بيوم الجمعه ١٥/٤ وانا بالاسبوع الاول من الشهر التاسع صحيت اصلي الظهر لقيت نازل مني دم خفت مره ورحت المستشفى قعدت بالطوارى والرحم فاتح ٢سم وبدت الدكتوره تقيس كل شوي وانا اموت كل مره تقيس فيها بعدها قالو لي ماتطلعين لازم ولاده وعلى الساعه ٣ العصر طلعوني فوق غرفه الولاده وجات دكتوره هنديه حسبي الله عليها وفكت المويه وبدت تحرض الرحم يالله يابنات احس روحي بتطلع وهي تدخل يدها صراخي يسمعه اللي باخر الشارع تخيلو صرت كني طفله كل ماتدخل الغرفه بتقيس ابدا اصارخ وابكي واتمسك بزوجي مابغاها تلمسني بعدها حطو لي طلق صناعي وبدا الصراخ صدق والله ابي صوتي يطلع مو قادره وصرت ارجع وابغى انحاش ابكي واقول لزوجي طلعني خلاص مابغى اولد وبنتي مابيها مين قال ابي عيال ياعمري صرت اهلوس من الطلق وصرت اشوف بدال ماهو قدامي اشوفه بالسقف 😭 والله العظيم يغمى علي وارجع اصحى زوجي انهبل يركض بالسيب يقول زوجتي ماتت وبعد معاناه وشفت الموت بعيوني طلبت ابره ظهر وابكي اترجاهم ورافضين يقولون تبرد الطلق والله اني ابوس يد الدكتوره وابكي وهي رافضه اخر شي لما صار يغمى علي جابو الابره ياربي نعمممه من رب العالمين حطو لي اياها على الساعه ١٢ الفجر ونمت ساعه تقريبا بعدها جاو وصحوني واقولهم اذا ولدت علموني والدكتوره تضحك تقولي واضح انك بكر مو داريه وش السالفه المهم جات وتقيس قالت فتح ٧ سم ووزن البيبي ٢ كيلو نبغاه يفتح ١٠ سم ووضعها كويس وراحت بعدها بشوي جات وتقيس قالت فتح ٧ سم ونص بس نبض الجنين منخفض مره وهالشي ممكن يسبب اعاقه فالخيار لكم تبون قيصري ولاتبي تنتظر وعلى مسؤوليتكم لو صار شي ووقعو انكم مسؤولين لو صار للبنت شي بعدين قلت لها ترا جاهز التخطيط مايل اخاف انك غلطانه قالت لا مو مايل وبعدين طلعت زوجي برا الغرفه وقالت ترا العمليه افضل لك عشان ماتخربين وزوجك ينبسط وتراه جرح بسيط وخلاص كلها يومين تقومين مافيك شي والحين العمليات تطورت صارت ليزر مايبين شي قمت صرخت عليها قلت انا اهم شي بنتي اذا تخطيطها فعلا ضعيف ابغى عمليه اذا اقدر انتظر خلوني انتظر انا ابي طبيعي قالت شوفي التخطيط واشوف الا هو خط واقعد ابكي قلت الله يخليك اعتبريني بنتك انا مو فاهمه شي لاتخطيط ولاغيره بس تكفين لاتلعبين فيني قامت نادت الممرضات وقالت جهزو غرفه العمليه وتنادي زوجي قالت هي منهاره والعمليه ضروري والوقت يمر بسرعه والجنين يقل نبضه والعمليه الحين مو خيار الحين ضروره قالها زوجي مو مشكله عمليه عمليه بس لاتعطونها بنج اضافي ابره الظهر تكفي وجات عندي وقلت لها تكفين مابغى اشوفكم وانتو تشقون بطني ولا ابغى بنج كامل قالت ابشري ودخلت العمليه وربطو يدي بحديده وعطوني ابره ونمت وجابو بنتي وصحوني اشوفها مو قادره اشوف زين اشوف ضباب بس كنت اسمعها تبكي قلت ودوها لابوي مدري ليش جاء ببالي ابوي بعدها نمت مره ثانيه وماصحيت من البنج الا بعد ساعتين ونص وقمت تعبانه مره وبردانه ارتجف اقولهم ابغى بطانيات واجد تكفون واهلوس واهاوش وابغى بنتي ودوني للبيت ابي زوجي ورجعت ونمت وودوني لغرفه التنويم وصحيت اليوم الثاني لقيت زوجي عندي واقعد ابكي اقوله انا تعبانه مقدر اتحرك وكنت منهاره مره والله حتى البكا مو قادره ابكي زين صوتي مبحوح ورايح بس دموعي تنزل وانام كل شوي واذا صحيت سويت دراما لين جاء رابع يوم وضبط وضعي وبديت اسولف وامشي عادي و طلعت للبيت وكان بطني منتفخ فيه شي يعورني مره واحاول اقاوم العوار وامشي بس وربي يابنات اذا مشيت كثير اطيح ماقدر اوقف زين بعد اسبوع رجعت للدكتوره تشيك على الخياط وشافت النفخه اللي ببطني وقالت هذي عضل عادي وعطتني مسكن المهم رجعت وبالليل رحت الحمام وينزل مني شي غريب يخوف شي خرافي كثير ماعرفت وشهو قعدت ابكي وانظفه بمناديل وارجع انام واصحى الصبح لقيته باقي ينزل طلعت العمليه مفتوحه بسبب شمم 😞 واللي كان ينزل صديد 😭 واقعد ١٥ يوم عيت تتقفل وتقفلت قبل ٤ ايام والحمدلله الحين مرتاحه باقي لي اسبوع بإذن الواحد الاحد واخلص الاربعين اللي بقولكم انتبهو من الدكاتره واختارو دكتوره كويسه وحبذا تكون بحكومي وانتبهو من الشمم ترا انا عطاني زوجي عطر مخلوط اول ماطلعت من العمليه خلاني اشمه هو يبغى عشان بعدين ماحس بالشمم بس المصيبه ان اللي يجيب الشمم هو العطر المخلط 😭
يابنات ترا ولادتي بمستشفى الحبيب اسواء مستشفى على وجه الارض اشتكيت عليهم وودي اشتكيهم لوزاره الصحه بعد
ادعو لي الله يسخر لي زوجي ويخلي لي بنتي 😘
العضوة: 49298 , منذ 7 سنوات
ياروحي حمدلله على سلامتك وسلامة البنوته ربي يحفظكم ويحميكمالعضوة: 44409 , منذ 7 سنوات
اي فرع ولدتي عنده وايش اسم دكتورتك ، انا مقررة اولد فيه مره ثانيه ان شاء الله ، ولدت عندهم العام وكانت عنايتهم زينة والدكتورة ممتااازة مااستعجلت عالقيصري ابدا مع اني مت وحييت ابي قيصري وكانت رافضة بس سبحان الله وقت الولادة اعترض راسه وحولتني قيصري ، دهلت الجمعة بالليل ماولدت الا الاحد تخيليالعضوة: 44409 , منذ 7 سنوات
انا دكتورتي اسمها نوال سودانية في الحبيب العلياالعضوة: 11502 , منذ 7 سنوات
الحمد لله على سلامتك وربي يخليلك بنتك انتي في الحبيب الي في الرياض او القصيمالعضوة: 17849 , منذ 7 سنوات
الحمد لله على سلامتك وطالعه من الشر ان شاء الله والله لايوفق كل دكتوره او دكتور تفكيرهم مادي وجعلهم يلقونها بالدنيا قبل الاخره مخلينا حقول تجارب ومجازر لطمعهم ندفع فلوس مو من زود ماعندنا او رفاهيه لكن عشان يكون لنا رائي بلي يصير لنا على خلاف الحكومي الي مايسالونك ولا يعطونك وجه وكأن الي تولد عندهم مو بشر لكن مااقول الا حسبي الله بيسالون يوم القيامه سوا دكاتره الخاص او الحكومي ماعاد فيه خوف من الله ولا رقابهالعضوة: 29891 , منذ 7 سنوات
الْحٍمَدٍللـّہ ع سلامتك انا نفس وضعك صار ـليّ طلق صناعي يومين وآخر شي قيصري بَـßÊـسّ المفروض ماتتعطرين بمخلط لانه ثقيل انا تعطرت بعطر خفيف والحمدللهالعضوة: 47236 , منذ 7 سنوات
الف حمدلله على السلامتكم الخاص يبغو فلوس كل عمليه تعملها الدكتوره اليها نسبه فيها صار الطب تجارهالعضوة: 47330 , منذ 7 سنوات
@user-45931 الحمدلله ع سلامتج وتشوفين بنتج عروسه والله يعينجالعضوة: 45931 , منذ 7 سنوات
@user-11502 ولدت بحبيب الريان بالرياضالعضوة: 45931 , منذ 7 سنوات
@user-29891 ماكنت ادري انه يسبب شمم الحمدلله على كل حالالعضوة: 45931 , منذ 7 سنوات
@user-47330 ياعمري شكراالعضوة: 45931 , منذ 7 سنوات
امين يارب الله يتقبل دعواتكم لي ويسعدكمالعضوة: 360944 , منذ 5 سنوات
وش اسم الدكتورة اللي ولدتي عندها؟العضوة: 364812 , منذ 5 سنوات
الله لايوفقه هل دكتوره حمارره مابعرف من وين بجيبو شهادات هيك دكاترهالعضوة: 290118 , منذ 5 سنوات
طيب وش اسم الدكتوره عشان نستفيد