#شهرزاد
#الجزء_الاول
شهرزاد عمرا ٦ سنوات
شهرزاد : ماما احكيلي قصة قبل مانام
اميرة: عن شو احكيلي ياحبيبتي
شهرزاد : احكيلي قصة شهرزاد هههه
اميرة : كل يوم بدك اياني احكيلك اياها
شهرزاد : مين قلكن تسموني على اسمها يلا احكيلي احكيلي
اميرة : امري لا الله .. كان يامكان بقديم الزمان .. كان في وحدة اسمها شهرزاد كتير زكية وحلوة متلك..وكان عندن حاكم كتير ظالم وكان كل يوم يتزوج وحدة الصبح يقوم يقتلا ويموتا لحتى اجا الدور لعند شهرزاد تكون مرتو لهل الحاكم
شهرزاد : بس ماهيك القصة في كتير شغلات ماعم تحكيها
اميرة: حبيبتي والله تعبانة عم احكيليك اياها رؤوس اقلام ...وكمان انتي بتعرفيها للقصة وحافظتيها بصم ليش كل يوم بتعزيبني احكيلك اياها
شهرزاد : طيب بس سؤال
اميرة : تفضلي
شهرزاد : معقول انا يصير فيني متل شهرزاد ويطلعلي شهريار ... وانا كون زكية وماخليه يقتلني بعدين بنصير نحب بعض
اميرة : ههههههه لا ماما هاي قصة خيالية وكمان مابنعرف شو الله كاتبلنا مع الايام ..يلا هلق نامي تصبحي على خير
شهرزاد : وانتي بخير
طلعت اميرة وراحت غطت باقي ولادها ورجعت على غرفتها
مازن ابو شهرزاد: شو ليش طولتي
اميرة : كنت عند شهرزاد عم احكيلا قصة شهرزاد
مازن : هههههه هالبنت غريبة
اميرة : ماكل الحق عليك يعني مالقيت غير هالاسم تسميها اياه .. والله فقعتني وهية كل انهار تقلي شو معنى اسمي واحكيلي قصة شهرزاد
مازن : هههههه ليش في احلا من اسم شهرزاد
اميرة : لا تصبح على خير
مازن : وانتي من اهلو
...............................................
مرت الايام والسنين وصار عمر شرزاد ١٥ سنة .. وهلق الوضع بسوريا وضع حرب .. كانت المنطقة يلي عايشين فيها امنة ... بس مافي منطقة بسوريا والا مالحقها ضرر .. وبلشت المشاكل تنتقل لمنطقتون .. كانت شهرزاد عم تدرس صف عاشر بس اجت قذائف ع المدرسة واتهدمت نصها ..وقعدو ببيتون تحت القصف .. وبلشو يعيشو معاناتون .. وكانت اكتر اوقاتون وهنن قاعدين يسمعو صوت القذيفة وهية طالعة ويسمعوها وقت تنزل ..وضلو ماسكين قلبون بأيدهن ... وبلش الجيش يسحب الشباب على الاحتياط .. شهرزاد عندا ٣ اخوات شباب .. وقررو اهلا يسفروهن ع اللبنان ... صارو بوقت يخافو على الشب ومايخافو ع البنت .. وطلعو اخوتها تهريب ع اللبنان ... وضلو هنن قاعدين طول انهار تحت القصف وكل مالو الضرب يقرب منون .. وعطول اشتباكات بين الطرفين ..
اميرة : لايمت هالحالة والله ملينا .. مافي غير صوت الضرب والرصاص ..
مازن : الله يفرجها على هالبلد احسن الشي ..
اميرة : آمين .. بس والله مو عيشي وكمان هالبنات عم يخافو كتير (شهرزاد عندا اخت تاني اسمها ريم)
مازن : شو طالع بأيدنا نعمل يعني
اميرة : نطلع ع اللبنان لعند هالولاد وحتى الله يفرجها بنرجع ..
مازن : عم فكر فيها بس والله صعبة علي اترك ارضي وبيتي وبلدي
اميرة : ليش انا يلي مبسوطة .. بس ليك نص المنطقة طلعت من بيوتا
مازن : طيب شو رأيك نروح على شي منطقة امنة بسوريا بلا ما نطلع برات البلد
اميرة : غير بدو يلحقنا البلا وين ما رحنا خلص سوريا ماضل فيها مكان امن ..
مازن: طيب انا رح فكر واحكي مع الولاد يدبرولنا بيت وبنطلع ..
اميرة : ان شاء الله خير
( اخوات شرزاد طلعو ع اللبنان هنن وولاد عمون )
تاني يوم مازن اتصل بأبنو الكبير يحيى وحكي معووقلو يدبرلون بيت مشان يطلعو لعندن ..
يحيى : اي بابا انا رح دور على بيت وببعتلكن ... انا اصلا كنت رح احكي معك مشان تتطلعو لانو ابن عمي محمد قال بدو شرزاد وانا قلت بتصل فيكن وبتجو لهون وبنزوجا شو رأيك
مازن : محمد بدو شهرزاد
وهون شهرزاد كانت قاعدة حد ابوها وانحطف لونا وصارت افكار تاخدا وافكار تيجيبا .. وتقول : اناا لمحمد بس هاد اكبر مني ب١٠ سنين .. بس والله محمد شب حلو اي ليش لأ
خلص ابوها حكي ع التلفون واستلمتو اميرة
اميرة : شو كان عم يقلك يحيى على محمد شبو محمد
مازن : قال حكيان مع يحيى وقايلو بدو شهرزاد
اميرة : اي وليش لأ .. محمد مافي متلو ..
مازن : شو يا شهرزاد عندك مانع من انو يكون محمد زوجك
شهرزاد : متل مابدك يا بابا .. انتو ادرى بمصلحتي
مازن : اذا على بركة الله ..
وهون بلشت شهرزاد ترسم احلاما مع محمد ابن عما .. وكيف رح تكون زوجة مطيعة وكيف تصير تحترمو وكيف هو رح يحبا ...
ومرق كام يوم ويحيى اتصل بأهلو مشان يطلعو ..وبالفعل ضبو غراضون وطلعو ... استأجرو سيارة مشان توصلون ع الحدود .. ركبو انطلقو ..
شهرزاد كانت طول الطريق عم تتخيل لما بدا تشوف محمد كيف رح تستقبلو وكيف رح يكون تصرفا معو .. وبلشت تنسج من مخيلتا افكار واحلام ... بس ياحرام ما كانت عرفاني انو قصة شهرزاد وشهريار رح تنطبق عليها .. وهنن ع الطريق شوي يمشو بمنطقة فيها نظام وشوي يمشو بمناطق معارضة .. وقبل مايوصلو ع الحدود وصلو لضعية بتجي بنص بين هدول وهدول وكان علقانة فيها الضرب
الشوفير : انا معد اقدر كمل اكتر من هيك .. انزلو وكملو مشي
العضوة: 825077 , منذ سنتين
اية : مو وقتو ضبيه شهرزاد : لحظة لحظة اية : شهرزاد ليكي هاد هو المالك الجديد ليكه ... اكيد هاي مرتو مشاء الله عنا متل القمر شهرزاد وراسا بالتلفون : اي اي سحبت ايو التلفون من ايدا : خلصينا وقفي منيح شهرزاد : طيب هاتي هلق بتوقعيه وبتكسريلي اياه اية : خدي ضبيه اخدتو وحطتو بجيبة المريول شهرزاد : اي شو كنتي عم تقوليلي اية : عم قلك ليكي هداك هو صاحب الاوتيل الجديد شهرزاد : وينو اية : هداك يلي لابس بدلة سودة ومرتو لابسة فستان اسود شهرزاد : قال انا شو شايفة غير ضهرن اية : ليكي ليكي دارو ضهرن شهرزاد انصدمت صدمة قوية وماحكت وصار وجها احمر وقلبا عم يدق بسرعة اية : شايفي ما احلاهن شهرزاد : شاااااااهر اية : صح اسمو شاهر بس انتي شو عرفك .. شهرزاد : اي اي شاهر هاد شاهر لك ما مات اية : وليه خوتي عن مين عم تحكي شهرزاد.: لك هاد شاهر يلي احكيتلكن عنو .. لك هاد هو انا كتير فرحانة لانو ما مات .. انا ريحة لعندو اية : وليه مجنونة ع وين رايحة .. وليكي مرتو حدو شهرزاد : مرتووو؟؟؟ ايه : اي مرتو ليكيها واقفة جنبو دققت فيها شهرزاد : لا لا مستحيل ..سلمى!!! اية : الله يثبت علينا العقل والدين شهرزاد : مشان الله قوليلي اكيد انا ماني عم احلم ماهيك اية : لا مانك عم تحلمي .. اصحي شبك .. شهرزاد : عأساس مرتو ميتة كيف رجعت عايشي اية : مابعرف .. شهرزاد: انا رايحة لعندو سلم عليه لك تعالي لهون بدك تفضحينا اتطلع على حالك مين بتكوني وهو مين بكون فيقي شهرزاد من احلامك شهرزاد : بس سلم عليه وارجع وبرد قلبي بشوفتوالعضوة: 825077 , منذ سنتين
اية : خليكي هون احسنلك لانو يمكن مايعترف عليكي شهرزاد : بجرب .. انا رايحة وهية رايحة مسكا المسؤول من ايدا المسوؤل : ع وين شهرزاد خانم شهرزاد : بدي سلم على شاهر المسؤول : لانو شاهر رفيقك بالمدرسة انقبري ارجعي على شغلك واذا بتقربي منو والله لشرشحك قدام المعازيم عم تفهمي . شهرزاد : بس المسؤول : لك لسه عم تناقشيني .. انقبري من خلقتي رجعت شهرزاد مكسورة الخاطر .. وكانت حزينة كتير بس فرحت لانها شافت شاهر عايش .. وقالت : صح انا شو ماخدني لعندو هو وين وانا وين .. كمان هو يكتر خيرو ساعدني شوبدي منو .. وكمان مرتو حدو .. بس كيف هيك طلعت عايشية .. مسحت دموعا وقالت الله يهنيه مادخلني .. حملت صينة العصير وصارت تضيف المعازيم وكانت حاطة عيونا بالارض وما ترفعون ابدا .. رخلصت الصينية يلي معا راحت حطتتا وجابت صينية غيرا .. وهية ماشية خبطت بشاهر وكبت على العصير على تيابو شاهر :هيييي شو انتي مابتشوفي قدامك .. رفعت راسا شهرزاد وتفاجئت فيه .. بس بلعت الغصة وقالت : اسفة .. اسفة استاذ مابقصدي مشان الله لاتواخذني شاهر حس حدا طعنو بقلو لما شافا بهل المنظر شاهر : شهرزاد .. هاي انتي شهرزاد : ماردت وحطت راسا بالارض شاهر : انتي شو عم تعملي هون شهرزاد :......... شاهر: حكيني هون انا عم احكي معك اجا المسؤول : لك مابيجي من وراكي غير المصايب شال ايدو وضربا كف على وجها ضلت واقفة مكانا وماحكت بس عيونا عم يشرو شاهر عصب وهجم ع المسؤول ومسكو من تيابو : انت كيف بتضربا هيك المسؤول : بس يا استاذ .. هاي شاهر : هاي شو ااه قلي وضربو بوكس على وجهو وضربو التاني والتالت وقع ع الارض وصار يطلع من انفو وتمو الدم ... وهجم بدو يكمل عليه بس اجو العالم وبعدوهن عن بعض شاهر : ياكلب عم تمد ايدك عليها ... والله لأكسرلك اياها اجت سلمى : شبك حبيبي مابدا كل هاد شهرزاد وقفة وعم تبكي .. وبعدين لفت وبلشت تركض لبرا ... وهية عم تركض في حدا مسكا من ايدا ..... يتبع ......العضوة: 825077 , منذ سنتين
#الجزء_السابع وهية طالعة من صالة الافراح وعم تبكي .. في حدا مسكا من ايدا ووقفا .. التفتت وكان اخوها يحيى شهرزاد خافت منو : يحيى اتركني يحيى سحبا وضما على صدرو : خايفي مني .. خايفي من اخوكي .. انا مستحيل أئذيكي ياصغيرتنا الحلوة شهرزاد وهية عم تبكي على صدرو : يعني مارح تقتلوني يحيى : يلي بدو يقرب منك بدي اجعل الله ماخلوقو شهرزاد: بسرعة اخي خلينا نطلع من هون يحيى : شوفي .. صح وكمان ليش عم تبكي شهرزاد : خلينا نهرب انا عملت مصيبة جوا مشان الله يحيى : تعالي بسرعة طلعو لبرات الاوتيل يحيى : شبك يانور عيوني انت شهرزاد : يحيى انا تعبانة وكتير اشتقتلكن يحيى : ونحنا كمان اشتقنالك ...ليش مارجعتي هيك بتشغالي بالنا عليكي شهرزاد : خفت من بابا يدبحني يحيى : مامشكلة تعالي شوفي مين معي شهرزاد: ماما ؟؟؟ يحيى : صح تعالي انا جايب سيارة رفيقي ليكي امك بقلب السيارة يلا تعالي .................. شاهر : عم تضربا ياكلب والله لأجعل الله ماخلقك سلمى : شاااهر بكفي حاجتو اخد جازتو شاهر : انتي لا تتدخلي .. وشهرزاد محدا بمد ايدو عليها عم تفهمو سلمى : شهرزاد ؟؟؟؟ التفت لحتى تشوف مين بتكون هاي شهرزاد بس مالقت حدا اية عم تقول بقلبا : مانا قليلة هالشهرزاد الزلمة عمل مشلكة مشانها صح وينا سلمى : شاهر وينا شهرزاد برم ضهرو وما لقاها وصار ينده بصوت عالي عليها شاهر : ويناااا هلق بتجيبولي اياها عم تفهمو وركضو الخدم ليدورو على شهرزاد .. اختربت الحفلة والكل راح .. .............. اميرة ضامة بنتا وعم تبكي اميرة : هيك بتروح وبتتركني .. شهرزاد: سامحيني بس والله خفت من البابا يحيى : يلا اركبو بنحكي ع الطريق ركبت شهرزاد مع اما وراحو عالعضوة: 825077 , منذ سنتين
البيت ..................... الخدم رجعو لعند شاهر خادم : مالقيناها شاهر : شو مالقيتوها وين راحت .. خادم : مابعرف شاهر : لكن مين بيعرف هية شو شغلتا هون اية : شهرزاد رفيقتي وساكنة معي بنفس الغرفة بس هلق رحت ومالقيتا شاهر : ساكنة معك ليش مانا عند اهلا وليش عم تشتغل هون من اصلو ايه : ليش كتير بهمك اذا عرفت شاهر : اي كتير قولي شو بتعرفي اية : طيب خلينا نحكي على انفراد طلعو على مكتب المدير وطلعت معون سلمى شاهر : اي حكيلي كلشي بتعرفيه عنا اية ؛ بس عدم المؤاخذة انت ليش مهتم فيها لهل الدرجة شاهر : مادخلك .. بسرعة قوليلي شوفي عندك اية : انت شو حابب تعرف شاهر : كلشي والاهم هية هون شو عم تعمل ليش مانا عند اهلا اية : لانو هربت من ابوها كان بدو يقتلا شاهر : شووووو ولش بدو يقتلا شو عملت اية : حسب مافهمت انو عرفو انا كانت مخطوفة شاهر : شووو كيف عرفو .. حتى لو عرفو هية محدا قرب منها سلمى : شاهر اهدى لاتنفعل كتير خلي البنت تحكي على رواق شاهر : احكي خلصينا اية : قال هية تعبت كتير وصابا انهيار عصبي لما سمعت الخبر ع التلفزيون وفكرت انو انت فجرت حالك .. واخدوها ع المشفى وقال الدكتور يلي فحصا هو نفسو الدكتور يلي انت اخدتو لما كانت سخنانة وسألها عنك قدام اهلا وهون اهلا عرفو الحقيقة وابوها جبلا دكتورة نسائية فحصتا وتأكدو امو محدا لامسا ..ولما رجعت ع البيت صارو بدو يجوزوها ابن عما غصب عنا هية صارت ترد بوجه ابوها وهجم عليها بدو يخنقا مشان تموت اجو اخواتا بعدوه عنها وهية هربت وشفناها انا ورفيقتي وجبناها تشتغل معنا شاهر : شوووو كل هاد صاير معا وانا مابخبر لك الحق علي كان لازم اسأل عنها كان لازم اطمن عليها حتى لو من بيعد .. طيب هية هلق وين بتكون راحت اية : والله مابعرف اصلا مافي مكان تروح عليه واذا راحت لعند ابوها يمكن يقتلا شاهر : طيب روحي على غرفتك وانا هلق لاحقك بركي رجعت اية : ماشي عن اذنكنالعضوة: 825077 , منذ سنتين
سلمى : ماتوقعتك تكون بتحبا لهل الدرجة شاهر : لك مابس بحبا بموت فيها وزاد هالحب اليوم لما شفتا ... بس قوليلي شو لازم اعمل سلمى : اول شغلة بدك تعملا انك تبلش بأجرات الطلاق ..كمان انك تلاقيها وتتزوجا شاهر : عنجد انت ياسلمى انسانة عظيم عنجد ماغلطت فيكي ابدا سلمى : العفو شاهر بيك ههههه .......................... وصلت شهرزاد مع اخوها واما ع البيت شهرزاد: ماما انا خايفة من بابا كتير يحيى : لاتخافي حبيبتي ابوك عم يتندم .. هلق فوتي بوسي اديه واطلبي منو السامح وعشان هاي الفترة يلي غبتيها انا بقول لابي انو كنت بعرف وينك من زمان شهرزاد : الله يخليلي اياك يا احلا اخ بالدنيا اميرة : الله يرضى عليكم يارب قربو وفتحو الباب وفاتو كان مازن قاعد ع الكنبة عم يتفرج على التلفزيون شهرزاد : بابا مازن : شهرزاد .. حبيبتي يابنتي انتي جيتي ركضت شهرزاد لعند ابوها ومسكت ايدو وصارت تبوسا : مشان الله يابابا سامحني .. مسكا من كتافا ورفعا لعندو وضما وصار يقول الله يرضى عليكي ياقلبي .. انتي يابابا سامحيني انا كتير غلطت بحقك شهرزاد : والله ماني زعلانة منك ..طلعت ريم من الغرفة وشافت اختا ركضت عليها وضمتا وصارت تبكي ريم : اشتقتلك ياخاينة هيك بتعملي فينا شهرزاد : اسفة سامحوني دخل عمر ونورس من باب البيت نورس : لك شهرزاد هون ... لك اهلين بأميرتنا الصغيرة حملا وصار يدور فيها نورس : ولك صغيرة وين كنتي شغلتي بالنا عليكي يحيى : انا كنت مخبيها مازن : انت يا يحيى يحيى : اي عمر : لك اهلين والله فيكي شهرزاد : ياالله شو اشتقتلكن مازن ؛ الله يرضى عليكي عمر : اي يحيى وين كانت شهرزاد يحيى : دبرتلا شغل بأوتيل كانت عم تشتغل فيه وعم تنام فيه كمان مازن : لك كيف بتشغل اختك انت شهرزاد : بابا يحيى مادخلو انا صريت عليه وكمان الشغل كتير مريح عمر : وانا عم قول مين الكرسونة يلي عنا شهرزاد : بلا غلاظتك عمر نورس : عنجد صح ليش جاي بهدول التياب انتي شهرزاد : اااااه .. هلق بحكيلكن بس بالاول بدي غير تيابي اميرة : يلا قومي ياعمري .............................العضوة: 825077 , منذ سنتين
نزل شاهر على غرفة شهرزاد دق الباب وفتحتلو اية اية : اهلا استاذ تفضل شاهر : مارجعت اية : لا لورا عم تقول بقلبا : مش قليلة هالشهرزاد اكيد معلقتو للزلمة فيها شاهر : وين كانت تنام ع اي تخت اية : هون معي على تختي قرب وقعد على تختا وصار يلمس عليه قام وقال : وين خزنتا اية : هاي هون قرب وفتح الخزانة وطلع قطعة من تيابا وصار يشما قعدت سلمى ولفت رجل على رجل وقالت دخيلو العشقان اية ولورا مستغربين مانون عرفانين شو عم يصير لمح ورقة سحبا . ولقى صورة الو مرسومة برسم اليد ابتسم وقال : هية راسمتا لهاي اية : اي قال حبت ترسمك وتخليك زكرى مشان ماتنساك شاهر : طيب كيف بدي اوصلا لورا : بندقلا وبنعرف وين صارت شاهر : ليش معا تلفون اية : اي اشترتو من يومين شاهر : طيب دقيلا اية : يلا دقلتلا وكانت شهرزاد عم تبدل تيابا مسكتالعضوة: 825077 , منذ سنتين
تلفونا وردت شهرزاد: اي اية اية : وينك وين اختفيتي شهرزاد : ليش في حدا سأل عني شاهر اشرلا لاية تقول لأ اية : لا محدا سأل عنك بس انا فتل راسي وانا عم دور عليكي شهرزاد : يعني شاهر ما سأل عني اية : لا قتل المسؤول وقلعو وبعدين راح على بيتو ... انتي وينك شهرزاد : اجا اخي واخدني .. اية : شووو بس مايقتلك ابوكي شهرزاد : لا قلي انو كتير ندمان ..وبالفعل طلع ندمان وطلب مني السماح اية : شو يعني هلق شهرزاد : ولا شي رح كمل حياتي مع اهلي اية : معد ترجعي لهون شهرزاد : اولا اهلي معد يخلوني اشتغل وكمان مستحيل كون بمكان فيه شاهر .. انا وعدتو انو ما اعترض حياتو .. وكمان ماشفتي مرتو .. لك انا كيف بدي حط عيني بعيونو وهو بيعرف انو انا بحبو .. مشان يشفق علي سحب شاهر التلفون من ايدا وحكا شاهر : شهرزاد انا بحبك .. شهرزاد : شااااهر !!!! شاهر : اي شاهر ... شهرزاد انا بحبك حست قلبا شعل بالنار شهرزاد : بس انتي بتحب مرتك وكمان رجعتلك شاهر : سلمى صارت ماضي وانتي الحاضر تبعي هلق شهرزاد : استاذ شاهر لاتحكي هيك لانك شفقت علي .. انت عندك مرى والله رجعلك اياها شاهر : اولا انا ماني استاذ وثانيا سلمى قاعدة حدي وبتعرف انو انا بحبك وانا رح طلقا واتزوجك انتي شهرزاد : لا انتي مابتحبني لو بتحبني كنت سألت عني .. او كنت خبرتني انك ما متت ماكنت خليتني كل انهار موت الف موتة وانا عم ابكي عليك شاهر : اسمعيني والله فكرت انك تزوجت ابن عمك وكمان انا كنت خايف اظلمك لانك اصغر مني بكتير شهرزاد : كل هاد الحكي مابهمني .. يلي بهمني هو انو انك تضل مع مرتك وتعيشو مبسوطين .. وانا كمان لساتني عند وعدي لما قلتلك لاتموت وبوعدك انو ما اعترض حياتك شاهر : كل وعدك مابهمني .. الشي الوحيد يلي بهمني انو انا بحبك وانتي كمان بتحبيني واكتشفت انو الحب اقوى من كلشي .. انا كنت اخترع حواجز بس اكتشفت انو بالحب مافي حواجز ابدا .. شو قلتلي شهرزاد : الحواجز موجودة بكل مكان .. لانو اهلي مستحيل يزوجوني لشخص متلك مطلق واكبر مني ب١٥ سنة .. شاهر : انتي شو عم تحكي شهرزاد : متل ماسمعت انا رجعت لعند اهلي وهنن سامحوني وانا مستحيل وقف بوجهن مرة تانية ..العضوة: 825077 , منذ سنتين
شاهر : هاد الحكي بالنسبة الك .. بس الي مافي حدا بيوقف بوجهي عم تفهمي وانتي مارح تكوني لحدا غيري شهرزاد : انا صار لازم سكر باي شاهر : شهرزاد .. شهرزاد لحظة سلمى : خلص ولا يهمك .. مارح تكون غير الك شاهر : وهو هيك .. لو سمحتي عطيني رقما اية : اوك سجل عندك ...العضوة: 825077 , منذ سنتين
...................... غيرت تيابا شهرزاد وطلعت قعدت مع اهلا وكانو فرحانين كتير فيها وخكتلون شو صار معا بالحفلة وانو كبت العصير على صاحب الاوتيل وهربي ومشان هيك اجت بتياب الشغل .. وصار يرن تلفونا مازن : شو هاد معك تلفون شهرزاد : اي اشتريتو لما كنت اشتغل نورس : طيب مين عم يدقلك ردي شهرزاد : اي يلا ... الو شاهر : شهرزاد لاتسكري بدي احكي معي شهرزاد : اسفة الرقم غلط.. وسكرت عمر : مين .. شهرزاد مابعرف بس عم تجيني ارقام غريبة بدا احمد يمكن كان رقمي لشي واحد اميرة : اي لاتردي ريم : شهرزاد فرجيني شوفي عندك بالهاتف شهرزاد : نزلت عليه فيس بوك وواتساب ريم : والله كانك قليلة يافصعونة مع انو انا اكبر منك بسنة بس انتي كبرتي قبلي شهرزاد : ههههه لا ولوو... صارت تجيها رسائل واتساب نزلت الشاشة وكان شاهر عم يبعتلا _ شهرزاد انا لازم شوفك . _ افتحي الواتساب بدي احكي معك ضروري _ شهرزاد _لك ردي _الو _الو فتحت ع المحادثة وعملتلو بلوك ....................... شاهر : بسيطة ياشهرزاد عم تعمليلي بلوك انا بفرجيكيالعضوة: 825077 , منذ سنتين
............. تاني يوم ..اجو بيت عما لشهرزاد سلمو عليها بس محدا حكي شي لابموضوع خطبة ولا زواج قعدو شوي وبعدين راحو وراحو الشباب على شغلون .. اشوي وبيندق الباب فتحت ريم ريم : اهلا وسهلا مين بتريدو صبية ومعها شبين حكت الصبية : نحنا من المجلس النرويجي لمساعدة الاجئين ممكن شوف حدا من اهلك اية : اهلا وسهلا تفضلو دخلو وقعدو بالصالون مازن : اهلا وسهلا ..شو تشربو الصبية : صحة ولا شي .. نحنا اخبرنا انو انتو جايين جديد من سوريا وجايين نشوف شو احتياجتكن مازن: اهلا وسهلا يابنتي .. بس نحنا حالتنا منيحة وبخير وفي عالم بحاجة اكتر منا الصبية : رح نوصل لكل العالم بس هلق ممكن تقولولنا شو احتياجتكن اميرة : ماناقصنا شي الحمد لله الشب : طيب هاد البيت يلي ساكنين فيه اجار مش هيك مازن : اي اجار البنت : نحنا عم نعطي للناس بيوت مدفوعة الاجار لمدة خمس سنين اذا بتحبو فينا نعطيكن بيت تسكون فيه مازن : والله مابعرف .. شو يا اميرة اميرة : ليش لأ اذا كان احسن من هاد مابنقول لأ البنت : اكيد احسن من هاد ...طيب شو رأيكن تروحو معنا تشوفو البيت اميرة : هلق الشب : اي هلق (لاتصدقو انو في هيك باللبنان 😅😅 بس هدول شاهر باعتون) اميرة : شو ياابو يحيى مازن : والله مابعرف الصبية : بصراحة هاي الفرصة مابتجيالعضوة: 825077 , منذ سنتين
مرتين شو رأيكن مازن : طيب .. هلق بدنا نروح الشب : اي هلق ..تفضل معنا انت والمدام مازن : طيب ماشي لحظة لحتى نلبس دخلت اميرة لعند البنات مشان تغير تيابا شهرزاد : ماما مين هدول اميرة : قال من المركز النرويجي .. بدو يعطونا بيت نسكن فيه مدفوع الاجار شهرزاد : معقول !!! اميرة : وانا متلك مستغربة شهرزاد: وعوين رايحين اميرة : قال بدون ياخدونا معن نشوف البيت لبست اميرة وطلعت البنت : مدام كم عندك ولد اميرة : ٣ شباب وبنتين البنت : الله يخليلك اياهن .. ووينون هلق اميرة : والله الشباب بالشغل والبنات بالغرفة جوا البنت : اوك .. خلينا نمشي طلعو من البيت وضلت شهرزاد وريم بالبيت شهرزاد : انا رح نام لاتزعجيني ريم : وانا شو اعمل لحالي شهرزاد : خدي تلفوني العبي فيه ريم : اوك ماشي هاتيه اخدت التلفون ريم وفاتت ع الفيس وصارت تتصفح ..بيندق الباب ريم : اووووف شو قصتو هالباب اليوم قامت وفتحت ريم : اهلا مين حضرتك دفشا شاهر ودخل وقال وينا اختك ريم : انت كيف بتسمح لحالك تفوت هيك علينا اطلاع لبرا احسن مالم عليك الجيران لك انت مافي عندك احساس كيف بتفوت هيك على بيت فيه بنات شاهر : وينا اختك ... شهرزاد .. شهرزاد .... شهرزاد : شااهر .. شو جابو قامت بسرعة حطت شالها على راسا وطلعت شهرزاد : استاذ شاهر خير شاهر : ومن وين بدو يجي الخير وحضرتك عاملتيلي بلوك وماعم تردي على مكالماتي شهرزاد : انا قلت يلي عندي روح كمل حياتك مع مرتك انا غلطت يوم يلي اعترفتلك بحبي ريم : شهرزاد مين هاد .. وشو عم يصير هون شهرزاد : سكري هالباب وتعالي سكرت الباب ريم واجت وقفت جنب اختا شهرزاد : اي شاهر بيك شوبدك من الاخير شاهر : بدي اياكي شهرزاد : حتى تطلق مرتك ساعتا بكون في حكي تاني شاهر : هاي جيتي من المحكمة وهاي ورقة الطلاق صارت معي ... وسلمى ضبت غراضا وراحت لعند اهلا ع سوريا شهرزاد : انا مابطلع عن شور اهلي شاهر : هيك الحكي صار شهرزاد : اي هيك صار .. وهلق لوسمحت تفضل لبرا من غير مطرودالعضوة: 825077 , منذ سنتين
شاهر : طالع بس راجع .. شهرزاد : صح انتي كيف بتجي لعنا ..بركي كانو اهلي هون شاهر : هههههه انا جيت لانو بعرف انون ما بالبيت .. شهرزاد : شو يعني عم تراقبنا شاهر : لا بس بحب قلك مبروك البيت الجديد شهرزاد : هاد انت شاهر مارد وطلع وشهرزاد واقفة مكانا ومصدومة ريم : مو هاد يلي عأساس مات شهرزاد وهية عم تبتسم : طلع عايش ريم : بس بايتنو بحبك كتير شهرزاد : صح .. بس بدي عزبو متل ماعزبني ريم : عن ايو بيت كان عم يحكي انا مافهمت شهرزاد : اختي ايمت بدك تكبري ... شاهر هو يلي بعت هدول الشباب عأساس هدول من لجنة مشان يعطونا بيت ريم : اممممم شهرزاد : اي قوليلي شو رأيك فيه ريم : بجنن كتير لابقين لبعض شهرزاد : بس ان شاء الله اهلك يوافقو ......................... المسا كل العيلة مجتمعة يحيى : بابا وين كنتو اليوم مازن : اجت لجنة من المجلس النرويجي .. وقال بدون يعطونا بيت نسكن فيه وهنن رح يدفعو اجارو ريم نكعتا لشهرزاد وصارو يتبسمو عمر : وكيف لقيتو هالبيت اميرة : لك احلا من بيتنا يلي بسوريا غير شكل هالبيت ريم : شو يعني ماما رح نروح نسكن فيه مازن : اكيد وجبنا المفتاح معنا .. شي انهارين وبننقلي عليه اميرة : بس انا مستغربة معقول في هيك جمعيات يحيى : انا اول مرة بسمع هيك .. بس يلا يكتر خيرون رن تلفون يحيى مازن : مين بابا يحيى : رقم غريب نورس : اي رد وعلى شو صافن يحيى : الو ..... اي انا يحيى الزيد ....... اهلا استاذ اهلا ....... بدك تشوفني انا ...... ليش شو هو الموضوع ...... اممم موضوع خاص طيب ايمت ..... هلق ..لا هلق مافيني .. بكرا الصبح اذا الله راد ... طيب ماشي ماشي تصبح على خير .. سكر يحيى وصفن وقال : شاهر الاحمد التاجر الكبير بدو يشوفني ليش .. وكمان ليش قلي ماخبر حدا مازن : يحيى مين هاد يحيى : اااااه بابا ... اي هاد معلمي بالشغل قال في شغلة ضرورية بدو يقلي عليها اميرة : خير ان شاء الله ............................ تاني يوم راح يحيى قابل شاهر ... ورجع ع البيت مازن : ليش راجع بكير يحيى : بابا بدي احكي معك بموضوع ضروري .. مازن : شوفي احكي يحيى : لحالنا دخلو وحكوالعضوة: 825077 , منذ سنتين
يحيى : شو بابا شو قلت ؟؟؟ مازن : قلتلي هو نفسو يلي ساعد اختك يحيى : اي هو ... مازن : بس مانو كبير عليها يحيى : من ناحية كبير ..كبير عمرو ٣٠ يعني اكبر منا ب١٥ سنة مازن : وكمان مطلق يحيى : اي صح مازن : رح فكر من هون لبكرا يحيى : على راحتك بابا انا قلتلك ................. مرق اليوم ... ومحدا معو خبر بشي ومازن طول الليل عم يفكر .. فاق الصبح وفيق يحيى وقعدو يحكو لحالن يحيى : اي بابا قلي مازن : بدي شوف محمد ابن عمك يحيى : شو يعني بدك تزوجا لمحمد مازن : اي فكرت فيها منيح .. ومحمد انسب واحد يحيى : بس بابا حرام هيك مازن : هاد مو شغلك .. وعطيني رقمو لهاد شاهر كمان يحيى : حاضر .... بس بابا بركي شهرزاد ماوافقت مازن : لا شهرزاد مارح تعارضني ... وانا رح اقنعا بطريقتي يحيى متل مابدك ...... يتبع ......العضوة: 825077 , منذ سنتين
#الجزء_الثامن_والاخير اخد مازن رقم شاهر وقلو بدو يقابلو ... قابلو ورجع راح ع بيت اخوه .. اجتمعت العيلة كلها وقعدو حكو انور : والله عملت زينة العقل يا اخي مازن : بدي اخلص من هالموضوع وارتاح ... شو يامحمد موافق محمد : انا من ايدك هاي لايدك هاي مازن : اتكلنا على الله .. راح مازن ع البيت وكان المسا والولاد كلون رجعو ع البيت مازن : تعالو ياولاد بدي احكي معكن بموضوع ضروري قعدو كلون حوليه اميرة : خير يا رجال شوفي مازن : هو الخبر بخص شهرزاد شهرزاد : اناا !! خير بابا مازن : ابن عمك محمد بدو اياكي شو رأيك يا شهرزاد شهرزاد حست غصة بنص قلبا : بس بابا نحنا ما خلصنا من هاد الموضوع مازن: ولا رح نخلص .. ابن عمك كتير منيح ورايدك .. شو قلتي يابابا الله يوفقك فكري منيح ورديلي خبر مابدي سود وجهي قدام اخي قامت شهرزاد والغصة بقلبا والدمعة علقت بعينا وقالت : بابا متل مابدك .. انا مارح اعترض على شي وانت ادرى بمصلحتي مازن : الله يرضى عليكي ويفرحني فيكي تركتون وفاتت على غرفتا قعدت بزاوية الغرفة وصارت تبكي من قلب محروق ... اميرة : انت ليش هيك عملت مازن : انا بعمل يلي بريحني كل واحد قام على غرفتو ... وتركو مازن لحالو مبسوط .. شهرزاد مانامت هاي الليلة وهية عم تبكي .. واختا ريم عم تحاول تهديها فاقو الصبح ... وعيونا لشهرزاد منفخين مازن : بابا شبون عيونك شهرزاد : ولا شي .. مازن : المهم جهزي حالك اليوم كتب كتابك على ابن عمك جايين المسا ورح يجي معون الشيخ شهرزاد : بابا عمهل شوي مازن : خير البر عاجلو ... اميرة خدي البنات على السوق واشتريلا لشهرزاد فستان مشان اليوم اميرة : اي بننزل مازن : اشتريلا غيارين واحد مستر مشان تقعد فيه مع العالم والتاني يكون فستان سهرة مشان تسهر معو بعد كتب الكتاب اميرة : حاضر مازن : يحيى انزل معون اي بابا .. يحيى : حاضر بابا ... يلا جهزو حالكن مشان تنزلو جهزو حالون وشهرزاد حست حالا رايحة تجيب كفنا .. اميرة : يلا وقفلنا تاكسي يحيى : لا ماما معي سيارة رفيقي يلا اركبو ركبو معو ونزل ع السوق واشترتلا اميرة لشهرزاد متل ماقلا مازن واشترت كمان لريم ورجعو ع البيت وجابو معن اكل جاهز قعدو اكلو .. وبلشت تغيب الشمس اميرة : ماما قومي لحتى جهزك شهرزاد : يلاالعضوة: 825077 , منذ سنتين
شهرزاد كانت مستغربة .. انو شاهر لهلق ما حكي ما عأساس بدو يرجعو وينو .. اميرة كانت تشتغل بصالون تجميل من زمان .. ظبطت بنتا ومكيجتا ولبستا وصارت شهرزاد جاهزة .. اجو بيت عما وطلعت سلمت عليهم ... وصلت لعند محمد ومدت ايدا محمد بأبتسامة عريضة : كيفك شهرزاد : الحمد لله .. قعدت حد اما .. وبعدين قامت عملت قهوة ورجعت ضيفت .. واندق الباب مازن: هاد الشيخ قوم يحيى افتاح فتح يحيى ودخل معو الشيخ شهرزاد كانت حابسة دمعوعا بالزور بعد شوي قال الشيخ وين العرسان مازن : موجودين ... الشيخ: مين وكيل العروس مازن: انا .. الشيخ : وين العريس مازن : لحظة شوي .. قام فتح الباب ودخل شاهر بكامل اناقتو مازن : وهاد هو العريس الكل انصدم الا بيت اهلو لمحمد لانون بيعرفو ويحيى شهرزاد : شاااهر مازن : اي ياقلب ابوكي مارح تتزوجي غير الشب يلي اختارو قلبك . شهرزاد قامت لعند ابوها وضمتو : بحبك يابابا بحبك شاهر : احم احم نحن هنا .. خجلت شهرزاد وحطت راسا بالارض .. شاهر : بلشنا من اولا خجل الكل : ههههههههههههههه قعدو كتبو الكتاب .. وشهرزاد ماكانت عاطي فرحتا لحدا .. لانو ابوها قدملا احلا هدية بهل اليوم .. راح الشيخ وضلو كلون قاعدين اميرة : ابو يحيى كيف عملت هيك مازن : ضليت فكر طول الليل ولقيت انو مافي مانع يكونو لبعض بس حبيت اعملا لشهرزاد مفاجئة .. ورحت لعند بيت اخي وفهمون شو رح اعمل ..وهنن وافقو يعملو الخطة معي شهرزاد : كنت رح توقفلي قلبي شاهر : سلامت قلبك ياقلبي نورس : احم احم شو صهر شو كأنك مانك شايف حدا شاهر: انتو عالعين والراس .. بس انا ماني مصدق انو اخيرا صارت الي هالصغيرة شهرزاد : بكفي تقولو عني صغيرة كبرت وصرت عروس اميرة : واحلا عروس بالدنيا .. استاذنو بيت عمون وقامو راحو ع البيت وضلت العيلة لحالا مازن : حبيبتي شهرزاد قومي البسي الفستان يلي جابتلك اياه امك .. وادخلي على غرفتك واقعدي مع خطيبك لحالكن شهرزاد بأبتسامة خجل : حاضر بابا ......................... سلمى قاعدة بأوتيل ببيروت وما رجعت على سوريا .. لانو بدا ترجع حبيبا ومارح تسمح لوحدة متل شهرزاد تاخدو منا .. هية كانت عم تمثل هيك قدام شاهر مشان تخليه يثق فيها .. مشان بعد المصيبة يلي بدا تعملا اكيد رح يرجع لعندا .......................