#خسوف _ القمر 💔💔
#الجزء_الاول
#بقلمي _ Bayan _Sh
تحركت من تختها ومطت حالها
كان النعس مسيطر عليها
--- يا ربي دخيلك شو هالنعس هدا .. أصلا انا الحق عليي شو كان بدي بهالسهرة وانا عارفة انو عندي شغل بكير ... افف يا اففف
فاتت عالحمام غسلت وجهها ...اطلعت عالساعة كانت ٦:٣٠
نزلت عالدرج مثل الحرامية على روس اصابعها وفاتت عالمطبخ .. فتحت خزانة طلعت منها طنجرة ومعلقة حديد
طلعت على الطابق الي فيو الغرف
--- يلاااااااااا قوموا (وخبطت على الطنجرة بالمعلقة)
قومواااااااا(خبطت كمان مرة)
قربت على غرفة من الغرف وضربت بالمعلقة عالباب ضرب متواصل
(صوت صرخة من جوا الغرفة)...: قممممممممممر
قمر : يلا قومو بكفي نوم
لفت وكملت عالغرفة التانية .. فاتت متل القضى المستعجل
خبطت المعلقة بالطنجرة
قمر: قومن بسرعة
فزن على اربعتهن ووقعن عن التخت مع الحرام
زحفت على ايديها واجريها .. وتخبت تحت المكتبة ...: وين الانفجار... وين .. وين !!!!
قمر: هههههههه ... يما بطني .. امل منظرك بضحك .. اخ لو معي التلفون كان صورتك فيديو .. يلا قومن رايحة اصحي الباقي..
امل : الله لا يحرمك من قتلة يا قمر .. زحفت لعند التخت التاني ... قومي بلا ما تجيب تلفونها هاي المجنونة وتصورك وتنفضحي .. هزتها لقتها رجعت نامت عالارض ... ست راما نومة اهل الكهف يا رب .. معقول مو حاسة بشي (مسكت كاسة المي الي جنب التخت وكبتها عليها )
راما ؛ اح .. شو صار !!!!
امل ؛ اح... لك قومي خلصيني
راما : لي قدي الساعة
امل ؛ ستة ونص يمكن ،قومي بدك قرن لحتى تخلصي حالك
بتتمطمت ...: قمت
وقفت قدام غرفة تانية
وضربت بالمعلقة عالباب عدة ضربات
قمر ؛ انا كل يوم بدي ساعة لحتى اصحيكوا وبعدين مع هالعيشة عاملين حالكو تعون سهر قال !!!!
لفت ظهرها وكملت حكي مع حالها ...: وبعدين يا ربي .. انا شكلي بدي اقلعهن كلهن من البيت واجيب شلة جديدة .. شو انا امهن .. خلفتهن ونسيتهن !!!!!!😡
ما حست غير ايد سحبتها لجوا الغرفة
ظهرها عالحيط وصدرها بطلع وبنزل من التوتر
قمر؛ ابعد احسنلك
...:واذا ما بعدت !؟
قمر : بتعرف شو بعمل !
...: لا والله ما بعرف ... مفكرة كل يوم تعمليلنا هاي الحفلة وتمرق على خير .. لا وبدك تقلعينا من البيت !! لا شاطرة .. يلا فرجيني شطارتك وفلتي حالك مني اشوف (مد ايدو عالباب وسكر بالمفتاح .)
قمر ؛ يحيى !
يحيى ؛ يا عيون يحيى .. والله انا ما بدي اعمل شي بس الشباب والصبايا اترجوني اربيكي 😉
(قرب منها عالاخير ) شايفك خفتي !!
صارت تسعل ووجها صار احمر
يحيى ؛ قمر مالك .. شو صابك بمزح معك (مسكها من ايدها وقعدها عالتخت ) ما تتحركي رايح اجيب كاسة مي
فتح الباب ونزل عالمطبخ بسرعة
سكتت شوي واطلعت عالباب وبسرعة طلعت من الغرفة وراحت على غرفتها .. فاتت وسكرت الباب وراها
....:اووف نفدنا
طلع عالغرفة مستعجل وبايدو كاسة المي
حرك حجر عينه بكل الغرفة ما لقاها ... مسك كاسة المي وكبها على راسو وقال بقلبو ( انا بستاهل )
🖤🖤
كل واحد اتجهز وحضر حالو لحتى يروح عشغلو
اجتمعوا على طاولة السفرة
امل: قمر وين يحيى !؟
زورتها ... : ما بعرف .. شو شايفتيني امه
...: مين بجيب سيرة امي !؟؟؟؟!!
قمر ارتعبت ؛ هاي امل بتسال عنك
يحيى: اجيت
نشأت(قرب على امجد ) : اجى الي يرعب قمر ... شوف كيف اختفى صوتها ههههه
امجد : قمر مالك سكتي الك ساعة صارعة راسنا بصوتك
قمر: احم احم انا شبعت حمدلله .. يلا بستناكو عند الباب (راحت)
امل (رمت زتونة على امجد) : يعني ما بتعرفو غير تزعلوها ..
راما : خلص جد حلّوا عنها شوي
نشأت : نحل عنها .. لي انا الي كل يوم بمسك طنجرة ومعلقة وببلش اخبط من الصبح
امل: والله معها حق .. احنا بدنا مدافع تصحينا ، فوق ما بتعمل معنا خير .. بدنا نزعلها
امجد : اه والله انا لولا الخبط الي بصير الصبح ما بصحى
نشأت : يلا يلا قومو البنت خللت برا لحالها
🥀🥀
طلعت من البيت وقفت قدام الباب وصارت تخبط اجرها بالأرض
قمر ؛ اغبيا
...: مين اغبيا ولي !؟
قمر(توترت ) :اه.. وين الشباب اتأخرنا !!
حط ايدو على كتفها ومشاها جنبه ...: يلا يا حلوة نروح ....
وقفت..: وين نروح !! والشباب !؟
يحيى : ورانا
وصلو للسيارة ركبو فيها وطلعو
نشأت : شوفو الاندال راحو لحالهن
راما (بدلع) نشأت حياتي امانة وصلني معك
نشأت: ينعن عمري انا احلى تاكسي لعيونك
امجد: يلا واحنا جايين معكوا ، يلا امل ..
🥀🥀
بالسيارة
يحيى : مالك ساكتة !؟
قمر: والله نعسانة .. اخر مرة بسهر
يحيى: هههه خلص ماشي (وقف السيارة عجنب الشارع.. حمل تلفونو واتصل ) .. الو كيفك حبيب .. اسمع انا ماني جاي اليوم .. انا وقمر .. تسلم حبيب سلام
العضوة: 825077 , منذ سنتين
قمر: خلص يحيى بكفي تأفأف يأستني يحيى : الله يتوب عليي قمر: امل راما تعالوا شوفوا المحل يحيى شبه مجلوط : لا حول ولا قوة الا بالله رن موبايله كان رياض المتصل ...: انا رايح عالحمام بدي ارجع القيكوا مخلصات .... راح على جنب وحكى بصوت واطي ..: ايوا رياض "رياض: معلم انتبه في واحد من رجال الصقر براقبك لتفت حوليه ..: ماشي رياض ابعتلي تنين يكون وراي ، ما بدي حدا يحس على شي ، انا بخلص الي بإيدي وباجي عندك رياض : انا برأيي انك تروح عالبيت أمان اكثر يحيى: بدي العرس يكون مأمن بشكل تام بكرا ، ما بدي ولا غلطة رياض رياض: عُلم معلم 🖤🖤 بيوم العرس كانت واقفة قدام المراي وراما وامل بحطوالها اللمسات الاخيرة كانت لابسة الفستان الابيض ضيق على قد الجسم بنفشة صغيرة من تحت ، عليه لولو على الصدر ، كان شعرها على كل ظهرها ومكياج ناعم ...: القمر موجود بالغرفة !؟ اطلعت عليه قمر وهي خجلانة شهقت راما اطلع يحيى حوليه .. لك شو في !؟ راما: انت شو جابك هون ، يا الله العريس ممنوع يشوف العروس قبل العرس اتخطاها ولا كأنو حكت شي .. كمل لعند قمر ..: قمري انت راح تصيري لالي اليوم وبس الي قمر: انا دايماً الك فات نشأت عالغرفة وشاف قمر صار يصفر ...: اووووو شو هالقمر هدا ، قمر شو رايك تتركي للمعقد هدا وتيجي معي يحيى: شو رايك اقلب العرس لميتم ، خد الصبايا واسبقونا عالقاعة طلعوا نشأت والبنات عالقاعة قمر : يلا نروح يحيى: خلينا هون قمر ..: يلا راح نتأخر نزلوا عالسيارة قرب فتحلها الباب فاتت وسكر الباب .، لف للجهة التانية حس في شي فات بكتفه .. ووقع عالارض قمر : يحيى شو صار معك فتح الباب واحد ملثم رش على وجهها مخدرالعضوة: 1003994 , منذ سنتين
كمليالعضوة: 1108648 , منذ سنتين
يلاكمليالعضوة: 825077 , منذ سنتين
قاعد على كرسي ايديه مربطة وعيونه مغطية وتمه مسكر فتح الباب وفات واحد طويل اسمر وفي علامة على عينه ..: انشالله تكون مبسوط باستقبالنا يا قنصل ؟؟ قرب عليه وفك العصبة الي على عيونه واللزقه الي على تمه القنصل : كل عمرك جبان يا صقر ، فكني وتعال نتواجه ضحك ضحكة عالية ..: راح افكك بس في فلم حلو لازم تشوفه ، وراح تحبه كثير .. مو هاي قمر !؟ اطلع على يمينه ، كانت قمر نايمة عالارض مربطة ...: صقر ، مشاكلك بتحلها معي ، ما تعودنا ندخل حدا تاني بينا صقر : انا المرة هاي بدي اغير شوية قوانين بلعبتنا ، جاهز لحتى تشوفني وانا بدوق العسل الي نايم قرب عليه وغرز ابرة برقبته ...: هيك ضمنتلك مشاهدة حلوة تركه واتوجه لعند قمر ...: شو الحلو بعده نايم ... قرب وصار يضربها على خدها بلشت تصحى شوي شوي ، اطلعت كان صقر قدامها ..: مين انت .. شو بدك مني !؟ صقر : انا ما بدي شي بس حبيبك هوي الي دخلك بموضيعنا اطلعت قدامها شافتو مربط بالكرسي ودبلان بس عيونه عليها...: يحيى !!! قرب عليها صقر ..: حابب اعرفك على اكبر تاجر مخدرات بالبلد ، القنصل زوجك المستقبلي اطلعت عليه وعيونها كلها دموع ..: يحيى صقر : مانك مصدقة صح ، بس مو مهم ، المهم انو قمر القنصل بين ايدي بلش يقرب عليها اكثر ويحاول يبوسها ويلمس جسمها بطريقة قذرة قاعد عالكرسي مو طالع بإيده يعمل شي ، وصوت صرخاتها خرقت راسه ، حس بضعف كبير وهوي شايفها بين ايدين صقر وهوي بنهش بلحمها بوحشية ، غمض عيونه وصرخ صرخة ....: صقر راح تندم ، بوعدك تندم يا صقر ، ابعد عنها يا واطي صرخت صرخة هزته من جوا نزلت دمعة من عيونه .. اول مرة بتنزل دموعه ، خلف الوعد الي قطعه على حالو ، غمض عيونه واتذكر لما وعد ابوها انه يحميها وما يخلي حدا يقرب منها ، وعده يحافظ عليها متل روحه ، بس حاسس روحو عم تطلع مع كل صرخة بتطلع منها بطل يسمع صوتها اطلع عليها شافها مرمية عالارض والدم عالفستان ...؛ شو عملت يا واطي ، راح اندمك على الساعة الي انولدت فيها ، قمر ، قمر ردي عليي يا عمري صقر : يا شباب ، اعملوا اللازم قربوا عليه رجال الصقر وضربوا على راسه ، اغمى عليه وهوي شايف اخر صورة لالها 🥀🥀🥀🥀العضوة: 825077 , منذ سنتين
بالقاعة نشأت: لي اتأخروا !؟ امجد جرب اتصل ليحيى امجد: جربت اتصل بس بعطيني مغلق نشأت ؛ يا ربي وين راحوا ، انا رايح عالبيت اشوفهن امجد: ما تتأخر ، وطمنا راح نشأت عالبيت شاف سيارة يحيى قدام البيت ، اتصل لامجد ..: هدا صاحبك شكلو بعده بالبيت واستفرد بقمر ... طالع اشوفه وجيبو من دانه طلع عالبيت صار ينادي عليه بس ما كان في رد رجع طلع برا البيت شاف الطرحة الي كانت على راس قنر عالارض جنب السيارة حمل موبايله واتصل لامجد..: امجد يحيى وقمر مانهن بالبيت ... انا كيف بدي اعرف ... بس سيارة يحيى هون ... وشفت شغلة غريبة .. طرحة قمر جنب السيارة مرمية عالارض .. ما بعرف .. راح استنى بالبيت يمكن يرجعوا او حدا يتصل 🥀🥀🥀 بعد اربع ساعات امجد : انا بطلت اتحمل لازم نخبر الشرطة نشأت: وانا هيك بقول رن موبايل نشأت...: ايوة .. نعم انا نشأت .. انت شو بتحكي !!!! جاي فورا امجد : شو في نشأت ؟؟ مين الي اتصل حمل مفاتيح السيارة .: قمر ويحيى بالمشفى راما : شو بتحكي احنا جايين معك طلعوا عالمشفى سألوا عنهن نشأت : طمنا دكتور الدكتور: البنت متعرضة للاغتصاب شهقت راما : شووووو نشأت: ويحيى الدكتور : الشب الي معها ماخد كمية مخدر كبيرة ، وفي ضربة قوية عالراس نشأت: بنقدر نشوفه الدكتور: بعده ما صحى امجد : وقمر 🥀🥀العضوة: 825077 , منذ سنتين
الدكتور: البيت عندها تمزق شديد بالرحم ، لازم اضل تحت المراقبة اربع وعشرين ساعة ، عليهن العافية امجد : معقول يحيى يعمل بقمر هيك نشأت : يا حمار الدكتور قال انه ماكل ضربة قوية عراسه ، بعني اكيد كانوا مخطوفين راما : يا ربي شو هالمصيبة هاي 🖤🖤🖤 نايم على تخت بالمستشفى ، بلش يفتح عيونه شوي شوي ، اطلع حوليه شاف امجد ونشأت قاعدين نشأت: يحيى انت صحيت ، كيف حاسس حالك ؟ امجد: شو صار معكوا !؟ يحيى بتعب: وين قمر امجد: بالعناية ، بعدها ما صحيت حاول يقوم من التخت نشأت: يحيى وين رايح ، خليك مرتاح يحيى: بدي اشوفها امجد ما راح يسمحولك صرخ عليهن..: ابعدوا عن طريقي قام من محله وراح وقف قدام العناية ...: سامحيني قمري ، ما قدرت احميكي متل ما وعدتك ، بس وحياة عيونك راح اخود حقك من هدا الحقير غمض عيونه بغصة وهو بتذكر كيف كانت تصرخ وهوي مو قادر يعمل شي ، كان ضعيف ... نزلوا دموعه مسك موبايله واتصل ..: وينك .. لاقيني بسرعة بالمستودع كان طالع من المشفى نشأت : وين رايح يحيى يحيى بحسرة ..: رايح اجيب حق قمر نشأت : ما بدك تحكيلي الي صار يحيى: بعدين ، دير بالك على قمر نشأت 🥀العضوة: 825077 , منذ سنتين
وين كانوا رجالك يا رياض رياض : قنصل الرجال كانوا موزعين بالقاعة ومأمنينها القنصل : والبيت رياض:..... ضرب ايده عالحيط ..: غدروا فيي ، غدروني وضربوني بظهري رياض: معلم انت اشر بس القنصل : راس الصقر رياض: الصقر عنده تسليم بضاعة للقيصر القنصل : نفذ بسرعة رياض :عُلم ............ صقر: لازم اصفي اعمالي واطلع من البلد القنصل ما راح يسكت ، راح اخلص العملية واطير ، معاذ قول للشباب يتحركوا بسرعة معاذ : معلم انت لازم تتحرك بسرعة ، القنصل صحي وطلع من المشفى صقر: ما راح يعمل شي ، لازم اسلم البضاعة بنفسي ، البضاعة كبيرة هاي المرة معاذ: بس في خطر كبير عليك معلم صقر : ما بهمني ، انا اعطيت كلمة للقيصر ، ما بقدر اتراجع فيها 🥀🥀🥀 ...: هاي الخدمة ما راح انسالك ياها يا قيصر القيصر : انا بدي خدمة يا قنصل ، انت بس قلي شو عمل معك الصقر لحتى اخدلك حقك منو القنصل : اكبر خدمة عملتيلي ياها راس الصقر القيصر : انا بفديك بروحي قنصل ، كلنا تلاميذك 🥀----------فلاش باك----- 🥀 ثلاث سيارات سودا مصفوفة فيها رجال لابسة اسود باسود ...: وصلوا معلم صقر نزل من السيارة الصقر : اهلا بالقيصر ، والله زمان القيصر : وين البضاعة الصقر : يا رجال نزلو ثلاث رجال من السيارات معهن البضاعة ثواني كان القواص شغال وكل رجال الصقر مرمية عالارض الصقر : بتغدر فيي يا قيصر القيصر : لا لسا جبتلك معي هدية راح تعجبك بانت علامات التوتر على وجه الصقر ...: نزل من السيارة وعيونه بتقدح شرار ...؛ شو رأيك بهالمفاجئة !؟ عجبتك ما هيك ، كل عمرك ضعيف وما بستقوي غير عالضعيف ، انا قدامك واجهني اشوف الصقر : انت بلشت اللعب معي واللعب مع الكبار بوجع يحيى: هدا الي كنت بدي اقلك ياه ، انت فتت على عش الدبابير وبدك تتحمل لسعهن، كنت مفكر تنفد بعملتك هاي ، لسا ما خلق الي بدو يعلم عالقنصل يا صقر جبوووووووووه 🥀--------------- باك ----------🥀 فات عالمستودع حامل بإيده عصاي حديد خبط فيها عالحديد الموجود عالارض يحيى : والله وراس الصقر بين ايدي ، من وين بتحب ابدأالعضوة: 825077 , منذ سنتين
وضرب على وجهه ... صرخ الصقر صرخة ملت المستودع كله يحيى: هاي كرمال تتعلم ما تلعب مع القنصل وضربه على ايده ..: هاي كرمال تحرم تمد ايدك على شي بخص القنصل وضربه على اجره ...: هاي كرمال ما تتعدى حدود القنصل اخر ضربة كانت المميتة على راسه ..: وهاي حق القمر رمى العصاي من ايده ..: تعالوا قيموا الزبالة من هون رفع راسه لفوق وصرخ ..: اخدتلك حقك يا قمر 🖤🖤🖤 بالمشفى كانت راما قاعدة عند قمر وبتحاول تحكي معها بس قمر كانت رافضة تحكي حرف واحد عن الي صار معها رن موبايلها راما : ايوه امل .. صحيت ، واجى الدكتور فحصها وقال كل شي تمام ، بس هي مو راضية تحكي ، والله خايفة عليها يا امل ... جيبي معك تياب الها ،... سلام فات الدكتور وبلش يفحصها ...: كل شي تمام راما: بس دكتور لي ما بتحكي الدكتور : الصدمة كانت قوية عليها ، لازمها علاج نفسي ، راح احكي مع الدكتورة النفسية لحتى تابع حالتها راما : شكرا دكتور فات عالمشفى شاف نشأت وامجد واقفين برا الغرفة يحيى: صحيت ، كيف هيي !؟ امجد : الدكتورة النفسية عندها جوا فتح الباب وفات لجوا اطلعت عليه قمر وصارت تضرخ ..: اطلع لبرا ... ما بدي اشوفك .. اطلع اطلع ..... صوت صراخها وشهقاتها ملت المشفى اطلع عليها يحيى بعيون دبلانة...؛ لا تخافي طالع ، بس اجيت اقلك اني اخدتلك حقك كامل .. سلام قمري وطلع كانت دافنة حالها بالشرشف ودموعها على خدودها راما: خلص اهدي حبيبتي طلعت الدكتور ورا يحيى..: لحظة لو سمحت ، فينا نحكي يحيى: طبعا الدكتور : بعد اذنك ممكن تتفضل عمكتبي يحيى : خير دكتورة الدكتورة : انا راح لكون المسؤولة عن حالة المريضة ، بس بدي مساعدتك، بدي افهم شو الي صار معها ولي توترت وعصبت بس شافتك يحيى : الصراحة انا كنت موجود لما تعرضت للحادت ، بس ما قدرت ساعدها الدكتور: هربت!؟ عصب من حكيها ..: انا بحياتي ما بهرب ، بس كنت مخدر .. نزل راسه وكمل بصوت مقهور .. كنت شايف كل شي صار .. الدكتورة : اهدا استاذ يحيى ، انت لو كان في شي بايدك تعمله كان عملت ، ما تحمل حالك المسؤولية اطلع عالدكتورة وحكى بقلبو (كل الحق عليي انا ما عرفت احميها )العضوة: 825077 , منذ سنتين
🥀🥀🥀كانوا بالسيارة بطريقهم للبيت كانت قاعدة وحاطة راسها على كتف امل وصافنة بالعدم نشأت : يلا انزلوا بدي اجيب الادوية الي حكت عليها الدكتورة ، امل ديري بالك عليها امل: ما تخاف ، بعيوني نزلت امل ماسكة ايد قمر وامجد ساعدها فاتت على غرفتها ساعدتها امل بتبديل تيابها امل : انا تحت بدي احضر الغدا مع راما بدك شي حبيبتي قمر: لاالعضوة: 825077 , منذ سنتين
كانت قاعدة عالتخت وعيونها ملانة دموع ، كانت تطلع على كل الغرفة كل زاوية من زواياها بتحمل ذكرة حلوة الها مع يحيى .. يحيى الي طلع شخص عاطل ، تاجر مخدرات كانت صدمتها انو تاجر مخدرات اكبر من الي عملو صقر الشخص الوحيد الي كان الدعم والقوة يطلع هيك حسمت امرها واخدت قرارها وما راح تتراجع ابداً فاتت امل عندها عالغرفة ..: قمر حبيبتي الاكل جاهز تعالي قمر: تعبانة بدي انام امل: بس انت ما اكلتي شي الك يومين قمر: بس اجوع بنزل امل: طيب ارتاحي ، بدك اعملك شي قمر: لا 🥀🥀🥀🥀 مرق اسبوعين على الحادثة وقمر مثل ما هي اكلها قليل وحكيها قليل ويحيى مختفي ومحدا بعرف عنو شي بالليل الكل نايم معدا قمر ، واقفة قدام الخزانة ، اخدت اكم قطعة وبدلت تيابها ، حملت جواز سفرها وشنطتها وطلعت من الغرفة راحت لغرفة يحيى اطلعت عليها اخر نظرة وتركت ورقة عالتخت ، نزلت لتحت كان في تاكسي بستناها اطلعت اخر نظرة عالبيت وهمست ..: سامحوني ... ركبت بالتاكسي وانطلقت عالمطار ..... 🥀🥀🥀 تاني يوم الصبح صحيوا الشباب على صوت خبط عالباب نشأت: بسم الله شو في ... اطلع على امجد .. معقول قمر رجعت لعادتها القديمة .. قام من التخت مبسوط .. شاف امل عالباب ووجها ما بتفسر ...: لك شو في لي الخبط هدا امل ودموعها شلال على خدودها ..: قمر ، قمر تركت البيت نشأت : شوووووو!!! امجد : انت شو بتحكي ، كيف عرفتي !؟ امل : فتت على غرفتها ما لقيتها ، لقيت هاي الورقة اخد نشأت الورقة وصار يقراها "احلا اخوة بالعالم اذا عم تقروا الورقة معناتو انا صرت برا البلاد ، احلا وقت قضيتو معكوا انتو ، انتو كنتو لالي عيلتي التانية ، انا ما بقيلي حدا هون ، انا وحيدة ، اصعب شعور انك تحس حالك وحيد وانت بين اهلك وناسك ، بس الي صار معي كان ضربة قوية وما ممكن تنتسى ، انا بحاجة وقت لحتى اتخطى هاي المرحلة . ديروا بالكوا عبعض بحبكم كثير قمر" 🥀🥀🥀🥀العضوة: 825077 , منذ سنتين
نشأت: ينعن هالحظ ، لي هيك يا قمر امل : اذا عرف يحيى راح يعلق مشنقتنا مع بعض ، الله يسامحك يا قمر ضرب ايده بالحيط ..: بدي اروح عالمطار يلا امجد يلكي بنلحقها بسرعة انطلقوا بالسيارة للمطار توزعوا بالمطار وصارا يسألوا عنها رجع نشأت وراسه بالارض امجد : شو صار معك نشأت: سافرت على ايطاليا امجد : ينعن هالحظ ، بدك تخبر يحيى!؟ نشأت: اكيد لازم يعرف امجد: شو بدك تقلو ، هربت من البيت واحنا تنين موجودين بالبيت ، اخ منك قمر نشأت: انا بدي اتصل فيه ترحم على روحنا ...صباح الخير اخي يحيى .. لا هو مانو خير ابدا .. قمر .. سافرت ... الو الو يحيى امجد: شو قال نشأت ؛ فصل بوجهي امجد: الله يستر ، امشي نروح عالبيت ، ما الها طعمة وقفتنا هون وصلوا البيت نشأت: هاي سيارة يحيى نزلوا وفاتو عالبيت ، كان صوته مملي البيت يحيى: كيف بتسافر ، لك كيف بتتركوها لحالها ، انا نبهت عليكوا نشأت: اهدا شوي ، ما في منو فايدة الصراخ اطلع على نشأت وطلع لغرفتها ، قعد عالتخت كان في بلوزة لالها مرمية عالتخت ، مسكها وصار يشمها ..: لي عملتي هيك ، انا كيف بدي عيش بلا القمر ، بس بدي تكوني عارفة انو اخدتك حقك وزيادة ، ما راح اتخلى عند راح لاقيكي لو ضل بعمري يوم 🥀🥀🥀 فات على غرفته وراسه عم يفتل ، شاف الورقة مسكها وقراها 🥀العضوة: 825077 , منذ سنتين
" كتبت هاي الرسالة من بعد ما قررت ما ارجع اشوفك او احكي معك ، وما كان عند الجرأة الكافية لمواجهتك لانه كنت راح اضعف قدامك ، ما بنكر اني حبيتك وانك كنت خير سند ، اخ ، اب ، صديق وحبيب وكل شي .. ما كنت عارفة انو ورا هالشخص الحنون في انسان تاني سيئ ومؤذي ، كنت اعرف انك مخبي كتير اسرار بس ما خطرلي تكون تاجر مخدرات! لهدرجة انا كنت هبلة وعلى نياتي!! بسببك انا انأذيت واتدمرت حياتي ! وشخص مقرف لمسني واتعدى علي .. وكل هالشي بسببك انت ، انت انسان حقير ، انت اكبر غلطة بحياتي ودفعت تمنها غالي كتير.. كان عندي كتير احلام حابة احققها معك بس بسببك انخسف القمر وصارت حياتي كلا تعاسة وبلا معنى رح ابدا حياة جديدة ببلد جديدة بتمنى اني ما ارجع شوفك ابدا بكرهك قمر..." قرأها مرة ومرتين وتلاتة وما كان مصدق انه قمر وصلت لمرحلة الكره ، بس الحق معها هو انسان حقير وواطي ، هو الي وصلها لهون ، وعدها يحميها وما طلع بإيدو يدافع عنها عند اول مطب ضل صافن بالورقة لوقت ، بعدها حمل مفاتيح سيارته وطلع من البيت ، توجه للمقبرة فات عالمقبرة وهوي منزل راسه وصل لعند القبر ...:؟ عم عمر انا خنت الامانة الي حطيتها عندي ، عمي انا ما قدرت احافظ عليها ، امي انا ضيعت قمري ، انا خسفت القمر، كانت مضوية كل حياتي راحت وراح كل شي حلو معها ، ايدي مربطة ما عارف شو بدي اعمل ، بس بدي تكونو مبسوطين انا اخدت حق القمر ، انا قتلت الي طفى ضو القمر ....... سامحوني يتبع ....🖤🖤العضوة: 851287 , منذ سنتين
@user-825077 كملييييي🏃♀️🏃♀️🏃♀️🏃♀️🏃♀️👍🏻👍🏻👍🏻العضوة: 1108648 , منذ سنتين
😢العضوة: 825077 , منذ سنتين
اتاخرت عليكن كرمال عملت فحوصات ل بنتي🥺💔