العضوة: 1476178 , 3 years ago

- اليوم الحمدلله رحت العيادة الي بأذن الله بستقر فيها ولو غيرتها بكتب اكيد هنا 👏🏻 عطوني مواعيد الشهر الجاي تحاليل اعتقد و موعد مع الدكتورة واتوقع سونار مايخلوا موعد بدون سونار 😅 متحمسه لجنس الجنين و ماعرف وقت انسدح بنام احس حركة هل يتخيل لي لو غازات 😩🤣 البطن الثالث مو معقول ماعرف افرق بس الكل يقول الحركة تبتدي في الخامس وانا الثالث هل معقول ياترى؟ اذا الجنين فبسم لله ماشاءالله تبارك الله 🥺❤️ ويمكن غازات مدري 🤣🤣🤰

العضوة: 1476178 , 3 years ago

كل تدويناتي ماشوفها فوق 🥺 اتمنى ما طارت بحزن مرة 😩 مفروض انها ٢٠ تدوينه على الاقل اختفتتت

العضوة: 1455642 , 3 years ago

@user-1476178 لاموجوده قريتها كلها واستمعت وصدق الوحام زاد عليه هههههه

العضوة: 1476178 , 3 years ago

@user-1455642 الحمدلله طمنتيني لان للحين ماشوف التدوينات 😅😅😩

العضوة: 1476178 , 3 years ago

استوعبت متأخر ان تدويناتي موجوده بس اختصرت بأظهار التعليقات معليش فهاوة الوحام والحمل 😂😂😂😩

العضوة: 1476178 , 3 years ago

- أحب القهوة السودة والصفرة العربية و أحب اشرب قهوة بالعموم يقال ان اذا شربنا قهوة كثير الطفل يطلع ابيض 🤣 عموما عايلتنا كل الدرجات اللوان البشرة واهل زوجي حنطيين و اطفالي ماطلعوا مثلنا هل هالمرة بيطلع النونو ابيض نفسنا لو حنطي نفس بيت اهل زوجي " مجرد سؤال عابر براسي" جوابه مايفرق معاي لان بالحالتين كل البشرات حلوة بالنسبة لي بس ابغى اعرف كلام امهاتنا صدق الي تشرب قهوة كثير الي ببطنها يطلع ابيض 😂!

العضوة: 1476178 , 3 years ago

هالفترة احس روحي كله ابغى انام 🤰 وحرفياً امس طول الوقت منسدحة ونايمة اكثر اليوم خممممول مو طبيعي 😩😂 وعندي دوخة براسي اغلب الوقت بعدد وطالع لي ان هالاعراض طبيعية للاسبوع 13 و ١٤ البارحة اطفالي كانوا مع عمتهم وانا جعت بدخل المطبخ اكل لي شي وبس دخلت المطبخ صابني غثيان 🤢 وقررت ارجع انام بجوعي 😩😂 الحمدلله انهم طالعين عني يغيروا جو لو موجودين ماقدرت اسوي لهم شي ياكلوه 😢 الحمدلله عرفت اخفف اليوم هالشعور و غليت قهوة على النار والمطبخ صار ريحته قهوة و ماجاني غثيان ❤️👌

العضوة: 1476178 , 3 years ago

_ اكلت شاورما البارحة و ندمت رغم ان نفسي فيها من صحيت من النوم و قلبت معدتي قلب و نمت نومة تعب نصيحة الي تتوحم انتبهي من الشاورما الميانة ثوم 🤣 حتى فترة الحمل كامل " البصلزوالمقالي والثوم" يتعب الحامل هل بتوب؟ نفسي اطلب لي شاورما الليلة 😂. بس بحترم التعب الي مريت فيه البارحة و مابطلب

العضوة: 1476178 , 3 years ago

_ اليوم يوم الام المفروسة المهروسة عناد اطفالي لفل عالي اليوم و صوتي واصل لسابع جار 🤣😩😩😩 مو نافع شي ماعرف شفيهم وتعبت ابغى انسدح واناااااام ياذوب بعشيهم بخليهم يبدلوا ويفرشوا ويناموا لان تعبت مرة 🥺🥺🥺 ماعرف لو الم الظهر و اسفل البطن شي طبيعي لو يحتاج راحه بس اليوم كان مجهد الله يعين ويتمم حملي ❤️ " مستوى الالم بسيط مو عالي عشان كذا مابكلم الدكتورة على دلع" 😅

العضوة: 1476178 , 3 years ago

هاليومين لفل الفهاوة عالي بعد من كم يوم خليت الرز بالمكرويف وتذكرته بعد ٢٤ ساعة وامس طلعت لحم بسوي باميا بالحم وماتذكرت اللحم غير يوم ثاني 😩😩 و حاليا ابغى اتذكر قفلت حنفية الماي ولا شغال صار له ٣ ساعات؟ 🤣🤰

العضوة: 1476178 , 3 years ago

اسبوع 13 🤰.. اليوم انفتحت نفسي للحياة شوي و ساحبة على السناب و البرامج بس هنا متربعة افضفض عن وحامي 🤣 و صورت لي تصوير امهات صورت اكلي لخواتي وجوي 😂😂 عندي حالياً الم ظهر ان شاءالله خير يمكن بدلت جهد وماحسيت على نفسي و حالياً منسدحة يارب يخف الالم + اليوم دراما مررة بس اشوف فلوقات ولادة باليوتيوب و وحمل و ابكي واتأثر 🥺🤣 هرمونات الحمل 😂😂 فلوقات الولادة مانصح البكريات تشوفها يمكن تخاف بس عن نفسي كل فلوق اشوفه استفيد منه شي 👇🏻

العضوة: 1476178 , 3 years ago

مثلا فلوق كانت رايحة تولد طبيعي و مر ١٤ ساعة وماولدت ودخلت عملية فلوق ثاني كانت بتولد طبيعي و الحمل وصل لنهاية التاسع وقرروا عملية و الي استفدت منه ان مافكر كثير الي يجي من رب العالمين حلو المهم السهالة و ان اولد نونو بصحة وعافية يارب يتمم لي حملي و يسهل ولادتي و اولد طبيعي بصحة وعافية انا و الي ببطني وكل الي قالوا امين ❤️

العضوة: 1476178 , 3 years ago

توترت شوي من الالم الي بظهري ربي يتمم اسابيع حملي يارب استودعت الي ببطني رب العالمين 🥺❤️ ماعرف يمكن اشتغلت في البيت و ورا الاطفال بزيادة اليوم!

العضوة: 1476178 , 3 years ago

كنت اعتقد اسبوع ١٣ من شهر ٣ بس الحاسبة طالع لي اسبوع ١٣ شهر ٤ اليوم ماشاءالله مزاجي رايق وعندي شوية نشاط ماشاءالله وطالع لي بالحاسبة ان من ضمن هالشهر الوحدة نفسيتها ونشاطها يكون افضل 😍👏🏻 حالياً متربعة على الكنبة بعد شغل وطبخ بكل حب بس جاني الم بظهري و ببطني وقررت ارتاح شوي 🤰❤️ هاليومين اشوف فلوقات ولادة و مشاعري جداً عالية مع كل فيديو لازم دموع الفرح مع الام الي تولد 😂😩 وحاليا اتابع فلوقات اجانب و احسها واقعية اكثر وفيها تفاصيل اكثر تعيشي معاها كل اللحظات وكنك مكانها عشان كذا ما انصح البكريات ابداً تشوف فلوقات كذا لان يمكن تخاف بحملي الاول مباشر بعد ماشفت فلوقات جتني ولادة من الخوف 🤣🤣 حاليا لا خلاص هذا حملي الثالث عشان كذا مافي تأثير مع الفيديوهات 😅 يمكن لو وصلت التاسع بخاف لحظة الجد 🤣

العضوة: 1476178 , 3 years ago

_ عندي كحة و زاعجتني يمكن بسبب صايرة احتر في الليل واشغل المكيف لكن الي بالغرفة الثانية وصارت عندي كحة 😩 رحت بحثت قريت الطحينية كويسة للكحة بجربها بكرة الحين بسوي لي ماي دافي وعسل 🥺❤️ يارب ماتستمر الكحة مو كويسة للحامل 😩