العضوة: 2295414 , 2 weeks ago

اليوم كان يوم عادي جدا يمكن سبب ماشبعت نوم ، تغير اليوم ١٨٠ درجة ليوم سيء راسي فيه مليون بوابة مفتوحة : ليش مو قادرة اسيطر على الفوضى _ ليش زوجي دايما يحاسبني وكأنه كامل و شريك مثالي ؟ _ ليش اهله يحاسبوني ويغضون نظرهم عن ولدهم ؟ _ بنتي لازم ابدل لها الحين _ احتاج شاور _ بروح اصحي بناتي _ ليش الانوار شغاله _ الجوال يرن لازم انزل افتح الباب ! مخي مليان مليان جدا فتحت جوالي واكتب لزوجي : بدل تحاسبني على مليون شغله خلص الامور الي عليك في البيت مثلا المكيف نظفه و طلع الزبالة مو كل شي علي ، رسالة طوووويله واصلا انا وهو علاقتنا متكهربة ومانتكلم كويس لدرجه ماينام في البيت ! دخلت المطبخ وانا كنت بدخل الشاور اسبح بس ايوه عندي تشتت عالي بسبب البرامج التواصل التشتت جدا !!! ، طلعت الأكل وحطيته بالفرن سويت شوربة و قلت يلا يا ورد ادخلي الشاور ركزي على الشاور ! كنت معصبة منفعلة ابغى البنات يرتبون فوضتهم ، الفوضى والصوت العالي والسؤال المكرر يشتتني يعصبني : ماما رتبون او راح اضرب ! كنت معصبة جدا تعكر يومي ويومهم بنتي الصغيرة تتأثر جدا بأقل شي عشان كذا كانت تراقبني بستغراب وكانها تقول اذا بكيتي ببكي معاك .. بعد موجة غضب وزعل قررت اكتب رسالة لبناتي الي اطفالي يا قطعة من قلبي امكم تحبكم جدا اسفة على يوم عاصف حزين لكن ماما تنهار تماما بالازعاج والفوضى تكرار الكلام كثيرا اسفة ، عبر كل منا عن مشاعرة بالكتابة وفهمنا بعض والكل عرف غلطه وانا شاركتهم غلطي وتأسفت 🥹 ..

العضوة: 2295414 , 2 weeks ago

. انا مشاعري ابيض ، اسود لما زوجي يزعلني وزعلي قوي اسكت كثيييير ثم 🙂👌🏻 انهيار تاممممم حاليا عدة اصوات جالسة تزعجي نفسي اصرخ : خلاصصصص 🌪 بنتي وهي تاكل بصوت حذرتها مرتين غلط اكلي بهدوء لكن مكمله ، الثانية تطلع صوت بخشمها لانها زكمت ، صوت التلفزيون ، احتاج اروح مكان هادية عشان لا انفعل مرة ثانية لهذا اليوم 🫢 .. حساسة جدا للاصوات طريقتي عشان انجز اكتب وش بسوي اقلها اكتب ٥ اشياء وانجزها بطلوع الروح بعدين اكتب غيرها لان عندي تشتت 🙂✨️

العضوة: 2295414 , 2 weeks ago

بعز مرضي وانشغالي و دوامه من الارهاق كأم و شخص يعاني صحيا وجسديا : ورد انا بتزوج خلاص السبب انتي انا احبك بس اجبرتيني من تصرفاتك واهمالك واسلوبك معاي خلاص ، انهار كل شي قدام عيني مثل طفل امه حملت بطفل ثاني عليه ليش ليششش كنت ابكي مثل طفل كنت اقنعه لا يتزوج انا احبه كنت منهاره تماما قدامه فترة طويله كني دخلت بحفرة جهنم و اشتعلت النار بجسمي والكل سمع صرختي الكل الا زوجي النرجسي وأهله كانو يشوفون اهمالي وتقصيري و يتجاهلون وجع الزوجة الثانية الان صوته مقرف ريحته تسبب لي غثيان اخر علاقة بينا قبل ٣٦ يوم كانت مثل اغت**اب ماكنت مرتاحه هربت للشاور غشلت نفسي عشان ما اشم ريحة جسمه بجسمي وشغلت بخور بالغرفة وفتحت الدريشة وبكيت ومن يومها انا ماشوف زوجي شي ! 🌪

العضوة: 2295414 , 2 weeks ago

زوجي حلفته مايطب شقتي وحاليا مشرد ينام بمجلس اهله وين زوجته الثانية ؟ ، عرف غيرتي عليه وقرر يلعب معاي ؟ مايدري إني ابيض واسود و مشاعري تجاهه غضب وكرهه حاليا ؟ هو الشرير بقصتي الحين اجمع عليه كل الأدله عشان اكرهه ايام غياب منشورات بالتيك والسناب الف والدورات يتقرب ويبعد ، يلعب بمشاعر وحده راح تقلب اليوم جهنم لو وجع قلبها وفعلا صرخت وضربت وانهرت والي مايشتري يتفرج 🤌🏻 " يوم من الايام الي كنت احس روحي تحترق قبل ما احس بتبلد " الرجاء عدم الرد على مدونتي 🤍

العضوة: 2295414 , 2 weeks ago

🥹✨️

العضوة: 2295414 , 2 weeks ago

يمكن مدونتي صارت بيد بوردرلاين مثلي ✨️ الدورة الشهرية بالنسبة لنا غضب مو راضي ينزل قبل الدورة بيوم مشاعر غضب بجسمي .. اكثر انسانة تحس بمشاعري الملخبطة الي مثلي بالضبط ، اليوم افكاري كثيرة لان كل الم مخزن يضاعف قبل دورتي ، بالعادة اكون عصبية العشرة الاولى قبل الدورة بس تعلمت واحاول اسيطر قد ماقدر على اعصابي حتى بالأكل مدونتي راح تنفع حتى شبهي 🥹✨️ غموض زوجي اليوم يجهز ومستعجل ويشيل اغراض من الدولاب ومكالمة سريعة : ايوه الان انا مستعجل ، يزرع الخوف بقلبي والغضب يجهز لها مستعجل بيروح ؟ طبعا صار له تقريبا شهر نايمة عند اهله بس وجع الشعور والخوف والزواج الغامض مايناسب الشخصية الحدية ابدا الغموض يخوفنا جدا 🙂 .. صار ولا شي ؟ بس مشاعري متخربطه اليوم وانا مسيطرة شهر كامل واكثر بعد ان خلاص مايهمني اليوم مشاعري 🔻 مو حب مو شوق مادري ، يارب تنزل الدورة على خير بدون وجع بمشاعري

العضوة: 2295414 , 2 weeks ago

برجع لروتين مريح بالنسبة لي مناسب لحديتي طبعا عشبة الاشوغندا و اي شي فيه ماغنسيوم ضروري لي ، مكسرات وشاي اخضر وحبة شوغندا قبل النوم روتين الليل * اي اعشاب تهدي او حتى حليب دافي او كاكاو* لما كنت اتوجع من زواج الي اتمنى ان كذبه زوجي كنت احس بفراغ قوي كنت اكتب و افرغ وجعي بالبكى و اسخن مطارة دافية واحضنها كيف شخص يقول مستحيل احب غيرك انا لك لحالك يتزوج علي ؟ ليش الأكاذيب والوعود الغير صادقة ليش عطاني الامان ورماني من فوق للجحيم ؟ وجع تصرفه مثل ضرس العقل لكن انشلع من قلبي !

العضوة: 2295414 , 2 weeks ago

مساء الخير ✨️ يوم جديد أحاول اتحكم بمشاعري الحدية = أنفعال فجأة لأقل شي لكن انا اقوى من مشاعري وعواطفي المبالغ فيها عندي مدونتين هنا سويتهم من ٣ سنوات كل مدونة مختلفة عن الثانية والمدونتين ناجحين جدا لان انا عاطفية واسولف كثير مدوناتي مليانين مشاعر 🫢🤍🤍🤍 هالمدونة مختلفة تلمس اعمق جزء بنفسي مشاعري و عاطفتي وحديتي ! هالمدونة جيتها وانا باعلى واصعب ظروفي لكن انا أحب نفسي والحياة وأطفالي عشان كذا التشافي بيكون رحلة ممتعة وانا اعتني بروحي وصحتي وجسمي وبناتي 🌸🌸🌸

العضوة: 2295414 , 2 weeks ago

الدورة الشهرية على وشك تنزل صرت افهم مشاعري اكثر أفضل من قبل المحيط الي حولي نرجسين علموني اتحكم بعواطفي ومشاعري وما أكون مثل طفل صغير واضحه بمشاعري علموني ان التحكم بالمشاعر ضروري جدا 🤌🏻 * مو كل من جا تعاملت معاه بروحي الداخليه الصادقة ابدا ابدا * اي بنت تقرا مدونتي : العاطفةةوطيبة القلب حلوة لكن لا تدفعي وتكوني طيبة زيادة عن الزوم في ناس تستغل طيب القلب ، الحدود حلوة وكلمت لا بعد لازم تكون سهلة اذا فوق طاقتنا * لا مانسمح لغيرنا يتحكمون بحياتنا لا مانسمح لغيرنا يستغلون قلبنا وطيبته مثل زوجي انا متزوج بس ماتتغيرين علي و لا بقسى وبصير وحش 💀 ايوه انا اصبحت حدية والسبب زوجي واهله لا نسمح بالاستنزاف ابدا خلي عاطفتك ريموت كنترول وهذا اقوله لنفسي بعد : مانقدر نتحكم بكلامهم الجارح بس نقدر نحط حدود مثل : طز مايهمنا رايهم و نحط حدود لتدخلاتهم بحياتنا 🤌🏻 طز لتصرفات زوجي و قراراته بحياته بس ماسمح له يجبرني اصبر واتحمل و ما اتغير عليه واكون انا مثل قبل معاه قبل يتزوج ! انا تغيرت صرت اشوفني اهم منه زي ماهو ماشف قلبي و نفسيتي اهم من رغباته وقراراته

العضوة: 2295414 , 2 weeks ago

صار لي فترة انام الصبح واصحى الظهر هالشي زاعجني جدا نوعا ما ماسويت شي مفيد لحد الآن من صحيت حتى كنت بزور اهلي افطر معاهم بس ماقدرت ارفع راسي كالعادة ، جوالي ١١ مكالمة عشان وعدتهم بفطر معاهم ، النوم كان سيء لان عبارة عن رن للجوال كنت اصحى وارجع انام .. سويت كبدة بهرتها كويس وحطيت كريمة وبناتي حبوها جدا .. اممم مدونتي حامل نوفمبر اذا والمدونة كانت قبل حديتي تكون اقوى او قبل اكون حدية الله اعلم انا ام عاطفية وجدا احب اطفالي كثير بس بتعلم اتحكم بعاطفتي واسوي ريموت كنترول * انا ام مو طفلة * ماببكي قدامهم * مابتذكر ان ابوهم خذلني قدامهم * بتحمل سوالفهم عنه وعن اهله بدون ما يبين علي زعل وغضب * الله اعلم كم بنت هنا تعيش نفس وجعي بس كوني قوية عشان نفسك وعشان اطفالك الي وجعك يعرف ان وجعك لكن كمل وقرر ان يوجعك عشان مصلحته مثل زوج تزوج يدري بمستوى الخذلان والوجع لكن مصلحته فوق قلبك و مشاعرك وشعور الفشلة وفلة الحيلة قدام الناس .. عيشي وطنشي قد ماتقدري 🤍🤌🏻

العضوة: 1964171 , 2 weeks ago

أنتي تبي تسيطري على الأمور وتبي كل شي يجي ع مزاجك هذا الشي يستنزف الطاقه كمان لازم تتوكلي ع الله وأعرفي كل يوم هو مكتوب قبل م تجي ع الدنيا كثري توكل ع الله وتعلمي مهارة التفويض تفويض المهام الدعاء يغير حياتك والكتابه تهدي نفسك

العضوة: 2295414 , 2 weeks ago

صح كلامك شكرا ام حور مستمره على الكتابه 🤍✨️

العضوة: 2295414 , 2 weeks ago

✨️ التشتت صاير عالي جدا معاي حسيت راسي بينفجر كل ما اركز بشي بنتي * ماما ماما ماما * تشتت * افكار براسي وكثير كلام بقلبي ، مهام ابغى انجزها * مشاعر مكبوته * قررت اسوي حركة دكتورة سمية كل شي بحياتي لمبات شغالة بطفي افكاري 💡 بطفي اي شي مو ضروري الحين 💡 بركز على خمس اشياء مهمه بنجزها وبطلع كنت اللعب مع اطفالي انا احب اكون ام حاضرة بس احتاج اسوي كنترول على مشاعري اذا جاني طاري اهل ابوهم او ابوهم 🤌🏻

العضوة: 2295414 , 2 weeks ago

✨️ اليوم مافي انجاز كبير بس افضل واهم انجاز كنت ام حاضرة لاطفالي لعبت معاهم وسولفنا بس مشكلتهم اذا انشغلت عنهم يلحقوني ويفصلوني عن افكاري او المهمه الي بسويها وفل تشتت _ احس كل ويكند احس بتشتت فضيع ماعرفت السبب ! بشتغل على امور كثيره تخفف تشتتي ان شاءالله ، احب اكتب اذا مخي امتلى افكار مشوشه * تترتب ، وكأني اقول لافكاري خلاص تفاهمنا اوقفي وتكلمنا بالموضوع ! * اكثر شي موجعني هالفترة كلام اهل زوجي بوجهي والتقليل من تعبي واعرف كثير نساء تعرضون لتطفل اهل الزوج وصابرين 🤌🏻🥹

العضوة: 2295414 , 2 weeks ago

✨️ جوعانه وقبل اطلع بجهز وبجهز اطفالي نفسي اسوي يوقا الآن افكاري عالية ، لو مشيت شوي كان بكون افضل لان المشي يريح راسي سبحان الله 🤍 .. * يومي مايخلى عن اكسترا دراما ومشاعر مكبوته وتبغى تطلع ، عندي مدونتين كانت ايجابية جدا اتمنى هالمدونة تكون تشافي وايجابية لانكم لو تقرون مدوناتي القديمة بتكتبون : ورد كنتي طاقة ايجابية وش جاك ؟ اتمنى جدا ما اسلب طاقتكم واستنزفها وتكون مدونة تشافي و رحلة اختمها هنا وانا افضل