السلام عليكم بنات ..
حبايبي بحكي لكم قصة حياتي و اتمنى منكم تفهموني و تفهموني
تزوجت زواج تقليدي و رغم مشاكل حبينا بعد تزوجت و طلقني الأولى بنفس سنة الزواج و انا كنت حامل و طلقني الثانيه ب ثاني سنة زواج و الاخيره قبل كم يوم 💔💔💔💔💔
و خلاص ما نحل لبعض 💔💔 لا بزواجي لزوج ثاني ثم طلاقي منه
و سبب طلاقي كثر تدخل الاهل و للأسف عطيناهم فرصه للتدخل
بس حبيت منكم تخبروني و تشجعوني
وعندي طفلين منه ما كاسريني إلا هم ادري تأخر الوقت بس والله قلت له لا تطلق بس ما سمعني و زل لسانه 💔💔
شجعوني بنات منو خبروني عن قصص اذا في حريم رجعت تزوجت و تطلقت مره ثانيه و رجعت لزوجها لأول وايد مكسوره
العضوة: 1034158 , 4 years ago
@user-1129821 اتركيه وعيشي حياتك لنفسك حتى اذا تزوجتي واحد ثاني لاتفكري ترجعي له خالص ربي عيالك واهم شي تتزوجي شخص يقبل اولادك ك أب لهم واذا انتي حابه اولادك يروحو ل ابوهم وتتزوجي هذا الشي راجع لك الله ييسر امرك ويختار لك الخيرة الطيبهالعضوة: 1034158 , 4 years ago
الشخص لمن يكون الطلاق على لسانه ماينفع يكون زوج انتبهي ترجعي له اذا تزوجتي غيره لانه بيعيدها مرة ثانيه ونفس الموالالعضوة: 1151804 , 4 years ago
مع الاخت والله يعينك ويقويك على تربية العيال واذا تزوجتي لاتفكرين في الاول لو انه متمسك ماصار الطلاق سهل عنده .العضوة: 1034158 , 4 years ago
بالنسبه ل اولادك ابوهم هو اللي ظلمهم بتصرفه هذا تصرفه ماهو عاقل ومايفكر انه فيه اطفال يحتاجو للأم وللأب جنب بعض حسبنا الله على الاباء اللي كذا ماعندهم ضمير ولا احساس واللي يتعبون هم الاطفال مالهم ذنب بأي شي بس انتي اضمني كرامتك اهم شي من انك تذلي نفسك له علشان اولادك لا لاتطلب نفسك دامهو مافيه خير كذا ل اولاده اولا. يقولون اللي مافيه خير للناس مافيه خير ل اهله فالافضل اتركيه وتقربي لله يعوضك خير ويرزقك زوج صالح خيرا منه يكون فيه الخير لك ول اولادك واذا يبغي اولاده اعطيهم له في حالة انتي ترغبي ترتبطي بواحد ثاني فيه ناس يوافقو يتركون اولادهم في حاله الام تزوجت شخص ثاني وفيه ناس مايرضون على اولادهم يعيشون مع شخص غريب اذا الام تزوجت فيأخذو اولادهم وذي الحاله الام لها الخيار اما انها تتزوج او تترك فكره الزواج وتربي عيالهاالعضوة: 1129821 , 4 years ago
مشكورين حبايبي بس فعلن مقهوره حيل على عيالي و هم صغار محتاجين ام و اب 💔💔💔 كل ما اشوفهم انكسر انا راضيه بما كتبه الله لي ... أبين للناس اني حيل مستانسه على طلاقي و انا بداخلي هم و كله صياح على الصغارالعضوة: 203784 , 4 years ago
ولسا ناوية ترجعيله واحد طلقك من اول سنج زواج وانتي حامل وكل يوم يطلق لحد ماصرتي ماتحليلو يعني بايعك ومافي اسهل من الطلاق عنده وتفكري فيه؟ حبيبتي اولادك افضل َاحسن لهم انهم مايتربون عند هذا الاب تخيلي يعيشون حياتهم ويشوفون ابوهم يسوي مشاكل مع امهم وكل يوم طلاق وكل يوم زعل هذي مو حياة مستقرة ولا بيئة مناسبة لتربية الاطفال بالعكس الانفصال لمصلحتهم فكري فيهم وبنفسك فقط وانسي اللي باعك خلي كرامتك فوق كل شي لاتصيري ضعيفة خلاص هو تركك واذا تتزوجين مرة ثانية لاتنويها بنية الطلاق علشان ترجعيله لان مايجوز تزوجي زواج حقيقي يمكن يكون افضل بمليون مرة من هذا اللي مستغني عنك وعن اولادهالعضوة: 1034158 , 4 years ago
انا اقول الافضل لك لاترجعي له لان الكلمه سهله بالنسبه له ماتفرق عنده وانصح اي وحده لاتتزوج شخص طلق من قبل لانه بيطلق كمان اللي تزوجها تكون عنده سهله الكلمه الناس الي يكونون كذا يبغالهم تربايه تربيهم صح حتى يعو ويفهمو انه هذا الشي ماهو لعب العقوبه فرض مهر كامل مكمل في حالة الطلاق المرة الاولى وكمان ماترجع له بسهوله لازم تخليه معاقب اقل شي شهر او شهرين معاقب وخلال هالمده يجهز لها اللي تبغاه هيا من مهر وحفله يسويها لها حتى اذا بسيطه على قد ظروفه حتى لايعيد الكلمه مرة ثانيهالعضوة: 321132 , 4 years ago
هذا مو شخص مسؤول لو كل ماصار مشكل يصير طلاق ماضل زوجين مزوجين يعني حتى لو رجعتي له رح يطلقك مرة رابعة فالاحسن فكك منهالعضوة: 1129821 , 4 years ago
فديتكم والله صح ما اعرفكم بس رفعتو معنوياتي ❤💔 شكلي كل ما ابي اتشجع لازم ادخل اقرا تعليقاتكمالعضوة: 321132 , 4 years ago
🌸وعسى ان تكرهوا شيئًا و هو خيرٌلكم و عسى ان تحبوا شيئا و هو شر لكم و الله يعلم و انتم لا تعلمون🌸 صدق الله العظيمالعضوة: 148935 , 4 years ago
الله يرزقك بالي يستاهلك ويقدرك خلاص انسي هالشخص عدي انك ماتزوجتي والأطفال مو ضارهم ان شاءالله وانتِ بإذن قدها وقدود اهم شي عوضيهم عن ابوهم امسكي مكانه وماهو ضارهم شي بإذن الله واذا ابوك موجود فمراح يقصر معهم الله يحفظه وهم مراح يحسون بحاجتهم لابوهم لان جدهم ماخذ مكانه والله الله بالتربية الطيبة الي تقربهم لرب العالمين عرفيهم بالله من صغرهم وبإذن الله بتعيشين مرتاحة ومراح يتعبونك باقي العمر♥️♥️ الحمدلله الطلاق ماينهي حياتك ، قبل يتزوجك كنتِ عايشة بدونه ، يعني ماتحتاجينه حتى تكملين حياتك مادام حرم عليك الآن تحريم نهائي ، خلك قوية وانسيه كأنك ماتزوجتي واسعدي نفسك واولادك وهو بالمحكمة عليه انه يصرف على اولادك فارتاحي❤⚘العضوة: 992031 , 4 years ago
الحين همك تتزوجين وتتطلقين عشان ترجعين له 🤨🤔 تدخل الاهل ما يعتبر عذر له هو مب طفل عشان يمسكون لسانه ويقولوله يالله طلقها ويقوم يطلق سلامات واذا رجعتي له؟! بتقعدون ع نفس الموال يطلق ويرد وبعدين يالله دوروا حد غيره يحللكم لبعض عيالك ما ناقصين شيء ابوهم حي وامهم حيه ويقدرون يعيشون بينكم ارتاحي وربي اطفالك واللي ربي كاتب فيه الخير لك بيصير خلاص زوجك انسيه وعيشي حياتك وادعي ربك بالعوض الجميلالعضوة: 1184957 , 4 years ago
أول شي نسأل الله يعوضك خير ثاني شي انتي لازم تواجهي نصيبك وتقتنعي إن الحب مش كافي ليصير زواج ناجح ويستمر لازم يكون فيه إحساس بالمسؤولية الله شبه عقد الزواج بالميثاق الغليظ الي ما ينقطع بسهولة ولا تهزه اي ريح. الانسان الي ف غضون 3سنوات يطلق 3 مرات انسان مستهتر وما يعرف شن يطلع من لسانه واياك تلتمسيله الاعذار الي يبي زواج يستمر حتي لو عصبتيه وغلطتي مستحيل يزل لسانه بهذه السهولة حتي لو تزوجتي ورجعتي رح يرجع يطلقك لانه ما يعرف قيمتك انتي قدام حل واحد اوقفي امام تفسك وواجهيها هذا مصيرك هذا نصيبك اعتبيره مات وانتي صرتي ارملة التفتي لأطفالك وإياك إياك يضيعو مثل ما ضاعت حياتك زوجيه الحياة ماتوقف ع شخص اوقفي انتي بوجه الحياة اشغلي نفسك حاولي تستقلي ماديا ونفسيا لا ترهقي نفسك بكثر التفكير والندم هذا نصيبك واحمدي الله شوفي الي مقعدة والي ماتزوجت والي ما خلفت والي مات زوجها كل انسان بيعاني وفيه ما يكفيه لا تحسسي نفسك انك ضحيه وان حياتك انتهت لا هذي بداية الحياة وبداية مشوار اطفالك ربيهم صح علميهم صح استثمري كل قدراتك فيهم حتشوفيهم احسن ناس وهو يوم عن يوم حيندم حتي لو تزوج من جديد حيفشل زواجه للأسف💔💔 دعواتي ليك الله يعينك ام عزيرالعضوة: 1129821 , 4 years ago
حبايبي والله ❤ الف شكر لكمالعضوة: 222469 , 4 years ago
الله يجبر قلبك ويعوضك خير .. اطفالك مهما انفصلتوا اتفقي معه ما يتضررون ولا لهم علاقه بمشاكلكم .. و بالنسبة للرجوع انتي ادعي الله ان يخلف لك خير منها والله اللي يختار لكن الان طلاق بائن ما يجوز لك الرجعه ، فلاترهقي نفسك بالعودة عشان ماياكلك الهم