هنقول تجاربنا مع الاجهاض وهنتعلم منها وهنعدي الفترة دي سوا وننصح بعض وندعي لبعض 🌸💜 انا اجهضت مرتين و اول اجهاض ليا كان من سنتين اول ما اتجوزت كان تلقائي وعملت كحت وكشفت بعدها عند كذا دكتور واطمنت اني بخير وبعد سنتين حملت تاني في 3شهور الي فاتو وانتبهت لنفسي جدا ولصحتي و روحت للدكتور شاف كيس حمل و الجنين صغير جدا وقالي تعالي بعد العيد نطمن علي النبض وفجاة امبارح نزل مني نقط دم خفيفة بليل جريت ع المستشفي عملت سونار قالولي ده كيس حمل فاضي 💔 بس مكنش لسة نزل مني حاجة واستغربت الدكتور شاف الكيس و شاف النقطة وخد مقاس 20ملم و سبحان الله روحت البيت لقيت الدم نزل بكترة فجاءة و طول الليل قطع دم تنزل و كنت صايمة ورجعت لدكتوري النهاردة قولتله الي حصل معايا كشف عليا لقي بالفعل كيس الحمل مش موجود ونزل و قالي فيه بقايا لسة موجودة وخيرني بين عملية و بين حبوب قالي براحتك وطبعا انا خفت من العملية و قولت اجرب الحبوب اسمها ميثرجين لمدة 4ايام و النهاردة بدأت فيها ونصحوني اشرب قرفه و زنجبيل بالعسل الابيض عشان يساعد ع التنضيف و باذن الله ناوية لما اخلص الأدوية اروح لدكتور شاطر اعرف اسباب الاجهاض ايه واعمل تحاليل تاني وتالت واطمن ادعو لي ماحتاج لعملية وبس دي تجربتي وحابة نتجمع كلنا وننصح بعض ربنا يرزقنا الذرية الصالحة