#خسوف _ القمر 💔💔
#الجزء_الاول
#بقلمي _ Bayan _Sh
تحركت من تختها ومطت حالها
كان النعس مسيطر عليها
--- يا ربي دخيلك شو هالنعس هدا .. أصلا انا الحق عليي شو كان بدي بهالسهرة وانا عارفة انو عندي شغل بكير ... افف يا اففف
فاتت عالحمام غسلت وجهها ...اطلعت عالساعة كانت ٦:٣٠
نزلت عالدرج مثل الحرامية على روس اصابعها وفاتت عالمطبخ .. فتحت خزانة طلعت منها طنجرة ومعلقة حديد
طلعت على الطابق الي فيو الغرف
--- يلاااااااااا قوموا (وخبطت على الطنجرة بالمعلقة)
قومواااااااا(خبطت كمان مرة)
قربت على غرفة من الغرف وضربت بالمعلقة عالباب ضرب متواصل
(صوت صرخة من جوا الغرفة)...: قممممممممممر
قمر : يلا قومو بكفي نوم
لفت وكملت عالغرفة التانية .. فاتت متل القضى المستعجل
خبطت المعلقة بالطنجرة
قمر: قومن بسرعة
فزن على اربعتهن ووقعن عن التخت مع الحرام
زحفت على ايديها واجريها .. وتخبت تحت المكتبة ...: وين الانفجار... وين .. وين !!!!
قمر: هههههههه ... يما بطني .. امل منظرك بضحك .. اخ لو معي التلفون كان صورتك فيديو .. يلا قومن رايحة اصحي الباقي..
امل : الله لا يحرمك من قتلة يا قمر .. زحفت لعند التخت التاني ... قومي بلا ما تجيب تلفونها هاي المجنونة وتصورك وتنفضحي .. هزتها لقتها رجعت نامت عالارض ... ست راما نومة اهل الكهف يا رب .. معقول مو حاسة بشي (مسكت كاسة المي الي جنب التخت وكبتها عليها )
راما ؛ اح .. شو صار !!!!
امل ؛ اح... لك قومي خلصيني
راما : لي قدي الساعة
امل ؛ ستة ونص يمكن ،قومي بدك قرن لحتى تخلصي حالك
بتتمطمت ...: قمت
وقفت قدام غرفة تانية
وضربت بالمعلقة عالباب عدة ضربات
قمر ؛ انا كل يوم بدي ساعة لحتى اصحيكوا وبعدين مع هالعيشة عاملين حالكو تعون سهر قال !!!!
لفت ظهرها وكملت حكي مع حالها ...: وبعدين يا ربي .. انا شكلي بدي اقلعهن كلهن من البيت واجيب شلة جديدة .. شو انا امهن .. خلفتهن ونسيتهن !!!!!!😡
ما حست غير ايد سحبتها لجوا الغرفة
ظهرها عالحيط وصدرها بطلع وبنزل من التوتر
قمر؛ ابعد احسنلك
...:واذا ما بعدت !؟
قمر : بتعرف شو بعمل !
...: لا والله ما بعرف ... مفكرة كل يوم تعمليلنا هاي الحفلة وتمرق على خير .. لا وبدك تقلعينا من البيت !! لا شاطرة .. يلا فرجيني شطارتك وفلتي حالك مني اشوف (مد ايدو عالباب وسكر بالمفتاح .)
قمر ؛ يحيى !
يحيى ؛ يا عيون يحيى .. والله انا ما بدي اعمل شي بس الشباب والصبايا اترجوني اربيكي 😉
(قرب منها عالاخير ) شايفك خفتي !!
صارت تسعل ووجها صار احمر
يحيى ؛ قمر مالك .. شو صابك بمزح معك (مسكها من ايدها وقعدها عالتخت ) ما تتحركي رايح اجيب كاسة مي
فتح الباب ونزل عالمطبخ بسرعة
سكتت شوي واطلعت عالباب وبسرعة طلعت من الغرفة وراحت على غرفتها .. فاتت وسكرت الباب وراها
....:اووف نفدنا
طلع عالغرفة مستعجل وبايدو كاسة المي
حرك حجر عينه بكل الغرفة ما لقاها ... مسك كاسة المي وكبها على راسو وقال بقلبو ( انا بستاهل )
🖤🖤
كل واحد اتجهز وحضر حالو لحتى يروح عشغلو
اجتمعوا على طاولة السفرة
امل: قمر وين يحيى !؟
زورتها ... : ما بعرف .. شو شايفتيني امه
...: مين بجيب سيرة امي !؟؟؟؟!!
قمر ارتعبت ؛ هاي امل بتسال عنك
يحيى: اجيت
نشأت(قرب على امجد ) : اجى الي يرعب قمر ... شوف كيف اختفى صوتها ههههه
امجد : قمر مالك سكتي الك ساعة صارعة راسنا بصوتك
قمر: احم احم انا شبعت حمدلله .. يلا بستناكو عند الباب (راحت)
امل (رمت زتونة على امجد) : يعني ما بتعرفو غير تزعلوها ..
راما : خلص جد حلّوا عنها شوي
نشأت : نحل عنها .. لي انا الي كل يوم بمسك طنجرة ومعلقة وببلش اخبط من الصبح
امل: والله معها حق .. احنا بدنا مدافع تصحينا ، فوق ما بتعمل معنا خير .. بدنا نزعلها
امجد : اه والله انا لولا الخبط الي بصير الصبح ما بصحى
نشأت : يلا يلا قومو البنت خللت برا لحالها
🥀🥀
طلعت من البيت وقفت قدام الباب وصارت تخبط اجرها بالأرض
قمر ؛ اغبيا
...: مين اغبيا ولي !؟
قمر(توترت ) :اه.. وين الشباب اتأخرنا !!
حط ايدو على كتفها ومشاها جنبه ...: يلا يا حلوة نروح ....
وقفت..: وين نروح !! والشباب !؟
يحيى : ورانا
وصلو للسيارة ركبو فيها وطلعو
نشأت : شوفو الاندال راحو لحالهن
راما (بدلع) نشأت حياتي امانة وصلني معك
نشأت: ينعن عمري انا احلى تاكسي لعيونك
امجد: يلا واحنا جايين معكوا ، يلا امل ..
🥀🥀
بالسيارة
يحيى : مالك ساكتة !؟
قمر: والله نعسانة .. اخر مرة بسهر
يحيى: هههه خلص ماشي (وقف السيارة عجنب الشارع.. حمل تلفونو واتصل ) .. الو كيفك حبيب .. اسمع انا ماني جاي اليوم .. انا وقمر .. تسلم حبيب سلام
العضوة: 825077 , منذ سنتين
القنصل :وشو جابرني اعمل متل ما بدك!؟ صقر: انا بجبرك القنصل بهدوء ...: انا القنصل .. ما حدا بجبرني على شي ! صقر: انا طلبت شوفك لحتى نهدي الوضع بينا القنصل: وكيف بدي اضمنك !؟ صقر : ما في ضمانات كلمتي هيي الضمان القنصل : كلمتك بلها واشرب ميتها صقر صقر : انت جناحاتك طولو ولازمهن قص يا قنصل لف ظهروا واتوجه لبرا صرخ صقر ..؛ قنصل .... اليوم اخر يوم بحياتك ضحك القنصل بصوت عالي واطلع علي بعيون كلها تحدي ...: قبل ما اموت راح يكونو رجالي مصفينك يا صقر ، دير بالكً مني صقر اللعب معي صعب (واشر بإيدو) طلع من الجبل اكثر من عشرين مسلح اطلع الصقر حوليه وشافهن دب الرعب بقلبه القنصل : سلام يا صقر ، الساحة للاقوى ركب سيارته وانطلق ، وبعد مشي اكتر من ساعة بالسيارة صفها على جنب الشارع مسك موبايله ...: احترامي سيدي ...خلصت الي عليي ... بس بدي تبعتلي تلات رجال مسلحين عندي عالبيت ... مو لالي لاهل البيت .. حاسس بغدرة قريبة ... سلام انهى مكالمته وكل فكره عند قمر ( انا كيف بدي احميها ، الحمل زاد عليي كثير ، الله يرحمك يا عم عمر ، رحت وتركت وراك حمل ثقيل وامانة غالية ، يا رب ) فات عالبيت وهدوء غريب كان ، رمى حالو على اول كنبة شافها قدامه حط ايديه على راسو وشد عليه ...: آخ .. ضل سهران لوجه الصبح وهو على نفس القعدة ونفس التفكير 🖤🖤🖤 🖤🖤🖤العضوة: 825077 , منذ سنتين
صحيت الصبح ، قامت من التخت وراحت عالحمام توخد دش وكل تفكيرها بالي صار مبارح وللحظة اتذكرت يوم حطها بالحمام وحممها بالمي الباردة ، احمر وجهها لما اتذكرت انو شافها بالبجامة وهي مبلولة ، هي خجلت تطلع على حالها وهي بهالمنظر كيف هوي (يا ربي كل موقف معو اجن من التاني ، وانا ما فيي عقل ابداً كل تصرفاتي ولدنة ، خلص لازم اعقل شوي واخلي يعرف اني كبيرة وواعية ) وقفت قدام خزانتها اكثر من نص ساعة ...: يا الله كل لبسي قصير 😡 ما في شي راكز صفنت شوي ..: لي اغير حالي ، انا هيك وراح اضل هيك ، اصلاً هو عرفني هيك ما راح اغير بحالي شي تناولت فستان فستقي ، اللون الي بموت فييه يحيى ولبستو وقفت عالمراي ترتب شعرها ... : ما بدي اروح معو عالشغل يفكرني ما صدقت قلي بحبك😏 لازم اخلص حالي وانزل قبلهن نزلت عالدرج بهدوء ، حاملة الكندرة بإيدها .. طلعت من البيت اخدت تاكسي وراحت 🥀🥀🥀 كانت قاعدة جنب القبر والابتسامة على تمها ..: بابا ماما أخيرا لوح التلج اعترف ، قلي مبارح انه بحبني .. شفتي ماما قلتلك قلبي عارف بحبه .. بابا انا حاسة بآمان معه اخدت نفس طويل وزفرته ..: اشتقتلكوا كتير .. بعرف زعلانين من يحيى ، المرة الجاي باجي انا وهوي ، وراح تشوفوا الحب بهيونه متل ما شايفته انا ... بحبكوا كتير ، يلا اتأخرت عالشغل ، اكيد بكون قالب الدنيا عليي .. يلا سلام رمت بوسة بالهوا وراحتالعضوة: 825077 , منذ سنتين
كانو قاعدين عالطاولة بفطروا ...: وين قمر . راما : ما بعرف اكيد فوق يحيى : روحي استعجليها ، بدي ارح عالشغل عندي اجتماع طلعت راما عالغرفة ورجعت ركض ..: يحيى قمر مانها بالغرفة يحيى : وين بدها تكون راحت نشأت ؛ بلكي راحت عالشركة يحيى: معقول ، يلا دايمة انا طالع 🥀🥀🥀 قاعد بقاعة الانتظار متوتر كثير ...: يحيى اشتقتلك وقف واطلع عجهة الصوت كان وجهها ابيض منور، قرب منها وحضنها ...: انا ما الي حضن مثلها هجم عليه واخدو بحضه ...؛ والله كثير مستفقدكوا ، والشباب بسألو عنكو دايما ، كيف صحتكوا امل: انا كتير منيحة ، والله اشتقت للبيت ولقمر وكلهن يحيى: دايما بتسأل عنك امل : شو قلت لقمر نزل راسه لتحت ...: سامحيني ، بس انجبرت اقلها انو لقيت اهلك ، ما تزعلي مني دموعو عيونها ..: لا لي ازعل ، منيح انك قلت هيك ، انا ما بدي اسقط من عينها حضن راسها وباسه ..: انا حكيت مع الدكتور ، ما ضل كتير ، يعني شهر بالكتير وبتتخرجوا ، شو عاملين هون انتو امجد: والله ما في احلى من هيك بكفي كل يوم بتصبح بوجه امول يحيى : يلا شدوا حالكوا لحتى نفوح فيكوا امل : وانت وقمر انصدم يحيى من سؤالها ..: مالنا امجد : وينتا بدنا نفرح فيكوا يحيى: انتو شو عم تحكوا امل بخباثة: لا تحاول تخبي انتو كتير مكشوفين يحيى توتر : انا صار لازم اروح عندي شغل امل وامجد : سلم عالشباب طلع من المصحة وركب سيارته ...: هالقد انا مكشوف يتبع ... 🖤🖤🖤العضوة: 825077 , منذ سنتين
#خسوف _ القمر 💔💔 #الجزء_التاسع #بقلمي _ Bayan _Sh فات عالشركة كله ثقة ومو شايف حدا قدامه مرق من جنب مكتبها كان فاضي كمل على مكتبه ..: مايا اطلبيلي الانسة قمر مايا: حاضر استاذ فات عمكتبه مايا؛ طب قول صباح الخير ، مغرور رن تلفون المكتب ..: ايوا مايا : استاذ الانسة قمر ما اجت لسا سكر الخط بسرعة وبلشت تبان عليه علامات التوتر...: وين راحت هاي مسك موبايله واتصل عليها رن كتير وما في رد جرب كمان مرة وما في رد اتصل على نشأت ...: تعال عندي بسرعة فات نشأت عمكتب يحيى ..: شو في يحيى شغلت بالي يحيى: قمر ما اجت لسا عالشركة نشأت: وشو فيها ، بتكون راحت عشي محل يحيى: ماشي اذا حكت معك قلي طلع من مكتب يحيى بحكي مع حاله ..: لي هالقد خايف عليها ، مايا بس تصل الانسة قمر اعطيها خبر تيجي عند استاذ يحيى مايا : حاضر استاذ ، بدهن يجننوني بقمر رن تلفون المكتب ...: ايوه .. خليها تتفضل فاتت وريحة عطرها ملت المكتب كله قام يحيى من ورا مكتبه وتوجه لعندها ...: اهلا مدام جومانا ، الشركة كلها نورت قربت عليه وباستو من خده ..: اهلا فيك استاذ يحيى يحيى : تفضلي مدام جومانا : انا جيت اليوم متل ما تفقنا مشان نتفق على شوية تفاصيل يحيى : طبعا اكيد ، راح ابعت لنشأت يحضر الاجتماع اجى نشأت عمكتب يحيى ، واتفقوا على كل شي جومانا : استاذ بحيى ، مين راح يكون مسؤول عن الديكورات يحيى: استاذ حازم والانسة قمر جومانا بخباثة ..: الي كانت معنا بالاجتماع ، لا ما بدي يحيى : ما فهمت مدام جومانا ، شو ما بدك جومانا : ما بدي تكون مسؤولة عن الديكورات نشأت : بس الانسة قمر مساعدة مدير قسم الديكوات وايده اليمين ، ما بقدر بستغني عنها ، (بلش يعصب ) وبعدين قمر كتير شاطرة بشغلها ... قاطعه يحيى...: متل ما بدك مدام جومانا ، انت اطلبي وطلباتك اوامر نشأت (بعصبية) : استاذ يحيى يحيى ببرود : اتفضل على مكتبك اطلع عليه نشأت بعصبية وطلع من المكتب وضرب الباب وراهالعضوة: 825077 , منذ سنتين
رن تلفون مكتبه ..: لحظة لو سمحتي .. ايوه مايا .. خليها تستنى بمكتبها .. عندي اجتماع جومانا : انا ما بدي اعطلك عن شغلك يحيى ، الي كنت جاية كرماله حكينا فيه يحيى: لا انت مو بس بتعطليني انا ، انت بتعطلي الشركة كلها ، الشركة شركتك مدام جومانا جومانا : اوك انا بكون معك على اتصال واي تعديل بقلك عليه مد ايده ليسلم عليها ..: اهلا وسهلا فيكي 🖤🖤🖤 مايا : انسة قمر بقلك استني بمكتبك وبس بدو ياكي بطلبك قمر: لي مين عنده مايا : مدام جومانا قمر : اه ، انا بمكتبي انفتح باب المكتب قبل ما تروح ، طلعت منه جومانا ووراها يحيى اطلعت عليها قمر من فوق لتحت كانت لابسة فستان جلد قصير بدون ايدين مظهر كل مفاتنها وتفاصيل دقيقة بجسمها يحيى: شرفتي مدام مرقت من جنب قمر ، اطلعت عليها وضلت ماشية .يحيى : تفضلي انسة قمر قمر: عندي شغل بخلصه وبضل جاي زورها : تعالي في شوية تعديلات بالمشروع بدي اقلك عليهن ، مايا اطلبيلي رؤساء الاقسام في اجتماع كمان ربع ساعة فاتت قدامه تبربر مسكها من ايدها وشدها لعنده وحكى من بين اسنانه ..: وين كنتي دمعوا عيونها بسرعة..: بالمقبرة نزل ايده عنها وحس انو تسرع ..: لي ما قلتلي .. توجه للمكتب وحط ايديه عالطاولة .. اشتقتلهن كثير قمر: .... قرب لعندها وباسها من راسها ..: انا خفت عليكي بس قمر: بدك شي تاني ، عندي شغل يحيى.... طلعت من مكتبه وهي مذايقة منه دايما بعمل هيك متسرع بأحكامه بعد ربع ساعة الكل كان بغرفة الاجتماعات يحيى: من اليوم راح نبلش بالشغل ، نشأت انت راح تكون مسؤول عن المشروع والمشرف عليه استاذ حازم مين بترشح حدا يكون معك بالمشروع حازم بإستغراب : ما فهمت عليك استاذ يحيى انا معي الانسة قمر المساعدة يحيى : لا ما بدي قمر بالمشروع ، عندها شغل تاني ضرب نشأت عالطاولة بعصبية ..: يحيى من إمتى احنا بنشتغل بهاي الطريقة ، من إمتى العميل بقرر مين بدو يشتغل بالديكورات او غيرها ، احنا فريق هون والشغل بكون بالفريق كله ، هدا قرار تعسفيالعضوة: 825077 , منذ سنتين
وقف يحيى معصب ..: اخدت القرار وخلص كانت قاعدة وصافنة مانها فاهمة شو الي عم بصير ..: ممكن افهم شو الي عم يصير ، مين ما بدو ياني بالمشروع نشأت بإستهزاء : المدام جومانا ، بدها تشكل فريق عمزاجها يحيى(بعصبية) : نشأت فهمت قمر ..: استاذ يحيى وانت موافق !؟ يحيى بغصة؛ انا مقرر انسة قمر قمر والصدمة باينة على وجهها ..: حاضر استاذ .... لمت اغراضها وملفاتها وتوجهت لعند الباب .. استاذ حازم الملفات كلها راح تكون على مكتبك كمان ساعة .. وطلعت نشأت : هدا ما بصير ، قمر مهندسة رائعة وموهوبة كل شغلها العملاء بشهدوا عليه يحيى: سكر عالسيرة خلص انا اخدت القرار ، فينا نكمل الاجتماع فاتت على مكتبها مصدومة باللي صار معقول يحيى يعمل هيك شو صارله قعدت على مكتبها 🥀-------------فلاش باك---------🥀العضوة: 825077 , منذ سنتين
...: راح اعرفكوا على العضو الجديد الي انضم لفريقنا ، الانسة قمر مهندسة ديكور هيام : اهلا ، بس استاذ يحيى احنا من إمتى بندخل اعضاء فرافير عالشركة ، هيك المستوى الي عملاء الشركة متعودين عليه بنزل يحيى: مستوى الشركة بنزل لما حدا عنده خبرة ما بشوف شغله مزبوط مدام هيام هيام : اسمحلي هدا قرار إداري ، والمفروض جميع اعضاء الإدارة يوافقوا عليه ، وانا من عندي الاقتراح مرفوض ، بضل الانسة تحت التمرين لحتى تثبت جدارتها يحيى: بعد اذنك مدام هيام القرار لا جدال فيه ، بتمنى ترحبوا معي بالانسة قمر ، استاذ حازم الانسة راح تكون تحت تدريبك اطلع عليها حازم من فوق لتحت وشد على شفايفه : امرك استاذ ، اهلا وسهلا فيكي معنا بالفريق ، راح نعمل شغل رائع يحيى : تفضلوا الاجتماع خلص 🖤🖤 بالمكتب عند يحيى ...: لي عملت هيك!! يحيى : انا الي بقرر هون ، وانت لازم تكوني بمكانك الصح ، يلا فرجيني شطارتك كرمال يعرفوا اني كنت على حق من الاول قمر : انا ما راح اخيب ظنك فيي يحيى ، بس انا خايفة قرب وحضنها ..: طول عمري واثق منك ، وانا معك ما تخافي 🥀------------ باك--------🥀 ...: ما كان لازم تعمل هيك يحيى يحيى : شو عملت ، هدا شغل نشأت ما في عواطف نشأت : بس انت احرجتها كتير ، كنت قلها بينك وبينها يحيى: برجع بقلك بالشغل ما في عواطف ، والصراحة انا حاسس انه قمر عم تدلع زيادة نشأت: لي مين دلعها غيرك يحيى: واجى وقت انه اشد عليها ، ولازم تتعود تعتمد على حالها نشأت: الي بتشوفه مناسب اعملو يا صاحبي يحيى: روح راضيها نشأت: اراضي مين!؟ يحي؛ راضي قمر 🖤🖤🖤العضوة: 825077 , منذ سنتين
نشأت: لي انا زعلتها ، ولا بدك تتفشش فيي انا يحيى: روح اعمل شو قلتلك نشأت : حسبي الله ونعم الوكيل ، اي اضرار على حسابك 🥀🥀 ...: ممكن ادخل!؟ اطلعت عالباب شافت نشأت ماد راسه من الباب ..: اهلا نشات تعال نشأت : بس بدون ضرب قمر: فوت خلصني ، شو بدك عندي شغل نشأت: كنت بدي اطمن عليكي ، شو بتعملي !؟ مو هدا شغل... قاطعته قمر: المدام جومانا ، بعدين لي مالني !! ما في شي ، قرار سخيف اتخذوا يحيى ، وما راح انفذوه نشأت شبه مجلوط : عليه العوض ومنه العوض ، وانا الي جاي اراضيكي قال قمر: انا ما عدت صغيرة لحتى اضل تحت جناح يحيى ، انا راح اشارك بالمشروع وبدون ما حدا يعرف ، انا اتفقت مع الاستاذ حازم ووافق فورا ، اصلاً هو ما بعرف يشتغل بدوني نشأت: اي ها هيك بدي ياكي ، ما بدي ياكي تستسلمي قدام اي مطبالعضوة: 825077 , منذ سنتين
بالبيت كانو قاعدين عطاولة السفرة بتعشوا عيون يحيى ما نزلو عنها كان يراقب كل حركاتها وهي تحكي مع نشأت راما: تعالوا نطلع نسهر قمر : اه لازم ، والله الواحد زهق بالبيت نشأت: انا موافق جداً يحيى: خلوها لغير مرة راما : لا وحياتك ما تفقس الطلعة يحيى: بنسهر بالبيت ، نشأت شوف شغلك نشأت ؛ على راسي معلم راح نشأت وشغل الاغاني وجاب المشروب وراح لعند راما ..: يلا قومي اشوف قمر : وانا مد ايده ..: وانت كمان ضلت صافنة فيو وبإيده وما اعطت ردة فعل يحيى: مالك كل هالقد بدها تفكير حطت ايدها بإيدو وقامت ترقص يحيى: مبسوطة ، كل شي بدك ياه بصير قمر.... يحيى : ما بدك تفردي وجهك شوي قمر: ما خصك يحيى: انا دايماً بقول الشغل بضل بالشركة ما بيجي معنا عالبيت قمر : يعني تقلعني من المشروع كرمال هاي الختيارة وما بدك ازعل يحيى: انا شو قلت ، خلص احنا بالبيت خلينا مبسوطين قمر: بدي اشرب كاس يحيى: يعني انت بتساوميني !؟ قمر: هيك شي يحيى : ماشي ، اشربي بس يا ويلك اذا بتصيري تخبصي قربت منه وباستو عخده ..: احلى حدا انت .. وراحت يحيى: بعدها ما شاربة وصارت تخبص ، الله يعيني بس راحت جابت كاس الها وواحد تاني الو شربت كاس وبعده كمان واحد وكمان واحد ، لحد ما بطلت تسيطر على حالها ، وقفت عالطاولة وصارت تأشر بإيدها ...: احم احم ... وضربت الشوكة بالكاس... انا حابة أقول شغلة .. احم احم انا قررت ما اعود ارد على أستاذ يحيى ، قال بدو يطلعني من المشروع بس نشأت قلي لا بتكملي معنا بدون ما يعرف .... وصارت تضحك بصوت عالي اطلع يحيى على نشأت نشأت: هاي سكرانة ما ترد عليها يحيى : ماشي قمر: بحب اضيف كمان شغلة.. احم احم .. يحيى مبارح اعترف.... وقبل ما تكمل جملتها مسكها من ايدها ونزلها ..: هيك واحنا متفقين ما تخبصي ، لص صحصحي عاد قربت عليه وباسته من خده وصارت تغني..: خلي كل الناس تشوووووف تراتراترا ... صار يرقص فيها ، دور يحضنها ودور يلفها ... كملوا سهرتهن للصبح ... كانت قاعدة ورافعة إجريها لفوق يحيى: يلا قومي نامي بغرفتك قمر : لالالا ، تعبانة خليني هونالعضوة: 825077 , منذ سنتين
قرب عليها والعصبية بلشت تبين على ملامح وجهه ..: شو اخليكي هون ، الكل نايم هون ، قومي اساعدك تطلعي لفوق قمر: احملني يحيى: اه انت كل ما بدك تشربي بتورطيني بحالك ، ماني حامل حدا ، قومي لفت وجهها ..: معناتو خليني هون شد على ايدو ..؛ الله يجيبك يا طولت البال بس ، تفضلي حملها وهي بدورها لفت ايديها على رقبتو وطلعها على غرفتها ، نيمها عالتخت واطلع عليها بحب وقرب عليها فتحت عيونها والتقوا العيون ببعض قرب عليها وطبع بوسة على شفايفها ..: جهزي حالك بكرا بدي اوخدك مشوار انا وانت بس غمضت عيونها فات على غرفته رن موبايله ..: نعم .. الثلاثا ..سلام 🖤🖤🖤 الصبح كان واقف على مرايته بزبط قميصه رش من عطره وطلع من الغرفة اتوجه لغرفة قمر ..؛ بعدها نايمة ، يا ربي قرب عليها ..: قمري يلا قومي ... ما كانت تقوم حملها وحطها بالحمام قمر: اح يحيى : منيح انك صحيتي قمر: شو في ! يحيى؛ اتفقنا انو نطلع مشوار من الصبح وانت بعدك نايمة قمر : يلا يلا صحيت ، اطلع برا عض يحيى على شفايفو ..: خليني .. وغمزها 😉... والله بعرف اساعد دفشته لبرا وسكرت الباب 🥀🥀🥀 ..: وين رايحين يحيى يحيى : اليوم بدي اقضي معك كلو ، انا مسافر بكرا الصبح وراجع يوم الخميس ، حابب اشبع منك قمر: وين مسافر ، كترانة سفرياتك يحيى: شغل قمر: انا جوعانة يحيى: ما عاش الجوع ، يلا انزلي نفطر لحتى نبلش يومنا نزلوا عالمطعم وافطروا يحيى : يلا نمشي ، محضرلك مفاجئة قمر؛ يلاالعضوة: 825077 , منذ سنتين
ركبوا بااسيارة ومشوا اكثر من ساعتين قمر : وين احنا يحيى: قلتلك انه محضرلك مفاجئة ، يلا انزلي قمر: انا خايفة اطلع عليها بحب ..: ما تخافي وانت معي نزلت من السيارة ودقات قلبها مليون كانو واقفين قدام بيت فوق الجبل بطل على المدينة مسك ايدها ..: يلا تعالي ، فتح الباب ..: اهلا وسهلا ببيتك قمري ضلت واقفة بتطلع على جمال البيت ، كل شي معمول بدقة ما في ولا غلطة يحيى: عجبك الديكور ، هدا الديكور من تصميم الانسة قمر اطلعت عليه ..: هدا التصميم الي سلمتك ياه قبل اسبوعين يحيى: شو رايك قمر : لي ما قلتلي !؟ يحيى : واحرق المفاجئة قمر: كتيييبر حلو (اطلعت عليه ) ولي قلت بيتي قرب منها وطبع بوسة على خدها ...: لانه هدا بيتك ، هدا البيت النا ، قمري بتقبلي تكوني لالي ؟ اطلعت على يحيى بعيون كلها دموع ..: ... يحيى: شو قمري ركضت عليه وحضنته ..: موافقة قرب على ذانها وهمس..: الليلة راح تكون ليلتنا ، لانه بطلت اتحمل الصراحة خجلت كثير منهالعضوة: 825077 , منذ سنتين
سكر الباب ، لف واطلع عليها كانت واقفة وبتفرك ايديها يحيى : مال القمر متوتر قمر: يحيى خلص بلش يقرب لعندها شوي شوي وهي ترجع لورا قمر: ما بدنا نرجع عالبيت ، الشباب راح ينشغل بالهن علينا يحي: ما راح نطلع من هون قبل ما اشبع منك حملها وحطها عالتخت وصار فوقها خطف بوسة من شفايفها ..؛ الله ،، هاي اللحظة بستناها من زمان وقرب عليها وعاشوا الحب لاول مرة ...... كانت نايمة على صدره ..: انا اسعد بني ادم بالدنيا كلها ... رفعت حالها ومسكت الشرشف الي كان مغطي جسمها .. بس انا خايفة رفع حاله لعندها ..؛ من شو خايف قمري قمر: خايفة من الي جاي ، خايف اخسرك يحيى مرق اصبعه على ظهرها العاري ..؛ انا قلتلك ولا مرة تخافي وانت معي اطلعت عليه بحب ، قربت باسته كانها اعطته اشارة ليرجعوا يعيشوا اللحظات المميزة كمان مرة 🥀🥀🥀🥀 كان قاعد على مكتبه ومتوتر كتير .. رفع سماعة التلفون وطلب السكرتيرة ..: اطلبيلبي المدام جومانا فوراً ... مسا الخير مدام ، معك المهندس نشأت .. اذا في مجال نلتقي بكرا بالمشروع لحتى نحكي بأكم شغلة .. شكرا مع السلامة مدام اخد نفس وزفره ..: شكلها بدها تزبط معك يا نشأت🖤🖤🖤 ..: يلا رياض خد رجالك واطلعوا ، ما بدي ولا غلطة رياض: امرك قنصل طلع مع رجاله من المستودع مسك الموبايل وطلب رقم ..: احترامي سيدي .. كل شي جاهز .. نص ساعة وبكونوا بالمكان المحدد .. أعطوا مجال يهرب .. سلاام اخد نفس وغمض عيونه ...: وبعدين وينتا راح تخلص هالشغلة آخ يا ربي ضل على نفس القعدة لحتى سمع صوت رياض وهوي فايت عالمستودع ووجهه ما بتفسر ..: شو الي صار ؟؟! رياض : الشرطة هجمت علينا وحرزوا البضاعة والمصاري يا قنصل القنصل : ورجالنا !؟ رياض : القو القبض علي رجالنا والتاجر الي جاي يوخد البضاعة مسك رياض من قميصه وحط المسدس براسه ..:انت عارف حالك شو عم تخبص ؟!!... اخدت البضاعة وجاي تقلي هالفلم الحمضان !؟ .. رياض بخوف: معلم انا بحياتي ما بغدرك ولو على قطع رفبتي !!! القنصل: انت قلت بعظمة لسانك انك فقدت مكان التسليم قبل العملية وما شفت شي غريب رياض: غدرونا يا معلم ، غدرونا القنصل : عارف هالبضاعة قدي بتكلف رياض: وانا جاهز ... رقبتي بدالها فلت ايده عنه .. اجمع رجالك الي هون ولموا أي اثر النا هون ... وصرخ .. يلاااا اخد نفس براحة وابتسم 🖤🖤🖤🖤 بعد يومين بالشركةالعضوة: 825077 , منذ سنتين
..: قمر اذا عرف الاستاذ يحيى انك ما رديتي على التعليمات الي قالها راح يعصب قمر: استاذ يحيى ما راح يفرق معو شي الا انو يكون الشغل على اكمل وجه ، استاذ حازم اعتمد عليي حازم : اه يا قمر انت ما راح ترتاحي الا اذا أستاذ يحيى فصلني ضحكت بصوت عالي : هدي حالك اذا اجت عالفصل احمد ربك ، انت خاف يقتلك حارم : بتتمسخري ست قمر ، اعملي وكثزي، الله يستر فات نشأت متل الاضى المستعجل عالمكتب ...: قمر كبسة كبسة حازم (بخوف ) : الله يرحمك يا حازم كنت منيح هربت قمر على الحمام الي موجود بالمكتب وسكرت الباب ..: استاذ حازم وين صرت بالتصاميم !؟ حازم(بلع ريقه بصعوبة )؛ استاذ يحيى نوّر المكتب يحيى: التصاميم!! حازم: بنشتغل عليهن ، قصدي بشتغل عليهن قرب يحيى والقى نظرة على التصاميم ..: وينها !؟ حازم ونشأت ..: مين!؟ مسك نشأت من ايده ..: يعني كانت تحكي الصح ، وما كانت سكرانة نشأت...... توجه للحمام وفتحه بسرعة ..: اطلعي طلعت قمر من الحمام منزلة راسها يحيى: يعني مفكرة ما راح اعرف شغلك !؟ قمر: انا كنت حابه اساعد الاستاذ حازم اطلع عليها وابتسم ..: عنيدة قمر بفرح : يعني موافق ؟؟ يحيى : لا ، في مشروع تاني بدي اسلمك ياه قمر : اي مشروع !؟ يحيى: تعالي معي عالمكتب اشرحلك عن المشروع قمر بفرح : يلا وراك فات معها عالمكتب وقفل الباب بالمفتاح التفتت عليه ..: لي سكرت الباب يحيى بخباثة : بدي اشرحلك المشروع عراحتى قمر: احنا بالشركة يحيى: بعرف ، قرب عليها وضمها ..: بدي تبلشي تشتغلي على مشروع زواجنا بعدت عنه واطلعت بعيونه ..: انت شو بتحكي ؟؟ يحيى : مانك موافقة ؟ قمر..:..... يحيى: بقدر اعتبر ان السكوت علامة الرضى نطت وضمته بقوة ..: انا بحبك 🧡🧡 يحيى : وانا بموت فيكي يتبع ....🖤🖤 🥀🥀🥀🥀🥀العضوة: 825077 , منذ سنتين
#خسوف _ القمر 💔💔 #الجزء_العاشر #بقلمي _ Bayan _Sh قاعد بالمطعم وعم يضرب الطاولة بأصابعة بخفة .. رفع ايده وطلع عالساعة..: اتأخرت رن موبايله ..: مالك اتأخرتي !؟ ... لي بالبيت اتفقنا بالمطعم .. يلا مسافة الطريق وصل للعنوان الي بعتتله ياه .. رن الجرس .. فتحت الباب ..: اهلا وسهلا بالحلو نشأت اطلع عليها من فوق لتحت .. كانت كتلة اغراء وهي لابسة قميص نوم فوشيا ..: مسا الخير مسكته من ايده وشدته لجوا البيت مسكها من خصرها ..: لك شو هالجمال .. معقول انت قديش حلوة جومانا جومانا بدلع ...: انت الحلو ، يلا تعال جهزتلك كاس اخد الكاس من ايدها وشرب منه شفه ..: لي طلبتي نلتقي بالبيت !؟ جومانا : هون اريح ، انا ما بحب الأماكن العامة ، تيجي افرجيك على شي فوق مسكت ايده وطلعته عالطابق التاني ، فتحت غرفة النوم وفوتته ، وقفت قباله ودفشته عالتخت ..: من اول ما شفتك بالشركة وقلت انك لالي .. شلحت الروب وقربت عليه وبلشت تبوس فيه وهو استجاب لالها وفات معها بلحظات حلوة صار نشأت يتردد على بيتها كتير على حسب طلبها .. 🥀🥀🥀🥀 بعد أسبوع حامل موبايله وبحاول يتصلها وما في رد رن تلفون المكتب ..: نعم .. شو بدو !! .. يلا جاي .. سكر السماعة .. يا ربي يحيى هدا وقتك طلع من مكتبه ووصل عند يحيى ..: نعم يحيى شو في !؟ يحيى: تعال محضرلك مفاجئة .. لف اللابتوب عليه وشغل الفيديو .. كان عدة مقاطع لنشأت وهو بالتخت مع جومانا سكر اللابتوب بلش العرق يتصبب على جبينه ..: شو هدا !؟ يحيى بمسخرة ..: مشروع ممثل ناجح .. وقف وضرب عالمكتب وصرخ ... انا الي بدي اسألك شو هدا!؟العضوة: 825077 , منذ سنتين
نشأت: مين جابلك ياه!؟ يحيى : جومانا .. لا ولو تعرف شو بدها !؟ نشأت: شو!؟ يحيى: بدها تلاتة مليون والا بتروح تشتكي عليك للشرطة انك حاولت الاعتداء عليها ، ولا تخاف معها فيديوهات وانت تحاول معها وهي ما بدها .. مزبطلتك ياها عمقاسك 👌🏻👌🏻 قعد عالكرسي وهو منهار ..: شو بدي اعمل بهالمصيبة !!! من وين بدي اجيب المبلغ هدا وانا ما معي شي منو يحيى: اخرة النسوان عاطلة ، ميت مرة قلتلك نشأت: قلي شو بدي اعمل ، راح انفضح وانسجن يحيى : لا تخاف توليت الامر 😉 نشأت بفرح : شو عملت!؟ يحيى : بلغت عنها ، اكيد عنها نسخ من الفيديوهات ومو بس لالك في متل كتير نشأت: الشرطة راح تشوف فيديوهاتي ضربه على كتفه ..: خلي الحكومة تكييف حالها بطلعلها .. وضحك نشأت: يلا امسكها عليي اشرف ، بس اوعى تجيب سيرة لحدا وتفضحني يحيى: بس امانة تخليلي هالفيديو حمل نشأت اللابتوب وطلع من المكتب 🥀🥀🥀 بعد شهر ... ..: معلم صقر ، يالقنصل بجهز لعرسه الاسبوع الجاي صقر : بدي البنت تكون عندي ..: صار معلم صقر: والقنصل يكون معها ...: اعتبره صار صقر بهمس : والله قربت يا قنصل 🖤🖤 بالمول ..: انا بحياتي ما بتعلم من غلطي ، يا ربي الصبر من عندك ، يلا قمر