العضوة: 2295414 , 1 day ago

💕 مساء الخير ماكتبت بمدونتي اليوم البته 🥹🤍 اليوم كنت رايقة ولله الحمد طبيعي تنرفز من بعض التصرفات من اطفالنا ونكون صارمين بس كنت اقول لنفسي : طبيعي اذا اي شي بينرفزك كأم بيعكر بقيت اليوم مستحيل تكوني ام سعيدة .. ملاحظه جهازي العصبي مرتاح يوم صار زوجي مايهمني كزوج نرجسي وقيمت جهازي العصبي اليوم ان صرت ام غير متوترة 🥹 مثلا بنتي اليوم جت بكل براءة اخذت صحن صغير وجت لي : ماما نم نم " وطاح من يدها " لاحظت ماشاءالله جهازي العصبي ما انهار بس غمضت عيوني من الصوت وبكل هدوء : تمام ماما شوي ويستوي الأكل اطلعي بشيل الي انكسر ، كنت داخلي اصفق لنفسي 👏🏻👏🏻👏🏻 كنت اعصب واقول اطلعوا كل مانظفت وسختتوااا 😮🤯 ، الان ماحد حولي يقيم ويحاسب الوضع ما زال مع الاطفال فوضوي لكني اكثر هدوء وتفهم ، الطفلة البريئة ماتقصد ! بقول موقف صار من يومين ..

العضوة: 2295414 , 1 day ago

✨️ من يومين زوجي دخل بياخد شاور كنا جالسين بهدوء ومروقين بمجرد دخل صارت حالة نفور مريبة ، بنتي تشيل وتطوي البطانيات الثانية تسأل نرتب ماما او ايش نسوي ؟ انا قمت من مكاني واقول شوي ونشغل الي اتفقنا عليه " اقصد بنتابع تلفزيون مع بعض " بنتي الاولى : ايش نرتب ؟ كنت دايما اراقب دخوله كأب هل بيركضوا له ويحضنونه لكن اشوف جمود بمشاعرهم يدخل ويطلع ولا يتحركون من مكانهم الا نادر وغالبا يسولفون عادي خصوصا الكبيرة ! دايما اتمنى يحس بنفسه ويشوف كيف تغيرت انا عليه وكيف اطفالنا معاه مو خايف يخسرنا ، يخسر عائلة بناها ومفروض تعبان عليها ؟ غريب ..

العضوة: 2295414 , 1 day ago

✨️ اقيم اليوم ١٠/١٠ ختمت يومي بشاور بربحة الافندر بعد ماسويت كبسة دجاج لذيذة بس للامانه شويه مالحة 😂 _ دائما اختاري نفسك وصحتك و اطفالك و اشتغلي على اي شي لصالحك أكل و روتين و ركزي على اي نقص فيك وقويه ناقصك الشجاعة تقولي لا اشتغلي على هالنقطة ناقصك فيتامين دال اخذي مكملات واطلعي بالشمس ، ناقصك فلوس حاربي عشان ماينقصك بطريقة صح ، ناقصك امان ؟ احمي نفسك قد ماتقدري .. لا تتعايشي مع اي نقص تستحقي الكمال 👏🏻 " الكلام لي ولكل من تقرأ " ✨️ كنت بسولف اكثر بس نكتففي لان نعسانة كتبت كلام وحذفته لان مدري وش اخربط من النعس 😂😂😂🫢 ، التقيكم صباحًا بكل حب

العضوة: 2295414 , 23 hours ago

✨️🥹 مساء الخير بالعادة اكتب بعد مايبتدي اول اليوم اقلها بعد ٣ ساعات ، اليوم صار نقاش مع زوجي وسحب طاقتي من اول اليوم 🫢 النقاش ٩٠% لي ، لان على حق بس سحب طاقتي من بداية الصباح حرفيا كان يحاول يقلب الدنيا ان انا الغلط بس خلاص التعامل من النرجسين صار لعبتي 🤣🤌🏻 .. كان يوم مليان تشتت وعشوائي جدا فعلا بداية اليوم مهمه عشان يكون باقي اليوم تمام عموما النرجسين الكلام الكثير يخلي كل شي لصالحهم قللون كلام و ركزون على حدودكم بتشوفونهم صعب يخلوكم المشكلة والسبب حدود ، كلام قليل قد مانقدر ! 🫷🏻 للأسف العلاقة مع نرجسين مو مريحة ولا عفوية لازم نحاذر وننتبه 🥹 انا طبيعتي عفوية واحب اعبر عن مشاعري و احب الحب بس حظي بالدنيا شسوي .. اذا انتي مثلي 🤍 : في مثلنا كثير القوية الي تهتم لنفسها وتكون قوية و نستحق الحب الغير مشروط حب بدون جهد حب سلس ،أطفالنا و اصدقائنا وأهلنا بيعطونا حب مثل كذا بتقولي أهلي مو سند ؟ أسندي نفسك بنفسك ربي موجود اعرف صعب الوحده بس انها افضل من ناس مايقدرونك صح ؟ انبسطي مع اطفالك وكوب قهوتك مع هوايتك او مسلسل تحبيه مع نباتات مع المشي بمكان مليان حياة او اختاري الاصدقاء صح الكوكب كبيييير لا تكوني وحيده و حتى الفضفضة حلوة مع عالم تسمعنا 🌏🌎🌍 انا احب افضفض كثيييير جزء من التشافي عدم كبت المشاعر و نفهم العلاقات و انماط البشر

العضوة: 2295414 , 23 hours ago

✨️ طبعا ما باخلي اليوم كذا طاقته سلبيه 😝🔥 بقوم اسوي لي قائمة مهام و بشيل مواعيني من شوي جربت بلشر موجود بالبليت من شريته واليوم حطيته لي وسويت شعري ومع هايلايت احس الحركة بسيطة لكن فعلا عدلت لي مزاجي 🔥🥹

العضوة: 2295414 , 23 hours ago

✨️ قررت عشان مزاجي يتعدل تكون القائمة فيها اهتمام عالي بنفسي وبحرك طاقتي بتمرن واصلا دورتي قريبه وعشاني شاكه ان انا بوردرلاين بنتبه لصحتي ومزاجي هالفترة عشان لا ادخل بمزاج " أسود " اجيكم هنا أبكي 😅 كنت اذا دخلت حالة فراغ عاطفي اسخن لي مطارة واحضنها مع الدورة تريح كثير اشغل قران سورة الرحمن مريحة جدا احط حدود حتى ما أطفالي اليوم انا احتاج راحه 🫷🏻 أشرب اشياء دافيه تخفف الوجع حتى انا دايما اعتبر المشروبات الدافية مثل حضن 🥹 حاليا انا بخير لكن صابني تشتت عشان بداية صباحي غلط مرة القائمة بتسعفني وتخفف التشتت نسبه كبيرة ويمكن يختفي تماما 🤍

العضوة: 2295414 , 22 hours ago

✨️ قريت شوي من مدونتي من البداية لاحظت ان هديت انا افضل من الاسابيع الي راحت ، بنات أحبكم لانكم تقرون كلامي حتى لو ماشوف ردودكم بس احس لوجودكم 🥹🤍🤍. لاحظت كم شغله و اهم شغله تعدل نومي 😝🔥 ، حديتي الي يمكن تكون ضغوطات حياة فقط كل مالها وتخف يمكن فعلا السبب محيطي وكل مالي اتأكد من هالنقطة 🔺️

العضوة: 2295414 , 22 hours ago

❤️‍🩹 أحس بمرض أمس وانا جايه انام كنت ماخذه شاور و انا ما شغلت المكيف لكن وانا نايمة حسيت بحلقي فتحت عيني حصلت المكيف شغال ماعرف صراحه هو اشتغل لان في مؤقت ولا بنتي شغلته الله اعلم المهم كنت بمرض دخلت بحالة انقاذ الموقف طفيت التكيف ودخلت غرفة مكيفها من امس ماهو شغال وجلست اشرب هناك شاي وفطرت هناك لين حسيت وضعي اوكي شغلت المكيف بس حاليا شغلت المكيف لان جالسة انظف واحس بحتقان الله يستر ما امرض 🫤😅