العضوة: 275918 , منذ 4 سنوات

منال : انا رح اخدو على دكتور تاني .. هاد الدكتور الي اخدتيه لعندو ما بيفهم .. غبي مجنون الله ياخدو الله يااااااااخدووو كنت شاده كتير على ضياء ورح اعصرو كتر مو خايفه عليه .. صار يبكي واجت حماتي اخدتو من ايدي وتركني بالغرفه عم ابكي وراحت منال : كم مره رح انقتل !! كم مره لازم انقتل وارجع وقف على رجلي .... لك تعببببببتتتتتتت تعبتتتتتتتتتتت تعبتتتتتتتتتتتتتتت بكفي بكفي مسكت وسادة ضياء الصغير وشميتها وشديتها لحضني .. خلصت بكي وانا حاسة راسي رح ينفجر كتر ما بكيت .. ورن موبايل .. ما رديت ورجع يرن طلعتو ولقيت أريج عم تتصل .. رديت وانا صوتي مو طالع أريج : لك وين لهلأ تعي خلصيني وقعي الأوراق .. خلصت شغلهن منال : مو قادرة اجي اريج : شو ؟ مافهمت ؟ رجعت ابكي وما قدرت كمل حكيي .. صرت فكر بعملية ضياء .. واديش رح تكلفنا .. وصار عندي هم ومصيبه جديدة .. قمت وقفت على رجلي .. ورحت غسلت وشي .. بوست ضياء وطلعت على شغلي .. كانو عيوني منفخين وانفي احمر .. وصلت لعند اريج وبس شافتني صارت تسألني شو في ؟ منال : اعطيني الأوراق وينهن ؟ اريج : ليكهن .. اخدتهن و وقعتهن .. ورحت قعدت على طاولتي وحطيت وشي عالطاولة أريج : شو في؟ منال : ولا شي .. اتركيني ارتاح شوي أريج : طيب ابو محمد بدو المبلغ مشان يحاسب المحلات الي اشترى منهن اعطيني مصاري لنخليه يجي يوقع ويستلم منال : طيب .. أديش المبلغ ؟ أريج :160 ألف رفعت راسي وانا ما عم اقدر فتح عيوني : اوف !! أريج : ايه يلا هاتيهن بسرعه منال : لا مستحيل هاد المبلغ بدو مراجعه دقيقه .. اعطيني الأوراق أريج : وليه جدبة انا تأكدت منهن .. خلص هاتي المبلغ احترت وما كنت مرتاحه بس مصيبتي عمت على عيوني منال : طيب .. قمت على المكتب وفتحت الصندوق الي كنت مأتمنه عليه ومستلميتو .. وبلشت عد المصاري .. وأريج واقفه وراي وعم تستعجلني ..

العضوة: 275918 , منذ 4 سنوات

#محاولات_قتل_امرأة_بقلم_مال_الشام الجزء السادس وهيك بلشت مرحلة جديدة من حياتي .. فتت على بيتي وضياء بحضني .. ورميت شنتايتي قدام عمر الي كان متمدد على الكنباية وعم يلعب بالموبايل منال : افتح الشنته .. وخود حق دواك .. ضل ساكت وما جاوب .. مشيت شوي ورجعت حكيت معو منال : وازا بدك تاخد كل شي فيها خدو .. فتت على غرفتي لبست بيجامتي و حطيت ضياء جنبي على التخت .. نمت جنبو وطفيت الضو .. فات عمر وشغلو عمر: شبك ؟ منال : ط في الضو بلا ما يتدايئ ضياء عمر : صاير معك شي ؟ منال : لا .. بس ضياء ... عمر : شبو ؟ منال : ضياء معو ثقب بالقلب .. ولازمو عملية .. طفي الضو واطلع لبرا اجا قعد جنبي وكان عم يتطلع بضياء بطريقة غريبه عمر : انا مو قلتلك نزليه ؟ مو قلتلك ما لازم يجي على هي الحياة ؟ منال : لا تخبص .. ما بدي اسمع منك شي .. ومو ناطرة منك توقف جنبي لانك بعمرك ما كنت جنبي انا رح وفر مصاري عملية ابني .. ورح خليه بحضني وما رح يصيرلو شي .. وانت ما دخلك فينا صحي ضياء على صوتنا وصار يبكي

العضوة: 275918 , منذ 4 سنوات

منال : اطلاع لبرا ... اطلاااااع .. قام عمر وبعدين سمعت صوت باب البيت انفتح وعرفت انو طلع برا البيت .. رجعت نيمت ابني ونمت جنبو .. وكنت عرفانه انو كل شي راح كوم .. والي جاي كوم تاني صحيت تاني يوم وانا عم حاول ابتسم وعم حاول كون قوية لاقدر احمي ابني رجعت لدوامي وحطيت خبر عند كل الي بعرفهن اني بحاجة شغل اضافي .. مع انو كنت بنفس الوقت حاسة حالي بدي استغل كل لحظة لكون مع ابني .. بس ما في بأيدي شي تاني بهي الفترة عهد تجوزت .. وانا حسيت حالي عم تقل على حماتي .. لهيك قسمت الأيام بيناتهن .. تلات ايام بالأسبوع عند عهد واربع ايام عند حماتي لقيت شغل بعد المغرب .. محاسبة بمطعم ... واشتغلت وما سألت لا عمر ولا اهلي ولا سألت عن الناس شو بدهن يحكو علي وانا عم اشتغل هيك شغله لان ما حدا بهمني غير ابني صرت عايشه بدوامة من الشغل .. صرت اقرف من ريحة المصاري .. واكره شوفهن كل الناس حوالي بلشت تعرف قصتي ويزعلو علي وانا ما رضيت انكسر لحدا .. بطلت شوف عمر نهائياً ... كنا نلتقي بالصدف وارفض احكي معو وهو كان يضل ساكت وما يحاكيني .. أريج بس هي سندي الوحيد .. تساعدني كتير بالشغل وتشيل عني الحمل .. وانا قضي كل الليل مع ضياء لاعبو واضحك معو وطعميه ولما ينام ازعل كتير مع انو كون هلكانه بس كمان كنت اشتقلو كتير اجت هديك الفترة اختي لبنى .. نزلت لعندنا زيارة وخجلت منها كتير انو لازم روح سلم عليها اخدت اجازي من الدوام المسائي ورحت واول ما شفتها صرنا نبكي التنتين بعد ما امي حكتلها كل شي صاير فيني ، حتى حكتلها عن قصة عهد وعمر بوستني كتير وقالتلي انو بدها تشوف ضياء و رحنا لعند حماتي مشان تشوفو وبعدا طلعنا على مطعم عزمتني هي وما رفضت لانو المصاري الي معي مو الي هدول لأبني وما رح فرط فيهن حتى لو كرمال اختي الي جايه زيارة !! متخيلين اديه كنت عم حط القرش على القرش بكل حرص !!

العضوة: 275918 , منذ 4 سنوات

رجعت على بيتي بكير قلت بكسب كم ساعه مع ابني واستغربت لما فتت وما لقيت عمر بالبيت . .. وصل بعدي بعشر دقايق وكان شايل كيسين بأيدو منال : وين كنت ؟ عمر : بالشغل منال : شغل !! .. انو شغل ومن ايمت عم تشتغل عمر : مو مهم .. تعي كلي جبتلكن مشاوي منال : مشاااوي !! وانت عم تصرف المصاري يمين وشمال بدل ما تلمهن كرمال عملية ابنك !! بالفعل انك بلا احساس كل يوم عن يوم بقرف منك اكتر .. بشمئز منك .. بكره حالي لان عايشه معك تحت سقف واحد قرفانه منك فهمان شو يعني ؟ الله يخلصني منك .. تسمم لحالك ما بدي اكول وفتت على الغرفة وانا معصبه واعصابي تعبانه .. ولحقني عمر عمر : انا جبت مشان تاكلي لانو شكلك متغيره وضعفانه كتير .. لازم تتغذي منال : بتقوم بتجيب مشاوي ؟ بكم جبت الكيلو اه ؟ مو اولى نخبيهن مشان العملية ؟ الأيام عم تمر عمر : طيب انا عم وفر مصاري بس هالمرة جبت نص كيلو وما عاد عيدها منال : من وين عم توفر مصاري ؟ عمر : عم اشتغل الصبح عامل بناء وبعدها عم اشتغل بورشة دهان وقفت شوي والتفتت عليه وانا مستغربة منال : يعني شو عم تشتغل بالضبط ما فهمت ؟ عمر : عم اعتل الأسمنت و منحف الحيطان و منعمر ... شو بدي اشتغل يعني منال : لك ما بيسوالك هاد الشغل !! عمر : ايه مو قلتي الله يخلصك مني ؟ شكلو الله ما رح يطول ليستجيبلك .. طلع عمر وحط الأكل على الطاولة عمر : تعي كلي خلصيني ، وازا لهل درجة مو متحملة تشوفيني انا طالع من البيت وبالفعل قام عمر وطلع وما لحقتو وقفت قدام طاولة الأكل وانا معدومة المشاعر .. والبي عم يدئ بسرعه وانا عم اطلع على المشاوي .. كانو كم سيخ شقف وكباب ومعهن علبتين عصير وشقفة خبز بكيت كتير ما بعرف ليش .. وتاني نهار اتصلت بمرت عمي وقلتلها تحاكي عمر لانو عم يضر حالو بالشغل الي عم يشتغلو بس بعدين خبرتني انو ما رد علها بنوب وهي مو عارفة شو تعمل

العضوة: 275918 , منذ 4 سنوات

مرقت سنة على شغلي والحياة المأساوية الي عم عيشها وكنت عم اتعب وافني حالي وما عم لاحظ ايمت ابني عم يكبر بس كل همي لما يوصل عمرو السنتين يكون مصاري عمليتو مأمنين ضلت حماتي تاخدو بشكل مستمر على الدكتور وتخليني احكي معو ويطمني ويفهمني عن الوضع وبكل مره ما كنت مل الا لما يعيدلي حالة ضياء بالتفصيل الملل ... حتى هو مل من هالشغله بس انا لأ بيوم اتصلت فيني لبنى .. وسألتني عن جوزي وابني وقالتلي اني عم اهلك حالي ومو منت بهة شو عم يصير حوالي ما فهمت شو قصدها بالضبط بس عرفت انها عم تلمح على شي .. وما قدرت اسحب منها حكي .. الشي الوحد الي قالتلي ياه ( ديـــري بالك من الي حواليكي ) صرت كل يوم ارجع على البيت لاقيه نظيف عم يلمع ولاقي لقمة أكل جاهزة ويوم لاقي غرفة نوم لضياء .. يوم لاقي البراد مليان أكل .. والعلاقة مقطوعة بيني وبين عمر .. تصبحي على خير تلاقي الخير ما في اكتر من هيك .. بس كنت كل ما ينام .. قرب منو واتاكد انو عم يتنفس كتير كنت خاف شي نهار اصحى ولاقيه ميت جنبي الفكرة كانت احياناً ما تخليني نام الليل وانا بس عم راقبو واطمن انو صدرو عم يتحرك وعم يتنفس تاني نهار بالشغل اجت أريج كالعادة واعطتني الأوراق الي دققتهن وراجعتن عني مسكتهن قلبتهن عالسريع و وقعتهن وطلعتلها المصاري .. وقبل ما اطلع من دوامي بـــنص ساعه .. كنت واقفه وعم ضب غراضي بالشنته .. دقيت لعهد واطمنت على ضياء وحطت الشنته على كتفي .. لفيت وشي بدي اطلع من باب المكتب واقفلو وعلى طلعتي اجا مدير الشركة شخصياً وكان معو خمس عناصر شرطة و تنين من أمن الشركة وما خطرلي لولا لحظة انهن جايين لعندي المدير من بعيد وبصوت عالي : وين رايحه يا مدام ؟ اتطلعت بالساعه ولقيتها سبعه فكرت حالي مخربطة بالوقت او شي منال : استاز خلص الداوم وعندي شغل تاني لازم اطلع الشرطي : هاي هي ؟ المدير : ايه هي الموظفة منال بلشت خاف ومو فهمانه شو عم يصير منال :شو في ؟ شو القصة ؟ المدير : يا عيب الشوم بس التمو الموظفين الي كانو لسه ما طلعو وتجمعو الكل قدام المكتب .. أريج ما كانت تداوم ساعات إضافية لهيك ما كانت موجوده وانا رجلي ما عاد حملوني من الرعبة ..

العضوة: 275918 , منذ 4 سنوات

#محاولات_قتل_امرأة الجزء السابع منال : يا جماعة شو في شو عم يصير ؟ المدير : يا لطيف شو بريئة .. ما عندك خبر بشي مو ؟ ناسيه حالك كم ألف صرتي سارقه من الخزنة الي أمنتك عليها بمهنتي .. دايماً .. منضل حاطين ايدنا على البنا .. صفر واحد زيادة .. رقم بغير مكانو .. او رفة عين ممكن تخليك تغفل عن شي بسيط بتعملك مصيبه !! .. صرت فكر واحسب وين خربطت .. وشو عملت .. فاتت افكاري ببعض .. وما عرفت حدد شو المشكلة منال : استاز اكيد في غلط .. انا ما الي يوم او يومين هون .. صرلي اكتر من سنه .. لو سمحت اهدى شوي وما في داعي للشرطى المدير : كنتي فكري قبل ما تسرقي مو هلأ منال : انا مستحيل مد ايدي لو بموت من الجوع .. انا متاكده انو في سوء تفاهم وهلأ منقعد منحلو وازا في قرش رايح بغير محلو انا رح رجعو للخزنه اقسم بالله بلشو يتدخلو الموظفيين ويدافعو عني .. المسؤول عني و زميلاتي وحتى عامل النظافة كانو يهمسولو يعطيني فرصة المدير : طيب ... تفضلي على المكتب الشرطي : عفواً ونحنا شو ؟ المدير : حبيبي ابو وليد انتو بتتفضلو عند السكرتيرة تشربوا كاسة شاي لشوف الموضوع ازا بينحل من عندي الشرطي : بس ما بصير المدير : له ما حبيتها منك .. بس ردت شي بيصير ولو .. يلا تفضلو

العضوة: 275918 , منذ 4 سنوات

اتطلع علي بنظرات عصبيه : وانتي تفضلي على مكتبي .. بلعت ريقي ومشيت وراه على مكتبو وانا عم اتطلع على عناصر الشرطة والبي رح يوقع من محلو فتنا عالمكتب وقعد المدير ورا مكتبو .. ورمالي ملفات بطلعو اربع ملفات .. ودار ضهرو عني المدير : هدول الملفات عليهن توقيعك .. وانتي صارفة هي المبالغ من الخزنة .. علماً انو التلاعب فيها واضح جداً و مكشوف انتي وابواحمد رئيس المستودع ما رح تنفدو منها وبدكن تطلعو كل قرش اكلتوه علي .. انا ما بينلعب معي مسكت الملفات وبلشت قلبهن بين ايدي .. اول مره بتمر علي هيك أوراق .. ما تزكرت ولا ملف حطيتهن عالمكتب وحكيت بقوة وبثقة : انا ما راجعت هيك ملفات ، انا مو غبية حتى اصرف للمستودع هيك مبالغ ما شفتو الا التفت علي وضرب المكتب بأيدو بقوة : وهاد توقيع مين اه ؟ توقيع ميييييييين ؟ منال بصوت عالي : توقيعي توقيعي بس هدول انا ما مرقو علي قبل هلأ ما بعرف كيف هيك ما بعرف المدير : حلو .. الشرطى رح تعرف .. انا من الأول قلت ما في داعي للحكي منال : شرطى لا .. انا مو وش شرطة وبهدلة .. انا ابني مريض وعم اركض لاجمعلو حق عمليتو ازا بتنكتني نكت ما بتطلع مني هي المبالغ ... انتو لو مو واثقين فيني ما بتسلموني الخزنة .. الله يخليلك ولادك تطول بالك علي المدير : انا ما بفهم هالحكي .. وهاد مو شغلي منال : شو يعني ؟

العضوة: 275918 , منذ 4 سنوات

المدير : يعني بدي مصريااااتي .. بدك ترجعي كل قرش او بتروحي عالسجن ومنمشي بالمحاكم .. وتوقيعك وموجود على كل الأوراق يعني القضية منتهية لصالحي ، بس انا قلت منحلها عالسكت مشان سمعة الشركة مو مشانك منال : لك من وين بدي جيبلك هدول المصاري .. ما معي هن والله ما معي .. انا عم اشتغل ليل نهار قوم لأخدك على المطعم الي بشتغل فيه هلأ بعد كل تعبي هيك بتجازوني !!! خاف الله المدير : شكلو ما في طريقة للتفاهم .. الموضوع منتهي رفع السماعة وحكي مع السكرتيرة ( خلي الشرطى تفوت ) وقفت وصرخت وقلتلو لا الله يوفقك خلص خلص بجبلك المصاري .. المدير : لحظة خليكي معي .. رجع تطلع فيني وقلي بدي ياهن الليلة ؟ منال : الليلة مستحيل .. بكرا .. بكرا وحيات ابني بكونو عندك رجع يحكي عالتليفون ( خليهن يروحو وقولي لأبو وليد انو بتفاهم انا وياه بعدين ) المدير :شوفي يا مدام منال ، انا ما بعرف شو نوع الأزمة الي مرقتي فيها حتى سرقتي من الناس الي احتوكوي وفتحولك باب رزق احتراماً لفترة خدمتك هون وحتى ما ينضر اسم الشركة انو يها حرامية ونصابين .. رح رجع المصاري للخزنة .. وبتتركي الشغل بهدوء وما بتعودي بتتواصلي مع اي شخص هون وبدي قلك انو الأخلاق والسمعه الطيبه اهم بكتير من المصاري ... انتي خسرتي احترامك .. وكرامتك وما اعتقد المصاري رح تعوضك عن هاد الشي .. كنت ماشيه بالشارع وحكيو لسه عم يدور براسي وعم يقطعني ويسلبني الحياة ألف مرة ومرة ما رحت على البيت .. ضليت رايحه بوشي لعند ابي .. ما كان الي غيرو مطلوب مني بليلة وحده بحدود 360 الف .. كيف ولييش ما بعرف !! وبأي حق كمان ما بعرف !! بس بعرف انو لازم سلمهن مشان ما انزت بالحبس .. وصلت وقعدت قدام ابي وانا منهارة ومكسورة وبلشت احكيلو كل شي صار بالتفصيل وانا عم ابكي وقلتلو انو انا ما معي حالياً إلا 80 ألف كنت عم ضبهن كرمال عملية ضياء وما بقدر اعطيهن لحدا اتطلع أبي وامي ببعض وضلو يسألوني كيف هيك صار وكيف بتوقعي على أوراق بدون ما تنتبهي عليهن ما عرفت شو رد ولا قدرت افهم كيف الله عمى بصيرتي ووقعت بهي المصيبة ام لبنى : انا معي 150 الف .. اختك لبنى تركتهن معي قالتلي اعطيكي ياهن مشان عملية ابنك بس كان بدها تستلميهن بعيد ميلادك

العضوة: 275918 , منذ 4 سنوات

منال : قومي جيبيهن أمي ام لبنى : والباقي ؟ ابو لبنى : وش الصبح انا رح امن المبلغ الي ضل منال : كيف ؟ ابو لبنى : ما عليكي انتي .. قومي نامي وارتاحي والصبح بكون عندك 360 ألف بتروحي بتسلميهن .. تصبحو على خير قام ابي على غرفتو وضليت عم ابكي بحضن امي .. اتصلت اطمن على ضياء وقلت لمرت عمي تتصل بعمر يروح ياخود الولد وانا رح نام ببيت اهلي هالكم يوم .. تاني نهار غاب ابي بيجوز للساعه 12 الظهر وانا بلش قلبي يغلي .. واجا بعدها واعطاني ظرف كبير ابو لبنى : اجي معك ؟ منال : لا .. رح روح لحالي .. امي اعطيني المصاري الي عندك رحت سلمت المصاري للمدير .. الي كان لسه عم يحكي معي بنفس نبرة الأحتقار .. وطلعت من مكتبو بعد ما قلعني متل الكلاب من الشركة وقفت على باب مكتبو ومسحت دموعي ومشيت ومرقت بين كل المكاتب وراسي بالأرض وهن عم يتهامسو

العضوة: 275918 , منذ 4 سنوات

كنت متمنية الأرض تنشق وتبلعني .. خجلانه من الكل .. نزلت من الشركة و وقفت بالشارع .. و حسيت الدنيا كلها عم تلف فيني !! .. رفعت الموبايل واتصلت بأمي وقلتلها تطمن ابي انو دفعت وطلعت من الشركة وكل شي خلص .. وسكرت الخط ورحت على بيتي .. فتحت باب البيت .. وتركتو مفتوح وراي .. ورميت حالي على اول كرسي طلع بوشي ما كان في حدا بالبيت .. ما في ولا صوت بس صوت قلبي عم يتكسر جوا ضلوعي قمت من مكاني وفتت على غرفة ضياء .. وصرت اتخيلو وهو عم يضحك وهو يلعب وكل ما فكر انو بدهن ياخدو ابني مني ويفوت على غرفة عمليات ما بعرف شو رح يعملو فيه جوا وازا رح يتوجع او لا موت من الرعبة .. وابكي بحرقة .. انو ليش هالطفل هاد يتعزب هيك !! شو ذنبو قعدت وانا عم اتطلع حوالي وعيد كل شي عم يصير بحياتي .. جوازتي العاطلة .. زوجي الخاين .. اختي الي غدرت فيني .. ابني المريض .. صحتي التعبانه من الشغل واخر شي بطلع بتهمة سرقة !! فتت تحممت وتوضيت وطلعت صليت ركعتين .. وطولت بالسجود ... ما قدرت ارفع راسي تمنيت لو الله ياخد روحي بهل لحظة وارتاح اترك كل شي وراي .. وحس اني خفيفة .. بدون وجع وبدون مشاكل .. مرقو يومين وانا قاعده بالبيت .. ما رحت على الشغل وعمر ما سألني شو السبب وكان ضياء يضل بحضني كل النهار بعدين بلشت جمع حالي شوي شوي وفكر كيف بدي ارجع وقف على رجلي مره تانيه .. واول شي عملتو اتصلت بأمي مشان اتشكرها على الي عملوه كرمالي .. وردت علي عهد منال : عهد ؟ وينا امي ؟ عهد : اختي هلأ مو فاضين نحكي اتصلي بعدين منال : لك ليش شو في ؟ عهد : عم نفضي البيت قبل ما يجو صحابو يستلموه منال : لك اي بيت شو القصه عهد : لك شبك مو ابوكي باع البيت .. قال اجتو بيعه منيحه وباعو .. يلا لازم سكر .. اهلك رح يجو لعندي يقعدو لوقت يلاقو بيت تاني يشتروه هيك قال ابوكي .. يلا باي منال : عهد ...لك عهد !!! عهددددددددددددد تركت الموبايل من ايدي و اسودت الدنيا بوشي، اهلي بعد كل هالعمر وبعد كبرتهن صفو بالشارع بسببي شو اعمل بحالي!!

العضوة: 275918 , منذ 4 سنوات

محاولات_قتل_امرأة الجزء الثامن لبست ورحت فوراً على بيت اهلي واخدت ضياء معي .. ولحقتهن وهن عم يحملو الأغراض وبدهن يمشو وركضت على حضن ابي وصرت بوس ايديه منال : ببوس ايدك تسامحني ، الله ياخدني ويرحكون من ه مي .. مشان الله تسامحني يا ابي ابو لبنى : بنتي قومي نحنا بالشارع منال : ليش بعت البيت .. لو قلتلي كنت بدبر حالي من غير مطرح ابو لبنى : يا بنتي هدول شوية حجار .. انتي اغلى بكتير .. كرامتك اهم عندي .. ام لبنى : وكلي الله بنتي .. اول عن اخر هالبيت الك ولاخواتك .. وبس الله فتحها عليكي بترجعيلهن حقهن فيه ازا الله اخد امانتو قبل ما نحنا نعطيهن حقهن منال : ما تحكي هيك يا امي ام لبنى : الله يسعدك انتي واخواتك ويحميكون .. ما تحطي ببالك لك امي.. اهم شي تديري بالك على ابنك هالشب الحلو .. ونفرح بعافيتو وصحتو .. وانا وابوكي ما عاد بدنا شي من هالحياة .. الله يحميكون

العضوة: 275918 , منذ 4 سنوات

وصلت تعاستي لأهلي .. صرت حس اي حدا بقرب مني بتصير حياتو جحيم .. حتى صرت فكر يمكن ضياء هيك عم يتعزب لأنو ابني مرت علي اوقات ضعف ايماني وحسيت حالي بدون هوية ضليت قاعده بالبيت وكل الوقت شاردة بهل حياة شو بعد مخبيتلي .. لوقت ما بيوم من الأيام .. انكسر الصمت بيتي وبين عمر .. واجا قعد جنبي وحكي معي عمر : شوفي يا منال .. انا كنت مو ناوي احكي معك تحت اي ظرف مشان ما ازعجك لانك قلتيلي بتعتبريني متل اي قطعة اثاث بهاد البيت بس ما عاد قادر اسكوت .. بدي افهم شو عم يصير معك .. منال : لو بهمك كنت سألت من اسبوع .. مو هلأ عمر : كل ما كنت فكر قرب منك واسالك كنت خاف تنفجري فيني متل كل مره .. منال : وليش هلأ تجرئت تحكي ؟ عمر : لان اول مره بشوفك بهي الحالة .. كومت حالي على بعضي وحطيت خدي على ركبتي ، وصرت احكيلو شو الي صار معي بالشغل بهدوء وانا عم عيش الأحداث كأنها هلأ عم تصير معي .. وهو يسألني وانا جاوب .. هو يسأل وانا قلو .. عمر : لعند ابوكي ؟ ما خطرلك تجي لعند جوزك بالأول !! منال : لا ما خطرلي .. سبحان الله بحس انو مستحيل لاقيك جنبي بأي وقت وتحت أي ظرف يعني الي بيتروك ابنو هيك مريض وما بعتل عم مصاريف عمليتو شو بدي اترجى منو عمر : بس انا ما تركت ابني .. انا عم اشتغل ليل نهار وعم وفرلو الي بقدر عليه منال : اديه صرت موفر ؟ عمر : 50 ألف منال : هههههه ايه هدول يا دوب يكفوك حق ادويتك لشهر شد على ايدو وحسيتو على شوي رح يبكي : ما رح جيب ادويتي ،، ما بدي ادوية ورح عالج ابني ورح ورجيكي اني رجال ... صحيح انا مريض قلب .. صحيح انا مو طبيعي متل اي زلمة وماني معبي عينك صحيح انتي عاملتيني مسخرتك .. بس لو بدي موت .. ما بخلي ابني يعيش متل حياتي لو بدي موت ما رح خليه يتعزب عزابي .. منال : _ _ _

العضوة: 275918 , منذ 4 سنوات

عمر : انا رجاااااااااااال ... رجال غصب عنك ورح عالج ابني .. من مصاري ومن عرق جبيني لو اشتغلت عتال و دهان و عامل .. لو متت وانا عم اشتغل .. ما رح وقف .. ورح عالج ابني منال : انا قام من مكانو وفات على غرفتنا عمر : وقبل ما تحاسبيني بهل طريقة هي لمجرد اني خبيت عليكي مرضي بس لأني ما كان بدي تشفقي علي ولأنو عجبتيني لما شفتك وخفت ترفضيني روحي حاسبي رفيقتك الي طعنتك ما حدا بهدلك بالشغل غيرها انا متاكد .. روحي تشاطري عليها يا خانوم .. بكفي ترمي حكي علي كأنك الملاك الطاهر وانا الشيطان الرجيم .. روووووووحيييييييي ... روحييي اتطلعي حواليكي لتشوفي انو انا اقل واحد اذاكي شوفي اختك الي تجوزت ولهلأ عم تبعتلي رسائل حب وغرام رمالي الموبايل وضرب بكتفي و وقع قدامي عمر : روحي حاسبي حالك قبل ما تحاسبي اي حدا لانك انتي ظلمتي حالك اكتر ما اي حدا يظلمك بهل حياة .. وطرق باب غرفتو .. ونئز البي كأنو طلع من مطرحو شهقت لأخود نفس .. زحفت لوصلت للموبايل .. مسكتو وفتحت الرسائل .. ولقيت رسائل كتيرة من رقم اختي عهد ( عمر انا ما عم اقدر انساك بكفي تعزبني مشتائتلك كتير ) ( الحب الي بينا اكبر من كل شي .. لا تتخلى عني .. رد علي الله يوفئك ) ( عمر انا بحبببببببببك ليش هيك عم تعمل فيييني ليششششششششش ) حطيت ايدي على تمي وانا ما عم سدئ عيوني !! ... ما كان عمر راد على اي رسالة .. بس رسالة وحده باعتها ( الله يستر عليكي لا عاد تبعتي شي لهل رقم ) فتحت سجل المكالمات وكان كلو اتصالات من عهد وعمر مو رادد على اي مكالمة .. تركت الموبايل من ايدي .. وقمت للمطبخ وفتحت الشباك .. اخدت نفس وحسيت حالي سحبت الأوكسجين من كل الكون لاقدر اتنفس اتطلعت على السما .. كات مرصوفة بالنجوم والقمر متربع بالنص منظر بيسلب العقل قد مو حلو .. سرحت شوي وصرت فكر .. معقول ربنا الي رفع هالسما الكبيرررررة بدون اي عواميد او اي شي يمسكها و زينها بهالنجوم الكتير والملونه .. البعيدة والقريبة .. الي عم تلمه ومطفية وبقمر مدور بصدر السما .. ما يقدر يريح قلبي ؟ ضليت عم اتطلع على السما .. وابتسمت ...

العضوة: 275918 , منذ 4 سنوات

منال : يارب .. بعزتك وجلالتك تريح قلبي .. لا إله إلا انت وحدك لا شريك لك .. صحيت تاني نهار بكير عملت فطور لعمر .. وصحيتو مشان ياكول .. اكل لقمتين عالسريع وكان بدو يطلع منال : زكرتني باول كم شهر من زواجنا .. كنت ت اكول هاللقمتين وتضلك طالع مستعجل عمر : ايه صح .. قبل ما تعرفي بمرضي كنتي تحطيلي فطور وتحترميني .. بس هلأ لا ههه .. يلا ديري بالك على ضياء منال : استنا .. بدي موبايلك عمر : ليش ؟ منال : عاوزتو

العضوة: 275918 , منذ 4 سنوات

اعطاني ياه وضلو طالع من البيت .. لبست تيابي واخدت ابني حطيتو عند ستو ورحت على بيت عهد كانو اهلي بعدهن قاعدين عندها لان جوزها بكون ابن اخوها لأمي .. يعني في صلة قرابة بتسمحلهن يقعدو عندو بدون ما يستتقلو من حالهن فتت وقعدت معهن وكان جوز عهد شب ما في منو ومزوء كتير ولطيف .. استغربت ليش اختي عم تعمل هيك بجوزها قامت عهد عالمطبخ مشان تحضر الغدا وقمت وراها .. فتت عالمطبخ وسكرت الباب وراي منال : يعطيكي العافية يا عروس عهد : هههه الله يعافيكي منال : كيفك انتي و جوزك ؟ عهد : مناح الحمدلله منال : عمر لسه عم يدايئك شي ؟ عهد : كح كح ..