بنات انا حملت اول شيء وسقط للاسف الحمدلله على ل حال وبعدها حملت وقالت الدكتوره حذاري من الاجهاد والشغل الثقيل وكان هو معاي ووقتها كان عيد الاضحى والعيد قالي ابغاه ببيتي قلت ميخالف بس لازم شغاله ما اتحمل قال ميخالف اذا راحوا من بكره جيبي ضغطت على نفسي واستقبلت الناس وبيتي صارت حوسه تعرفون العيد ولحم بس الحمدلله من بكره جاني الشغاله ونفضت بيتي نفض .. بدا الوحم معي وصار وحامي بيتي ما اطيقه كرهته اقوله ابي شغاله بالساعه 4 ساعات ب 60 ريال يعني اشتغل ببيتي شغل خفيف والصعب اخليه لها اذا جات قال لا مابك الا العافيه اشتغلي وكل الحريم يحملون وعادي قلت ميخالف مرات اقوم من النوم تعبانه وظهري وغثيان والبيت حوسه ويبغى غدا ويبغى اغسل ملابسه اقوله ما اقدر اشتغل حاليًا تعبانه والله مابي حيل لشغل البيت المرهق يقولي ترى مافيع شغاله لو وش ماصار ويقعد يحلف ويقسم انها ماتدخل بيته شغاله انقهرت منه قسم بالله هو عنده مزرعه وحاط عامل لها ينضفها ويرتبها ااقوله ليه ماترتب انت وشوله تحط عامل ينظراني بنظرات يعني فاهم قصدك يستثقل راحتي بشكل ماتتصورنه انا يجيني اكتئاب اذا صارت بيتي حوسه ومو مرتبه وفيه اماكن فيهاا تجميعات مثل غرفة الاطفال فيه شنط سفر هو اللي كان منزلها واصيح عليه اقوله ارفعها يقول بعدين ولما قلت له الغرفه صايره حوسه وتجميعات قال شدي حيلك وارفعيهم انتي 😭