزور كتموا ضحكتهن بس شافوا شكله واشر نشأت على غرفتها ..: هربت على غرفتها أتوجه على غرفتها وصار يخبط عالباب ..: بعد للثلاث قمر اذا ما فتحتي بكسر الباب على راسك ، واحد، تنين ، ثلا.... سمع صوت طقة المفتاح ، فتح الباب بهدوء وفتل راسه ، وصرخ ...: كل واحد عشغله هربوا بسرعة من وجهه فات وسكر الباب بالمفتاح وحطه بجيبته دور بكل الغرفة عليها ما لقاها راح لعند الخزانة وفتحها بقوة ...: اطلعي بسرعة طلعت وراسها بالأرض ، استغلت انو اجرو بتجعو وهربت عند الباب حاولت تفتحو كان مقفل ضحك بطرف تمه ..: وين رايح القمر لفت عليه ولزقت ظهرها بالحيط ...: شو بدك يحيى: تعويض قمر : تعويض عن شو !؟ يحيى : اصبعي نسيتي قمربقلبها (يا الله انا كل مرة بعلق معو ما عاد اصحي خلي نايم) ..: بعوضك شو بدك يحيى اطلع عليها من فوق لتحت وعض على شفايفو شافت نظراتو الها وصارت ترجف محلها ، ورجعت تحاول تفتح ، وهو يقرب عليها حملها على كتفو اخدها عالحمام وحطها تحت الدش وفتح المي الباردة قمر: اح اح اح .. خلص اخر مرة سكر المي واطلع عليها كانو تيابها كلهن مي وملزقات بجسمها بلع ريقو ...: وصلني حقي طلع من الغرفة وقلبو بدق بسرعة عالية ، فات على غرفتو توجه للحمام واخد دش بلكي نسي المنظر الي شافها فيه 🖤🖤🖤 بالشركةالعضوة: 825077 , منذ سنتين
قاعد بمكتبو وعم يشتغل بالملفات الي قدامو وصورتها مو راضية تروح من بالو ، كل ما حاول ينسى ترجع اقوى وأوضح من الأول ...: اففف يا خلص اطلعي من راسي رن تلفونو ..: ايوا رياض خير .. مين .. ههه الصقر بدو يشوفني .. اه .. بس انا الي بحدد الزمان والمكان .. سلام والله واهلا بالصقر الغالي .. رجع الشغل الصح --------- طلع من مكتبو ومرق جنب مكتب قمر كان فاضي قرب على مكتب السكريترة ..: وين الانسة قمر!؟ ..: طلبها الأستاذ معتز توجه لمكتب معتز وفات من غير ما يطرق الباب كانت قاعدة جنبو عالكنبة الي بالمكتب ملزق فيها عالاخر وعم يحضرها فيديو عالموبايل ...: انسة قمر المفروض بس اطلبك الاقيكي بمكتبك مو افتل عليكي الشركة كلها !! قمر وقفت وجريها برجفو ...: اكيد أستاذ معك حق ، ثواني والملفات بتكون عمكتبك مرقت من جنبو زورها ، وطلعت من المكتب يحيى : أستاذ معتز شوف شغلك راحت على مكتبها وايدها على قلبها مرعوبة من الزورة الي زورها فيها ...: يا ربي شو اعمل ، اهه قلي اخود الملفات واروح عمكتبو حملت الملفات وتوجهت على مكتبو ، طرقت الباب واستنت الرد ...: تقضل قمر : هاي الملفات الي طلبتها مني استاذ يحيى بدون ما يطلع عليها ..: حطيهن وانصرفي قربت على المكتب وحطت الأوراق عالطاولة ، مسك ايدها وشد عليها ...: شوفي شغلك انسة قمر ، شوفي شغلك ، والله يطعمك وارجع اشوفك كمان مرة بتلعبي اطلعت عليه وفلتت ايدها منو وطلعت من مكتبه يتبع... 🥀🥀🥀🥀العضوة: 825077 , منذ سنتين
#خسوف _ القمر 💔💔 #الجزء_السابع #بقلمي _ Bayan _Sh بعد اسبوع كانت مروحة من رحلتها الها اسبوع برا البيت لابسة لبس المضيفات ...: تاكسي اعطته العنوان وانطلق شلح نظراتو واطلع عليها بالمراي...: واخيرا يا راما وقف على جنب ولف وجهه عليها راما: مراد 😳😳 مراد : شايفة بعد هالسنين مراد حاولت تفتح باب السيارة ...: انت شو بدك من حياتي انا تركتلكو البلد وطلعت لاحقني لهون لي !!!!! مراد: فكرك تطلعي من البلد بهالسهولة وتعيشي حياتك عادي ومحدا يحاسبك رانا: اطلعوا من حياتي ، عيشتكوا هاي ما بتلزمني ، افتح باب السيارة مراد: راح افتح الباب بس اعرفي اني وراكي وراكي فتحت باب السيارة ونزلت منها ...: حقير كانت خايفة ترجع عالبيت ليكون لاحقها ، بس هي اعطتو العنوان صارت الساعة ثمانية وبعدها على نفس قعدتها ، قررت بالاخر انها تروح ..: اصلا هو معو العنوان ، يقلل عقلو ويجي راح يشوف شو راح يصير ركبت تاكسي ثاني وراحت عالبيت (راما – ٢٥ سنة بتشتغل مضيفة طيران ) 🖤🖤🖤 كانوا قاعدين بالصالة فاتت راما عندهن باين عليها التعب ..: مسا الخير نشأت : مالك اتأخرتي !؟ راما؛ كان عطل بالطيارة ، انا طالعة ارتاح طلعت على غرفتها قربت قمر على نشأت وهمست ...: كأنو صاير معها شي ، رايحة اشوفها يحيى : وين رايحة قمر : بدي اشوف راما ، شكلو صاير معها شي نشأت ؛ شوفيها وقوليلي اذا بدها شي اطلع يحيى عليه بطرف عينوالعضوة: 825077 , منذ سنتين
...: ممكن افوت راما: فوتي قمر فاتت وقعدت جنبها عالتخت ومسحت على وجهها ..: شو صاير معك ، فوتك عالبيت وتأخيرك ما عجبوني راما : مصيبة ووقعت على راسي قمر بخوف : مصيبة شو راما ، خوفتيني احكي راما والدموعها بعيونها ...: ابن عمي لقاني اليوم قمر : شو يعني ما يلاقيكي ، لي انت كنتي مختفية ! راما : .... قمر: احكي راما راما: ما بقدر احكي خلص اتركيني بدي ارتاح قمر: اسمعيني راما انت ساكنة معنا هون واي مشكلة بتصير معك كلنا راح ننحط فيها ، انا لازم اخبر يحيى ونشأت راما (بصراخ ): هاي حياتي الخاصة قمر ، انت ما الك فيها قمر: لما المصايب بدها تيجي على راسي بصير الي فيها نزلت بسرعة على الصالة ونادت على يحيى والنشأت فاتو عالغرفة شافوا راما بتصرخ ..: ابعدوا عني ، انا بعرف احل مشاكلي لحالي نشأت: شو في ، شو صاير مع راما قمر : انا ما بعرف ، اسألها قرب نشأت وقعد جنبها عالتخت ..: احكيلي شو صاير معك قمر : قالت انو ابن عمها لقاها يحيى (بشك) : لي انت هربانة من بيت اهلك!؟ كومت حالها عالتخت وصارت تبكي بصوت عالي ..: اه هربت ... ومحدا بعرف عني شي ، واليوم ابن عمي لقاني وانا طالعة من المطار ، واعطيتو العنوان لما ركبت معو بالتاكسي يحيى بعصبية : وانت لي ما قلتي من اول ما سكنتي هون ، انشالله رح تكوني مبسوطة لما تجيبي لراسنا المشاكل مسكت ايدو وشدت عليها ..: خلص اهدا يحيى ، كلو بنحل بالرواق يحيى : يلا حلوها اشوف ، وبس يهجم ابن عمها واهلها علينا ما حدا فيكو يقلي ادخلالعضوة: 825077 , منذ سنتين
زاد بُكى راما اكثر ...: تركوني ، انا بدي الم اغراضي واطلع من البيت نشأت : بنفع تتركونا لحالنا يحيى : يلا حلها اشوف طلعوا من الغرفة حط ايدو على وجهها ومسح على خدها بحب ... : الكل طلع ، بدي منك تحكيلي كل شي ، انا جنبك وما راح اتخلى عنك راما..... نشأت: يلا احكي راما : من اول ما تخرجت من المدرسة اهلي قرروا يجوزوني لابن عمي مراد ، وانا ما بدي ياه ، كان حلمي اصير مضيفة طيران ، اهلي ضلو مصرين على رأيهم ، وقبل بيوم من الليلة الي كانوا اهلي محددينها لتكون كتب كتابي على ابن عمي لميت اغراضي وهربت من البيت نشأت : ولي ما عارضتي راما : عارضت ، بس كان ردهم بالضرب ، ضربني اخي ضرب ما دقتو بحياتي نشأت : لا تخافي انا معك راما : يعني انت ما راح تتخلى عني قربها من صدرو وحضنها ...: لا ، بس انت لازم تواجهي المشكلة كرمال تنحل ، وبرجع بقلك انا معك راما : مستحيل نشأت ، اذا رجعت عندهن راح يقتلوني ، انت ما شفت مراد اليوم نشأت : قلتلك ما تخافي احنا كلنا معك راما ...العضوة: 825077 , منذ سنتين
نشأت: تعالي ننزل تحت وانسي كل شي صار ، خلينا نشوف الباقي شو رأيهم نزلو تحت وحكوا ليحيى كل القصة يحيى: فكرت في شي اكبر من هيك ، بسيطة ، روحوا ناموا وانشالله بكرا بنحل المشكلة راما : انا ما بدي اروح عالشغل بكرا يحيى : عندك رحلة بكرا راما : لا ، عندي شغل بالمكتب يحيى : روحي بكرا ونشأت راح يكون معك من بعيد نشأت : بشو بتفكر !؟ يحيى : بدي ابن عمها يلحقها لهون ......... تاني نهار نزلت راما عالشغل خلصت شغلها وكانت بطريقها للبيت مراد ماشي وراها وصلت البيت وكان بعدو وراها ، اول ما فاتت عساحة اليبت ، مسكو يحيى ...: وين يا حب ، هي وكالة من غير بواب !؟؟ مراد : مين انت وشو بدك يحيى : لا اسمحلي هادا سؤال انا بسألو مو انت مراد : انا جاي لبنت عمي يحيى؛ ولي لاحقها بالسر مراد : عامللها مفاجئة مسكو من قميصه ..: تعال انا وياك نفاجئهاالعضوة: 825077 , منذ سنتين
كانت قمر قاعدة بالصالة وحاضنه راما بتهدي فيها فات يحيى ماسك مراد ورمى عالارض ..: راما جبتلك هدية ارتعبت راما ومسكت بقمر يحيى : لي خايفة ، مراد جاي يعملك مفاجئة بس ، صح مراد .. قوموا شباب خليهن يتفاهموا نشأت : كيف نتركهن لحالهن ، يحيى انت شو عم تعمل يحيى : تعال معي قربت قمر على راما ..: لا تخافي يحيى موجود .. وقامت من جنبها مراد : لي هيك عملتي راما : انا ما بدي اتجوز مراد : بس يا راما انا بحبك راما : وانا ما بحبك ، هو الحب بالغصب مراد: طب في حدا بحياتك راما : اه في ، في شغلي ، في طموحي ، احلامي ، كل هدا كنت بدك تدفنو معك ، كنت بدك تتجوزني وخلص وانا شو بدي وبشو بحلم ما بهمك لا انت ولا اهلي ، انا تعبت قام وقرب لعندها ..: انا صح بحبك راما ، بس ما كنت بعرف بشو بتفكري ، انا راضي اخوكي فهمني انك موافقة راما: ما سألني لحتى اوافق ! مراد: كنتي جيتي وقلتيلي راما : لحتى تقتلني !! مراد: انا بحبك يا مجنونة ، كيف بدي اسببلك اذى راما : لي اجيت اليوم مراد: انا بعرف وين انت من زمان ، بس اجيت اليوم لانو عمي تعبان وطلب يشوفك راما: انت شو بتقول !؟؟؟؟ مراد: قومي تعالي معي شوفي ابوكي شافت يحيى ونشأت جايين عالصالة يحيى: اعمل حسابك راما ما بتطلع من البيت لحالها ، واذا حدا بخدشها خدش بتروح قبالو رقاب مراد : صدقني ، ما حدا راح يأذيها سافروا يحيى ونشأت وراما مع مراد عالبلد بعد غياب سنين فاتت على بيتها شافت امها واقفة مع خواتها ... ؛ امي ، اشتقتلك كثير فتحت ايديها لتستقبلها ..: يا عمري كبرت صغيرتي ركضت عليها وحضتنها وصارت تبوس ايديها ..: وين ابي ام راما : تعالي معي فاتت عغرفة ابوها ركضت عليه وحضنتو ..: سامحني ابي سامحنيالعضوة: 825077 , منذ سنتين
ابو راما : مسامحك يا ضي عيوني ، انت الي سامحيني ، انا غلطت معك كثير سلمت على اهلها وقعدوا بجنينة البيت ام راما : امي ما عرفتينا عالشباب ! راما (ضربت على جبينها ) : والله فرحتي فيكو نستني اعرفكوا عليهن ، يحيى ونشأت زملاء بالشغل ، وفي كمان قمر وامل وامجد كلهن كانوا معي وجنبي كل هديك الفترة يحيى : عمي بدي تكون عارف انو راما بعيونا واحنا حوليها ، ومستحيل تغلط ، بدي تسمحلها ترجع معنا وتكمل بشغلها ، هدا حلمها وهي تعبت لحتى تحقق ابو راما: اكيد ابني انا ارتحت بس شفت بنتي ، وارتحت اكثر لما شفتك انت ونشأت والله انتو شباب بنشد فيكو الظهر ، بدي اوصيك عليها كون الها اخ بالغربة ولا تخليها تقطعنا من زياراتها ابني نشأت : ولا يهمك عمي راما امانة عندي لا تشيل هم ، يلا اسمحولنا خلينا نلحق نصل قبل ما تعتم الدنيا حط ايده على كتفو..: ابني نشأت دير بالك على بنتي مسك ايدها وباسها : لا تخاف عمي ، بعيوني ودعت اهلها وطلعت بالسيارة ورجعوا عالبيت حمل كبير ونزل عن صدرها 🥀🥀🥀 فاتو عالبيت استقبلتهن قمر ..: طمنوني شو صار يحيى : قتلوها ! قمر والدموع بعيونها ..: انت شو بتحكي ، وكيف سمحتلهن ، انت الي سمحتلها تروح مسكها من كتافها ..: روقي روقي ، تعالي يا راما القمر ما بستحمل مزح شافتها فاتت من الباب ، هجمت عليها وحضنتها بقوة ..: اشتقتلك