مروة : اي احكي يلي بدك اياه حبيبي
نزل لعند بطني وحط ادنو ع بطني وقال : حبيبي ايمت بدك تجي .. حاسك رح تطول كتير
مروة : لا ماكتير انت مستعجل ... كلا ٤ اشهر وبكون بين ادينا
صهيب : ماني مصدق ايمت تجي هاللحظة ...
مروة : ان شاء الله جاي ورح يملي علينا حياتنا
صهيب : بدي تولدي ببيتنا
مروة : ان شاء الله ..
صهيب : بتعرفي انو حابب اكل شي بس مابعرف شو هو
مروة : قلي شو هو
صهيب : صرلي يومين عم تعن ع بالي الشاكرية
مروة : اي بكرا بقول لامك تعملك اياها
صخيب : انتي مابتعرفي تطبخيها
مروة : لا .. بس خلص بكرا رح اقعد حد امك واتعلما
صهيب : اي ماشي ..
رن تلفون صهيب
صهيب : الوو ... اي شوفي ... انا ماني طالع دبرو حالكم ... لا اخر مرة ولا اول مرة ... ليش شوفي ... طيب اخر مرة وبس .. يلا انا رح شوف مين ضل من الشباب معنا
مروة : شووو
صهيب : طالع ع الشغل
مروة : ما عأساس بطلت
صهيب : مظبوط بس اخر نقلة هي لانو الجيش عم يعمل حواجز يعني بكرا بتسكر المنطقة ومعد حدا يقدر يهرب والشباب اصرو علي انو اخر نقلة اليوم
مروة : مشان الله لا تروح
قرب باسني على راسي وقال والله مارح طول .. بس مرقن واجي اصلا هي النقلي ما الي فيها شي
مروة : رح انطرك
صهيب : اي ماشي .. ادعيلي
مروة : الله معك ..
العضوة: 694206 , منذ 3 سنوات
مروة : صهيب شو صار معكن كان معصب كتير : مادخلك وشغلات مابتخصك ما تسألي عنها احسن ما كسرلك راسك اصلا كلو من وراكي ... لو ما كنت نام عندك ماكان صار يلي صار يا الله شو قهرني والدمعة غرغرت بعيني وطيرلي الفرحة .. راح فتح الخزانة طلع مصاري مبلغ كبير يمكن فوق المليون وطلع مسحت دموعي وقمت وصرت قول لحالي : طول عمرك لئيم مارح تتغير ... بس معد يهمني انا رح يجيني طفل وينسيني كلشي طلعت ع ارض الدار حماتي : مروة شبو صهيب مروة : سمعتن عم يحكو مبارح انو في قطاعين طرق اخدولون سيارات المازوت حماتي : انتي شو عم تحكي مروة : اي والله .. حماتي : لتكوني سمعانة غلط مروة: لا .. وكمان خضر اكدلي هالشي حماتي : ييي صهيب هلأ بكون معصب كتير مروة : اي وتفشش فيني حماتي : صهيب لما بعصب مابعود يشوف قدامو خلص تجنبيه هالفترة مروة : وانا شو دخلني ... عصبي عصبي عحالو شو دخل يلي حاوليه بس رجعت وفكرت فيها انو اكيد معصب ومقهور وانا لازم كون جنبو ... ظبطت حالي المسا وقعدت انطرو وفرحو .. بس غفيت وما اجا ... حسيت ع الساعة خمسة لقيتو نايم حدي .. مارضيت ازعجو ورجعت نمت .. فقنا الصبح سوا مروة : صباح الخير رد بنشافة : صباح النور مروة : صهيب بعرف انك مقهوروانا حاسة فيك بس لاتعصب مافي شي مستاهل انفجر بوجهي وقال : مروة ماني ناقصك ... لسه انتي ماعطيتني محاضرات مروة: بس ماحكيت شي صهيب : مابدي تحكي نهائيا .. صوتك مابدي اسمعو عم تفهمي ... قام ع الحمام وخبط الباب حطيت ايدي عبطني وقلت : حبيبي لا تتفاجئ ابوك من يوم يومو حيوان ... وضل جمعة ع هالحالة ما اعرف شو عم يصير معو ولا هو يحكيني .. وعطول خلاقو براس مناخيرو .. وانا اتجنبو وقوول طولي بالك يابنت .. كنت لحالي بالبيت حماتي عند الجيران وعمي مابعرف وينو ومعاذ بالمدرسة ... رحت قعدت بغرفتي .. سمعت باب البيت انفتح .. واجا فتح باب الغرفة صهيب : راسي عم يوجعني كتير وبدي نام مابدي حدا يزعجني مروة : اي عصب وعيط : مااابدي حدا يزعجني .. يعني قومي انقلعي لبرا قمت طلعت لبرا .. قعدت ع درجة من درجات السطح وصرت ابكي .. شي نص ساعة صار الباب يندق وانا مابتسرجي افتح او قول مين .. ومافي حدا يفتح غيري مروة : خلص ماني فاتحة ... بس يلي عم يدق ما عم يوقف .. مروة : يمكن مرت عمي .. رحت فتحت الباب وكان شبين .. يا الله شو خفت وفكرت حااي عاملة شي عملة .. حسيتو صفنو فيني لثواني ..العضوة: 694206 , منذ 3 سنوات
_المعلم صهيب موجود مروة : في شي ضروري _اي كتير مروة : هو نايم ومابقدر فيقو _ لا ياريت تفيقيه بسرعة لانو الموضوع ما بيتأجل مروة : ياربي شو بدي قول لصهيب رحت فيقتو صهيب : شبك مروة ،: في تنين ع الباب بدون يشوفوك ضروري قام وطلع وقلي عملي قهوة مروة : الحمد لله يارب ما انتبه طلعت بسرعة عملت قهوة .. ورحت دقيت عليه الباب وعطيتو اياها ورجعت عغرفتي .. سمعت الباب انطبش وعرفت انون راحو .. صهيب : مروة ... مروة قمت لعندو . كان قاعد وشابك اديه ببعضن وصافن بالارض ... لما فتت رفع راسو صهيب : مين فتحلن الباب بلعت ريقي وقلتلو : انا صهيب : ليش انتي ... انا شو منبهك مروة : ماكان حدا بالبيت صهيب : ليش مافيقتيني مروة: ما كان بدي ازعجك .. (حبيت غير جو معووقلتلو) اي شوفيها يعني خربت الدني صهيب : اي خربت .. انتي ليش راسك كبران ومانك عم تسمعي الكلمة مروة: راسي مانو كبران ... وبصراحة انت زودتا كتير ..شو صرلك ماشفت غير شي طرق براسي .. وطلع ضاربني بفناجن القهوةحطيت ايدي ع جبيني وطلعت بسرعة وسمعت صوتو من جوا ..لسا لسانك بدي قصو طلعت ع ارض الدار وانا عم ابكي منو ومن الضربة كانت كتير قوية ..حسيت شي عم ينزل على عيني .. رفعت ايدي ولا دم مروة : دم !!!! رحت ع المغسلة يلي حد الباب وصرت غسل راسي .. بس الدم كان قوي .. كتير اتطلعت بالمراي .. ولا جبيني مفتوح متل التم .. نزلت راسي وصرت غسلو وابكي .. وانا بخاف كتير من الدم .. انفتح باب الدار وكان معاذ وشاف كيف المغسلة معباي دم معاذ : مروة !! شبك ... من شووو الدم ... مروة وانا عم ابكي : مافيني شي .. معاذ : صهيب .. صهيب .. تعال شوف مروة مدري شبا طلع صهيب واجا لعندي فورا برمني لعندو وشاف الجرح صهيب : بسرعة جيب محارم .. فات معاذ يجيب محارم .. وصهيب وصار يمسحلي وجهي وهو خايف ويقلي سامحيني .. سامحيني ياعمري جاب معاذ محارم .. اخدن صهيب وحطلي اياهن ع الجرح وقلي كبسي منيح حطيت ايدي ع الجرح وكبست .. واخدني صهيب ع المشفى .. وكان نفس الدكتور يلي عالجني لما كنت مريضة .. نيمني ع التخت وصهيب جنبي مبين عليه كتير خايف علي .. بس انا ماعطيتو اهتمام بخولي مخدر .. بس متل قلتو .. وقعد يعقم الجرح وانا صيح وابكيالعضوة: 694206 , منذ 3 سنوات
الدكتور : بشو مجروحة مروة : كنت عم جيب صحن من ع الرف ووقع على راسي الدكتور : يلا بسيطة .. يلا خدي نفس لانو بدو تقطيب الجرح .. منيح انو بجيبنك من فوق مشان مايبين وبلش يقطبني وانا حس الابرة عم تغرز بقلبي مروة : اااااااااخ ... مشاان الله يا دكتور عم توجعني ... اااخ .. معد استحمل دخيلك الدكتور : يلا استحملي شوي بس اول قطبة بتوجع .. صهيب حاول تهديها .. قرب صهيب ومسكلي ادي وكل قطبة عبي المشفى عياط وبكي .. وقطبني اربع قطب .. عقمن وحطلي شاش ولزقن الدكتور : خلصنا كنت عم ابكي الدكتور : ليش عم تبكي مروة : كتير موجوعة .. الدكتور : بعتذر منك .. بس هلأ رح اكتبلك عمسكن ودوا التهاب بخف الوجع وكل يومين تعالي لغيرلك عليه .. مروة : وايمت بدي فك القطب الدكتور : خمسة ايام تجلست وقمت مروة : شكرا دكتور الدكتور : العفو طلعنا انا وصهيب من المشفى وركبنا بسيارتو صهيب : انا اسف ما رديت صهيب : حقك تزعلي ... بس انا معد زعلك وعد مروة : شو معد تزعلني ... انت واحد طايش وتصرفاتك طايشة ... يعني لو إنو الفنجان جاي بعيني وانعميت كنت فرحت فيك ... والله كل يوم عم اكرهك اكتر من يلي قبلو لسه مابقلو تغير وصار منيح .. بترجع متل اول واكتر .. انا خلص معد متحملة هالعيشية صهيب : بدك طلقك اول مرة مابريد الطلاق .. مو لانو حبيتو .. بس مشان ابني مارديت صهيب : رح اتركك تفكري منيح .. وشو بدك انا جاهز انا ظلمتك كتير وانتي ما بتستاهلي واحد متلي .. بس بدي قلك شي انو انا بحبك .هي اول مرة بيعترفلي بحبو .. مروة : اذا بتحبني وهيك كيف لو بتكرهني صهيب : انا اخر فترة كنت متغير معك وكنا مبسوطين بس بتعرفي شو يلي صار وعكرلنا مزاجنا مروة : وانا شو دخلني لحتى كنت عم تلومني الي صهيب : يمكن حطيت الحق عليكي بس هو الحق علي انا اهملت الشغل وحطيت الحق عليكي .. مروة : وكل هاد مشان المصاري يلعن ابو المصاري صهيب : الشغلة ما شغلة مصاري.. الشغلة اكبر من هيك .. مروة : طيب حكيلي صهيب : واحد حقير كلب .. عم يتحداني .. وانا مابدي اعلق معو مشان مايصير دم .. بس لاني ساكتلو تمادا كتير وعم يحاول ياخد شي كبير مني مروة : وشو هو صهيب : انتي مروة : شوووو انا ؟؟العضوة: 694206 , منذ 3 سنوات
صهيب : اي انتي .. فهمتي ليش عصبت عليكي لما عرفت انو انتي يلي فتحتي الباب مروة : بس انا شو دخلني .. صهيب : حقير واطي .. بدو يطعن بشرفي مروة : ياربي دخليك .. بس انا نبهت علي من اول ماتزوجنا انو ما افتح لحدا .. يعني من وقتا صهيب : لا .. انا بالاول كنت غار عليكي ... والضعية كلا عم تحكي انو صهيب متزوج وحدة حلوة كتير ومحرص عليها .. وهو لما سمع هيك عم يحاول يوصل لمرتي يلي انا محرص عليها .. بس انتي لاتخافي مارح خلي حدا يمس شعرا من شعراتك مروة : طيب ليش هو هيك عم يعمل .. انت شو عاملو صهيب : ماني عاملو شي .. بلشت الشغلة انو نضارب ع بعض .. بس هو ابن حرام بغار مني كتير وبدو يكسرني مروة : انا خايفة كتير صهيب : لا تخافي انا معك وحط ايدو ع ايدي مروة : طيب انت بلالك هالشغلة صهيب : ماني مطول .. بدي العن ابو هالشغلة واتركا ويلي بدو يهرب يروح يهرب لحالو انا معد دخلني بحدا وصلنا ع البيت وانا خايفة كتير .. بس قلبي ماراق اتجاه صهيب وضليت محاربتو ... كانت حماتي ومعاذ حماتي : شو صاير لمروة صهيب : ولا شي .. جرح صغير مروة بقهر : صغير بالنسبة الك .. بس الي كتير كبير وبوجع كمان صهيب : طيب ياستي حقك علي واناواسف كتير مروة : اعتزارك مانو مقبول تركتو وفتت ع غرفتي صهيب : ايه عملي وكتري يامروة .. __________________ تاني يوم كنت بالمطبخ عم نجهز الغدا طلعت حماتي وضليت انا لحالي .. فات صهيب صهيب : شو الحلو بعدو محاربنا .... مروة : انت ما عطيتني فترة لحتى فكر .. وانا عم فكر حسيتو زعل وقال : اي فكري عمهلك مروة : لاتنسى انك وعدتني شو مابدي تعملي ... وكمان عم فكر فيها اذا اتطلقت ببطل حدا يهددك فيني صهيب : تكرمي ... متل مابدك ترك المطبخ وطلع .. بصراحة شفقت عليه كتير .. بس انا كمان بينشفق علي صار المسا واجيت لحتى نام لقيتو جاي ينام حدي مروة : شو مارحت عشغلك صهيب : ماني رايح .. ان شاء الله الدني تخرب معد يهمني .. اصلا قرفان هالعيشي كلا .. لقمة مغمسة بالدم مروة: تصبح على خير صهيب : وانتي بخير .. كل واحد اخد زاوية من التخت ونام . فقنا الصبح .. صهيب : مروة مروة : نعمالعضوة: 694206 , منذ 3 سنوات
صهيب : عنجد بدك تطلبي الطلاق مروة : مابعرف صهيب : مين يلي بيعرف مروة : مابعرف كمان ... قلت بقلبي خايفة اتركك وخايفة ضل عندك .. ياربي ثبتني على رأي صهيب : قومي خلينا نروح ع المشفى يغيرولك ع الجرح رحنا ع المشفى .. واجا الدكتور لحتى يشوفو اذا ملتهب رفع الشاشة وقلي لا منيح .. مافي شي الجرح .. اتطلع فيني وصفن الدكتور الدكتور : مروة انتي ليش هيك مصفرنة مروة : اناا لا مافيني شي الدكتور : عم تتغذي منيح مروة : اي عم اتغذا منيح .. صهيب : في شي دكتور صفن الدكتور شوي وقلي : حامل ؟ ماعرفت شو رد اتطلعت بصهيب ورجعت اتطلعت بالدكتور وقلتلو : اي حامل حسيت صهيب حدا ضربو شي مية كف على وجهو .. اتطلع فيني وفنجر عيونو .. كان بدو يسألني بس خجل قدام الدكتور غيرلي الدكتور ع الجرح وقلي : اليوم في دكتور نسائية مداومة اذا بتحبي تفوتي لعندا . وطلع صهيب : مروة انتي حامل هزيت برسي دمعووعيونو وقال : عم تحكي جد مروة : اي جد صهيب : من ايمت مروة : يوم يلي اخدولك السيارات يومتا عرفت .. وكنت كل مابدي قلك انتي تبهدلني وتسكتني .. وانا انقهر منك وبطل خبرك حط اديه ع وجهو ومسح وجهو وقال دخيلك يا الله ما احلا هالخبر ... ركع قدامي وانا قاعدة ع التخت ومسكلي ايد وقلي انا بحبك كتييير ... بحبك كتييرر.. مروة انتي بتجنني يا الله شو فرحت ع فرحو .. ماشفت حالي غير رميت حالي بحضنو وصرت ابكي ... ضمينا بعض نحنا التنين وصرنا نبكي صهيب : يلا تعالي نشوف الدكتورة ... فتنا ع الدكتورة النسائية .. صهيب كان ماسك ايدي ومايرضا يتركا الدكتورة : هههه صرلي عشرين سنة بجي ع هالمشفى هي اول مرة بشوف تنين ماسكين ايدن بعض وماعم يتركوها .. نمت ع التخت وكشفتلي عن بطني .. وحطت الايكو .. الدكتورة : مببن في حمل ... بس هلأ ماببين معي منيح رجعي بعد فترة بنتأكد من النبض ومن صحتو .. هلأ مطلوب منك تشربي هالدوا وتعملي تحاليل وترتاحي طلعنا من عند الدكتورة عملت التحاليل ورحنا ع البيت .. كان صهيب بعيونو الفرح فتنا ع البيت وصهيب بسرعة فات بخبر اموالعضوة: 694206 , منذ 3 سنوات
صهيب : امي ... امي حماتي : اي شوفي صهيب : امي انا رح صير اب مروة حامل حماتي : عنجد اي الف مبروك ياعمري .. الف مبروك يامروة مروة : الله يبارك فيكن حماتي : انا رايحة جهز الفطور مروة : لحظة لحتى بدل تيابي وبجي بساعدك حماتي : سماع مرتك شو عم تحكي صهيب : انتي مجنونة .. من هون ورايح بدي تريحيلي حالك ع الاخر انا بدي اخدمك مروة : بس صهيب : مافي بس قدامي لشوف رحت ع الغرفة وصهيب مشي واري صهيب : حبيبتي شو مشتهية شو جاي عبالك مروة : يعني لو ماني حامل بحياتي مابشوف هالدلال وهاد كلو لابنك مو هيك صهيب : معك حق .. بس بالاخير مين يلي عم يتدلل مروة : انا صهيب : لكن لفينا اياها ام الرور مروة : طيب ماشي .. قرب صهيب من بطني ولمسلي عليه وقال : حبيبي يا بابا ناطرك .. تقبرني انت والماما .. بلشت الايام تمر والكل كان يهتم فيني وكتير يدللوني .. وصهيب صرت حبو كتير لانو بقولو الحب بيجي من الاهتمام .. كنت قاعدة ناطرتو اخر الليل وانا مقهورة ليش اتأخر .. فات صهيب وقمت انا ضميتو .. وهو حملني وباسني على خدي صهيب: شو مسهرك لهلق مروة: كتير اتأخرت وانا شتقتلك صهيب : حقك علي اسف مروة : صهيب بترجاك اترك هالشغل صهيب : والله رح اتركو انتي بس صبري علي مروة : طيب ماشي صهيب : حزري شو مروة : شو صهيب :بيتنا رجعت بلشت فيه شغل .. مروة : عنجد صهيب : اي جد .. يعني بالكتير شهر زمان وبنروح بنسكن فيه مروة : اي والله ياريت ... .. اي قلي شو صار معك مع هاد يلي عم يتحداك صهيب : ولا شي .. بس انا عطيت خبر للشباب انو بدي بطل ويمكن وصلو الخبر ومعد عمل شي مروة : بصير يقول عنك انك خفت صهيب : يقول مابهمني .. يلي بهمني هو انتي وحبيبي يلي جاي ع الطريق .. مروة : الله لايحرمني منك اتطلع فيني وقال : كأنك حليانة مروة : بجوز غمزني وقال : مابجوز اكيد ههههه كنت عم عيش احلا ايام حياتي معو ... لحتى صرت مهوسة بحبو واذا اتأخر شوي جن ... صهيب ترك الشغل .. بس يلي بدو يشتغل ضل عم يشتغل .. ونصن صارو مع هداك يلي كان يهددو يلي انا مابعرف شو اسمو ... سهرانين انا صهيب بغرفتنا صهيب : مروة سامحيني مروة : ع شو صهيب : ع كلشي مروة : الله يسامحك اصلا انا مسامحتك من زمان ... صهيب : مروة انا بحبك كتير مروة : وانا كمان بحبك كتير .. بس قلي شبك صهيب : ولا شي .. بس حاسس هالكلمات لازم قولن ..العضوة: 694206 , منذ 3 سنوات
مروة : اي احكي يلي بدك اياه حبيبي نزل لعند بطني وحط ادنو ع بطني وقال : حبيبي ايمت بدك تجي .. حاسك رح تطول كتير مروة : لا ماكتير انت مستعجل ... كلا ٤ اشهر وبكون بين ادينا صهيب : ماني مصدق ايمت تجي هاللحظة ... مروة : ان شاء الله جاي ورح يملي علينا حياتنا صهيب : بدي تولدي ببيتنا مروة : ان شاء الله .. صهيب : بتعرفي انو حابب اكل شي بس مابعرف شو هو مروة : قلي شو هو صهيب : صرلي يومين عم تعن ع بالي الشاكرية مروة : اي بكرا بقول لامك تعملك اياها صخيب : انتي مابتعرفي تطبخيها مروة : لا .. بس خلص بكرا رح اقعد حد امك واتعلما صهيب : اي ماشي .. رن تلفون صهيب صهيب : الوو ... اي شوفي ... انا ماني طالع دبرو حالكم ... لا اخر مرة ولا اول مرة ... ليش شوفي ... طيب اخر مرة وبس .. يلا انا رح شوف مين ضل من الشباب معنا مروة : شووو صهيب : طالع ع الشغل مروة : ما عأساس بطلت صهيب : مظبوط بس اخر نقلة هي لانو الجيش عم يعمل حواجز يعني بكرا بتسكر المنطقة ومعد حدا يقدر يهرب والشباب اصرو علي انو اخر نقلة اليوم مروة : مشان الله لا تروح قرب باسني على راسي وقال والله مارح طول .. بس مرقن واجي اصلا هي النقلي ما الي فيها شي مروة : رح انطرك صهيب : اي ماشي .. ادعيلي مروة : الله معك ..العضوة: 694206 , منذ 3 سنوات
جاهزين لمنعطف جديد للقصة بس مؤلم كتير صراحة هاد اكتر جزء بكيت فيالعضوة: 694206 , منذ 3 سنوات
طلع صهيب وراح ... وانا قاعدة ناطرة .. بس ماني مطمنة ... اتأخر الوقت ومحدا اجا ...صارت الساعة وحدة .. تنتين ... تلاتة .. اربعة .. خمسة .. اذن الفجر .. صارت ستة وانا واقفة ع الشباك مروة : ياربي ليش اتأخر .. انا بفرجيك يا صهيب حتى تجي .. صارت الساعة سبعة .. حسيت حدا عم يدق ع الباب .. وصوت ضجة كبيرة برا .. طلع عمي فتح الباب .. انا تناوقت من شق الباب .. شفت اخي خضر ومعن كم شب ...وتيابن مغبرة ومنتفة .. وعم يبكو .. قلبي صار متل النار عمي : شووووفي خضر : عميي ...( وصار يبكي عمي : شوووفي .. وينو صهيب خضر : كنا جايبين سيارات المازوت وطلعت قدامنا دورية كبيرة .. وصارو يقوسو علينا عمي : صهيب وينوو خضر : نحنا قدرنا نهرب .. بسس عمي : يعني صهيب مسكوه خضر : عمي صهيب وعمر اخي قوسوهن ويمكن مااتو انا طلعت متل المجنونة ... مسكت تياب خضر وقلتو شوو قلت صار يبكيالعضوة: 694206 , منذ 3 سنوات
عمي : خضر فهمني ماااتو ولا يمكن ماتوو خضر .. شفناهن من بعيد بعد ما قوسوهن شحطوهن وحطوهن بالسيارة من ورا ... لو عايشين كانو اسعفوهن مروة : لاااا ... لاااا ... صهيب قلي رااجع ... والله قلي راجع ... وعمرر .. عمر اخي مارح يموووت .. طلعت حماتي ع صياحي .. ولما سمعت الخبر وقعت بأرضا ... طلع عمي عأساس رايح يتأكد .. ويسأل شي حدا ... قعدت ع الدرج وابكي وقول والله قلي راجع .. والله .. قلتلو مشان الله لاتروح .. قلي اخر مرة ... اي والله طلعت اخر مرة ... ولاا اخي ااااه ياربي .. رحت لعند مرت عمي يلي يلي كانت مصدومة وماعم تحكي مروة : قلي مشتهي الشاكرية .. صرخت بوجهي وقالت خرسييي صهيب مامااات ... اجت امي لعنا هي وفاطمة كانو عم بكيانين كتييير ضمتني امي وقالتلي : عمرر يا مروة .. عمرر.. مروة : ااااه يا اميي ... اااااخ ... راحو الغوالي .. رجع عمي بعد ساعةوجهو ما بيتفسر مروة :عميي شووو عمي : مااابعرف .. بس مالن اثر... حكيت مع واحد قال اذا عايشين بقلي وينن واذا ماتو رح يسلمونا الجثث .. وعملنا مناحة... صارت العالم تجي وتعزينا .. نحنا اتأكدنا انون ماتوو لو ماماتو كان وصلنا خبر منون .. مابدي وجعلكن قلبكن بالمعانات يلي مرينا فيها... بس ضلينا جمعة لا ليلنا ليل ولا نهارنا نهار ... امي من جهة عم تبكي ع اخي وحماتي من جهة عم تبكي ع جوزي .. وانا قاعدة عم ابكي ع التنين فات عمي لعنا وقال وبعدين ... خلص ماااتو الله يرحمن شو نموت وراهم ... وانتي يابنتي في ببطنك ولد حرام يلي عم تعمليه بحالك مروة : مو بأيدي ياعمي مو بأيدي .. عمي : يلا قومي جهزولنا شي ناكلوو .. قامت مرت عمي فاتت ع المطبخ .. واناقمت فتت ع غرفتي ... يلي ما فتا من يوم مات صهيب ... يا الله شو توجعت كل زكرياتي الحلوة معو بهل الغرفة .. صرت حكي ربي وقول لييش يا الله كل مابحب شغلة بتاخدا مني ... كل مابقول رح افرح .. بتجبلي الحزن .. يارب والله معد اتحمل ... قلبي معد يتحمل وجع ... دخليك يارب .. لييش .. لييشش ... طبيت ع التخت وصرت ابكي ... تجلست وحطيت ايدي ع بطني وقلت البابا راح .. راح ومعد يرجع .. البابا بحبك كتير .. كان ناطرك لحتى تجي على احر من الجمر .. ااااااااه لك اااااااااهالعضوة: 694206 , منذ 3 سنوات
فتت بالعدة انا .. وما قدرنا نعرف شي عن صهيب .. قال كل يوم عم يموت عالم كتيرة ويدفنوهن جماعية ... وصرنا نسأل اذا عايشين بس ماكان الن اسم .. لك حتى جثتو ما شفناها .... واجا الجيش عمل حواجز بالمنطقة ... وبلشت تصير المشاكل ... ويصير اشتباكات بين المسلحين والجيش .. وماتعرف مين عم يضرب ع مين ... بس الضحية بهل الحرب هنن الشعب يلي مالو ذنب وهو يلي ماكلا كنا نحنا درع بشري للجيش وللمسلحين وكل واحد يحتمي فينا ... بس انا ماكنت خاف ولا اهتم .. لانو القلب مااات ... وصاروقت ولادتي .. جبت ولد متل القمر ... بس يوم يلي ولدت فيه الكل كان عم يبكي واولن انا ... عمي حملو واذن بأدنو وقال هاد صهيب الصغير ... ليش عم يزيدو وجعي وجع .. سموه صهيب مشان كل ما اندهولو اتذكر ابوه .. بس ماحكيت كمان هنن فاقدين ابنون ... عمي : يلي خلف مامات والله عوضنا بصهيب الصغير .. حماتي ماتحملت وطلعت عم تبكي ..حملتو ليلى وباستو وقالت الله يحميك ياعمتي .. وتشوف ايام حلوة ... ليلى : يلا مروة حاج تبكي ... ورضعيه للولد .. ولاترضعيه وانتي عم تبكي مشان ما يأثر عليه .. مسحت دموعي وحملتو .. واتطلعت فيه ... كان نسخة عن ابوه .. همست بأدنو وقلتلو البابا بحبك يا عمري .. وبلشت تمرق الايام والاوضاع كل مالها عم تزيد .. ونحنا بالبيت كنا اجساد بلا روح .. كان صهيب الصغير ينسينا شوي .. وبيت عمي ماكانو يتركوه يضلو حاملينو وعم يلاعبوه .. متل مابقول كلشي ببلش صغير وبينتهي كبير الا الموت ببلش كبير ببتنهي صغير .. بس كنت فكر انو كلو من شغلن شقد قلن بلالكن هالشغل .. ومحدا يرد علي ... بعدين قول هي ارادة رب العالمين والحمد لله ع كلشي ... ووصلنا بضيعتنا لمرحلة القذائف من وين عم تجي محدا بيعرف ... واول قذيفة اجت ع الضيعة اجت ببيتي ببيتنا انا وصهيب عأساس يلي لسه مافتت عليه ولابعرف شو شكلو .. صارت تنزل هالقذائف .. ونحنا كنا نجتمع بغرفة وحدة ونقعد نقرا قرأن مشان الله يحمينا ... نسمعا كيف تطلع وهية عم تصفر لحتى تنزل ... نضل ماسكين قلبنا بأيدانا لحتى تنزل .. وسبحان الله كان الله يحمينا وماكنت تجي ع البيوت ...انا ماكنت خاف على حالي .. خاف على ابني يلي لسه ما شاف شي من هالدنياالعضوة: 694206 , منذ 3 سنوات
عم تمطر قذائف برا .. ونحنا قاعدين وانا حاطة ابني بحضني ومخبيتو .. قال مشان اذا اجت شي قذيفة مايصيبو شي ... واشتد القصف.. وصرت ابكي مروة : مشان الله لايمت هالحالة عمي : شو طالع بالايد مروة : انا ابني صغير ومابدي خاطر فيه .. خلونا نطلع مشان الله حماتي : ع وين بدنا نطلع مروة : ع اللبنان .. نص الضيعة طلعت .. نحنا شو قاعدين عم نعمل هوون .. هي البلد معد تهدا .. ولاتنسو هي منطقة حدودية والكل بصير بدو يسيطر عليها .. وحتى تهدا الا ضاع بنرجع عمي : ان شاء الله خير صار الليل وقف الضرب قمت اخدت ابني ورحنا انام بغرفتنا .. طبعا انا كنت نام الا بعد ماكون مغرقة المخدة دموع ... وعيد بيني وبين حالي نفس الاسطوانة .. ليش حبيتو .. ليش ... احضن مخدتو وقلو اشتقتلك كتيير .. مروة : الله يرحمك يا صهيب انت وعمر ويجعل مثواكن الجنة .. ويسامحكن ويغفرلكن ... بست صهيب الصغير ونمت حدو انا عم اختصر عليكن شوي عن حياتي المؤلمة يلي كنت عم عيشا مشان مشاعركن .. وبعرف كل واحد الو فقيد بهل الحرب اذا ماكان ميت بكون معتقل او مفقود .. فقت الصبح بكير .. طلعت ع ارض الدار .. كانت ريحة البارود طالعة متل قبل كنا نفيق ونشم الهوا النضيف وريحة الياسمين الصبح .. صرنا نشم ريحة البارود ...رحت لجهز الفطور ونفطر كلنا سوا ... سمعت صوت قذيفة طلعت من بعيد قلت :يارب تطلف .. يارب بردا وسلاما محل مابدا تنزل .. صوت صفيرا عم يقرب .. وحسيت الجو فجأة صار سخن ... وبوووووم.. رج البيت كلو .. وانا وقعت ع الارض .. شي متل لمح البصر .. ازاز الشبابيك والبواب كلو ع الارض من الضغط .. الغبرة بكل البيت .. عرفت انو القذيفة اجت بالبيت .. قمت بسرعة .. لقيت الغبرة طالعة من غرفتي .. فتت كان الضو جاي من السقف كانت جاي بالسقف ... ركدت لعند ابني شلتو من تحت الغبرة وهو مغمض عيونو متل الملاك .. صرخت صووت وقلت : صهيييييبب ... صهييييب ... فييق يا ماما ... فييييق لااا تمووت ... لا تموت ... يا عمري ...يااارب ... يااارب .. دخيلك يارب كلشي الا ابني .. عم هزو بأدي وعم اصرخ وابكي .. اجو بيت عمي ع صياحي ..العضوة: 694206 , منذ 3 سنوات
مروة : عميي صهيب ..صهيب اخدو عمي وضربو كفين خفاف على وجهو .. وصار يبكي يقبر قلبي ... طلع يقبر قلبي كان نايم.. ومتقل بالنومة والحمد لله ما انخمش .. وانا اصلا انا من لهفتي عليه ماشفت اذا صايبو شي او لأ بس لما شفتو هيك نايم فكرتو مات .. وفكرت حالي خسرتو .. اخدتو وبلشت بووسو واحمد الله مروة : الف حمد وشكر الك يارب .. بشكرك يارب .. اجو اهل الضيعة ليشوفو شو صار عنا .. مروة : انا معد اقعد ولا دقيقة هوون عمي : انا اصلا معد نقعد .. جهزو حالكن .. اليوم طالعين ع لبنان .. الجزء_الثامن المسا ضبينا غراضنا واجت سيارة كبيرة حملنا غراضنا وطلعنا .. يعني نحنا احسن من غيرنا طلعنا بشوية غراض عالم طلعت بس بتيابها كان سلفي سليمان رايح قبلنا واستأجر بيت كبير .. طلعنا وتركنا قبلنا وافراحنا واحزانا كل الزكريات الحلوة تركناها وطلعنا .. فتنا تهريب على لبنان . وسكنا كلنا مع بعض ... وتاني يوم اهلي لحقونا .. ويوم عن يوم كانت الا ضاع بالضيعة عم تخرب .. ونص البيوت صارت ع الارض .. مافي شهرين كان الجيش مسيطر على المنطقة كلا .. وممنوع حدا يرجع قال بدن يعملوها منطقة عسكرية .. وبيت عمي فتحو محل مجوهرات طبعا هاي كلا من مصاري صهيب .. استلم المحل سليمان ومعاذ وشغلو معن واحد بيعرف بالدهب لانو هنن ماعندن خبرة ..كانت الحياة بلبنان منيحة نوعا ما بس الواحد قد ماكان مالو متل بلدو ... بس معد نقدر لانو يمكن ولاد عمي واخي مطلوبين .. اذا مامطلوبين رح يروحو ع الجيش .. حضرنا الغدا وقعدنا كلنا ناكل .. اكلت لقمتين وقمت عمي : ع وين ياعمي مروة : صحة .. شبعت عمي : ليش هيك يابنتي عم تعملي بحالك .. صهيب صرلو ٨ اشهر ميت ... لازم تنسي مروة : انتو نسيتوه محدا رد مروة : مارح انساه لاخر يوم بعمري .. وانا هيك منيحة لا تشغلو بالكن .. فتت ع غرفتي كان صهيب الصغير عم يناغي كان عمرو اربع اشهر... حملتو وبستو ووقفنا انا واياه ع الشباك كانت حياتي عادي كتير ماقرب من حدا ولا ازعج حدا كنت ساعدن بشغلات البيت وارجع ع غرفتي .. وكنت روح زور اهلي .. بعد يومين كنت قاعدة بغرفتي عم رضع ابني.. فاتت لعندي حماتي حماتي : كيفو صهيب مروة : بخير ببوس ايدك حماتي : مروة .. بصراحة في موضوع بدي افتحو معك مروة: اي حماتي عم اسمعك حماتي : هلأ انتي قعدتك معنا غلط بالحساب انتي ارملة وعندكالعضوة: 694206 , منذ 3 سنوات
حسيت انو بدن يقلعوني مروة : خلص مرت عمي اذا مابدكن اياني بروح لعند اهلي ... بس انا كنت قاعدة هون مشان صهيب لانو انتو متعلقين فيه كتير وقلت مابدي احرمكن منو حماتي : لا لا .. ماهيك قصدي.... بالعكس نحنا كتير حابينك تضلي معنا بالبيت .. مروة : لكن شو المشكلة حماتي : انك تتزوجي يا سليمان يا معاذ مروة : شووووووو حماتي : انتي ختياري ... لانو انا مستحيل خليكي تطلعي من هالبيت لا انتي ولاصهيب .. وكمان قعدتك معنا مانها ظابطة مروة : حماتي يلي عم تحكيه مستحيل يصير .. حماتي : مشان الله فكري منيح .. والله الوضع علي صعب كتير بس هي اوامر عمك ... وكمان انتي بدك تضلي طول عمرك هيك ... لساتك صغيرة بأول عمرك .. مروة : شيلك عني .. شو نسيانة انو سليمان متزوج وعندو ولاد ومعاذ اصغر مني بسنة يعني كيف هيك ظبطت معكن ... بس خلص انا رح اتركلن هالبيت وخلصنا حماتي : طلعة من هالبيت ما الك .. واذا بدك تطلعي صهيب مابيطلع .. انتي اختاري يا تضلي مع ابنك وتتزوجي واحد من الولاد يا اما بتتركي هالبيت وبتطلعي منو لحالك مروة : يعني عم تحطوني تحت الامر الواقع حماتي : هيك شي .. تركتني وطلعت .. وانا صرت ابكي .. انو ليش هيك عم يصير معي ليييش ... الله يسامحكن يا اهلي .. كلو منكن .. كلو منكن .. اندق الباب وفاتت سلفتي ميس .. كانت عم تبكي مروة : شبك انتي التاني ميس : مشان الله يامروة .. انا بحبو لسليمان كتير .. وبموت اذا شفت وحدة عم تشاركني فيه مروة : من كل عقلك جاي عم تقوليلي هيك انا مستحيل اتزوج بعد صهيب ..لا جوزك ولا غيرو ميس : عنجد مروة: اي عنجد ... حطي اديكي ورجليكي بمي باردة ... قمت وصرت البس ميس : ع وين مروة : رايحة لعند اهلي ... طلعي قولي لحماتي انو مروة طالعة ميس : شو بدك تعملي عند اهلك مروة : ولا شي .. بس مارح طول لبست وطلعت .. بيت اهلي كان قريب .. كان بيناتنا حارة دقيت الباب وفتحتلي امي امي : اهلين مروة فوتي فتت وكان ع الطاولة فناجين قهوة مروة : مين كان عنكن امي : عريس لفاطمة مروة : هه صرنا تنتينالعضوة: 694206 , منذ 3 سنوات
ابي : شو يعني مروة : يعني بيت عمي قدمولي عريسين وانا اختار منن واحد .. ياسليمان يامعاذ ابي : اي منيح .. مشان ابنك مروة : لهووون وبس معد خلي حدا يتدخل بحياتي ... اصلا انا ماوصلني لهون غير حضرتكم امي : شو نحنا يلي موتنا صهيب مروة : لااا بس لو مازوجتوني غصب عني ماكان صار فيني يلي صار امي : بس انتي كنتي بتحبيه مروة : ايمت صرت حبو .. لما حبيتو قام الله اخدو .. لو مازوجتوني اياه ماكنت حبيتو ابي : شو يعني هلأ مروة : بتقوم بتروح ع بيت عمي وبتقلن انو مروة مابدا تتزوج حدا وبدا تعيش عنا .. وصهيب كل يوم باخدلن اياه ابي : طيب اهدي .. هلأ بروح مروة : اي قام راح ابي عبيت عمي .. مروة : من وين العريس امي : من حمص المدينة .. وهو ممرض عم يشتغل بمركز صحي للسورين هون مروة: وشو رأيكن امي : بدنا نسأل عنو وعن عيلتو ... والله هالشب حلو وشخصية ومحترم وصاحب دين مروة : الله يقدم يلي فيه الخير ... وانتي فطومة شو رأيك بالعريس فاطمة : مابعرف مروة : احسن الشي رجع بابا بعد شوي .. مروة : شو بابا ابي : خلص متل مابدك بصير فرحت كتير وقلتلو : عنجد ابي : اي عنجد .. بس من هلأ اذا بدك تتزوجي شي يوم بتنسي ابنك مروة : ومين قلكن انو بدي اتزوج .. انا رايحة جيب غراضي وغراض صهيب رحت جبت غراضي وقعدت عند اهلي .. بعد يومين اجو اهل العريس يلي جاين مشان فاطمة .. واهلي كانو سألين عنن وعطو الموافقة .. كنت واقفة بباب الغرفة وعم اتفرج عليهن وهن عم يقرو الفاتحة .. شفت بعيون فاطمة الفرح .. فرحتلا من كل قلبي .. مروة : الله يهنيكي يافاطمة .. رجعت لعند صهيب كان نايمة تمددت جنبو وصرت العبلو بشعراتو ... بعد كم يوم .. كنت عم اجلي .. سمعت الباب انفتح .. وفاتت لعندي فاطمة مروة : مين اجا فاطمة : خطيبي مروة : جاي تعملي قهوة يعني فاطمة : اي مروة : خلص انا بعملا وبفوتا ... فاطمة : طيب ماشي .. وكمان مشان تتعرفي على اسامة مروة : اي يلا عملت قهوة وفوتا .. سلمت على اسامة كان شب كتير محترم وخجول فاطمة : اسامة هي اختي مروة الصغيرة يلي حكيتلك عنا اسامة : تشرفت مروة : وانا كمان اسامة : بصراحة زعلت كتير لما خبرت انك ترملتي وانتي صغيرة مروة : هي حكمة الله اسامة : الله يرحمو