العضوة: 275918 , منذ 4 سنوات

#محاولات_قتل_امرأة الجزء الرابع عمر : طولي بالك شوي .. قربت من الباب وصرت دئ بقوة كتير وعيط بصوت عالي ( امي افتحييييييييلي ... افتحولي الباااب ) ضل عم بحكي معي وانا مو حاسة بشي حوالي ... بس شافني هيك مشى بسرعه واخفتى .. و فتحتلي امي الباب وهي خايفة ام لبنى : منال ؟ شو في لك امي ؟ كنت عم ابكي واصرخ بصوت عالي : وينا عهد ؟؟ وينا عهد فتت على البيت وصرت دور عليها وابي وراي ويقلي شو بدك باختك ... وفتت لعندا على غرفتها ومسكتها من شعرها وصرت اضربها نسيت حالي وما قدر حدا يبعدني عنها ... كنت اضربها بدون وعي من قهري من هالحياة و من الظلم الي عم عيشو احترق قلبي مو من عمر لأ .. لان ما كنت مستنيه منو شي .. بس دبحتني اختي .. اول حدا حاول يقتلني كان عمر واهلو لما خبو علي طبيعة مرض ابنهن .. وتاني مره اندبحت على ايد اختي لما سمعت غزلها هي وجوزي بالوقت الي انا برجع فيه من دوامي مكسرة تعبانه.. موجوعه وضعيفه .. كل هاد الوقت كانت عهد وعمر عم يحبو بعض بهدوء .. وانا عم موت وافني عمري بهدوء اخر شي تعبت .. وقعدت على الأرض وحسيت بوجع .. ابو لبنى : لك شو صارلك الله يكسر ايديكي ام لبنى : تعي امي .. تعي تعيييييييي اخدت امي عهد عالحمام وغسلتلها وكانت عهد كمان عم تبكي وتتوجع وما فتحت تمها بحرف .. لا هي حكت شبها ولا انا حكيت .. فتت على غرفة تانية وقفلت على حالي وضلو اهلي يحاولو يفهمو من عهد شو الي صاير وانا ما رضيت افتحلهن الباب .. ما عاد قدرت احكي او اتخانئ مع حدا خفت يصير شي لأبني .. منال : امي مشان الله اتركوني .. اتركوني بكرا منحكيييييييي ببوس ايدكن ابو لبنى : خلص تعي وبكرا الصبح منفهم منهن شبهن .. لا حول ولا قوة إلا بالله ..

العضوة: 275918 , منذ 4 سنوات

تمددت وحاولت اخود نفس وارتاح شوي وصرت ابكي لأن الوجع عم يزيد بالتدريج ... خفت كتير وفكرت حالي رح اجهض بعد كل هالمعاناه ضليت للساعه تلاته الفجر عم اتوجع كتمت صراخي و وجعي وخبيت راسي تحت الوساده لاقدر اصرخ شوي .. لوصلت لدرجة من الألم ما عاد قدرت اتحمل ابداً .. زحفت لعند باب الغرفة .. حاولت اوصل ايدي للمفتاح ودرتو بايدي وفتحت الباب وانا عم ابكي واتوجع كان باب الغرفة مقابل غرفة عهد .. وباب غرفتها مفتوح منال : عهد ... عهد مشان الله ..

العضوة: 275918 , منذ 4 سنوات

زحفت لعند غرفتها وانا عم ابكي وكانت نايمة .. بلشت صرخ وصوتي يعلى كتير وبدي حدا يقوم يحس علي .. كان نفسي عم يديئ و حاسة حرارة بكل جسمي .. اخر شي حست علي عهد .. وبس شافتني مرمية بالأرض وعم اتوجع ركضت لعند اامي وابي وصحتهن .. اسعفوني على المستشفى .. وضلينا كل الليل هنيك وانا كل شوي اسأل الممرضات بخوف ( ابني بخير ؟ ) وهن يهزو براسهن ويروحو ويجو اخر شي وعيت عليه وهن عم يقلولي ( ولادة مبكرة ) ما كان بدي ابني يجي هيك .. لسه ماني جاهزة لاستقبلو لسه ما قدرت جيبلو تياب .. ما جبتلو العاب .. ولا غرفة .. ولا تخت .. حتى اب ما عندو هلأ !! من وين بدي جيبلو مصروف حليب وحفوظات ؟ ازا مرض من وين بدي جبل حق دوا ..لهلأ ما معي ولا ليرة .. كنت عم ابكي واترجاه لو يعطيني شوية وقت بعد .. يا امي الكل وقف بوشي ساعدني انته .. ساعدني .. بس رغبة ابني ( ضياء ) كانت اقوى من ألمي .. وبهديك الليلة .. اجا ابني وفرحة عمري .. ما قدرت شوفو لتاني يوم العصر لانو كان بالحاضنة .. ابي الله يحن عليه اخدني على احسن مستشفى خاص وهو دفع كل تكاليف الولادة ..

العضوة: 275918 , منذ 4 سنوات

حتى لهلأ بتزكر لما طلعت من المستشفى اخدوني على البيت وما كان لسه عمر عندو خبر .. جابلي شنتاية كبيرة كانت كلها تياب الي ولأبني ... ضميت التياب وبكيت وضحكت .. اديه كنت احلم جيبلو ياهن من تعبي بس المهم اجو !! استغربو اهلي انو عمر لهلأ ما طل علينا .. وكل ما يسألوني قلهن ما بدي اسمع سيرتو .. حسيت امي ربطت موضوع عمر وعهد ببعض يمكن كان عندها شك دفين من قبل بس كانت تكزب حالها .. اتصلت بأريج وقلتلها تقدملي إجازة امومة من الشركة و وعدتني تجي تزورني وتباركلي .. كنت كل ما نام شوي اصحى لاقي عهد عم تلاعب ابني وتكاغيلو .. ارجع اعمل حالي نايمة لتطلع من الغرفة هيك لبعد اسبوع اجت امو لعمر وخواتو وكانو طاير عقلهن من الفرحة .. جابو هداية للولد وحطتلو حماتي ليرة دهب .. مابعرف فرحت فيهن كتير .. كل الوقت كنت اطلع بعيون ابني وحسو عم يسألني ( ماما ما في حدا كان ناطر جيتي على هالدنيا ؟ ) وقبل ما تطلع مرت عمي سألتني سؤال موتني من الخوف ( منال .. انتي متأكده انو الولد سليم ؟ ) ضحكت وقلتلها ما تخافي ليكو اسم الله عليه مابو شي .. رجعت قالتلي ( بس عمر كان معو ثقب بالقلب وراثة من جدو .. لهيك كنت خايفه على الولد يجي كمان مريض قلب ) صفنت شوي بحكيها وتزكرت لما اول ما خبرت عمر با لموضوع اول كلمة قلي ياها ( من بكرا بتنزلي الولد )رجعت ضحكت وشديت ابني لحضني وكان عم يبتسم متل الملاك منال : لا ما تخافي ما فيه شي الحمدلله ..

العضوة: 444896 , منذ 4 سنوات

تكمله

العضوة: 444896 , منذ 4 سنوات

استناكي

العضوة: 349433 , منذ 4 سنوات

كمليي

العضوة: 275918 , منذ 4 سنوات

بقولو الأم لما تجيب بكرها بتضل خايفه عليه وموسوسه .. لهيك طلعت هالفكرة من راسي مشان ما فاول على ابني .. وبعد يومين اجا عمر .. سمعت صوتو لما فتحتلو امي الباب .. وصارت تقلو منال نايمة لأني كنت منبها عليها ما بدي شوف وشو قمت من فرشتي وبدلت تيابي وزبطت شكلي شوي وطلعت لعندهن عالصالة .. ام لبنى :صحيتي بنتي ؟ منال : ايه ماما صحيت .. شو ليش عهد مو قاعده معكن ؟ .. عهد .. يااااا عهددددددد .. تعي اختي تعي

العضوة: 275918 , منذ 4 سنوات

بعد ما ندهتلها قريب الخمس مرات طلعت وهي متلبكة كتير .. وقعدت جنب امي .. وعيونها بالأرض منال : شو عمر ليش تأخرت لجيت تشوف ابنك ؟ عمر : انا والله يعني ابو لبنى : ما بجوز الي عملتو .. مرتك ولدت بعملية .. وهاد اول ولد .. كيف بترضاها على حالك ضل يعتزر من اهلي وصار يبرر انو انا كنت زعلانه منو وخاف يجي ويزعجني .. منال : حصل خير .. هلأ انت روح على البيت واكيد بكون صار مزبلة بغيبتي .. بتنظفو منيح وبتشتري غرفة للصغير وبتجي بكرا الصبح بتاخدني عمر : ماشي .. بدي شوفو للصبي منال :بتشوفو بكرا .. الي نطر هالوقت بينطر لطلوع الضو ، ايه وكمان وبتجي معي عهد بتقعد عندي يومين تساعدني لاني لسه تعبانه سكت هو و استأزن وقام وعهد كانت عم تطلع فيني وهي خايفه كتير بس طلع رجعت فتت على غرفتي .. وبلشت ضب تيابي وتياب ابني ضياء .. فاتت بعد شوي وراي امي وسكرت الباب واجت قعدت جنبي وهي عم تحكي بهمس ام لبنى : هلأ بدك تحكيلي كل شي .. تركت من ايدي وبلشت قلها كل شي صار وهي عم تضرب بايديها على رجليها وعلى راسها .. وانا عم احكي ببرودة كأنو ما عاد يهمني ولا عاد اتأثر ام لبنى : يا مغضوبة يا عهد .. ياربي .. ياربي دخيلك .. ولي .. ولي شو عملت هي البنت بحالها منال : اهدي امي .. فكرك انا ليش راجعه لعند هالحقير ؟ .. بدي ارجع بلكي بتدبريلك جوازة للبنت ومنستر عليها قبل ما تفضح حالها او قبل ما عمر يعمللنا قصه .. عالأقل بخاف مني وبضل ساكت .. وبعدها بشوف شو بدي اعمل ام لبنى : يعني بدك تتحملي تعيشي مع هيك واحد كلب ؟

العضوة: 275918 , منذ 4 سنوات

منال : شو بدي اعمل ؟ الله كتب علي هالحياة .. وعهد بعدها صغيره حرام نخليها تضيع حالها .. وانا ما تخافي علي من اليوم كل شي تغير انا رح اعرف اتعامل معو متل الخلئ .. ام لبنى : يعني شو بدك تعملي ؟ منال : رح تشوفي .. بس الله يعطيني القوة والصبر يارب .. بالفعل تاني يوم اجا عمر واخدني واجت معي عهد والتنين كانو ملبكين وخايفين يتطلعو ببعض تصرفت عادي وكنت عم راقبهن بهدوء وبدون ما حسسهن .. وصلت ولقيت البيت عم يضوي .. وفي اكل جاهز وجايب تخت صغير لأبني وفيه كم لعبة منال : مو قلتلك بتجبلو غرفه ؟ عمر: مام معي مصاري منال : ايوووه .. نسيت انو بعدك بلا شغل .. يلا هاليومين منحل هاد الموضوع كمان تعي عهد فوتي معي على غرفتي وغيري لضياء الحفوضة كان ضياء بحضن عمر .. وقفت عهد ساكته وعمر كمان كان خايف يعطيها الولد منال : ليش بعدك واقفه خدي الولد من عمر وتعي يلا .. عهد : م..م..ماشي .. قربت اخدت ضياء منو بسرعه وفاتت قدامي على غرفتي .. فتت وراها وسكرت الباب .. حطت عهد الولد عالتخت و كانت عم تشلحو تيابو .. يا الله شو كان هادي و ملائكي ما الو صوت ولا غلبة رحت قعدت على الجهة التانية .. وانا عم اتطلع بعهد وهي عم تحاول تعمل حالها مو منتبها علي منال : عهد عهد : اي .. منال : بتعرفي ليش جبتك معي لهون ؟ عهد : لا .. لا .. ما بعرف .. منال : ماشي . انا رح قلك #يتبع

العضوة: 275918 , منذ 4 سنوات

#محاولات_قتل_امرأة منال : شوفي يا عمري .. والله هالحياة ما بتمناها لعدوتي .. كل الوقت بسأل حالي .. انا شو عملت حتى ربنا يجازيني بهيك رجال فكرك انا زعلانه انو جوزي عينو منك ؟ لا والله .. لا غيره ولا شي .. بس وجعني انو فوق كل شي بشع عم اتحملو منو فوق قعدتو بالبيت متل النسوان .. فوق كزبو علي هو واهلو .. فوق قلة ششرفو واخلاقو السيئة .. كمان طعني بضهري !! لك ومع مييين ؟ ههههه .. مع اختي الصغيرة !! كنت عم احكي ودموعي تسبق كلماتي .. عهد : وحيات الله .. والله والله ما بعرف كيف هيك صار .. ما بعرف .. مابعرف لهلأ ما بعرف كيف صار هيك انا كنت كل يوم عم اتوسخ اكتر .. كل يوم بدون ما حس .. وبدون وعي انو عمر يكون جوزك .. جوز اختي الحنونة .. جوز رفيقة عمري ما بعرف .. مابعرف .. انا مو مستوعبة .. مو مستوعبة كانت عم ترجف وهي تحكي وصوتها يقطع .. بس ما حسيت بحنية تجاها .. كنت عم اتطلع بعيونها وهي تحكي ونفسي اسألها كيف هنت عليكي ؟ كنت بدي اسألها على شو دائت عينك علي ؟ على هالحياة الزبالة ؟ استكترتي علي شوية هالكرامة الي ضلولي ؟ حطيت ايدي على تمي مشان ما يطلع مني شي من هالحكي هاد .. وهي ضلت تقلي كيف كانت كل يوم عن يوم عم تحب جوزي بدون وعي .. كيف كانت تشتقلو تاني يوم ليجي وتشوفو كانت عم تحكي وهي مفكرة انو انا عاقلة وعم استوعبها بس كان كل جزء فيني عم يصرخ يوجع عم قول يارب دخلك .. يارب دخلك تقويني .. يا الله تاخد بايدي يا الله .. مسحت دموعي وابتسمتلها وانا عم كز على اسناني .. منال : خلص انسي .. انا بعرف انو الي صار نزوة وراحت عهد : يعني سامحتيني ؟ منال : اي .. بس بشرط تديري بالك على حالك .. امك رح تدبرلك عريس .. بتوافقي وبتديري بالك عليه وبتشوفي حياتك ويارب يكون حظك احسن من حظي هه.. قومي كملي تغير لضياء بلا ما يبرد .. انا فايته اتحمم .. فتت على الحمام وقعدت بالزاوية وانا عم اضرب حالي وابكي ( يااااااااا ربيييييييي شو اعمل شو اعممممممممل شووووووووو اعممممممممممل )كنت محتاجه اصرخ محتاجه ارمي حالي بحضن حدا وابكي .. محتاجه كتير !! وهالحدا كان أريج !! ..

العضوة: 275918 , منذ 4 سنوات

اجت لعندي تاني نهار فوتتها على غرفتي وكتيت كل شي بقلبي وقلتلها انو كشفت خيانة جوزي مع وحده بس ما قلت انو اختي حكيت عليه وسبيت عليه وسبيت على هي الوحده الي بتكون اختي من كل قلبي بعد فترة طلبت من عهد ما عاد تجي لعندي .. كنت كل يوم اتأكد انها ندمانه على تصرفها لارتاح انو ما تكون بعدها على علاقة معو من ورا ضهري و الحمدلله بعد فترة انخطبت لابن خالي بعد ما امي لمحتلو انو يجي يخطبها وبتعطيه .. رجعت لعمر وفضيتلو ... منال : مرتاح حبيبي ؟ ما شاء الله عليك عم تاكول وتروح بالعرض الله يحميك من عيني .. ترك اللقمة الي بأيدو : استغفر الله العظيم بلشنا نكد منال : نحنا ما خلصنا حتى نرجع نبلش .. ايمت ناوي تلاقي شغل ؟ عمر : عم دور بس ما لقيت منال : بالله ؟ .. طيب يكون بعلمك .. انا فصلوني من شغلي

العضوة: 275918 , منذ 4 سنوات

قام وصار يصرخ وجن جنانو : كييييييييف ؟ ليييييييييييش ؟ شو على كيفهن؟ منال : ولله هاد الي صار .. لهيك هز كتافك ودور على شغل لتجيب اكل لابنك .. حليبي نشفان وما في شي يرضعو من صدري بدو حليب الولد عمر : لك وبعدين مع هالحياة هي معك ؟ منال : انت ما عندك ولا ذرة شرف .. ليك لقلك .. والله العظيم ازا ما بتطلع بتشتغل وبتصير متل الخلئ لافضحك قدام اهلي واهلك وقلهن عن وساختك .. وقول لاهلي انك كزبت علينا انت واهلك المحترمين وتجوزتني وضحكت علي .. اشكالك حرام الوحده تستر عليهم عمر : لك ليش عم تحكي معي هيك ؟ استحي على حالك انا جوزك منال : بعد الي شفتو بينك وبين اختي ما عاد اقدر احترمك يا عمر .. ولا تستنا مني بيوم احترمك او اعتبرك جوزي .. انا رجعت ورح اعتبرك متل قطعة اثاث بهل بيت كرسي طاولة تخت .. وروح انت اعمل الي بدك ياه .. تجوز علي .. ولا ما بتقدر تتجوز لان انا مو قادر تعطيني حقوقي لتقدر تجيبلي ضرة مو ؟ بس سمع اخر كلمة سحب حالو وطلع فوراً من البيت .. خلصت اجازتي وانا ناطرتو يلاقي شغل وما لقى .. وانا ما عاد اقدر مدد اجازتي .. ورجعت داوم وهو عرف اني ما تركت الشغل ولسه راتبي موجود ..ورجع برد اعصابو .. كنت اخد الولد لحماتي تدير بالها عليه لارجع من شغلي وضليت على هالحالة تلات شهور بس هالمره ما عاد اعطيت عمر شي من راتبي .. اكتر من مره حاول ياخود مني شي .. كنت قلو انو الراتب صار عند اهلي وبالفعل كنت روح حطو بايد امي لاطمن انو عمر بردت اعصابو روح وجيبهن واشتري فيهن لضياء حاجياتو وكل شي معتازو وبيوم من الأيام .. ومتل العادة كنت حاطة ابني عند حماتي .. واتصلت علي عالشغل ام عمر : منال كيفك منال : منيحه .. عم يعزبك ضياء ؟ ام عمر : لا .. بس منال : شبك ليه هيك صوتك ام عمر : بدي ياكي بموضوع مهم منال : خير شو في ام

العضوة: 275918 , منذ 4 سنوات

أم عمر : ما في شي بس بخصوص ضياء .. منال : لك شو في ؟ ام عمر : قومي تعي هلأ منال : والله ما فيني .. خلص وانا راجعه منقعد سوا ام عمر : خليكي هيك .. ابنك مريض وانتي مو سائلة عنو ولا حاسة عليه .. سكرت الخط بوشي وانا ضليت صافنه وايدي عم ترجف .. أريج : منال ... مناااااااااااااااال منال : ايه ايه معك أريج : خدي هدول الأوراق المدير بدو منك تعملي مراجعه على هدول الحسابات المخزن تحت اشترو عدة جديدة وسلمونا هدول المبالغ وبدهن نصرفلن ياهن امسكي تأكدي وازا تمام وقعي عليهن منال : كيف ؟ ما فهمت عيديلي أريج : لك شبك وين عقلك ؟ نزلو دموعي وحطيت ايدي على جبيني : ما بعرف بس كأنو ضياء مريض تركت اريج الورق من ايدها : شووووووو ؟ منال : أريج انا لازم روح .. بدي روح اطمن على ابني .. رح موت ... رح جن ازا بضل هون أريج : لك والملف !! منال : امانه اشتغليه انتي .. مشان الله .. وش ضياء ما عم يروح من بين عيوني ببوس ايدك بدي روح اطمن عليه أريج : طيب خلص .. روحي وارجعي اخر الدوام وقعي على الأوراق رح كون مخلصيتهن منال : شكراً كتير .. شكراً

العضوة: 275918 , منذ 4 سنوات

طلعت وانا مو شايفه شي ادامي واتصلت بمرت عمي وقلتلها اني جايه فوراً .. بس وصلت قعدت وبلشت تمهدلي انو ربنا بيمتحن الإنسان باغلى شي عندو ونحنا لازم نكون قويين وما نضعف وصارت تقلي هي شوفي عمر ونسرين التنين معهن مرض بالقلب وعم يعيشو بشكل طبيعي منال : شو دخل ضياء بكل هاد الحكي ؟ ام عمر : انا سالتك اول ما جيت شوف الولد ازا عملتيلو فحص وما اخدتي حكي بمحمل الجد بس انا ما كنت مطمنه واخدت ضياء عالدكتور لأتاكد انو ما فيه شي .. بس ضياء معو ثقب بالقلب متل عمر نزل الخبر علي متل السم .. ما عرفت شو احكي .. صرت بس اتطلع حوالي ودور على ابني وهي قاعده عم تشرحلي شو حكالها الدكتور وانا بس عم دور على ابني مشان خبيه بحضني سمعت صوتو عم يبكي جوا .. قمت تركتها و شلتو وضميتو لصدري وانا عم ابكي معو .. ولحقتني وقفت على الباب وكملت حكيها ام عمر : بدل ما تبكي وتصرخي اشكري ربك انو عرفتي وضع ابنك وهو صغير .. انا ولادي ما لحقتهم الا وهن كبار والعملية خطيره عليهن ,, منال : ليش يعني ابني .. ليييييييييييش ام عمر : الثقب بالحاجز الأذيني .. بس قال هاد بدو عملية قسطرة اتطلعت عليها وقلبي رح يوقف وصرت ارفعلها ضياء وقلها لك هاد طفل حجمو بحجم كفة الأيد .. قسطرة شو الي عم تحكي عنها ام عمر : مو هلأ .. رح نستنا ليصير عمرو سنتين