العضوة: 1476178 , 3 years ago

- خليت زوجي يدلك ظهري بس احس مايفيد ابداً 🙄💔

العضوة: 1476178 , 3 years ago

- الشغلات الي ضبطت وياي طلعتي بس للحين مو عارفة وش احتاج عشان اقفل شنطتي للحين شبة فاضية شكلي بغير الشنطة وبستخدم شنطة اصغر.. استغرب من الي باليوتيوب يروحوا المستشفى بشنطتين كبار وانا شنطة عند اهلي مو عارفة اعبيها 😂😂

العضوة: 1476178 , 3 years ago

لحد الآن ماعرف وش بحط بالشنطة حالياً لان بروح بس أسبوع تقريباً حطيت لي ملابس مريحة وبجامات للبيت وعشان ظروف مابستقبل احد هالاسبوع وبكذا ماحتاج ازود ملابس للاستقبال حدي ملابس مريحة مناسبة لي.. حطيت ملابس النونو كم قطعة لحد الانفوط صحية و وربطات شعر و استشوار هذا الي للحين حطيته الي متأكدة باضيفة بعدين " شاور جل - شامبو - اغراض الاستحمام و غسول البشرة و الكريم ومرطب شفايف وشوي ميك اب" واغراض البيبي يجيبهم ابوها بس اولد يروح يشتريهم " كريم الحفاض وحفاضات و كريم جسم واغراض الاستحمام وفوطه للشاور" هذا الي للحين في بالي اذا في شي مهم نسيته شاركيني 🥺🤍

العضوة: 1476178 , 3 years ago

- من شوي تخذرت رجولي اليسار هالشي مو جديد دايماً يتكرر خصوصاً لما اجلس على كرسي المطبخ لان مو مرة مريح - ماعرف لو كان عندي هبوط ضغط بس كان مثل الي بدوخ و نبض قلبي بطيئ " بس اكلت خف الشعورر مرة واكلت لي مخلل خيار ٣ حبات بعد" - مزاجي حلو لحد الان ولله الحمد 💕

العضوة: 1476178 , 3 years ago

- 🛑🔥 الم بظهري مثل الطلق البارد بس بالظهر من تحت 😅😩 ماهو واصل بقوة للبطن يكون من الجوانب بس وخفيف عند البطن بس الظهر واضح " بس ماعرف وش هذا" 9:22 م الجمعة

العضوة: 676477 , 3 years ago

الله يهوون عليتس ويسهل ولادتس

العضوة: 1476178 , 3 years ago

حبيبتي والله، اللهم امين 🤍

العضوة: 1476178 , 3 years ago

- اليوم جداً عادي وماقول لكم عن الم ظهري لان الواضح والواضح جداً ان بيستمر معاي لين اولد 😂🤝🏻 - اليوم اول ماصحيت ماحسيت حركة للنونو بسم لله عليها وانشغل بالي بس أكلت وجبتي الاولى و جلست صرت احس بحركتها - حسيت بهبوط بضغطي زايد عن اللزوم وبعد مجرد اكلت وجبتي الاولى شبه خف - كان عبارة عن الطاقة يادوبك 👌🏻 و خفقان بطيء بقلبي مع وجبتي اكلت مخلل خيار واتوقع ضبط لي ضغطي! وصار موقف عائلي رفع لي ضغطي شوي حسن لي الضغط 😂😂😂😩😩😩 وروقت وسبحت كتكوتاتي بس دماغي مركز على الم ظهري و ايش ابغى اكل بالوجبة الثانية لان مابغى اطول اكثر من كذا ويجيني هبوط مرة ثانية 🙂 اعتقد السكر والضغط لازم يكون في وجبات صغيرة بين الوجبات الرئيسية عشان لا السكر ولا الضغط ينزل 🙄

العضوة: 1476178 , 3 years ago

- انا الحين 35 و 5 أيام بس اشوف نفسي 36 و يوم بكثر رطب 💪🏻 انا ابتديت من الاربعاء اكل لي ٣ حبات الخميس اكلت 5 حبات واليوم اكلت 3 حبات قريت ان الرطب يساعد على تحريض الطلق عشان كذا مع الايام بكثرر منه 😅 بس تجيني ولادة بالطريق بآكل لي رطب وتمر بعد 👏🏻🤣 الحمدلله دام مطمنه السكر تمامم يعني عادي لو سويت كذا ان مافاد يعطيني طاقة وقت الولادة اذا المعلومة صحتها من ولا بد اعطوني خبر 😅

العضوة: 1476178 , 3 years ago

- ماعرف كم صار لي ماستخدمت الكورة و ماتحركت كثير اتوقع يوم قربت صرت كسلانة 🙄💔 اليوم بستخدم الكورة و بمشي لي نص ساعة انا نزلت وركبت الدرج مرتين ودرجنا يعتبر مو هين بس احتاج الكورة اريح فيها حوضي وظهري لان تخفف الالم عنيي مرة 😩🤍 " احتاج اجمع افكاري عشان اكتبها" 😅 بس عندي اعتقاد الرياضة الخفيفة تخلينا اقوى وقت الولادة عكس لما تكوني كسلانة وخاملة تخيلوا مثلا بنت تتمرن وجسمها رياضي وبنت عضلاتها خاملة وماتروح جم وقالوا لهم دفوا طاولة ثقيلة شوي؟ الي تتمرن بتقدر تدف الطاولة لكن الي ماتتمرن بتحس الموضوع صعب ويحتاج جهد 👏🏻👏🏻👏🏻👏🏻 ياسلام ياسلام علي والله 🤣💪🏻 عشان كذا بقوم اقرفص وامشي لكن مابجهد عضلاتي اكيد بس بحمسها للولادة بسلام بأذن الله

العضوة: 1539475 , 3 years ago

@user-1476178 اذا كان البحر قريب منكم روحي تمشي على الشط والله بترتاحين

العضوة: 1476178 , 3 years ago

@user-1539475 المشكلة الجو مرة حار عندنا وانا ماتحمل الحر طول يومي اشغل المكيف واخليه بارد بعد، انا بدون حمل ماتحمل حر كيف وانا حامل 😅😩 درجة الحرارة توصل عندنا 47

العضوة: 1539475 , 3 years ago

@user-1476178 والله معك حق الحرارة مرتفعة جدا جدا،،،،لازم كل يوم تقعدي بحوض ماء ساخن بيفتح الرحم،،،تابعي قناة القابلة حسناء هي سعودية والله بتساعدك كثيييير👍

العضوة: 1476178 , 3 years ago

@user-1539475 حبيبتي شكراً بس الليلة بس يناموا الكتاكيت بدخل قناة القابلة حسناء مرة شكراً على الافاده 🤍🤍🥺

العضوة: 1539475 , 3 years ago

@user-1476178 العفو حياتي والله يقومك بالسلامة انتي وللبيبي🌹🌹💝