#خسوف _ القمر 💔💔
#الجزء_الاول
#بقلمي _ Bayan _Sh
تحركت من تختها ومطت حالها
كان النعس مسيطر عليها
--- يا ربي دخيلك شو هالنعس هدا .. أصلا انا الحق عليي شو كان بدي بهالسهرة وانا عارفة انو عندي شغل بكير ... افف يا اففف
فاتت عالحمام غسلت وجهها ...اطلعت عالساعة كانت ٦:٣٠
نزلت عالدرج مثل الحرامية على روس اصابعها وفاتت عالمطبخ .. فتحت خزانة طلعت منها طنجرة ومعلقة حديد
طلعت على الطابق الي فيو الغرف
--- يلاااااااااا قوموا (وخبطت على الطنجرة بالمعلقة)
قومواااااااا(خبطت كمان مرة)
قربت على غرفة من الغرف وضربت بالمعلقة عالباب ضرب متواصل
(صوت صرخة من جوا الغرفة)...: قممممممممممر
قمر : يلا قومو بكفي نوم
لفت وكملت عالغرفة التانية .. فاتت متل القضى المستعجل
خبطت المعلقة بالطنجرة
قمر: قومن بسرعة
فزن على اربعتهن ووقعن عن التخت مع الحرام
زحفت على ايديها واجريها .. وتخبت تحت المكتبة ...: وين الانفجار... وين .. وين !!!!
قمر: هههههههه ... يما بطني .. امل منظرك بضحك .. اخ لو معي التلفون كان صورتك فيديو .. يلا قومن رايحة اصحي الباقي..
امل : الله لا يحرمك من قتلة يا قمر .. زحفت لعند التخت التاني ... قومي بلا ما تجيب تلفونها هاي المجنونة وتصورك وتنفضحي .. هزتها لقتها رجعت نامت عالارض ... ست راما نومة اهل الكهف يا رب .. معقول مو حاسة بشي (مسكت كاسة المي الي جنب التخت وكبتها عليها )
راما ؛ اح .. شو صار !!!!
امل ؛ اح... لك قومي خلصيني
راما : لي قدي الساعة
امل ؛ ستة ونص يمكن ،قومي بدك قرن لحتى تخلصي حالك
بتتمطمت ...: قمت
وقفت قدام غرفة تانية
وضربت بالمعلقة عالباب عدة ضربات
قمر ؛ انا كل يوم بدي ساعة لحتى اصحيكوا وبعدين مع هالعيشة عاملين حالكو تعون سهر قال !!!!
لفت ظهرها وكملت حكي مع حالها ...: وبعدين يا ربي .. انا شكلي بدي اقلعهن كلهن من البيت واجيب شلة جديدة .. شو انا امهن .. خلفتهن ونسيتهن !!!!!!😡
ما حست غير ايد سحبتها لجوا الغرفة
ظهرها عالحيط وصدرها بطلع وبنزل من التوتر
قمر؛ ابعد احسنلك
...:واذا ما بعدت !؟
قمر : بتعرف شو بعمل !
...: لا والله ما بعرف ... مفكرة كل يوم تعمليلنا هاي الحفلة وتمرق على خير .. لا وبدك تقلعينا من البيت !! لا شاطرة .. يلا فرجيني شطارتك وفلتي حالك مني اشوف (مد ايدو عالباب وسكر بالمفتاح .)
قمر ؛ يحيى !
يحيى ؛ يا عيون يحيى .. والله انا ما بدي اعمل شي بس الشباب والصبايا اترجوني اربيكي 😉
(قرب منها عالاخير ) شايفك خفتي !!
صارت تسعل ووجها صار احمر
يحيى ؛ قمر مالك .. شو صابك بمزح معك (مسكها من ايدها وقعدها عالتخت ) ما تتحركي رايح اجيب كاسة مي
فتح الباب ونزل عالمطبخ بسرعة
سكتت شوي واطلعت عالباب وبسرعة طلعت من الغرفة وراحت على غرفتها .. فاتت وسكرت الباب وراها
....:اووف نفدنا
طلع عالغرفة مستعجل وبايدو كاسة المي
حرك حجر عينه بكل الغرفة ما لقاها ... مسك كاسة المي وكبها على راسو وقال بقلبو ( انا بستاهل )
🖤🖤
كل واحد اتجهز وحضر حالو لحتى يروح عشغلو
اجتمعوا على طاولة السفرة
امل: قمر وين يحيى !؟
زورتها ... : ما بعرف .. شو شايفتيني امه
...: مين بجيب سيرة امي !؟؟؟؟!!
قمر ارتعبت ؛ هاي امل بتسال عنك
يحيى: اجيت
نشأت(قرب على امجد ) : اجى الي يرعب قمر ... شوف كيف اختفى صوتها ههههه
امجد : قمر مالك سكتي الك ساعة صارعة راسنا بصوتك
قمر: احم احم انا شبعت حمدلله .. يلا بستناكو عند الباب (راحت)
امل (رمت زتونة على امجد) : يعني ما بتعرفو غير تزعلوها ..
راما : خلص جد حلّوا عنها شوي
نشأت : نحل عنها .. لي انا الي كل يوم بمسك طنجرة ومعلقة وببلش اخبط من الصبح
امل: والله معها حق .. احنا بدنا مدافع تصحينا ، فوق ما بتعمل معنا خير .. بدنا نزعلها
امجد : اه والله انا لولا الخبط الي بصير الصبح ما بصحى
نشأت : يلا يلا قومو البنت خللت برا لحالها
🥀🥀
طلعت من البيت وقفت قدام الباب وصارت تخبط اجرها بالأرض
قمر ؛ اغبيا
...: مين اغبيا ولي !؟
قمر(توترت ) :اه.. وين الشباب اتأخرنا !!
حط ايدو على كتفها ومشاها جنبه ...: يلا يا حلوة نروح ....
وقفت..: وين نروح !! والشباب !؟
يحيى : ورانا
وصلو للسيارة ركبو فيها وطلعو
نشأت : شوفو الاندال راحو لحالهن
راما (بدلع) نشأت حياتي امانة وصلني معك
نشأت: ينعن عمري انا احلى تاكسي لعيونك
امجد: يلا واحنا جايين معكوا ، يلا امل ..
🥀🥀
بالسيارة
يحيى : مالك ساكتة !؟
قمر: والله نعسانة .. اخر مرة بسهر
يحيى: هههه خلص ماشي (وقف السيارة عجنب الشارع.. حمل تلفونو واتصل ) .. الو كيفك حبيب .. اسمع انا ماني جاي اليوم .. انا وقمر .. تسلم حبيب سلام
العضوة: 825077 , منذ سنتين
#خسوف _ القمر 💔💔 #الجزء_الحادي عشر والأخير #بقلمي _ Bayan _Sh بعد مرور تسع اشهر .... حاملة الكاس بإيدها ولابسة لبس خليع ، ، بتتمشى بين الطاولات بتضحك مع هدا وبتغمز هدا ، وقفت عند طاولة وحطت ايدها على واحد كان قاعد عند الطاولة، ...: اهلا وسهلا فيك فؤاد بيك فؤاد: اهلا بالقمر .. وينك مبارح ما شفتك قمر قمر: كان عندي شغل يا بيك فؤاد : وانا وينتا بيجي دوري ادوق القمر ضحكت بصوت عالي ...: القمر بعيد وصعب حدا يصله وكملت مشي بين الطاولات انمدت ايد لالها ، مسكت فيها وطلعت عساحة الرقص ، وصارت تتمايل بجسمها بكل اغراء ... خلصت السهرة وطلعت على غرفتها بالفندق ... اطلعت على حالها بالمراي ... صفنت ورجعت بذاكرتها لورا .... 🥀------------فلاش باك ------------ 🥀 فاتت عالمطار ، قطعت تذكرة طيران لايطاليا ذهاب بلا عودة ، جرت شنطتها وراها ، ختمت جواز سفرها وفاتت عالطيارة استنت ربع ساعة وقبل ما تقلع الطيارة كانت نازلة .. طلعت من المطار ، اخدت تاكسي وراحت على حديقة بنص المدينة ، قعدت على مقعد وصارت تفكر بالي عملتو .. اسئلة كثير براسها .. وين بدها تروح وين رح تسكن شو راح تعمل ...... بعد فترة قررت تروح عالفندق فاتت عالغرفة رمت حالها عالتخت بتعب ، رجعت تتذكر الي صار معها ، قلبها بعدو معلق بيحيى ... بس صعب تتراجع عن الي عم تعمله 🥀🥀🥀 مرقوا اكتر من خمس اسابيع ، كانت نفس الروتين كل يوم ، تنزل الصبح لحتى ادور على شغل وكل ما تصل باب الشركة الي قاصدة تلاقي شغل فيها ، تتذكر انو يحيى واحد من المساهمين والو حصة فيهاالعضوة: 825077 , منذ سنتين
صحيت من النوم بدلت تيابها ، كانت مقررة انه لازم اليوم تلاقي شغل ، المصاري الي معها قربوا يخلصوا طلعت من باب الفندق ، كانت بدها تقطع الشارع لحتى توقف تاكسي ... ما حست غير سيارة ضربتها ورمتها للجهة التانية بالمشفى يا دوب بلشت تصحى .. ...: حمدلله على السلامة اطلعت قمر للجهة الي جاي منها الصوت ، كانت صبية حلوة بلبس حلو...: الله يسلمك ، مين حضرتك !؟ ...: انا نانا ، انا الي ساعدتك ساعة الحادث ، شو اسمك !؟ قمر: انا اسمي قمر نانا: كيف حاسة حالك !؟ قمر:راسي كتير بوجعني ! نانا : راح اخبر الدكتور فات الدكتور ..: حمدلله على السلامة ... صار يفحصها .. كل المأشرات الحيوية منيحة ما في خطر .. الضربة اجت عالراس وراح تحسي بوجع خفيف . بكرا راح نكتبلك على خروج .. سلامتك نانا : طب انا عندي شغل ، برجع بكرا لحتى اوصلك عالفندق .. سلام .🥀🥀🥀🥀 علاقة نانا بقمر بتقوى مع الايام ، وقمر وثقت بنانا بشكل كبير ، وحكتها كل قصتها مع يحيىالعضوة: 825077 , منذ سنتين
قاعدات باللوبي بشربوا القهوة كالعادة قمر: نانا النا اكثر من شهر بنعرف بعض ، ولليوم ما بعرف شو بتشتغلي ! ضحكت بصوت عالي ..: انا بشتغل شغلة بطلع مصاري كثير ، اذا بدك بشغلك معي ،شو رايك !؟ قمر: انا لازمني شغل لانه المصاري الي معي قربو يخلصو ، وانا ما كنت اعرف الاقي شغل ، واغلب الشعل الي بختصاصي قريب كتير على يحيى ومتل ما بتعرفي انا هربانة منو ومن قرفه نانا (بفرح) : خلص جهزي حالك الليلة والبسي شي حلو لحتى اعرفك على مديري بالشغل ، وراح طلعي قد راتب شهر بيوم قمر: لك شوقتيني شو هالشغل هدا غمزتها: بالليل بتعرفي بالليل جهزت حالها ولبست احلى فستان عندها اندق الباب راحت تفتح كانت نانا ...: اووووووه شو ههيدا هيك انت بدك تسرقي مني الاضواء قمر خانوم ، لالالا بدلي تيابك ما في روحة قمر: يلا خلصينا انا جاهزة طلعوا من الفندق ، كانت في سيارة سوادا بتستنى فيهن عالباب ، ركبوا وانطلقوا .. كل الطريق وقمر قلبها بدق بسرعة ومتوترة وصلوا للمكان الي قاصدينه .. كان فندق فخم كثير .. فاتوا لجوا .. ركبوا المصعد ونزلوا للطابق الارضي كانت كل ما تمشي اكثر صوت الموسيقى يعلى اكثر انفتح الباب بس وصلوا ،..... كان ملهى ليلي كيببببر ، كلو بنات بلبس خليع بترقص ، ورجال قاعدة عالطاولات والمشروب قدامها وقفت ومسكت ايدها ...: نانا شو هالمحل هدا ، هون بدك تشغليني نانا : هون محدا راح يعرفك قمر لا يحيى ولا غيره بتشتغلي وبطالعي مصاري كثير ، ولا تخافي انت هون لحتى ينبسط الزبون بس ، محدا راح يقرب عليكي اذا انت مانك موافقة ، شوفيني انا الي سنة هون وبعدني محافطة على شرفي قمر(بخوف):: وانا شو بدي اشتغل هون!؟ نانا: انت هون بترقصي شوي ، بتدلعي شوي ، بتجيبي كاس لواحد ، بتكوني وجه حلو على واحد قمر: كيف يعني اكون وجه حلو عواحد سحبتها من ايدها ودخلتها على غرفة تانية ..: هون صالة البوكر ، كل الي عليكي توقفي فوق راس زبون واذا ربح بتوخدي اجارك ، مصاري بالهبلالعضوة: 825077 , منذ سنتين
ضلت صافنة بحكيها وقالت : واذا حدا شافني نانا بثقة ..: مين راح يعرفك هون او يشوفك هون ما بيجي غير الي معهن مصاري ما توكلها النيران ، واصحابك كلهن صيصان قدام هاي الناس ، وهون اغلبهن من برا البلد محدا بعرف حدا هون قمر: لازم فكر نانا : حبيبتي خدي وقتك بس احسن من هالشغل ما راح يصحلك ، بعدين لا تخافي انا معك كملت السهرة مع نانا لوجه الصبح وهي قاعدة عالطاولة متوترة صحيت تاني يوم العصر .. كانت حاسمة موقفها مسكت تلفونها ودقت لنانا ...: كيفك .. خلص قررت .. يلا صحصحي وتعالي بدي انزل عالسوق اجيب اكم فستان للسهرة.. بستناكي 🥀-----------باك-------------🥀 بمكان تاني .. فات على الفرع وكل العناصر ضربتله تحية ...: مبروك حضرة الرائد ...: تنذكر ما تنعاد حضرة الرائد ...: اللواء بستنى فيك بمكتبه اتوجه لمكتب اللواء طرق الباب ، فات لما سمع الرد قام اللواء من مكانه وفتح ايديه ليستقبله بالاحضان ...: انا فخور فيك يا بني .. دايماً رافع راسنا .. بس انشالله السجن هاي الفترة علمك درس تتحكم بأعصابك وتعرف انه دايماً في قانون لازم يوخد مجراه ....: ولا تعلمت شي حضرة اللواء .. الي بدو يقرب عليي لازم يكون عامل حساب ردي.. وردي دايماً بيوجعالعضوة: 825077 , منذ سنتين
ضحك اللواء..: ما بتتغير يا يحيى .. اللواء عمر الله يرحمه كان في الو نظرة فيك ، كان دايماً يقول اللعب معو صعب يحيى؛ الله يرحمه ، حضرة اللواء انا خلصت المهمة الي مطلوبة مني وصار لازم ارجع لحياتي .. في كثير ناس صار لازم تعرف الحقيقة ، اذا سمحتلي انا بدي اجازة مفتوحة لحتى اعرف الملم الي ضللي ربت اللواء على كتف يحيى : قبل ما تروح لازم تكون معنا بالاجتماع يحيى: تفضل حضرة اللواء ، انا جاهز بقاعة الاجتماعات كانوا الضباط واللواء ومعهن يحيى مجتمعين ..: تم معرفة المكان السري لاكبر ملهى ليلي بالبلد ، في بصير بيع بنات ودعارة وبنفس المكان في صالة قمار كبيرة ، رجالنا قدروا يفوتوا عالملهى الليلي بس ما قدروا يفوتوا على صالة القمار او حتى يوخدوا بنات من هناك لازم يكون بإيدنا دليل لحتى نقدر نقتحم المكان ، اكثر من مرة داهمنا بس كانت تصلهن اخبارية قبل المداهمة وما نلاقي شي اللواء: اقتراحك حضرة الضابط ...: احنا بنقترح انه الرائد يحيى يفوت هناك ، لانه معروف بين تجار المخدرات ولليوم ما نكشفت هويته ، يفوت عالصالة هو ورجاله ويعطونا اشارة للاقتحام يحيى: انا جاهز ايمتى التنفيذ ..: بكرا عساعة عشرة لازم تكون هناك وقف اللواء وحط ايده على كتفه ..: جاهز لترجع القنصل يحيى: انا دايماً جاهز ، بالاذن طلع من الفرع وتوجه لبيت الجبل فتح الباب وفات لجوا .. صار يطلع بكل تفاصيل البيت ، كل تفصيلة بالبيت بتذكره فيها .. مسح على وجهه وقال بقلبه (اشتقتلك قمري )العضوة: 825077 , منذ سنتين
🥀🥀🥀تاني يوم لبس بدلته السودة مع القميص الاسود ، سرح شعره لورا وبخ من العطر ، اخد اخر نظرة على حاله وطلع من البيت مسك الموبايل وطلب رقم..: انا طلعت من البيت ... استنوني قدام الفندق ... سلام وصل للفندق كان كل رجاله بسياراتهن قرب واحد على سيارته وفتحله ...: حمدلله عالسلامة قنصل ، طولت الغيبة يحيى : في شغلات حلوة جوا ...: عحسب طلبك معلم فات عالفندق والكل صار يرحب فيه ... ركب المصعد ونزل للطابق الارضي انفتح الباب من جوا ، فات وصار يحرك حجر عينه عالبنات الموجودات بالملهى .. قعد على وحدة من الطاولات الي بتكشف كل الصالة اجت عينه على وحدة كانت بتتمايل بلبس مغري وحاملة بإيدها كاس ... كانت كلها اغراء وجاذبية ... قلبه دق بسرعة ... ما صدق شو عم بشوف ...: قمر!!!!! كل ملامح وجهه تغيرت .. نادى لواحد من الي بشتغلو بالصالة .. اشر على قمر بإصبعه ..: بدي القمر الي هناك النادل : معلم هاي مانها للبيع صرخ : انا ما بنقلي لا ولااااااا ، ناديلي معلمك فوراً اجى المدير الصالة ، وبس شاف يحيى تغيرت معالم وجهه ...: القنصل عنا بالصالة ... يا ولد نزل احسن مشروب للقنصل ، واي بنت بدو ياها بتكون عند اجريه النادل: معلم بدو القمر المدير : بتحضرله النادل : بس قمر ما .. المدير: انا بحكي معها قبل ما يروح المدير .. رمى يحيى عند اجريه ميت الف مسكهن المدير ..: ثواني وبتكون عندك يحيى: ما بدي تعرف لمين طالعة ، خليها تستناني بالغرفة المدير: حاضر حاضر حمل المصاري وراح لعند قمر ، مسكها من ايدها وشدها ...: تعالي في الك شغل قمر : انا قلتلك ما بطلع مع زباين المدير: لك افهمي يا قمر ، هدا مو حيلا زبون .. !!! قمر: يكون مين ما يكون المدير : اسمعيني منيح ، اذا ما بتروحي مع الزبون راح اسلمك للشرطة بإيدي خافت قمر من حكي المدير ..: راح اروح بس هاي اول واخر طلعة المدير : اكيد اكيد ، روحي جهزي حالك واستني بغرفة ٧٠٧ نزلت راسها لتحت ودمعة عالقة عطرف عينها .. كانت عارفة هاي الطريق صعبة بس مو هيكالعضوة: 825077 , منذ سنتين
طلعت عالغرفة بعد ما جهزت حالها ، كانت قاعدة عالتخت لابسه فستان كاشف اكتر ما ساتر ... وقلبها بدق بسرعة وفي احساس اجتاح قلبها ما عرفت شو سببه غير متأخر فجأة شمت ريحة عطر بتعرفه منيح وزادت دقات قلبها للمليون فات عالغرفة وعيونه بتقدح شرار ، اطلع عليها شد على قبضة ايده وقرب عليها مسكها من شعرها ولفها عليه التقت العيون ببعض ... عيون كلها دموع قمر: يحيى ما حست غير كف نزل على وجهها يحيى: دعارة يا قمر .. المهندسة قمر بنت ليل .. وين العم عمر يشوفك .. بنت حضرة اللواء عمر بنت ليل .. مرة الرائد يحيى بتشتغل بالدعارة دموعها على خدها ..: انت شو بتحكي !!!! ضربها كف تاني وصرخ ...: دعارررررة يا قمر هزت راسها بقوة ..: لالالاااا .. انا ولا مرة طلعت مع حدا يحيى: ولا مرة .. والرقص الي كنتي ترقصي ...شدها من فستانها.. وهدا اللبس لبس مهندسة محترمة .. لك ردي .. وين القمر الطاهر .. وينو قمري ، انا شايف فيكي بنت وسخة قمر........ يحيى: سكتي !! سكتي لانه كلامي صح رماها عالارض ، رفعت راسها واستجمعت قوتها وصرخت ..: انت شو بدك مني ، جاي تنظر عليي ، انت كلك على بعضك غلط ، تاجر مخدرات جاي تعلمني الصح والغلط ، انت ما الك شي عندي ، اصلاً انت الي فوتني بوساختك ، انا كل عمري نظيفة واجيت انت وسختني ، انت ما الك علاقة فيي ... اطلع من حياتي قرب عليها ونزل لعندها ، مسكها من شعرها وشدها ..: انا الي علاقة غصب عنك .. انت الي وبس .. قمر : الك !؟ شريكك اعتدى عليي قدامك وانت شو عملت .. ما عملت شي ، اختفيت يحيى: اختفيت ! انا كنت بالسجن ، بتعرفي ليه .. لاني قتلت الصقر واخدتلك حقك صفنت بعيونه الحُمر وما عرفت ترد كمل : انا عارف انه الي صارلك بسببي وانا الي ايد فيه ، بس انا المهم عندي تعرفي اني انا ماني تاجر مخدرات ، انا كنت بمهمة للمخابرات قمر....العضوة: 825077 , منذ سنتين
يحيى: انا ما راح اطلب منك تنسي وترجعي تحبيني وتكوني معي ، بس بدي تكوني متأكدة اني الي بغلط بحدا بخصني مصيره الموت ، وانت عم تغلطي بحقك وحق العم عمر وانتو التنتين بتخصوني ، ديري بالك مني يا قمر بعد عنها وهو بحاول يكبت غيظه ، ما كان حاب يأذيها وقفت على اجريها وراحت لعندو مسرعه دفشته وصرخت ..: اطلع من حياتي ، انت الي بديت والبادي اظلم يحيى مسكها من ايديها التنتين ..: انا بعدني ماسك اعصابي .. طلع المسدس من جيبته .. ما تخليني اتهور قمر ، البسي عحالك شي يسترك وراح تمشي معي ما راح ضلي هون ولا دقيقة قمر : قلتلك ما رح روح معك عمحل يحيى: يا مجنونة انا جاي لحتى اقتحم الصالة .. لك هون عم يصير بلاوي .. بيع بنات ، مخدرات، تجارة سلاح وقمار ، ولو ما لحقتك كان راح تكوني واقفة قدام اللواء ، عم تفهمي بنت اللواء عمر ممسوكة بمكان دعارة ... ترك ايديها ولف وجهه ... كيف بدك تواجهي الناس الي كانت بتحلف بحياة ابوكي قمر : ... يحيى: يلا البسي شي خليني اوصلك وارجع اكمل الي اجيت مشانوالعضوة: 825077 , منذ سنتين
اطلعت عليه بعيون كلها دموع ..: راح اروح معك بس لا تحلم تقرب مني ، واعمل حسابك انا بدي تفسير لكل التخابيص الي خبصتها يحيى : امشي خلصيني عمل اتصالاته لحتى يقدر يحميها بمكان محدا يصله يحيى: يلا امشي معي ... ورجع مسكها من ايدها .. حسابنا ما خلص يحلوة طلع يحيى بالسيارة وهي قاعدة جنبه وبس صوت شهقاتها الي طالع ركن السيارة جنب بناية ..: يلا انزلي ، امسحي وجهك ليفكر حدا اني خاطفك مسحت دموعها بكم الجاكيت..: وين جايبني يحيى: هون راح تكوني بآمان ، انا راح ارجع خلص اهدي ،... ومسح على شعرها بحب فاتت عالبيت مع يحيى وصارت تطلع عالاثاث كان كله ديكور كلاسيك بكلاسيك التفت عليها ..: شو حنيتي للديكورات قمري رجف قلبها بس ناداها بقمري .. راحت لعنده وقفت قدامه ..: انا محدا لمسني ولا ومرة طلعت مع زبون .. وهالمرة طلعت لانه المدير هددني يسلمني للشرطة قرب عليها وحضنها ، هو كان بحاجة هدا الحضن اكثر منها ..: لا تخافي ، راح اخودلك حقك منه اطلعت عليه بخوف..: راح تقتله 😳 ضحك بصوت عالي ..: بدك انسجن كمان مرة ، لا تخافي راح امسك اعصابي هالمرة لحتى ارجعلك ونتحاسب ، خودي راحتك البيت بيتك مسكت بإيده وشدت عليهاا...: بدي افهم يحيى : بس ارجع بنتفاهم (غمزها) طلع من البناية ركب السيارة وحكى بجهاز اللا سلكي ..: القوات تجهز راح نقتحم المكانتوجه للقندق وفات عالصالة وطلب من المدير يفوت على صالة القمار فات وصار يحرك حجر عينه على الي قاعدين ...: اهلا بالقنصل ، واخيرا طلعت من وكرك ، كانت ضربة قاضية للصقر التفت على الصوت ..: هيك الي بدو يلعب مع القنصل يا قيصر القيصر : الكل بعملك حساب ، ما بعرف الصقر شو طلع براسه وعمل عملتهالعضوة: 825077 , منذ سنتين
يحيى: اخد جزاته القيصر: تلعب قرب عوحدة من الطاولات ورمى خمسين الف كان متل النسر عين عالطاولة وعين عباقي الصالة .. لمح حركة غلط قرب من القيصر وهمسله ..: شو عم يصير ، كأنه في لعب من تحت الطاولة القيصر : اغلب التجار صارت تيجي تسلم بضاعتها هون ، من بعد الي صار مع رجال الصقر والكل فكر انه الشرطة الي عملت هيك صاروا يخلصوا عملياتهن هون ، هدا المكان محدا بعرفه فيك تقول آمان يحيى: ممتاز كمل لعب لحد ما شاف واحد من رجال العصابة طلع من غرفة ، اعطى إشارة لرجاله الي معو انهن يتحركوا خلال دقيقة المكان كان مليان برجال الشرطة ...: الكل يرفع ايده المكان كله محاصر ما حدا ياتي باي حركة غلط ، لانه راح تكلفه حياته رفع سلاحه وحطو براس القيصر ..: والله والقيصر صار بين ايدي القيصر مصدوم وبطل يطلع معه الحكي سلم القيصر لرجال الشرطة .... وقرب على مدير الصالة وحط ايديه على راسه ..: انت كنت بدك تحبس القمر وقبل ما يجاوب كان يحيى ناطحه راس القت الشرطة القبض على كل الرجال والبنات الموجودين بالمكان قرب من الواء القى التحية ..: انا هيك بتكون خلصت مهمتي لازم اروح قرب منه اللواء وحضنه ..: لا تطول الغيبة ابني ضرب التحية وركب سيارته وتوجه للبيت الي فيه قمر وصل البيت بس ضل قاعد بالسيارة يفكر ويحكي مع حاله..: (انسى يا يحيى ، كان غلطك من الاول انك دخلتها لحياتك ، والي صار معها كلو بسببك ، ما لازم تلومها او تعاتبها ، خلص انسى كل شي مضى وابدا حياه جديدة معها ، بس لا يمنع انه اعلمها درس ) ضحك وحسم امره ونزل من السيارة فتح باب الشقة شافها نايمة عالكنبة قرب عليها ومسح عشعراتها وهمس ..: يا ربي شو اشتقتلك قمري .... بعد عنها وعقد حواجبه ..: قومي ست قمر انا جايبك لهون لحتو تنامي .. هزها .. قمر قمر بلشت تفتح عيونها شافته قاعد عالكنبة قبالها ..: يحيى اجيت .. قامت بدها تحضنه بعدها عنه ..: جهزي حالك بدنا نروح عبيت الجبلالعضوة: 825077 , منذ سنتين
قمر: لي بيت الجبل يحيى: ما تسألي ، نفذي وبس كتفت ايديها ...: انا ماني خدامة عندك لحتى تتأمر علي عصب وقام من محله وصار فوقها وحط ايديه عالكنبة ..: ما تختبري صبري قمر هربت من بين ايديه بسرعة وصارت عند الباب ...: انا جاهزة يحيى : شاطرة،، يلا تفضلي 🥀🥀🥀 ببيت الجبل فاتوا سوا عالبيت ، شلح جاكيته ورماها عالكنبة .. كانت بدها تقعد بس صراخه منعها ..: وين مفكرة حالك جاية !! قومي اعمليلي اكل صفنت فيه وما اعطت ردة فعل صرخ ..: بسرعة !!! خافت من عصبيته وركضت عالمطبخ بسرعة وقفت قدام الثلاجة محتارة ورجعت للصالة يحيى : خير شايف رجعتك قريبة قمر ؛ ما في شي بالثلاجة ، فاضية ! يحيى: بعرف قمر: بتعرف!؟ لي قلتلي اعمل اكل !! يحيى: عشر دقايق والاغراض بكونو عندك قمر بمسخرة ..: والاغراض جاية مع ابوها ولا لحالها اطلع عليها بطرف عينه ..: والك عين تنكتي ، روحي شوفي التياب ، في كتير تياب بدها غسل عصبت قمر..: والله اذا بدك حدا يخدمك قوم روح جيب خدامة ...وراحت عند الباب وكانت بدها تفتحه بس صرخته منعتها...: وين مفكرة حالك رايحة !؟ قام لعندها بسرعة ولزقها بالباب وحكى بهمس ..: انت هون بس بتنفذي وممنوع تعترضي و.. اندق الباب .. اخدت نفس كأنه اجاها الفرج هربت منه وراحت تشوف التياب الي قال عنها وقفت متل الصنم بس شافت التياب ، ضربت اجرها بالارض وكانت راح تبلش بس سمعته بينادي عليها قمر: خير شو بدك! يحيى : احكي بأدب قمر بغيظ..: نادتني يحيى : فوتي اعملي اكل ، الاغراض جوا ولا تنسي ترتبي كل غرض محله انا ما بحب العجقة قمر شبه مجلوطة ..: حاضر قرصها من خدها ..: هيك بدي ياكي شطورة ومطيعةالعضوة: 825077 , منذ سنتين
حطت الاكل عالطاولة وقعدت لحتى تتعشا يحيى: الاكل مالح كثير قمر: كل عمرك توكل من اكلي ، شو الي صار لحتى بطل يعجبك يحيى : انت كلك بطلتي تعجبيني رمت المعلقة من ايدها ودمعو عيونها ..: دايمة فاتت عغرفة النوم ورجعت طلعت ..: انا وين بدي انام ما في غير تخت واحد اطلع عليها بطرف عينه ..: نامي جوا ، انا بنام عالكنبة قمر : ما تيجي بالليل وتنام جنبي يحيى: ماني مستقتل عليكي ست قمر ، وفيكي تقفلي الباب رجعت عالغرفة ، رمت حالها عالتخت ومن تعبها صارت بسابع نومة تاني نهار.. كانت نايمة واشعة الشمس ضاربه بعينها ، قامت من التخت وراحت للصالة ، كان نايم عالكنبة راحت لعنده وقعدت على ركبها لمست وجهه وهمست ..: اشتقتلك كثير .. قربت وطبعت بوسة على شفافه فتح عيونه فجأة .. ارتعبت .. مسكها من ايدها ورفعها لعنده .. صارت فوقه قمر: شو بتعمل يحيى: حلمت انو في قمر باسني وقلي اشتقتلك !! توترت قمر وبطل يطلع معها الحكي ..: ابعد عنيالعضوة: 825077 , منذ سنتين
يحيى: انت الي فوقي زاد توتر قمر مع دقات قلبها ..: اتركتي لحتى انزل يحيى: وين الفطور انغاظت منه ..: لحظة وبكون جاهز هربت عالمطبخ وايدها عقلبها وقالت ..: يا ربي قلبي راح يوقف جهزت الفطور وافطروا سوا يحيى: تعالي بدي احكي معك قمر: خير يحيى: بدي تسامحيني قمري صفنت بعيونه واتذكرت كل الي صار معها ونزلت دمعة من عينها قرب لعندها ومسح دمعتها ..: انا غلطي من الاول اني حبيتك ودخلتك على حياتي ، كنتي نقطة ضعفي واعدائي استغلوها ، كنت دايماً احاول ابعد عنك وما اخليكي معي قدام عيون العالم ، كنت بدي احافظ عليكي على حساب مشاعري وقلبي ، كل الغلط مني من الأول 🥀---------------- فلاش باك--------------🥀 ..: انا راح أقوم بهاي المهمة ..: هاي المهمة خطيرة يحيى يحيى: لا تخاف عليي ، انا قدها عم عمر ، انا ما الي حدا بهالدنيا غيركوا ، صرت ثلاثين سنة وولا وحدة قدرت تدخل عحياتي ، لا تخاف عليي انا الوحيد المناسب لهاي المهمة عمر: راح نجتمع مع اللواء جمال والضباط لحتى تعرف الخطة يحيى : انا دايماً جاهز عمي بمستودع قديم اجتمعوا اللواء عمر واللواء جمال ومجموعة من الضباطالعضوة: 825077 , منذ سنتين
احد الضباط : يحيى راح يكون اسمك القنصل ، رجعت من السفر من شهرين ، رجالك راح يرتبوا صفقة مع القيصر ، وانت عم طريق القيصر راح تفوت وبقوة بين تجار المخدرات ، راح توقعهن واحد واحد واهم واحد من التجار هو الصقر ... الصقر اكبر تاجر بينهن وتقريبا هو الي بورد بضاعة للتجار بلبلاد .. بقوم بشغله من برا البلاد ، بدك تفوت بينهن وبقوة وانت تصير تورد للتجار .. هيك بنضمن انه يرجع علبلاد ونلقي القبض عليه يحيى: والصقر اهبل لحتى بفوت قانوني علبلاد ، اكيد راح يفوت بطرق ملتوية الضابط : احنا بنعرف هدا الشي ، بس انت وجودك راح يدفعه انو يرجع لهون ، واكيد راح يحاول يعرف مين الي عم يلعب من وراه ويوخد التجار منه ، اذا فات علبلاد بصير القبض عليه اسهل يحيى: انا جاهز عمر: ابني بدك تكون عارف شغلة ، هاي الفوتة صعبة وبعالم المخدرات البقاء للاقوى وبس يحيى بثقة : وانا الأقوى اللواء جمال: بدك تعمل حسابك بعالم المخدرات ممنوع يكون في عندك نقطة ضعف عمر: راح يستغلوها ضدك ويحاولوا يمسكوك من ايدك الي بتوجعك ، ما لازم يكون حدا بحياتك يحيى: وانا جاهز لكل شي ضرب التحية وطلع 🥀-------------باك------------🥀 قمر : شو راح يفيد هدا الحكي بعد الي صار يحيى: بدي تسامحيني ، بدي اسمعها منك قمر: شو راح يفيد اذا سامحتك او لا يحيى: قمر انا بدي ابلش حياة جديدة وبدي اسكر عالماضي كلهالعضوة: 825077 , منذ سنتين
قمر : شو بدك تعمل !؟ يحيى: بدي اتزوج ، وصفحة الماضي بدي انهيها ، ما بدي تكوني حاملة عليي بقلبك ، برجع بقلك انا لو طلع بإيدي اعمل شي كان عملت ، بس انت الي بتعرفي شو كان مالي وقتها ، سامحيني وقيمي الحمل عني ، خلي العم عمر يرتاح بقبره قمر: بدك تتزوج !؟ يحيى: من كل حكيي ما سمعتي غير هاي الكلمة !؟ قمر: جاوبني يحيى: اه راح اتزوج شو المانع !؟ قمر : وبدك اسامحك ، انت تعيش حياتك وتتزوج وانا كل حياتي ادمرت بسببك، (صرخت)لك انت شو !؟؟ يحيى ببرود : مالك عصبتي ، اهدي وتعالي نتفاهم عصبت من بروده ..: نتفاهم !! على شو !؟ بدك اقلك مبروك ! لا ، لا تحلم ما في مبروك يحيى: بدي كمان تنزلي معي عالسوق لحتى نختار فستان للعروس ، اه بالمناسبة العروس ما بدها عرس كبير ، يعني من بعد اذنك راح نعمل السهرة عندك بالبيت القديم ، وبدي منك تنظفي البيت هون وتجهزيلي غرفة النوم ما بدي العروس تيجي تلاقي اي اثر منك انهارت من حكييه وقعدت عالكرسي ..:بدك تعمل عرسك ببيتي !! لي!؟ يحيى: احنا صحاب واخوة صح قمر بعصبية ..: لا احنا مو اخوة !!!!!!! مسكها من ايدها ..: اهدي قمري .. قاطعته..: انا ماني قمرك ، لا تقلي قمري يحيى: حاضر ، بس بدي تعرفي انا ما عم بوخد برأيك انا مقرر ، وحكيت مع الشلة يوم الخميس السهرة ، يلا تعالي ننزل لحتى تساعديني اختار بدلتي بطل عندها شو تقول ..: ما بدي اروح مسكها من ايدها ..: يلا امشي ما بدي عناد 🖤🖤🖤 نزلوا عالسوق وهي بقلبها غصة من الي عم يعمله يحيى كانت سرحانة لما شافت يحيى بأشرلها بإيده ..: وين سارح القمر !؟ شو رأيك بالفستان !؟ قمر : حلو