#خسوف _ القمر 💔💔
#الجزء_الاول
#بقلمي _ Bayan _Sh
تحركت من تختها ومطت حالها
كان النعس مسيطر عليها
--- يا ربي دخيلك شو هالنعس هدا .. أصلا انا الحق عليي شو كان بدي بهالسهرة وانا عارفة انو عندي شغل بكير ... افف يا اففف
فاتت عالحمام غسلت وجهها ...اطلعت عالساعة كانت ٦:٣٠
نزلت عالدرج مثل الحرامية على روس اصابعها وفاتت عالمطبخ .. فتحت خزانة طلعت منها طنجرة ومعلقة حديد
طلعت على الطابق الي فيو الغرف
--- يلاااااااااا قوموا (وخبطت على الطنجرة بالمعلقة)
قومواااااااا(خبطت كمان مرة)
قربت على غرفة من الغرف وضربت بالمعلقة عالباب ضرب متواصل
(صوت صرخة من جوا الغرفة)...: قممممممممممر
قمر : يلا قومو بكفي نوم
لفت وكملت عالغرفة التانية .. فاتت متل القضى المستعجل
خبطت المعلقة بالطنجرة
قمر: قومن بسرعة
فزن على اربعتهن ووقعن عن التخت مع الحرام
زحفت على ايديها واجريها .. وتخبت تحت المكتبة ...: وين الانفجار... وين .. وين !!!!
قمر: هههههههه ... يما بطني .. امل منظرك بضحك .. اخ لو معي التلفون كان صورتك فيديو .. يلا قومن رايحة اصحي الباقي..
امل : الله لا يحرمك من قتلة يا قمر .. زحفت لعند التخت التاني ... قومي بلا ما تجيب تلفونها هاي المجنونة وتصورك وتنفضحي .. هزتها لقتها رجعت نامت عالارض ... ست راما نومة اهل الكهف يا رب .. معقول مو حاسة بشي (مسكت كاسة المي الي جنب التخت وكبتها عليها )
راما ؛ اح .. شو صار !!!!
امل ؛ اح... لك قومي خلصيني
راما : لي قدي الساعة
امل ؛ ستة ونص يمكن ،قومي بدك قرن لحتى تخلصي حالك
بتتمطمت ...: قمت
وقفت قدام غرفة تانية
وضربت بالمعلقة عالباب عدة ضربات
قمر ؛ انا كل يوم بدي ساعة لحتى اصحيكوا وبعدين مع هالعيشة عاملين حالكو تعون سهر قال !!!!
لفت ظهرها وكملت حكي مع حالها ...: وبعدين يا ربي .. انا شكلي بدي اقلعهن كلهن من البيت واجيب شلة جديدة .. شو انا امهن .. خلفتهن ونسيتهن !!!!!!😡
ما حست غير ايد سحبتها لجوا الغرفة
ظهرها عالحيط وصدرها بطلع وبنزل من التوتر
قمر؛ ابعد احسنلك
...:واذا ما بعدت !؟
قمر : بتعرف شو بعمل !
...: لا والله ما بعرف ... مفكرة كل يوم تعمليلنا هاي الحفلة وتمرق على خير .. لا وبدك تقلعينا من البيت !! لا شاطرة .. يلا فرجيني شطارتك وفلتي حالك مني اشوف (مد ايدو عالباب وسكر بالمفتاح .)
قمر ؛ يحيى !
يحيى ؛ يا عيون يحيى .. والله انا ما بدي اعمل شي بس الشباب والصبايا اترجوني اربيكي 😉
(قرب منها عالاخير ) شايفك خفتي !!
صارت تسعل ووجها صار احمر
يحيى ؛ قمر مالك .. شو صابك بمزح معك (مسكها من ايدها وقعدها عالتخت ) ما تتحركي رايح اجيب كاسة مي
فتح الباب ونزل عالمطبخ بسرعة
سكتت شوي واطلعت عالباب وبسرعة طلعت من الغرفة وراحت على غرفتها .. فاتت وسكرت الباب وراها
....:اووف نفدنا
طلع عالغرفة مستعجل وبايدو كاسة المي
حرك حجر عينه بكل الغرفة ما لقاها ... مسك كاسة المي وكبها على راسو وقال بقلبو ( انا بستاهل )
🖤🖤
كل واحد اتجهز وحضر حالو لحتى يروح عشغلو
اجتمعوا على طاولة السفرة
امل: قمر وين يحيى !؟
زورتها ... : ما بعرف .. شو شايفتيني امه
...: مين بجيب سيرة امي !؟؟؟؟!!
قمر ارتعبت ؛ هاي امل بتسال عنك
يحيى: اجيت
نشأت(قرب على امجد ) : اجى الي يرعب قمر ... شوف كيف اختفى صوتها ههههه
امجد : قمر مالك سكتي الك ساعة صارعة راسنا بصوتك
قمر: احم احم انا شبعت حمدلله .. يلا بستناكو عند الباب (راحت)
امل (رمت زتونة على امجد) : يعني ما بتعرفو غير تزعلوها ..
راما : خلص جد حلّوا عنها شوي
نشأت : نحل عنها .. لي انا الي كل يوم بمسك طنجرة ومعلقة وببلش اخبط من الصبح
امل: والله معها حق .. احنا بدنا مدافع تصحينا ، فوق ما بتعمل معنا خير .. بدنا نزعلها
امجد : اه والله انا لولا الخبط الي بصير الصبح ما بصحى
نشأت : يلا يلا قومو البنت خللت برا لحالها
🥀🥀
طلعت من البيت وقفت قدام الباب وصارت تخبط اجرها بالأرض
قمر ؛ اغبيا
...: مين اغبيا ولي !؟
قمر(توترت ) :اه.. وين الشباب اتأخرنا !!
حط ايدو على كتفها ومشاها جنبه ...: يلا يا حلوة نروح ....
وقفت..: وين نروح !! والشباب !؟
يحيى : ورانا
وصلو للسيارة ركبو فيها وطلعو
نشأت : شوفو الاندال راحو لحالهن
راما (بدلع) نشأت حياتي امانة وصلني معك
نشأت: ينعن عمري انا احلى تاكسي لعيونك
امجد: يلا واحنا جايين معكوا ، يلا امل ..
🥀🥀
بالسيارة
يحيى : مالك ساكتة !؟
قمر: والله نعسانة .. اخر مرة بسهر
يحيى: هههه خلص ماشي (وقف السيارة عجنب الشارع.. حمل تلفونو واتصل ) .. الو كيفك حبيب .. اسمع انا ماني جاي اليوم .. انا وقمر .. تسلم حبيب سلام
العضوة: 825077 , منذ سنتين
يحيى : فوتي جربي اشوفه عليكي قمر: وانا شو الي علاقة ! جيب حبيبتك تجربه يحيى: خلص كيف بدك ، شو خترتي فستان لعرس اخوكي قمر : ما بدي احضر قرب عليها ولزقها بالحيط ..: ما بدي عناد ، انا قلت راح تكوني متواجدة يعني راح تكوني متواجدة ، سمعيني كلمة حاضر اشوف قمر : حاضر حاضر بعد عنها واعطاها فستان ، يلا نحاسب عندك شغل ببيت الجبلالعضوة: 825077 , منذ سنتين
قبل ما يطلعوا من اامول ، وقف فجأة وضرب على جبينه ..: يا ربي نسيت قمر: خير شو بعد بدك اروح انا اختارلها ملابسها الداخلية اطلع عليها بطرف عينه ..: لا هدول انا جبتهن انا الي بس راح يشوفهن ، ما في داعي لالك تمتمت ..: غليظ ، شو نسيت! يحيى : الخاتم قمر بغيظ وانا شو مطلوب مني مسك ايدها وقال ..: ايديها لعمري منل ايديكي .. يلا فاتو على محل الألماس وبلش يختار وكل ما مسك خاتم يلبسو لقمر ويصير يتأمل فيها خلتو بحكي مع صاحب المحل .. تركت الاكياس الي بإيدها وهربت من المحل .. ضلت تركض بالمول لحتى ضربت بحدا ..: وين هربانة رفعت راها لفوق وضرب اجرها بالأرض ..: يا ربيييييي، لك حل عني ، اتركني بحالي وبهمي يحيى يحيى : مفكرة ترجعي تهربي مني !؟ مسكها من ايدها ورجعوا عالمل اختار الخاتم الي بدو ياه وطلعوا خلصوا مشتريات ، روحوا عالبيت وبلشت تنظيف ودمعتها ما نشفت ، كانت تتذكر كل لحظاتها مع يحيى وكل الي مرقوا فيه ويحيى قاعد بالصالة بس ساعم شهقاتها . 🖤🖤🖤 يوم العرس ..: يلا قمر خليني اعملك مكياج قمر : قلتلك ما بدي راما ، ابعدي عني ، ما راح انزل ، بدك مني احضر عرسه على وحدة تانية راما : حبيبتي انسي ،ما الكو نصيب ببعض نزلوا دموعها ..: انا بحبه ، وسامحته على كل شي عملو امل : طب يلا البسي قبل ما يجي ، لازم تبينيلو انه مو فارقة معك راما : صح يلا قومي اطلعت عليهن ..: الي بتحكوا صح انا لي مهتمه فيه يعمل الي بدو ياه وانا راح اشوف حياتي كمان كملت لبس ومكياج ، كانت قمر ، اسم على مُسمى نزلت عالدرج كانت الاضوية كلها مطفية اطلعت على صاحباتها ..: شو لي الكهربا قاطعة راما: تعالي ننزل ونشوفالعضوة: 825077 , منذ سنتين
نزلت لاخر الدرج .. فجأة ضوت الصالة ، كان يحيى واقف اخر الدرج بإيده خاتم ، مسك ايدها ولبسها ياه وباسها ...: تتزوجيني قمري !؟ اطلعت عليه وعلى اصحابها ..: شو مع يصير هون!؟ ضحكوا كلهن نشأت: انت يا بنت مجنونة يحيى: سألتك تتزوجيني !؟ نزلوا دموعها على خدودها ..: انا العروس يحيى مسح على وجهه ..: يا ربي مخها ما راح يكبر ... قرب عليها .. مستحيل يفوت عقلبي غير القمر .. يلا قمر راح اغيير رايي نطت عليه ..: موافقة موافقة حملها وراح عند الباب نشأت: عمي وين رايح ، تعالوا الشيخ خلل وهوي قاعد ، اكتب الكتاب وروح ضرب على جبينه ..: نسيت الكل : طيرت عقله للزلمة كتبوا الكتاب شغل نشأت أغاني وجاب المشروب ..: يلا قوموا خلصت السهرة كان يوم مميز .. راحوا على بيت الجبل يحيى: لحظة قمر شو في!؟ حملها بين ايديه ..: انت قمر السهرة فوتها لجوا عغرفة النوم نيمها عالتخت قمر : لي عملت هيك !؟ يحيى : انت لالي وبس .. قرب عليها .. بدي تنسي كل شي مرق ، بدي ابدا حياة جديدة ونظيفة معك ، راح ارجع المهندس يحيى وبس ، انا قدمت استقالي من الداخلية ، واخدت حقك وحق العم عمر وما بدي من الحياة غير اني اكملها معك انت وبس .. سامحيني قمري! قمر؛ لي عمك عمر ما وصلك !؟ يحيى: بدي اسمعها منك قمر : انا نسيت كل الي صار ، وسامحتك من زمان ، وبدي ابدا معك من جديد يحيى؛ بحبك قمري قرب عليها اكثر وعاشوا الحب الي بدوروا عليه من زمان... 🖤🖤🖤 بعد اسبوعين قمر: يلا بكيفي عسل لازم نرجع لشغلنا يحيى: خلينا كمان اسبوعين قمر: يلا بستنوا فينا بالشركة ، حكى معي نشأت وقال لازم نروح قبل ما يخلص عالمدير الجديد قام وغير تيابه كانوا راح يطلعوا بالسيارة بس قمر لفت لعند يحيى وقربت عليه وحضنته بقوة ...: انا بحبك كتير يحيى وطبعت بوسة عشفايفه يحيى ببلاهة: نرجع!؟ ركبت قمر بالسيارة ..: اطلع اطلع وصلوا للشركة ، نزلوا من السيارة بس سمعوا صوت فرامل قوية وسيارة وقفت جنبهن نزل منها شب وصرخ ..: يحيييييى صوب المسدس وضرب نار وقعت على الارض ، ركض لعندها ، مسكت بقبة القميص وقالت بصعوبة ..: بحبك صرخ بصوت رج الشارع كله ...: قمممممممممممر ! 💔💔💔💔 النهاية💔💔العضوة: 825077 , منذ سنتين
في كمان اجزاء لسه هي كتيرر طويله بس افضى بكملهاالعضوة: 825077 , منذ سنتين
الله يعافيكي حبيبتيالعضوة: 825077 , منذ سنتين
من فلسطينالعضوة: 1079126 , منذ سنتين
خير ان شاء الله مال بنتك من شو بتشكيالعضوة: 825077 , منذ سنتين
ان شاءلله خير حبيبتي، عندها التهابات كتيره، الله يشفيها ويشفي كل مريض يارب، منعها من كتيرر اشيا💔العضوة: 1079126 , منذ سنتين
الف سلامه عليها واجر وعافيه وربي يشافيلك ياها ويعافيها ويحميها ان شاء اللهالعضوة: 1079126 , منذ سنتين
اكم عمرها وشو هوا سبب التهابالعضوة: 825077 , منذ سنتين
ان شاءلله يارب 🤲🏻💖 الله يسعدك عالدعوه ولكي بالمثل ياربالعضوة: 825077 , منذ سنتين
حكالي من الموالح، والحمضيات والكولا والشيبسات، كلشي بعمل التهابات، الله يفرجها علينا وعليكم يارب عمرها 5 سنين، هي بضل يصير معها وجع ع جنبها اليمين بتبطل قادره تتنفس منو كرمال هيك عملتلها فحوصات 🥺💔العضوة: 825077 , منذ سنتين
اي والله حبيبتي يسعدك يارب، اي تشرفت روحي 😻🌺، انا من الخليل وانتي؟العضوة: 1079126 , منذ سنتين
العمر كله يارب وربي يحميها الك ويشافيها واستمري ع الدوا الها وبتتحسن ان شاء الله عن قريب اجر وعافيه عليهاالعضوة: 825077 , منذ سنتين
حبيبتي الله يسعدك يارب، ان شاءلله الله يشفيها ويشفي كل مريض، اي ان شاءلله وحكالي ضلي شربيها مي وبس كل شوي، الله يعافيكي حبيبتي