كلام في الطب يهمك ياريت كل أم وكل أب ياخدوا بالهم… المشهد اللي في الصورة ده حصل بسبب شعرة بس! أيوه… شعرة رفيعة جدًا لفت حوالين صباع الطفل من غير ما حد ياخد باله، وبدأت تمنع الدم عنه لحد ما لونه اسوّد بالطريقة المخيفة دي. يا جماعة الموضوع اسمه Hair Tourniquet Syndrome… وده مش هزار! شعرة أو فتلة خيط صغيرة جدًا ممكن تلف حوالين صباع رجل أو إيد الطفل ، وتبدأ تضغط عليه… والدورة الدموية تتقطع… ومع الوقت — وده أخطر حاجة — الصباع ممكن يتبتر لو محدش لحقه بدري! اللي لازم يتعمل: افحصي صوابع البيبي كل شوية، خاصة بعد الاستحمام أو تغيير الهدوم. ابعدوا عن الشرابات اللي فيها وبر أو خيوط بتتفك. خدي بالك من شعر الأم اللي بيقع بعد الولادة. لو لقيتِ صباع لونه غامق أو الطفل بيعيط بدون سبب… لازم تتفحص المنطقة كويس. وفي أي شك… على الطوارئ فورًا. أرجوكم الموضوع مش بسيط… تفصيلة صغيرة زي دي ممكن تمنع كارثة كبيرة. ويا ريت تشيّروا البوست ده يمكن كلمة توصل لحد وتنقذ صباع طفل من البتر.