مرحبا أنا ورد
أم لثلاث أطفال بنات * وردات *
هنا بتكون رحلتي للتشافي والفضفضة
و البوردرلاين الي شخصته شخصيا لان ٩٩.٩% الاعراض فيني
احب اشارك فضفتي و انتقاليات مزاجي و يومياتي كأم وزوجة بوردرلاين لزوج فيه صفات نرجسية ..
حان وقت الشفاء 🫢✨️
نبدة بسيطة عن الشخصية الحدية
* مزاج متقلب
* مشاعر حادة جدا اضعاف الشخص العادي
الحزن يضاعف ١٠×
والفرح ايضا
مرات اكون سعيدة ورايقة وهادية ومرات ابكي بكاء يطلع روحي
انا حساسة جدا للصوت العالي اقرأ النظرات و لغة الجسد و الكلمات بين السطور ما بالكم انا لزوج نرجسي ؟
حياتي كانت عبارة عن محاربة وقوة لكن الاشخاص الي حولي نرجسين فيحاولوا يفهموني ان انا مقصرة و حياتي مافيها انجازات دايما يقصدوا تقليل من مجهودي
من تزوجت وخصوصا اخر ٣ سنوات البوردرلاين كان شديد جدا بسبب الضغط بالحياة الزوجية والحمل والولادة و المرض المزمن والامومة ..
على فكرة كان عندي مدونة حمل هنا شاركت يومياتي بكل تفاصيلها وكان فيها تفاعل مشاهدات حلوة
تابعوا رحلتي ومشاعري لو حابين.. أنا ورد
هذي مدونتي الخاص اتمنى منكم عدم التعليق فيها عشان تكون مرتبة وغير فوضوية 🫢✨️
الرجاء عدم التعليق والرد ✨️
العضوة: 2295414 , 6 days ago
وضعنا حاليا 😂 -العضوة: 2295414 , 6 days ago
✨️ اوكي ابشركم ان في طاقة سلبية هاليومين مدري حدية عالية ولا فراغ عاطفي شديد ولا محتاجه اجازة لحالي عن جميع البشر .. مدري مدري 🫤😂 ، احتاج اكتب عشان ارتب وافهم وش الي يصير ، خاطري بمساج و اشرب كوب اعشاب و المساج يستهدف اكثر شي الجمجمة ، اقدامي و ضغط خفيف على يدي و بالنسبة لجسمي الاكتاف والرقبة يا سلام سلم 🤌🏻 ، واضح اكتشفت وش ابغى فلوس و مول و اشتري لي الي بخاطري و بعدها وجبة من الي سحبنا بطني و اجازة مام 🤣 بس مين يفهمني اذا شريك زي العالم ماعندي هالفترة .. مدري لو كتبت فوق ان حلمت حلم وفسرته وطلع لصالحي وان هو الغلطان بحقي و ان تصرفاته مشوهه و طايشة 🤌🏻 ايوه انتظر اليوم الي يجي ندمان ومايحصل ورد القديمة لان خسرها للابد ✨️العضوة: 2295414 , 6 days ago
✨️ سويت لي قائمة يومية تناسب طاقتي هالاسبوع طبعا تشمل كصير شغلات يوميه مانذكرت كربة منزل منها الطبخ و غسل الملابس والمواعين والخ .. بس بتكون من الفقرة الي تتسمى سريعة 🫢العضوة: 2295414 , 6 days ago
✨️العضوة: 2295414 , 5 days ago
- ملاحظه مهمه كثير تخص امومتي حسيت مابغى تفهمون ورد الام العصبية كتبت فوق موو متعوده ان اصارخ عليها دايما 🫢 ، ما اصارخ دايما عليها هذا الصح فلما اصارخ تنصدم وتبكي بصوت عالي لان مو متعوده ✨️ الملاحظة مو عشاني عشان بنتي ما ابغى تشفقون عليها وتعورون قلبكم انا عميقه من يومني مراهقة اخاف على فكر الناس من شعور الشفقة وماعرفت للان ليش انا عميقة بالنقطة هذي مدري لو في احد مثلي 😂 اتذكر بمراهقتي كنت ابكي بصوت عالي و رافعه يدي اعبر عن الزعل الي داخلي بوجهه امي " تأشير وحركة يدي كثيرة " لمحت وحده تناظر بحزن اعتقد ان تفكرني اصارخ على امي ومن يومها هالبنت كاسره خاطري هل قلبها وجعها ان مفكره اصارخ على امي ؟ و انقهرت على امي حبيبتي لان البنت اشفقت عليها فهمتوا الفكرة وصلت لكم مشاعري ؟ احس ان انا عميقة بزيادة 🫢😂😂العضوة: 2295414 , 5 days ago
✨️ صباح الخير ٨:٠٠ ص ياسلام لما يكون اليوم فيه انجاز حلو ان شاءالله باقي الصباح يكول احلى واحلى 😍 .. مشيت وتشمست و غسلت ملابس و مواعين .. اعتقد اكثر الامهات يحبون يغسلون المجلى قبل النوم عشان الصباح يكون روقان بس انا عادي عندي ولان الليل مزحوم عندي واخاف اسوي ازعاج للنايمين 😅 .. سمعت بودكسات من شوي زبدته : هرمون الكرتزول او حتى الساعة البيولجية بالدماغ عشان تتضبط الصباح لازم نتشمس او نسوي تمرين سرفع هرمون الكرتزول مثل النط بس الي تبغى تحرق دهون البطن ، دهون البطن ماتحب التمارين الي ترفع الكرتزول في دكتورة تقول هرمون الكرتزول كانك ماكله سكر يعني مشي خفيف وانتي تتمشي وتتشمسي ✨️ ، المهم بعد ساعة بخلي بنتي تنام وكل صباح بخليها تنام ٩ عشان كل مرة اتذكر ان افضل حل اخليها تنام هالوقت 👏🏻 بدل تطفش كل صباح و توترني بداسة الصباح لعب وفعاليات و ٩ نوم ساعتين او ٣ ساعات وتصحى قريب وجبة الغذاء 🤌🏻✨️العضوة: 2295414 , 5 days ago
✨️ الحمدلله رب العالمين ممتنه ليوم هادئ و مريحالعضوة: 2295414 , 4 days ago
✨️ انسى اذا خلصت من القائمة ارسلها بس عموما ماتخلص كاملة امس الصباح كان " أبيض " الحمدلله العصر " أسود " ازعاج اطفال و طاقة نازله و مهام ماتخلص ، الحمدلله كتاكيتي عجبتهم طبختي بس بنتي متعلمه تصارخ طول اليوم ولازم اشوف حل لان تعبتني مرررة حرفيا طول اليوم تصارخ وماعرف ليش صارت كذا تحب تصارخ هل دلع زايد ولا عصبية زايده !! المهم ان بروح اسوي قائمة اليوم منعا للتشتت وتشمل بالصورة ترتيب سريع للبيت : طوي ، غسل ملابس ، غسل مواعين ، غسل حمامات مكرمين مدري لو الكل نفسي ماعنده سيطرة للمواعين والملابس وكل يوم عندي كومه لازم اشوف حل للموضوع اكثر من مشكلة صراخ بنتي 😂🤌🏻 ، هو عندي اطفال والتبديل باليوم اكثر من مرة وحاليا اعلم الكبار يرتبون ملابسهم بتفسهم وهم دلوعات يقلب الموضوع دراما اذا قلت : يلا ماما وقت ترتيب الغرفة او وقت ترتيب الدولاب 🔥 ايه انا الام الي تكرر محاضراتها مليون مره ولا ينفع 😂العضوة: 2295414 , 3 days ago
✨️ صباح الخير ٢:٥٨ ص قبل ساعة ، صحيت قبل كتكوتاتي ناموا كلهم جنبي اليوم سختت لي بيتزا قطعتين وكوب شاي وشاهدت قناتي المفضلة باليوتيوب و طبخت باستا لهم ، احس اجمل شي بالحياة لما يبدأ يوم الأم برواق 😂😍😍 ، ومطبخي رايق لان منظفته قبل انام وهنا عرفت وش يعني الوحده تصحى مطبخها مافيه مواعين اعتقد بحاول اخليه روتين قبل انام اذا ماكنت مضغوطه 👏🏻العضوة: 2295414 , 3 days ago
✨️ موضوع شكوكي ان انا بوردرلاين انخفضت نسبه كبيرة ، طلع الانسان مايكون حساس وعصبي وحزين الا و ضغوطات المحيط حوله يوم حطيت حدود و خفضت سقف توقعاتي منهم او ماصرت ازعل واعتبهم لافعالهم صرت مرتاحه اكثر لاحظت نفسي هالفترة ماعرف بس من حطيت حدود ، انا الان بالجهه بالون " الابيض " بعيدا عن ضغوطات الامومه المقدور عليها بعيد عن الناس الي تضغطتنا و بعيد عن هرمونات الدورة ، اتمنى دورتي تكون رايقة اكثر وماحد بيخليها رايقة غير روتين صحي رايق و تنظيم يبعد عني التشتت 🤌🏻🤍 _ في تفاصيل حلوة ما اقولها هنا لان نشرتها بالسوشل ميديا ، ابغى اخذ راحتي هنا بالكتابه مابغى احد من الناس الي تعرفني تشوف مدونتي عشان اطلع الي بقلبي براحتي علما اسلوبي احس معروف وسهل انكشف ، ورد اسم وهمي لي ☺️العضوة: 2295414 , 3 days ago
@user-1801396 حبيبتي شكرا جدا على كلامك ماتعرفي كيف وصلتي لي شعور ان انا فعلا قوية وبخير الحمدلله 🤍 ، كأنك تقولي لي كملي انتِ ماشيه صح ، اشوف كلامك رسالة من ربي انا هدأت بعد عاصفة حزن وانكار قوية جدا الحمدلله ربي برد لي قلبي ، يوما ما بكيت مثل طفل صغير قلت يارب ساعدني احتاج تساعدني كنت ابكي واشاهق مثل طفل صغير امه بعدت عنه للأبد و من يومها ربي مسح على قلبي وصار بارد جدا ومشاعري شبه تبلدت مع زوجي كل شي نقدر نسامح الا شعور الغدر والخيانة مالها رجوع ، يمكن نرجعهم بحياتنا لكن بقلوبنا مستحيل صعب جدا اليوم شفت فيديو كليا مختلف عن قصص الازواج لكن لامسح شعور بقلبي شعور يقول : شخص كنت تشوفه كل شي و اهم شي بقدرة قادر تشوفه وجعك و خوفك بعد ماكنت مسلم روحك ورقلبك له شعور غريب وموجع جدا بس لازم نكمل ونعيش و نتعلم درس خفض سقف توقعاتنا بالبشر ، لا احد يقول فلان مايسويها عشان لو سواها ماتوجع كثير لان كانت متوقعه منه 🤌🏻 قرأت كلامك ولامس قلبي تقدري تحذفي اي وقت ممتنه لكلامك 🤍العضوة: 2295414 , 3 days ago
✨️ مزاجي اليوم الحمدلله حاليا بسمع بودكسات محفزة شفت فيديو يتكلم ان الكرتزول هرمون طبيعي يرتفع صباحا ويقل شوي شوي طول اليوم لين ينخفض الليل عشان ينخفض وننام .. بس اذا كان ملخبط ومرتفع بزيادة مو طبيعي و ماعرف تكلمت فوق عنه ! في دكتورة طلعت قالت غلط ننط مثلا عشان الكرتزول لا يرتفع وفي دكتور قال حلو نسوي تمارين حامية صباحا عشان يرتفع وتضبط معانا الساعة البيولوجية ومثلا نتشمس صباحا .. المهم متلخبطة هل نسوي تمارين قاسية ولا مانسوي ! المهم انا بالنسبة لي مشي عادي لمتوسط هو الي يحسن مزاجي احب امشي كثير ان اكلت صحي ولا ما اكلت ابغى انحف ولا مافكر حاليا بكل الاحوال بمشي 👏🏻 يخفف توتري واي تفكير مشوش ..العضوة: 2295414 , 3 days ago
✨️ رحت اشوف مدونتي قبل ٣ سنوات فعلا كيف الاشخاص تتغير كذا وكنت بكايه كثير احس صرت اصلب واقوى الحين ، وكيف لشخص كان مخلص وحنون يتغير كذا للحين قصتي معاه مبهمه وغريبة !العضوة: 2295414 , 3 days ago
✨️ حاليا محتارة وش اسوي تفتحت لي مليون بوابة : قومي شاور ، لا قومي تمرني ، لا قومي اطلعي مع أطفالك ، لا شوفي لك بودكسات .. حاسة السمع حساسه جدا ، نفسي بشي سبايسي او مبهر ولذيذ ، اعتقد قررت اقوم اخذ شاور حاليا وبعد الشاور ارتب جدولي لا اتشتت 😅العضوة: 2295414 , 2 days ago
✨️ نفسي بكبسة لحم ، نفسي بشي يجي لين عندي المهم رز 😂🫷🏻 .. صار لي من الساعة ١ ص صحيت من النوم وكانت بداية موفقه لأول اليوم رواق و لحالي والكل نايم ، بس الحين مدري وش اسوي طاقتس تقول خليك عند التلفزيون و شوفي برنامج وخلاص طبخت باستا الفجر و بعدين سويت الصباح وجبة خفيفة لطيفة للاطفال مناسبة كسناك والحين الساعة وحده ونفسي بكبسة 😁 ياسلام لو كانت سبايسي 😋🤌🏻 هو الحين لو بقوم اطبخ بسوي دجاج لان اللحم يطول 😅