العضوة: 1476178 , 3 years ago

الخميس ٢٧ يوليو ١١ الظهر سويت ايكو عشان صمامي " دخلوني تنويم عشان هالموضوع اساساً" و هنا مررة تعبوني كنت مسدوحة ساعة على نفس الوضعية و يكتموا نفسي اخذي نفس اكتمي نفس و وصرت احس بتقلصات يمكن خلال هالساعة جتني ٥ - ٦ تقلصات مؤلمة ومتعبة 🙄🤝🏻 و رجعت الغرفة تغذيت و جت النيرس تبغى تاخذ السكر قالت اوووه لازم مايكون ماكل مدام ☹️ قلت لها اكلت شسوي وقتها انا تعبانة وجوعانة و ابغى انام و وقلت باكل اخذ طاقة لو تجيني ولادة يكون عندي باور 😅👏🏻 ونمممممت ماحسيت للي حولي لو مازوجي اتصل وخرب نومتي الحلوة 😂🤝🏻 بعدها حطوا لي جهاز الطلق وكان في طلق غير منتظم ودخلت الحمام في افرازات مخاطية شوي لكن ماقلت لهم لان ماحس شي جديد ومستاهل اقول لهم عنه واخاف اقول يكشفوا لي عن توسع الرحم و ابغى الامور كذا سهالات بدون كشف ورعب متكرر لان تألمت 🤡😂

العضوة: 1476178 , 3 years ago

الجمعة 28 يوليو ماكان في شي جديد ابداً التخطيط فيه ٣ تقلصات غير منتظمة يعني مافي بوادر لولادة.. ١٢ الظهر اخذوا مني مسحة من تحت وقالوا لي عشان وقت الولادة تكون امورك تمام و خلاص خروج 👏🏻🤝🏻 كان الوضع بالنسبة لي استجمام 😂 الحمدلله مافي غير جهاز السكر الي جننوني فيه وسكري تمام الحمدلله و جهاز الطلق طول هالفترة اكثر شي.. كان نفسي تجيني ولادة واخلص الموضوع مرة وحده لكن مافي نصيب 🐥😂 كل شي بوقته حلووو. - ٣ ونص رحت وقت خروج و شلت اغراضي ولبست ملابسي وشلت ملابس المستشفى استفدت من وجودي هناك على موضوع وش احتاج اخذ معاي ووش ما اخذ لان فعلياً اغلب الامور مو متوفرة حتى سلبر المستشفى مو متوفر وخلص حالياً في بيتي ومافي اي بوادر للولادة غير الضغط من تحت والطلق الغير منتظم وشكراً مرة ثانية على السؤال 🥺🤍🤍🤍

العضوة: 1082514 , 3 years ago

بيني وبينك ٤ ايام وتوقعت انك ولدتي وانا عم اقرا مدونتك كنت عم قول قرب دوري معناها بس بالاخير لسا ما ولدتي ربي ييسر لنا جميع ويرزقنا ساعة سهلة مباركة ونولد بخير وسلامة يلا خربنا عليك المدونة بس معلش ماضل الا القليل ونفرح بولادة احدانا ,🥳

العضوة: 580070 , 3 years ago

الحمد لله على سلامتك والله انشغلت عليك لاكن ماقدرت اعلقلك لانه البنات مشاء الله كفو ووفو وان شاء الله ماتشوفي شر، 🤍

العضوة: 1393826 , 3 years ago

@user-1476178 حلو االاكشن اللي سويتوه😂😂😂 الله ييسر لك ماتبقى

العضوة: 1406578 , 3 years ago

@user-1476178 الحمدالله ع السلامة والله يسهل عليكي الاستجمام الثاني ترجعين انتي والنونو😃😃

العضوة: 205468 , 3 years ago

حمدلله على السلامه.. فقدنا تدويناتك اختي انا كنت كل يوم افتح واشوف دخلتي ولا لا نحن بينا اسبوع. ربي يسهل علينا يارب

العضوة: 1476178 , 3 years ago

^ الله يسلمكم ويسهل علينا جميعاً 🤍🥺 طالعه لي هالمشكلة يعني مربوط برقم جوالي مايكفي؟ 😐😩

العضوة: 1476178 , 3 years ago

- أسبوع 36 و 5 أيام اكتشفت سرير المستشفى مريح الله يعطينا الصحة والعافية والله كنت ارفع السرير مستوى حلو قبل انام يكون ظهري مفرود و راسي مرتفع وكذا اصحى ماعندي لا الم ظهر ولا رقبة اما هنا سريري احط مخذتين و وظهري يألمني 🥺 وغير الحر لان اصحى من النوم المكيفات مو شغالة الي بالمطبخ والصالة ويكون الجووو حااااار عكس المستشفى شغال 24 ساعة مايدخل لنا حر الجو الخارجي 😂💔 يارببببببي الجو متعب مع الحمل ربي يسهلها 🥺 - طبعاً قمت من النوم وانا متكسرة تكسير غير كتاكيتي الي طلعت روحي عشان اقنعهم يناموا 😂😩

العضوة: 1476178 , 3 years ago

- اليوم مزاجي مو ورايق ابداً او ان كان عندي انخفاض او ارتفاع بشي ضغط او سكرر حمل ماعرف ماقدر احدد حملي هذا ضغطي كله نازل فصلت على زوجي وخليته يكره الحياة 🤡👌🏻.. وكنت مرررة تعبانة وكنت متنرفزة عليه بدون سبب ورحت آكل وكنت اكل وانا ارتجف مرة غريب وبعدها رحت نمت لي شوي وانا تعبببببانة نومة تعب بختصار ابغى اهدى كلمة ولا حركة يمكن انفجررر حدي وبدون سبب مابغى اسمع صوت شي الحمدلله حصل لي فرصة ارتاح وكتكوتاتي انشغلوا عني في اللعب 🥺🤝🏻

العضوة: 1476178 , 3 years ago

— اتذكر بولادتي ببنتي الاولى كنت كذا مزاجي مقفل مررة ومشاعري متلخبطة و ودموعي تنزل و عندي نشاط وولدت الفجر هل ياترى هذي اعراض ولادة لان نفس الشي بالضبط 😂😂😂. اتخيل نفسي من اعراض ولادتي ان اصير نفسية وام دميعة 🙄😂 - قفلت شنطتي وشنطة النونو خلاص تأكدت من كل شي و جهزت شنطة الي بروح فيها بيت اهلي الشغلات الي بحطها بنفس اليوم بكتبها و برسلها للي بيجهزها والي تكون حزة الحززه و اخذت شاور دافي من شوي كانت تجيني انقباضات غير منتظمة نفس الي بالمستشفى واحس لان مزاجي معفوس ومعصبة و ياروحي الي بكروشتي احس منزعجة من نفسيتي آسفة ياروح الماما 🥺💕💕💕💕..

العضوة: 1476178 , 3 years ago

- على فكرة سؤالكم عني واشغالكم علي بقلبيييي للي كتبوا لما كنت بالمستشفى كنت سعيدة جداً يوم قريت كلامكم قلوب من هنا لبيوتكم 🥺😂💕💕

العضوة: 1476178 , 3 years ago

دخلت أسبوع 36 و 6 أيام - عندي انقباضات خفيفة من تحت غير منتظمة - عندي مثل القرطعة من تحت من ٣ ايام " قريت ان هذا الرحم يستعد للتوسع"

العضوة: 1476178 , 3 years ago

- دخلتي المستشفى استفدت من وش اخذ معاي ورحت حطيت الي بحتاجهم هناك سلبر مثلا كنت متوقعة يوفرونه و اخذت وياي شاور جل ماعجبني الي عندهم وماعندهم شامبو او هو نفسه للجسم والشعر الله اعلم ريحته دواء ومطهر 😅 و معقم بخاخ لان الحمام مشترك وانا وسواسيه كنت اخذ معاي شوي معقم وامسح فيه المرحاض تكرمون احس البخاخ افضل وارش مويه بعده ويمكن بعدها امسح بمعقم للتأكيد 🤣 الحمدلله كانوا يوفروا ماي دافي وهالشي حلوو مرة لان بردت هناك واحتجت شاي والشاي يتوفر الصباح يجيبوه لنا بدون ماي حار واحنا نطلبه الشغلات الي تورطت فيها لان ماكنت مستعده ادخل هناك : السلبر و الملابس الداخليه بعدها طلبت من زوجي يشيل لي ملابس وماحس عرفت يجيب الي احتاجه 🤡😂 عشان كذا جهزت وتأكدت من شنطتي هالمرة

العضوة: 1476178 , 3 years ago

رحت سألت المستشار الذكي وطلع صدق من اعراض الولادة 😂😂😂🤡