العضوة: 275918 , منذ 4 سنوات

#محاولات_قتل_امرأة الجزء الثاني عشر نجحت عملية ضياء ... خلصت رحلة التعتير والشقى ، طلع الدكتور بعد ساعات طويلة ومبين عليه التعب والإرهاق .. وقلنا ( مبروك ) ابنكن بخير وسلامة .. الله عوضني عن صبري وتعبي خير وشفت أبني معافى وسليم .. ضلينا بالمستشفى اسبوع كمان ... بس كان اسبوع من نوع تاني .. متل هبوط الطيارة .. بلشنا نرتخي شوي شوي .. كأنو كل شي طاقة عندنا خلصت وهلأ ما عندنا اي استعداد لتحدي جديد او لمصيبة جديدة .. الكل ضلو واقفين معنا .. اهلي واهل عمر ما تركونا ...وحتى عهد كانت موجوده بس ما قربت مني ما سدئت اخدت ابني من المستشفى وطلعت فيه .. لما طلعنا من المشفى نزلت أركض و عمر وراي ويقلي امشي شوي شوي وانا مو رادة عليه وقفنا تكسي وطلعنا فيها وقلتلو امشي بسرعه لو سمحت خفت اتطلع وراي ... ما كان بدي شي الا انو نبعد عن هاد المكان من مهم لوين بس المهم ما نرجع .. وصلت على البيت وتفاجئت انو كان عمر مزينو بالورد بكل مكان .. اتطلعت عليه وانا متفاجئة منال : لشو هاد ؟ عمر : هلأ بالله عليكي بعد كل شي صار فينا بتسألني شو هاد ؟ لك فوتي فوتي بدي ناااااااااااااااااام منال : هههههههه فتحلي باب البيت وفتنا على غرفتنا .. حطينا ضياء بالنص ونمنا جنبو ونحنا عم نتفرج عليه منال : عمر يعني هيك خلص ابني ما رح يصيرلو شي ؟ عمر : ابنك طول ما انتي معو ما في شي رح يصيرلو .. نيالو بهيك ام منال : حاسستو نحفان مو هيك ؟

العضوة: 275918 , منذ 4 سنوات

عمر : ما بعرف .. كأنو شعرو خفيف عن قبل ؟ منال : ليك مو كأنو اظافيرو طولانين ؟ عمر : وانفو رايح عاليسار شوي مو ؟ منال: وعينو .. صفنت شوي بعمر ولقيتو عم يضحك منال : عم تتمئلس علي مو ؟ عمر : هههههههههههههههه منال : تضرس عنجد .. عمر : بحبك وليه هبلة .. الله يثبت علينا العقل والدين اتطلع فينا ضياء كأنو معصب وعامل عقده بين حواجبو منال : شبو هيك عم يتطلع فينا ؟ عمر : بدو ينام الصبي ونحنا حطيناه بالنص وعم نحكي منال : خلص هس لا بئى تحكي عمر : حاضر سكتنا وضلينا عم نتفرج عليه كيف عم يتثاوب ويغمض عيونو شوي ويتشابكو رموشو ببعضهن و خدودو يرتخو همست بصوت واطي : نام كأنو ؟ عمر بصوت واطي : هيك شكلو تطلعت بعيون عمر وهو كان عم يتطلع بعيوني وضحكتلو .. منال : تعبانه كتير كتير .. حاسة حالي الي سنتين ما نمت عمر : وانا كمان .. منال : عمر انا بحبك قلتلو الكلمة وغمضت عيوني وانا مبتسمة و ماسكة ايد ضياء .. وحسيت عمر حط ايدو فوق ايدينا .. وضلينا نايمين للصبح تاني نهار اتصلت فيني اختي لبنى من السعودية و كان طاير عقلها من الفرحة وباركتلي وهنتي مشان نجاح عملية ابني .. وقالتلي انها مجهزيتلي مفاجئة بتاخد العئل بس بدها شهر لتتأكد وبتقلي .. وكعادتها اختي الكبيرة سرها عميق وما بتحكي قد ما ترجيتها .. سمعنا بعدين انو أريج عملت عرسها على خطيبها .. وفهمت انو اخوتها ماسكين خطيبها ومهددينو مشان يتجوزها غصب عنو ويصلح غلطو

العضوة: 275918 , منذ 4 سنوات

وبالفعل تجوزو بعرس ململم ..ما بعرف شو نوع الحياة الي رح تعيشها مع هيك انسان .. يا حرام شو عملت بحالها مع انها عملتلي فضيحة بس جد زعلت عليها .. اريج كانت حنونة ومرحة .. كانت تحلم بمستقبل حلو وتبني أحلام كبيرة ما بعرف كيف هيك صار فيها وكيف سلمت حالها لخطيبها قبل ما يكتبو الكتاب .. حفرت قبرها بأيدها .. ورح تعيش كل عمرها تدفع ثمن غلطها .. صارو اهلي و عهد وجوزها يجو لعندنا يسهرو كل يوم ويجيبولنا بأيدهن شي متل فواكي او خضار او غيرو و احياناً امي تحط بأيدي مصاري ما بعرف من وين تجيبهن وتقلي بعرف طالعين من ظروف صعبة مشي حالك انتي وجوزك بنتي وبيت عمي حاولو يساعدو جوزي بالي بيطلع بأيدهن بس كنت كتير انقهر انو الكل عم يتحسن علينا .. لوقت ما رجعت حكيتني لبنى .. وقالتلي انو امنت شغل لعمر عندها بالسعودية وطلبت مني ابعتلها سيرتو الذاتية وكل أوراقو صرت نط من عالأرض و صرخ منال : قولي والله ؟ احلفي طيب ؟ يعني على الأكيد الشغل ؟ ييييييييي ما عم سدئ ما عم سدئ سكرت الخط وفتت على عمر الي كان يعطي دروس لطلاب الصف الخامس منال : عمر قوووووم قوووووووووم تفاجئ عمر بفوتي عليه وخجل من طلابو : طيب حلولي هي المسألة وهلأ برجعلكن قام لعندي وسكر الباب وراه وحكي بصوت واطي عمر : لك شبك ؟ منال : بوسني عمر : نعم ؟ منال : لك متل ما عم ئلك يلا عمر : جنيتي يعني ؟ اعطيتو خدي واشرتلو عليه : يلا بوسنبي قرب عمر وباسني : خلص ؟ منال : دبرتلك شغل عمر : بالله ؟ وين ؟ منال : بالسعودييييييييية حبيبي .. عمر : السعودية ما غيرها ؟ منال : ايه بالله يا ولد عمي السعوديه عمر : احلفي يا وضحا ؟ يعني ممنرحل من الديرة ؟ منال : هييييييييي نبي نرحل .. منرحل يلا .. يلا ضب غراااضك يلا عمر : احلفي طيب ؟ منال : والله يا تئبرني

العضوة: 275918 , منذ 4 سنوات

بعتت اوراق عمر لأختي .. طلعت جوازات انا وعمر و مشينا الأمور من عندنا .. وبعد شهر ونص كان موعد سفرنا و لبنى قالت انو رح نقعد عندها لوقت ما يبلش عمر شغل ونرتب وضعنا طلبت من اهلي يقعدو ببيتي ويعتبروه بيتهن واكتر .. لان حرام بعد هالعمر يضلو قاعدين عند اختي ويحسو انهن تقيلين على حدا واجا اليوم الي طلعنا فيه على المطار .. ونطرنا موعد طيارتنا ام لبنى : امي اختك واقفه بعيد ومو مسترجيه تجي .. خطي سامحيها منال : امي اتركيني من سيرتها والله رح طئ منها ام لبنى : حرام عليكي اختك كانت صغيره وبمرحلة طيش وما كانت قادرة تحب جوزها لاننها حست انو انغصبت عليه بس هلأ كتير بتحبو بالذات بعد ما طلعت حامل منال : ما بدي امي ما بدي ام لبنى : بس اختك هي الي كانت تبعتلك المصاري معي .. منال : ولو ما بدي ام لبنى : عنيده .. رحت قعدت جنب عمر وانا متوترة

العضوة: 275918 , منذ 4 سنوات

منال : نسيت اسألك .. السفر بالطيارة بأثر شي عليك ؟ عمر : منال ما حدا رح يجلطني غيرك .. خلص حبيبتي هيك كتير يعني منال : طيب خلص سكتت مسكلي ايدي وغمزلي عمر : هنيك بدي لبسك عباية وخمار منال : يا عيني ومبسوط على حالك ؟ عمر : والله هيك عادات البلد وبدك تلتزمي منال : ههههههه طيب منشوف تطلعت عالموبايل وكان بعد ساعه .. قمت وتركت الكل وفتت على الحمامات واتصلت على اريج .. ردت علي ورجعت سكرت الخط بوشها ورجعت هي اتصلت .. منال : اوف شو عم اعمل انا .. رح رد فتحت الخط وانا ساكته أريج : منال ؟ .. منال ؟ .. منال ردي ؟ منال : احم .. ايه هي انا أريج : مو مسدئة انو عم اسمع صوتك .. انا اسفه .. اسفه والله اسفه منال : انا مسافرة أريج : وين؟ منال : السعودية أريج : ايمت ؟ منال : هلأ أريج : يعني ما رح شوفك مره تانيه خلص؟ منال : ايه خلص .. سكتنا شوي بعدين سمعت صوت حدا عم يصرخ عندها ( يا كلبة وينك تعي غسليلي رجلي احسن ما قوم اضربك بدن ) راحت اريج سكرت على حالها الباب مشان ما يوصلني الصوت اكتر منال : طيب انا رح سكر أريج : منال انا بدي اعطيكي المصاري الي دفعتيهن منال : ما بدي منك شي .. انا وقت اخدت منك كنت مضطرة مشان ابني .. بس ابني صار منيح أريج : انا والله اسفه كتير .. اسفه ببوس ايدك تسامحيني منال : ما بعرف .. ما بعرف ازا بقدر سامحك ...

العضوة: 275918 , منذ 4 سنوات

سكرت الخط وطفيت موبايلي .. غسلت وشي وطلعت بسرعه مشان ما اتأخر واول ما طلعت سمعت نداء مشان نطلع بالطيارة ركضت لعند عمر ومسكت الشنتايه منال : انا بجرها انت اتركها عمر : هاتي من ايدك منال : لا خلص انت شيل ضياء .. عمر : منال .. اتطلع علي بعصبية كتير تركتلو الشنته .. حملت ضياء .. و ودعنا الكل ومشي عمر قدامي ومشيت انا وراه .. وقبل ما نفوت بأول مدخل وقفت مكاني عمر : شبك ؟ منال : _ _ عمر : ليش وقفتي ؟ التفت علي ولقاني عم ابكي ودموعي معبين وشي .. التفتت وراي واتطلعت على اختي عهد الي كانت عم تبكي وتطلع علي منال : عهدددددد .. تعييييييي عهد : اختي ... ركضت لعندي وانا مشيت بأتجاها وضمتني بقوة كتير لصدرها وكانت عم تبكي وتبوسني عهد : بحبك كتير .. ديري بالك على حالك منال : وانا بحبك يا عمري انتي ... الله يسعدك ويقومك بالسلامة يا اختي يا عيوني انتي صار يبكي ضياء لانو كان بحضني وانحشر بيناتنا .. عمر : منااااااااااال يلا بسرعه منال : انتبهي على ابي وامي ايه ؟ وديري بالك على جوزك .. عهد : حاضر وانتي انتبهي على ابنك .. الله ييسرلكون أقلـــــــــــــــعـــــــــــــــت الطيارة ... وتركنا الشام ورانا و صرنا معلقين بالسما حتى الحلم الي تمنيتو انو طير وحس حالي خفيفة الله حققلي ياه ههههههه كنت عم حس بلعية نفس من الطيارة وخايفه كل شوي امسك عمر وقلو والله حاسة هالطيارة رح توقع وهو يضحك علي عمر : اسمعي اسمعي هالشعر تعلمتو قبل يومين يفزّ قلبـي كل ما أجيب طاريه فزّة يتيـمٍ شاف من تشبه أمّه تذكّر أمّه يـوم كانت تنـاديه وحس بجفاها يـوم عيّت تضمّه مـرّت سنة مـن موتها من يراعيه والدّمع ماقدرت كفوفه تلمّه أبوه مات مـن الحزن من يـواسيه ومن بعد موت أبـوه أخذه عمّه ينام ما يلقا رحـومٍ يغطّيه ولو ما يسـوّي ذنب كلٍ يذمه منال : ينعن ديبك انا بلشت القصة بقصيدة لنزار قباني وانت عم تختمها هيك عمر : مو يا حبيبتي كل شي الو شي .. بلشناها بالشام مع نزار قباني وهلأ بدنا نقفلها

العضوة: 275918 , منذ 4 سنوات

بالسعودية بشعر بدوي أصيل .. و كمان اشتريت ( قلابية و عقال) منال : لا وحياتك ما بتنقفل إلا بالشام .. عمر : ان شاء الله حبيبتي ما منطول الغيبه .. كم شهر منزبط وضعنا ومنرجع منال : وبتهديني قصيده لنزار عمر : وبهديكي قصيدة لنزار .. حطيت راسي على كتفو وغمضت عيوني : بس نوصل قلي عمر : ماشي منال : وحاجتك تبصبص عالمضيفة تقلعو عيونك وانت تغمزلها استحي عاد ابنك بحضنك عمر : اه ؟ حاضر منال : يا عيب الشوم بس .. المشكلة انها بتقرف ومو حلوة عمر : ليش والله حلوة البنت منال : شو قلت ؟ عمر : بحبك .. بحبك قلت ما قلت شي منال : شاطر الله يرضى عليك .. #تمت #مال_الشام

العضوة: 275918 , منذ 4 سنوات

رفع

العضوة: 456522 , منذ 4 سنوات

@user-275918 حلوه القصه

العضوة: 275918 , منذ 4 سنوات

@user-456522 حلاة عيونك

العضوة: 275918 , منذ 4 سنوات

@user-385078 هي قصه جديده

العضوة: 275918 , منذ 4 سنوات

@user-444850 هي قصة جديده

العضوة: 444850 , منذ 4 سنوات

@user-275918 بتجننن وحلوة هلا خلصت قرأتها

العضوة: 304218 , منذ 4 سنوات

هههههههههه 😂 أحلا نهايه القصه 😜

العضوة: 379670 , منذ 4 سنوات

القصه مررره حلوه وبها من الصبر كثيييير