ليش نطلب من الطبيبة تحفيز مو طلق !!! السلام عليكم ورحمة الله وبركاته ليش نطلب تحفيز باليد او تحريض من الطبيبة مو طلق صناعي وش الفرق ؟؟ ⏺ما هو التحريض او التحيفز باليد ؟ هو ان الطبيبة تدخل جزء من يدها في المهبل (هذا الشيء كلنا عارفينه اللي تجهله الام هنا)👇🏻👇🏻 لمن تدخل الطبيبة يدها تفصل كيس الماء اللي فيه الجنين عن الرحم ومن هذي الحركة يفرز الرحم مادة تساعد المادة على انقباض الرحم يعني بداية الطلق بأذن الله ⏺ هل الطلق اكيد بيجيني بعد التحريض؟؟ لا مو شرط لان لكل مولود وقت لولادته ممكن يبداء الطلق بشكل طبيعي وممكن يجيك انقباضات وتخف خلال اليوم يعني مثل الطلق الكاذب ⏺طيب ليش اذا هي مو مضمونة نسويها ليش مو على طول الطلق الصناعي!!!؟؟ الطلق اللي يجيك من التحريض هو طلق طبيعي جداً يعني قوته في المستوى الطبيعي اللي ربي كتبه لكل ام اما الطلق الصناعي قووووي جداً وله سلبيات كثيرة غير الآلم الشدييييد المتواصل اللي تحس فيه الام وهذي بعض السلبيات في الصور 👇🏻👇🏻 🛑🛑🛑 مع اني ما احب اعدل بالموضوع لكن قبل ما يكثر الكلام باقول كم نقطة مهمة ١/ توضيحي للفرق بين التحفيز والطلق الصناعي لتوعية الام مو لتخويفها ((( واللي خايفة انصحها لا تحمل لان الولادة بنفسها متعبة و مؤلمة ))) ٢/ لازم الام تطلب من الطبيبة التحريض اولاً بعدين الطلق الصناعي لانه يعتبر اخر خطوة لمحفزات الولادة ٣/ لا تجادلين من غير علم عندك نت ويوتيوب تقدرين تشوفين كلام الاطباء عن اي شيء ببالك 🛑🛑🛑 القرار في النهاية للأم 💓 📍ملاحظة اخيرة انا اكتب المواضيع هذي لوجه الله وعشان الكل يستفيد فاذا استفدتي سوي رفع خلي غيرك كمان يستفيد 🌹 وادخلوا شوفوا بقية المواضيع بتفيدكم باذن الله سواءً قربت ولادتك او باقي وقت بالتوفيق للجميع اتمنى لي ولكم ولادة ميسرة💓