انا شفت كتير بنات بيسئلو هون عن الطلق والولاده ومرحله النفاس  فحبيت اكتب تجربتي الخاصه وشو صار معي وشو عملت  ويارب حاول فيدكن قدر الامكان 🙄😌 مرحله قبل الطلق ومرحله الطلق 💢💢 هلا اول شي انا ولدت بعد شهري بست تيام اجى الطلق طبيعي ونا بلبيت فيلي راح موعد ولادتهي لا تخاف ولا تتوتر ولا توخدو وصفات واعشاب ولازيت خروع لاني انا شربت باخر اسبوع زيت خروع وما فادني بشي غير الخوف والقلق فبنصح ما اتعبي حالك ع الفاضي  لانو كل شي بوقتو حلو👌 انا بلشت امشي من بدايت التاسع  بس ما بحكيلكن اني كنت منتضمه بل مشي لا  المشي مو لوحدو بسهل الولاده اهم شي كتري حلو انا كنت كل يوم اكل سبع تمرات مع كوب يانسون او بابونج وكتري مي المي مفعولها تحفه واو يعني حاولي تبلشي شرب مي من بدايت التاسع لانو انا بفكري ازا مثلا بشرتك ناشفه وعندك حفلا اخر الشهر بتبلشي ترطبيها ابل الشهر مشان بلحفلا تكون زي القشطه😋    مشان هيك بلشي اشربي مي من اول الشهر مشان بس توصلي لحفله الولاده يكون الرحم متهئ ومتلين بمفعول المي 🍹وغير هيك المانجو بلشت اكلو باخر اسبوعين واكلتو كان معي طلق قبل ما اروح ع المستشفى بصراحه ما بقدر اوصفلكو قديش ساعدتني بلولاده 👍👏 وكمان قبل ماتروحي ع المشفى اشربي كاسه مي وعبيها سكر منيح كتير كتير 🍚 وتزكرت كمان ضلهم يقلولي بس تولدي رح تعاني كتير من وجع عضلات الافخاد بس الحمد لله انا كنت اعمل قرفصاء كتير لينتيلي الحوض والاخفاذ وما عانيت بوجع نهائي ...... رح احكي مرحله الولاده بموضوع تاني مارح طول عليكم 🌸🌸🌸🌸🌹🌹🌹🌹🌹🌸🌸🌸 ياريت الي شافت الموضوع تردلي مشان حاول كمل مواضيع تفيدكن متل هيك بتجاربي الشخصيه والي عندها سؤال تسئلني وانا ان شاء الله مارح قصر استنوني  😉😉