العضوة: 275918 , منذ 4 سنوات

صارت تسعل وتركت من ايدها وراحت شربت مي منال : لك شبك غصيتي ؟ عهد : ولا .. ولا شي ...بس شو جاب هي السيرة هلأ ؟ منال : لا ولاشي بس عم اسأل يعني عهد : لا هي قصة وماتت خلص منال : بما انها ماتت ليش عم تنكشي القبور لك اختي ؟ عهد : كيف ما فهمت طلعت الموبايل وقلتلها هاد جوال عمر .. وعليه كل رسائلك هون عهد : كزب .. رسائل شو انا اصلا ما بعرف رقم عمر اتصلت على رقمها الي بالموبايل ورن جوالها .. كانت حاطيتو فوق البراد منال : يوه غريبه .. معقول جوزك عم يرن لجوزي ويبعتلو رسائل حب ؟ عهد : _ _ _ منال : انا جايه اليوم مشان ورجي هاد الموبايل لجوزك .. عهد : كيف ؟ شو عم تحكي انتي ؟ منال : قلت بنت طايشه .. بتتجوز وبتعقل .. قعدتك معي وحكيتلك كل شي وفهمتك شفتني عم اتقعط وموت مشان ابني المريض .. جوزك ابن حلال ومو حارمك من شي وحاطط ابوكي وامك فوق راسو وما تركتيني بحالي .. انتي ما رح تتربي الا هيك .. عهد : لك بدك اتطلئ .. بدك تفضحيني ؟؟؟؟؟ منال : مو انا الي بدي .. انتي الي بدك يا اختي .. عهد : لا .. خلص ما عاد عيدها .. التوبة ما عاد عيدا منال : بعد شو ؟ .. لك جوزي رمى الموبايل بوشي وقلي روحي ضبي اختك عني تفو عليكي من بيت الأخوات شو ندلة .. عهد : انا .. انا مسكتها من شعرها وشديتهن لان مغلولة منها من كل قلبي منال : حتى لبنى حست عليكي .. قالتلي انتبهي على جوزك وديري بالك من الي حواليكي بس ما توقعت انك رجعتي تحومي حواليه اخر شي تخيلتو .. عهد : اااخ .. اااااخ شعررري .. اتركييييييني منال : لك انتي شو بدك اه ؟ شو بدك ؟ شو طينتك شو معدنك ؟ عهد : وليييييييي راسي ... اتركيني مشااان الله تركت شعرها بعد ما حسيتو رح يطلع بين ايدي .. منال : اقسم بالله العظيم .. ازا بعد بتعملي شي هيك ولا هيك ليوصل كل شي لجوزك وخليهن يقولو الأخت فضحت اختها .. لانك انتي ما عم تستري على حالك .. وتركتها وراي وطلعت من المطبخ .. اخدت شنتايتي وطلعت .. وكان مشواري التاني .. لعند أريج

العضوة: 275918 , منذ 4 سنوات

#محاولات_قتل_امرأة الجزء التاسع اخدت تكسي و وصلت على بيتها وكانت لسه بالشغل .. قعدت مع امها وصارت تحكيلي اديش اريج متعزبة مع خطيبها وانو طلع ابن حرام وما بخاف الله بس أريج ما عم ترضى تتركو بنوب وما حدا قادر يقنعها تتركو وطلبت مني اقعهد معها واقنعها تتركو وتشوف حياتها .. وانا عم هزلها براسي وراقب الساعه واتزكر كيف كنت متل الحمارة وقعلها على العمياني .. كيف كان التعب والهم ماكلين روحي وهالكيني وما عم شوف منيح قدام عيوني كان قلبي يوجعني بس اتزكر كيف كانت صداقتنا بريئة وحلوة واديش قضينا ايام حنونة سوا .. انفتح باب البيت واجا صوت اريج من بعيد ( امييييييييييييي انا جييييييييييت ) قمت من مطرحي و وقفت .. أريج : شو طابخــــــــــ ... منال ؟ .. هاد انتي ؟ منال : ههه ايه .. قلت الي ما بسأل عنك اسأل عنو .. كيفك ؟ أريج : انا .. منيحه .. منال : طيب اسأليني وانا كيفني ؟ ام أريج : طيب انا رايحه جهزلكن الغدا انتو خدو راحتكن .. منال : يعطيكي العافية يا خالة .. طلعت ام اريج من الغرفة وضلينا قاعدين لحالنا .. منال : اقعدي ارتاحي ليش واقفه ؟ .. كيف شغلك طمنيني ؟ بعدهن بيحكو بسيرتي ؟ قعدت بعيد عني وهي متلبكة : لا منال : يعني ما بقلولك كيفها صاحبتك الحرامية ؟ أريج : لا منال : وكيف شايفيتلي هالشغل؟ أريج : منيح منال : دريت انو اهلي باعو بيتهن؟ مشان اعطي المصاري لصاحب الشركة .. أريح : لا ما عندي خبر منال : بالله ما دريتي ؟ .. طيب وما عرفتي انو المصاري الي كانت باعتيتلي ياهن اختي وشكلهن توفيرة عمرها كمان راحو ؟ أريج : _ _ منال : طيب بتعرفي انو عمر عم يشتغل عتال ؟ وكل يوم بطلع على شغلو وما بعرف ازا رح يرجعلي عايش او لا ؟ أريج : ليكي انا منال : طيب بتعرفي انو ابني وقت يبكي عم موت من الخوف لانو ازا بكي كتير رح يتعب قلبو ؟ وبتعرفي انو بعد خمس شهور رح يطبق السنتين ؟ وما معي شي لعمليتو ؟ أريج : الي ص ار انو منال : وبتعرفي انو الي قلتلك عمر خاني معها هي اختي ولسه عم تلف عليه وبدها تاخدو مني ؟ أريج : انا كان لازم قمت لعندها قبل ما تكمل حكي .. وقعدت على الطاولة مقابلها بالضبط وصار وشي بوشها منال : بعرفي انك احقر منهن كلهن ؟ وخليتي سم #يتبع

العضوة: 369889 , منذ 4 سنوات

كملي

العضوة: 275918 , منذ 4 سنوات

منال : بتعرفي انك احقر منهن كلهن ؟ وخليتي سمعتي بالأرض وما عاد حدا يقبل يشغلني وما عاد فيني عالج ابني ؟ أريج : انا اضطريت لأنو خطيبي رفعت ايدي وضربتها كف رن صوتو بأدني منال : وبتعرفي اني كل يوم عم شوف ابني عم يموت ادام عيوني ؟ أريج وهي عم تبكي : المصاري مو الي .. مو الي منال : ولك الله ينعن ابو المصاري .. الله ينعنها الي خلتك بلا ضمير وبلا شرررررررررف أريج : اي .. اي صح صح .. بلا شرف .. بلا شررررف مزبووووووط بلا شرررف منال : _ _ _ صارت تضرب على وشها وتبكي أريج : الي عايشتيه ببكي الحجر .. بس لسه عندك شرفك .. اما انا بلا شرف .. انا بلا شرررف رجعت شوي لورا وما فهمت شبها وليش عم تصرخ هيك وعم تحكي عن حالها هيك أريج : هاد الحيوان خليل الي اسمو خطيبي ضحك علي. .. ضحك علي واخد مني شرفي .. رحت معو على شقه وصار بينا كل شي .. وانا هلأ بلا شرف بلا شرررررررررف كانت تصرخ وتحكي بصوت عالي .. وانا جمدت بأرضي .. أريج : عم يهددني ما يتجوزني .. ما عم يشبع مصاري .. ولك شو اعمل بحالي شو اعممممممممل بحااااالي انا بلا شررررررف ... انا صررررررت بلا شرف .. خليل اخد مني شرفييييييي

العضوة: 275918 , منذ 4 سنوات

لسه عم تحكي وحدا دفش الباب علينا .. فادي ..اخو أريج الكبير .. متجوز وعندو ولاد فات وعيونو متل الجمر .. وانا وقفت مكاني وصرت ارجف .. واريج ضلت تبكي مطرحها وما تحركت أريج : شو اعمل بحالي .. وين بدي روح بحااااااالي فادي : الله لا يوفئك يا وسخه .. شو عملتي فينا .. لك شو عملتي بحالك أريج : ما بعرف .. ما بعرف لك ما بعرف منال : فادي طول بالك .. طول بالك شوي .. صلو عالنبي هجم علينا ودفشني كأنو مو شايف شي قدامو .. ونزل ضرب بأريج وهي تبكي وتصرخ وانا وقف قلبي من المنظر وصرت صرخ على امها تجي تفك بيناتهن اجت امها وما قدرت تخلصها من بين ايديه كان يضربنا نحنا كمان بس نقرب منهن وهي تصرخ وتقلو ( موتني مشان الله موتني .. موتني و ريحيني موتنيييييي ) ما عاد تحملت المنظر .. ركضت طلعت برا بيتهن ... وصرخت ولميت الجيران ليخلصوها منو وضليت طالعه للشارع الرئيسي كأني بس بدي أهرب من صوتها .. مرقو يومين ما قدرت اعرف عنها شي .. بعدين وصلني خبر انها بالمستشفى واخوها بالسجن لانها كانت رح تموت بين ايديه .. حكيت لعمر كل شي وقلتلو انو بدي روح زورها ، وضل يزكرني شو عملت فيني بس ما قدرت إلا روح لعندا وطول الطريق وانا فكر انو سبحان الله دخيل اسمو .. اديش كنت عم خطط اجرحها بحكيي وهينها بس ربنا كان مجهزلها عقاب اكبر .. وصلت وفتت على غرفتها .. كان وشها مورم وكلو كدمات منال : فيني فوت ؟ أريج : منال ؟ منال :..

العضوة: 275918 , منذ 4 سنوات

كيفك ؟ فتت لجوا وكنت ماخدتلها معي علبة عصير حطيتها جنب التخت أريج : شفتي ؟ بالأخير ما متت منال : ايه عمر الشقي بقي .. ضلينا قاعدين وساكتين و ولا وحده حكيت شي .. منال : طيب انا خليني روح أريج : منال منال : اي ؟ أريج : ضل معي 150 ألف خبيتهن من ابن هالحرام .. روحي خديهن رح خلي امي تناولك ياهن منال : ما بدي منك شي أريج : خديهن مو كرمالك بس كرمال ضياء .. منال : ومفكرة هيك رح سامحك ؟ أريج : لأ .. انا هلأ ما بدي لا انتي ولا اهلي ولا الناس يسامحوني ... بس خايفة من ربنا .. ما بعرف كيف بدي قابلو وانا زانية و حرامية .. خايفه كتير .. كتير خايفه يا منال .. امانه تدعيلي .. خايفه كتير .. تركتها ودمعتها على خدها وهي ترجف وتقلي أمانه تدعيلي .. وضليت رايحه على بيت اهلها وطلبت من امها المصاري واعطتني ياهن .. رجعت على البيت .. وحطيتهن على الطاولة .. وطلعت ال80 الف الي كنت موفريتهن وقعدت وانا عم اتطلع عليهن .. ( 230 الف ) .. هدول بكفو ؟ .. او لأ !! هيك لوقت اجا عمر وفات ولقاني على قعدتي والمصاري قدامي عمر : شو هدول ؟ منال : عمر انت جيت ؟ ما حسيت عليك .. تعال تعال بسرعه اجا عمر وقعد جنبي .. عمر : من وين جبيتهن ؟ شرحتلو وحسبتلو ياهن منال : المهم وانت اديش معك ؟ عمر وهو خجلان : بس 75 ألف منال : هلأ الك كل الوقت بتشتغل وما طلع معك غير هالمبلغ ؟ عمر : بدبر كمان منال : طيب قوم جيبلي ياهن .. بدي حطهن معي واطمن .. ما عاد امن الا والمصاري معي .. مسكت المصاري وبلشت رتبهن وحطهن فوق بعض وانا عم احكي منال : بعتقد هدول بكفو للعملية وزيادة .. بكفو لأدوية ضياء وعلاجو يااااارب بس ازا قدرنا ندبر كمان مو غلط .. لان منعملو العملية بمشفى احسن .. انت حاول تلاقي كمان شغل التفتت عليه : يعني ما في شغل بالليل بعد الساعه 12 ؟ لقيتو حاطط ايدو على صدرو من جهة اليسار .. وعم يتوجع .. و وشو لونو ازرررررق تركت المصاري من ايدي .. وانا خايفه منال : شبك عمر ؟

العضوة: 275918 , منذ 4 سنوات

#محاولات_قتل_امرأة الجزء العاشر عمر : مافي شي .. منيح انا منال : عمر .. قمت قربت منو وكنت مرتبكة .. اول مره بشوفو بهي الحالة .. كان عم يتعرق كتير وباين انو موجوع .. ركضت على التليفون وحكيت حماتي وقلتلها انو ما بعرف عمر شبو بس قلبو عم يوجعو كتير .. قالتلي اتصل بالأسعاف ... وهيك عملت .. ورجعت لعندو بسرعه منال : تحمل شوي .. هلأ رح ناخدك على المستشفى اتحمل شال ايدو من على قلبو وحطها على راسي .. وشد على شعراتي وعيونو فيهن دموع ووجع عمر : ما تخافي .. مو اول مره بتصير غمرت وشي بحضنو وانا خايفه كتير .. فكرتو رح يموت .. ما كان بدي ياه يموت .. كل الوقت كان اكتر شي مخوفني انو يموت ويتركني ولو انو كنت كأني عايشه لحالي .. ولو هو الو الجزء الأكبر من سبب تعاستي وألمي .. بس وقت اخر الليل لاقيه نايم جنبي كان يرتاح ألبي .. دقايق صعبة كتير مرقت .. لوقت ما وصلو الأسعاف وكنت فاتحيتلهن باب البيت بعد ما اعطيتهن الوصف بالضبط ..

العضوة: 275918 , منذ 4 سنوات

بعدوني عنو .. وشالوه وحملوه على النقالة .. كان ضعيف كتير ... موجوع كتير .. وانا مو قادرة اعملو شي .. حسيت حالي كأني عم ودعو .. كأنو هي اخر مرة رح يكون نفسو بهاد البيت صرخت كتير وبكيت كتيرر وخفت كتير ساعات صعبة كانت تمرق كأنها سنين .. خبرونا خلالها انو قدرو يسيطرو على الوضع وحالياً تاركين عمر يرتاح وما في شي بيخوف كان ضياء بحضن حماتي وانا وياه قاعدين جنب بعض وما فينا قوة نتحركـ .. منال : اول مره بصير معو هيك ؟ ام عمر : لأ .. الي عندها ابن بنفس حالة ابني بدها تكون مستعده بأي لحظة تخسرو .. هاد الأحساس عشتو بأكتر من موقف بشع كتير...كأنو حدا بينزع روحك منك .. وبعد دقايق برجعلك ياها منال : ليش ما عالجتيه وهو صغير .. مو حرام تتركيه يتعزب هيك ؟ ام عمر : عرفت متأخرة .. هو واختو نسرين نفس المرض .. ونسرين لسه عندي ما تجوزت وما حدا بيقبل فيها بسبب مرضها وعمر كان دايماً يرفض يخطب مشان هاد الموضوع .. كتير اخدتو ليشوف بنات وكل مره يقلي هي ما عجبتني وهي ما ارتحتلها .. وهي ما بتناسبني .. كان بدو يعجزني لسكر على موضوع الجيزة .. بس انا كنت شايفه ابني من حقو يعيش متل اي شب يتجوز ويجيب ولاد ويعمل عيلة

العضوة: 275918 , منذ 4 سنوات

منال : ولما وصلتو لعندي شو صار !! ام عمر : ما بعرف .. انا متلك ما بعرف شو صار .. بس بعد ما طلعنا من عندكن مسك بتيابي وقلي ( ما في داعي تعرف البنت بمرضي ) استغربت كتير وقلتلو ما بصير وازا عرفو بعدين بيفضحونا ... بس هو قلي انو ما رح يخليكي تحسي انو مريض ورح يقدر يعيشك كأنك عايشه مع انسان طبيعي .. انا كنت بعرف انو ما رح يقدر يعمل هاد الشي .. بس انا ام .. ما فيني قول لأبني وصارحو انو هو ما فيه يهزم مرضو منال : بس ما كان لازم تقبلي تخبي علينا ام عمر : له يا منال !ّ انتي الي بتحكي هاد الحكي وانتي عندك ولد مريض بنفس المرض ؟ كنتي رح تتحملي تكسري خاطر ابنك بموضوع هو ما الو اي ذنب فيه ؟ ما بعرف شو السر الي فيكي الي خلا عمر ينقلب قلب لدرجة يخاف انو ترفضيه مع انو خليتو يشوف بنات احلى منك .. بس هاد الي بقولو عنو النصيب .. وصل لعندك ورفض يمشي .. و نحنا عم نحكي اجا الدكتور من بعيد .. وطمنا انو الأمور تماما بس رح يخلوه تحت المراقبة للصبح وبعدا منقدر نخرجو قلت لحماتي تاخود ضياء وترجع على البيت لان حرام يضل بالمستشفى وبخاف عليه من جو المرض وانا بضل عند عمر مضيت طول الليل قاعده على كرسي .. تمشيت بالممرات .. وكنت عم شوف ناس مو قادرة تنام من وجعها وناس عم تبكي .. وناس عم يصرخو من الألم .. حمدت ربي ألف مرة ومرة ندمت على كل لحظة حسيت فيها بالغضب والزعل انو الله عم يمتحني امتحانات صعبه خجلت من حالي لكل مره سألت ( ليش انا !! )ما حدا بقدر يفهم شو يعني مرض إلا الي عم يعيش كل وقتو بين المشافي و الأدوية والإبر .. شي صعب كتير ينحمل ..

العضوة: 275918 , منذ 4 سنوات

رجعت قعدت مكاني .. وغفيت على الكرسي من تعبي وبدون ما حس على شي .. صحتني الممرضة تاني نهار وقالتلي قوم من مكاني .. ورحت و سألت عن عمر خلوني فوت لعندو .. فتت و قعدت جنبو وانا ساكته لأنو كان بعدو نايم .. صارت الساعه 10 الصبح .. ورن موبايلي .. نئزت من صوت الرنه لان كنت ناسيه انو موبايلي معي اصلاً وما عاد عرفت طولو من جيبتي .. وعمر صحي على الصوت .. شفت رقم غريب ورديت بسرعه منال : الو السكرتيرة : مرحبا مدام منال منال : اهلين مين معي السكرتيرة : انا غزل سكرتيرة المدير عم اتصل فيكي من الشركة منال : ايه عرفتك .. خفت يكون طالع علي مشكلة جديدة .. وكان عمر عم يفتح عيونو ويتطلع فيني السكرتيرة : المدير حابب يشوفك منال : انا دفعت كل شي .. وما بدي اجي على الشركة السكرتيرة : بس الموضوع ضروري كتير .. منال : شو في ؟ اتركوني بحالي بئى نحنا اتفقنا ادفع كل شي علي وتنتهي القصة السكرتيرة : ما تخافي في اخبار حلوة .. بتقدري تجي بعد ساعه ؟ تطلعت بعمر وانا محتارة وخايفه ..

العضوة: 275918 , منذ 4 سنوات

منال : لا جوزي بالمستشفى ما فيني اتركو السكرتيرة : سلامتو .. طيب بكرا بنفس هالوقت ؟ منال : ماشي .. مع السلامة سكرت الخط وما كان يخطرلي اي شي ليش بدهن ياني هلأ عمر : شو في ؟ منال : ما بعرف .. بدهن ياني بالشركة سكتنا التنين شوي .. وحاول عمر يجلس حالو .. قمت وحطيتلو الوسادة ورا ضهرو منال : كيف صرت ؟ عمر : انا منيح .. التلك لا تخافي عادي بتصير هيك نوبات منال : ما خاف ؟ لك كنت رح موت قمت وفتحت البرداية لتفوت الشمس عمر : ههههه خفتي علي يعني ؟

العضوة: 275918 , منذ 4 سنوات

#محاولات_قتل_امرأة الجزء الحادي عشر اتطلعت عليه وضحكتلو وضليت ساكته .. عمر: جوعاااان منال : هلأ بخليهن يجيبولك اكل عمر : لا دخيلك .. اكل المشافي بيمرض .. شوفيلي ايمت فينا نطلع منال : حاضر .. رايحه شوف .. ضلينا بالمستشفى للساعه 1 تقريباً .. بعدين اجت مرت عمي واخوه الصغير لعمر وطلعنا على البيت .. وصوني الدكاترة ابعدو عن اي ضغط نفسي او تعب جسدي لأن حالتو كانت على المحك و وضعو ما بيطمن وخبروني انو مو ملتزم بأدويتو ولازم راقب علاجو قعدنا بالبيت كلنا وعم نحاول نعمل حالنا رايقين .. كانو المصاري لسه على الطاولة .. شلتهن وضبيتهن بالغرفة وبس طلعت ام عمر : امنتو المبلغ ؟ منال : ايه الحمدلله عمر : بس بدنا نكمل عليه لنعمل العملية لضياء باحسن مستشفى منال : انت بالذات بتسكت .. وما عاد الك طلعه من البيت عمر : لك ليش منال : مرت عمي ليكي بعدو بيسأل !! احكي مع ابنك احسن ما يجنني ها عمر : ههههههههه منال : لك لاااااا ما تضحك اتطلعو الكل فيني وهن مستغربين منال : اصدي يعني كمان الضحك كتير ما بيسوالك .. رايحه اعمللكن قهوة ام عمر : جنت البنت .. بس فضي البيت وضليت انا وعمر .. فتت ونيمت ضياء .. وجيت قعدت مع عمر قعدت جنبو حطيت راسي على صدرو .. منال : سلامتك عمر : الله يسلمك حبيبتي منال : شو قلت ؟

العضوة: 275918 , منذ 4 سنوات

عمر : حبيبتي .. شو ما بيسوالي كمان قول حبيبتي ؟ منال : ههههه لا بس زمان ما سمعتا عمر : ليش ايمت كنتي تسمعيني اصلاً !! كنت اشتهي تتركيلي مجال احكي معك .. منال : كلو من عمايلك .. فهم عمر انو قصدي على خيانتو الي مع اختي .. وسكت شوي بعدين رجع حكى عمر : انت كنتي تعامليني كأنو رجولتي ناقصه .. او كأنو فيني شي عيب .. وقت تركت شغلي ما لقيت شغل تاني انا مريض قلب !! مو سهل علي لاقي وظيفه بسرعه وانتي بتعرفي وضع البلد منال : هاد كلو مو مبرر عمر : ولا انك كنتي تبعتيني قضي كل نهار عند اهلك واختك الي تطبخلي وتعملي شاي وتقعد معي وتسايرني وتحترمني واحياناً تغسلي تيابي وتكوين هاد كمان مو مبرر ؟ منال : طيب خلص سكوت .. عمر : اي سكتت منال : شطور .. قضينا نهارنا هيك قاعدين عم نحكي شوي ونسكوت شوي .. وتاني نهار رحت على الشركة لشوف شو بدهن مني .. واول ما وصلت فتت لعند المدير .. وكنت خجلانه من الكل .. وما الي عين شوف حدا منال : مرحبا المدير : اهلا اهلا منال : خير شو في ؟ مو اتفقنا انو كل شي خلص وما ينرجع ينفتح الموضوع ؟ المدير : طولي بالك مدام .. انا جايبك مشان اعتزر منك منال : تعتزر مني ؟ المدير: امبارح الصبح أريج كانت هون منال : _ _ _ المدير : هي اعترفت انو هي المسؤولة عن الي صار .. منال : بالله ؟ ايه منيح .. بدك شي تاني مني ؟ المدير : طولي بالك خلينا نحكي .. تفضلي اقعدي منال : ما بدي اقعد .. مو مسدئة اطلع من هون المدير : بس نحنا بدنا نصلح الأمور منال : بدك ترجعني عالشغل ؟ المدير: لا صعب منال : ليش ؟ مو قلت انو أريج اعترفت انو ما الي ذنب المدير : مزبوط .. بس بالنهاية انتي كنتي عم توقعي على العمياني .. وهاد التصرف غلط بالنسبة للأمانة الي نحنا كنا محملينك ياها انتي بالنهاية مذنبة .. وانا ما بقدر ارجع اعطيكي ذات الثقة منال : لكن ليه بعتولي شو بدك ؟ اعطاني ملف وقلي خديه .. منال : شو هاد ؟

العضوة: 275918 , منذ 4 سنوات

المدير : هاد الملف فيه اوراق بتثبت حسن سلوك وحسن سيرة طول فترة عملك عندنا واوراق شهادة خبرة وفي ورقة توصية عليها توقيعي شخصياً .. عالأقل هيك بكون ما قطعت رزقك من شركات تانيه .. شديت على الملف بأيدي وانا مقهورة كتير .. ( ذل الحاجه ) ذل الحاجة الي خلاني اول مرة اخود المصاري من اريج مشان ابني وذل الحاجة الي رح يخليني اخود هالملف هلأ كأنو حسنة منو علي .. مشان اقدر اشتغل بمكان تاني منال : طيب .. انا بدي امشي المدير : بتقدري وانتي طالعه تمشي وانتي رافعة راسك ، لان الموظفين كلهن صارو يعرفو انك بريئة .. وبالنسبة للمبلغ أريج تعهدت ترجعلك ياه هي المشكلة بتصفي بيناتكن .. وسامحيني ما بقدر اعملك اكتر من هيك .. لان حتى انا مجرد موظف بهي الشركة بالتوفيق طلعت من المكتب وطرقت الباب وراي وانا معصبة وحكيت بصوت عالي : غبيييييييييييييي التفتت علي السكرتيرة وهي مستغربة منال : شو ليش هيك عم تطلعي فيني ؟ .. ومشيت وضليت طالعه من الشركة لعند عمر وحكيتلو كل شي صار .. عمر : ما عاد بدنا شغل بتقعدي هون وبتديري الك على ابنك منال : بالله ؟ عمر : ايه متل ما سمعتي منال : ومن وين بدنا نعيش ؟ شغل الك بالعتالة ما عاد في عمر : وكلي الله .. منلاقي حل .. منال : لا إله إلا الله ..

العضوة: 275918 , منذ 4 سنوات

ضلينا فترة خمس شهور عم نروح ناكول عند بيت عمي وناخود معنا اكل مشان العشا وغيرو .. وبلش عمر يعطي دروس خصوصي للتقوية .. فضيتلو غرفة عندنا بالبيت .. وصرنا نحط إعلانات بالجرايد والمجلات للي بدو مدرس رياضيات .. كان المردود قليل بس كنا نمشي حالنا فيهن .. هيك لوقت اجا موعد عملية ضياء .. وبلش الــخوف الحقيقي .. وصار لازم نواجه الشي الي عيشنا برعب طوال فترة سنتين كاملين .. ضل ضياء أسبوع بالمسشتفى مشان التجهيز للعملية .. وطمنونا الدكاترة انو نسبة نجاح العملية كبيرة كتير بس ما كان البي مرتاح ابداً .. كنت كل لحظة حس حالي عم موت وارجع عيش .. تعذيب فوق طاقة أي انسان فوتوه على العمليات ... والأرض ما عاد شالتني وصرت صرخ وابكي وقلهن خلص طلعوه .. طلعوه رجعولي ابني خلص طلعوووه رجعولييييييييييييييي يااااااااااااااااااااااه وعمر يحاول يهديني بس ما كان في شي قادرر يطفي النار الي بقلبي ... ما عاد بدي شي .. بس ابني طلعوه ..