كيفكن بنات ..بشوف كتير بنات اول حمل الن يسألو ع بعض الأمور ويتخوفوا منها ولهيك بحاول افيدكم ببعض الأمور : _المغص ووجع الظهر اول ثلاث اشهر للحامل طبيعي (يكون متل مغص الدورة ) المهم ما يرافقه نزيف _الافرازات البنية او القليل من الدم مو بالضرورة اجهاض بس يحتاج تروحي ع الطبيبة بشكل عاجل لتكتب مثبتات مع راحة تامة لفترة تحسبها هي _الافرازات البيضاء او الصفراء طبيعية وتزيد مع الحمل _الوحام أو الوحم مايصيب الكل نفس المستوى حتى يختلف مع المرأة من حمل لآخر يعني طبيعي انو تعاني من استفراغ ولعية شديدة و طبيعي كمان أنو ما تعاني من وحام قوي ويكون بسيط _البشرة احيانا تصفى عالحمل واحيانا حبوب البشرة عند البعض تزيد بشكل قوي ومالها دخل بجنس الجنين ولاحتى شكل الكيس او شكل البطن الن دخل كلها خرافات السونار وحده يحدد _جنس الجنين ما يبين قبل ال١٤ اسبوع واي تكهنات قبلها ممكن بنسبة قوية تتغير لهيك لا تروحو مشان جنس الجنين قبل الاسبوع ١٦ يبين اوضح ان شاء الله _النسبة بتحليل الدم مو مهمة كتير المهم يتضاعف الرقم كل ٤٨ ساعة _مع تقدم الحمل وبعد الشهر السادس تجي احيانا مغص خفيف او تقلصات تخوف الحامل وهي تقلصات براكستون هيكس .. ما بتخوف وبتحدث بشكل متقطع ومو مستمر وتسمى طلق كاذب .. هي طبيعية المهم ترتاحو شوي لما تحسو فيها بين ما تختفي (الطلق الم منتظم مستمر يزيد كل ساعة ويقرب مدته ع بعضه) _اخيرا الحمل يظهر خطين واضحين بالتيست .. اذا خط واحد قوي والثاني فاهي او خفيف بس باين للنظر كمان حمل اذا فاهي كتير او طلع بعد اكتر من ربع ساعة نسبة كبيرة يكون خط تبخر مو حمل وممكن نسبة ضئيلة يطلع بالاخر حمل. شو في كمان اشياء من تجاربكم تساعدو البنات فيها بالتعليقات؟ و ارفعوا المنشور خلي كلنا نستفيد